Pɔ̀n Chɛ̀ Maɛ To-a La 3:5 - Ku̍o̍ Delee 1999

⁵ Wɛ̀ ɔ̍ gbèɛ̀ɛ̍n u̍h ja̍ i̍, jɛ nɛ̀ ɔ̍ gbǎ jlu̍h-u. Sɔ nɛ̀ dɛ̍ u̍h nu̍-a dlǔ ku̍-ɛ, ɛ̍ po̍ ɔ̍ kà di̍i̍. Wɛ̀ ɔ̍ la̍a̍ dě jɔ̍gbau we̍, “Slɛ̌ɛ àn kɔba i̍.” Wɛ̀ ɔ̍ slɛ̌ɛ ɛ̍ i̍, iě ɔ̍ kɔba nmɔ jii̍ dode̍.

Pɔ̀n Chɛ̀ Maɛ To-a La 3:5 Iomraidhean Croise

Matio 12:13

Iě ɔ̍ la̍a̍ dě jɔ̍gbau laa̍ we̍, “Slɛ̌ɛ àn kɔba i̍.” Wɛ̀ ɔ̍ slɛ̌ɛ ɛ̍ i̍, iě ɔ̍ kɔba nmɔ jii̍ dode̍, wɛ̀ ɛ̍ ke jɛ sie-a dǒ de̍-ɛ wɔ̀ɛ.

Pɔ̀n Chɛ̀ Maɛ To-a La 3:4

Wɛ̀ Jusu tèle u̍h i̍, ɔ̍ la̍a̍, “Ɛ̍ slɛ̌ i̍ dě à telě di̍i̍ à iě dɛ̍ chɛ̀ nu̍ dǒ wlè-weɛ̍ di̍i̍ ɛɛ, àe̍e̍ ɛ̍ slɛ̌ i̍ à iě dɛ̍ sɔ̀n nu̍ ae? À iě nyɔ̍ pǔh-i ɛɛ, àe̍e̍ à iě nyɔ̍-ɔ gbɔ̀lɔ ae?” Jɛ u̍h-a nyɔ̍ se̍ fuɛn nu̍.

Pɔ̀n Chɛ̀ Luu To-a La 13:15

Wɛ̀ Joi sà ɔ̍ wlu̍ pɔ̀n we̍. Ɔ̍ la̍a̍, “Mɔ̀ɔ̍ mɛɔ sɔɔ̌n wɔ̍ɔ̍n nɛ nyɔ̍ la, mɔ̀-a nyɔ̍-ɔ se̍a ɔ̍ bli àe̍e̍ soo̍pà-a dbǔ pɔ̀ni dǒ wlè-weɛ̍ di̍i̍ wɛ̀ ɔ̍-ɔ se̍a ɛ̍ nǐ nǎ la̍ gba̍ ae?

Pɔ̀n Chɛ̀ Luu To-a La 17:14

Jusu jě-a u̍h-ɛ, iě ɔ̍ la̍a̍ dě u̍h we̍, “Mɔ̀ mu̍ mɔ̀ iě mɔ̀-a chɛ̀ Nyɔsoa-a slaǎ sà nyɔ̍ i̍ to.” U̍h nɛ dǒ mu̍ la̍ sǔh wɛ̀ u̍h-a ku̍ fɛ̍nɛ.

Pɔ̀n Chɛ̀ Luu To-a La 6:10

Wɛ̀ Jusu gbèɛ̀ɛ̍n u̍h kli̍hgbɛ̍ ja̍i̍. Iě ɔ̍ la̍a̍ dě jɔ̍gbau laa̍ we̍, “Slɛ̌-ɛ àn kɔba i̍.” Wɛ̀ ɔ̍ slɛ̌-ɛ ɛ̍ i̍, iě ɔ̍ kɔba nmɔ jii̍ dode̍.

Chɔɔn 9:7

Iě ɔ̍ sèàɛ̍ ɔ̍ wlùh ɔ̍ iě jua̍a̍ i̍ dle la̍ mu̍ dǒ dle-wloo kɔn nynɛ̌ nu̍-a Sailowɔun-ɛ kɛ̍n. (Nynɛ̌ la ɛ̍ gbɔ̀ nu̍ Dbo̍.) Iě jɔ̍gbau mu̍ ɔ̍ dle jua̍a̍ i̍. Ɔ̍ ji̍-a de̍-ɛ, nɛ̀ ɔ̍ jě la̍ i̍.

