Pɔ̀n Chɛ̀ Maɛ To-a La 3:3 - Ku̍o̍ Delee 1999

³ Wɛ̀ Jusu la̍a̍ dě jɔ̍gbau laa̍ we̍, “Ji̍ nɔ̌ nya̍ ka nɔ̍ɔ̀ ìè i̍ nyna.”

Pɔ̀n Chɛ̀ Maɛ To-a La 3:3 Iomraidhean Croise

Matio 12:10

Ɔ̍ iě-a mu̍-ɛ, nɛ̀ jɔ̍gbau due nɛ dě gbò-a chɛ̀ sɔ̀n ɔ̍ sɔ̍n kɔ̌ i̍. Nɛ̀ nyɔ̍ duuh nɛ deě u̍h-a pɔ̀n jii la̍ i̍ u̍h iě Jusu tìh gbɛ̍n-ɛ. Wɛ̀ u̍h tèle ɔ̍ i̍ u̍h la̍a̍, “Pò ɛ̍ nu̍ wlè-weɛ̍ wɛ̀ nyɔ̍ iě nyɔ̍ pǔh-i dǒ ɛ̍ di̍i̍-ɛ, nɛ̀ ɔ̍ wa̍ telě ae?”

Pɔ̀n Chɛ̀ Maɛ To-a La 3:2

Nɛ̀ nyɔ̍ duuh nɛ dě gbò sɔ̀n u̍h-a klǎɛ Jusu jlǐhɛ̍ pò ɔ̍ mu̍ telě wa̍ ɔ̍ iě ɔ̍ pǔh-i dǒ wlè-weɛ̍ di̍i̍ kɔ̌ɔ, wɛ̀ u̍h iě ɔ̍ tìh gbɛ̍n-ɛ.

Pɔ̀n Chɛ̀ Maɛ To-a La 3:4

Wɛ̀ Jusu tèle u̍h i̍, ɔ̍ la̍a̍, “Ɛ̍ slɛ̌ i̍ dě à telě di̍i̍ à iě dɛ̍ chɛ̀ nu̍ dǒ wlè-weɛ̍ di̍i̍ ɛɛ, àe̍e̍ ɛ̍ slɛ̌ i̍ à iě dɛ̍ sɔ̀n nu̍ ae? À iě nyɔ̍ pǔh-i ɛɛ, àe̍e̍ à iě nyɔ̍-ɔ gbɔ̀lɔ ae?” Jɛ u̍h-a nyɔ̍ se̍ fuɛn nu̍.

Pɔ̀n Chɛ̀ Luu To-a La 6:8

Jɛ Jusu juo dɛ̍ u̍h-a naɛ-a wlùh i̍-ɛ. Iě ɔ̍ la̍a̍ dě jɔ̍gbau ɔ̀ kɔn kɔba mɛ̌-aɛ we̍, “Ji̍ ìè i̍ nyna da̍a.” Wɛ̀ ɔ̍ sɔ bloɔ̍ iě ɔ̍ nyna doǒ i̍.

Chɔɔn 9:4

Nyɔ̍ ɔ̀ dbo̍-a m-ɛ, à kɔn à iě ɔ̍ dbo̍ nu̍ duedɛ, ka sɔ̀n sɛ̀n-a ke̍-ɛ. Wlù-a mu̍ ka wɔ̀ tiɔ, nɛ̀ nyɔ̍ se̍ dbo̍ nu̍-ɛ bɛ̌ɛ dɛ.

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

Kelesea 6:9

Nɛ̀ɛ̍, mɔ̀ à bɔ̌ se̍a̍-a dǒ dɛ̍ chɛ̀ nu̍-ɛ we̍. Pò à se̍ se̍a̍ wɛ