Wloma 11:25

Ǐn de̍di̍i̍ᵻ, mɔ̀ bɔ̌ ka nu̍ mɔ̀ blě flɔ̍nwlùh kli̍hgbɛ̍ wɛ̀. Ǎn pɔ̀n mɔ̀ iě tìh-a taǐn ɛ̀ sìle-a juo. Ɛ̍ se̍ Eslɔɛ nyɔ̍ kli̍hgbɛ̍ ùh se̍ dlǔ ku̍. Jɛ kǎ ɛ̍ mu̍ nɛ ke̍ te̍e̍ wɛ̀ ùh se̍-a Juu nyɔ̍ ùh Nyɔsoa tba̍-a chèɛ̀-ɛ, wɛ̀ u̍h iě ɔ̍ we̍ ji̍.

2 Kɔwlɛntiɔn 3:14

Jɛ u̍h-a wlùh-u wɔ̌n dɛ̍-ɛ i̍. Sèàn-a chɛ̀ jliɛ̍-a taǐn laa̍ ɛ̍ ka̍n-ɛ u̍h-a wlùh kɛ̍n ke̍ pò u̍h ja Mose-a telě chlǐh-dɛ̍ᵻ slè-ɛ. Dɛ̍nu̍ɛ, Klai nɛ due bo ɔ̀ sà ɛ̍ dǒ nyɔ̍ jua̍i̍.

Ɛfɛsɔ 4:18

U̍h-a wlùh gbe kɛ̍n i̍ dǒ dɛ̍ɛ̍ i̍ wɔ̌n la̍-a, sɔ u̍h nɛ-ɛ fɔ̌ i̍ dǒ kmɔ̌ Nyɔsoa nyǐ-a àɔ̀-ɛ we̍. Dɛ̍nu̍ɛ, u̍h-a se̍ dɛ̍ jlǐh juo ke u̍h-a dlǔ ku̍-ɛ bo ɛ̀ nu̍ ɛ̍.

Ɛfɛsɔ 4:26

Pò nyɔ̍ gbǎ jlu̍h-ɛ, ɔ̍ bɔ̌ wɔ̌n-ɛ ɔ̍ jlu̍h bɔ̌ ɔ̍ gblɛ̍n sɔ̀ɛ̀n we̍ gba̍-a. Bɔ̌ wɔ̍n-ɛ wlù bɔ̌ àn jlu̍h kɛ̍n i̍ wɔ̀-ɛɛ.

Ɛfɛsɔ 4:30

Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.

Iblu 3:10

Ɛ̍ kɔn ǐn gbǎ-ɛ nyɔ̍ la jlu̍h-u, wɛ̀ na̍a̍, “U̍h-a nu̍ klǐ-dɛ̍ᵻ ma̍u̍, iě u̍h-u nu̍ ǎn wlùh.”

Iblu 3:17

Nyɔ̍ bo Nyɔsoa gbǎ-ɛ jlu̍h dǒ sɔ̀nᵻá kwela nyìɛ̍ (40) di̍i̍ ɛ? Ùh nu̍-a gblɛ̍n sɔ̀ɛ̀n-ɛ bo, iě u̍h mɛ̌ dě kwlǎslò we̍.

Iblu 5:9

Ti̍ ɔ̍ wɛ̀-a nɛi̍ dě jua̍i̍ sàɛ̀ di̍i̍-ɛ, iě ɔ̍ dǔ ka nyɔ̍ ɔ̀ pǔh-ia nyɔ̍ iě ɔ̀ nyǐ-a nyɔ̍ kmɔ̌ sie feɛ-ɛ nu̍-ɛɛ dǒ nyɔ̍ kli̍hgbɛ̍ ùh-a nu̍-a ɔ̍ wlu̍-ɛ we̍.

Wlɛfeleseɔn 6:16

Iě u̍h-a we̍le tlu̍hᵻ ke sɔɔ̌ᵻ, u̍h la̍a̍, “Mɔ̀ gbǎ à kɛ̍n, wɛ̀ mɔ̀ iě àɔ̀ ɔ̀ tè-a i̍ dǒ nynɛ̌ gbalǎ kɛ̍n-ɛ jii̍ sìle, ɛ̍ ke Blawɛ̌ Jǔ-a nyɔ̍ kàn gbɛ̍n-ɛ ke.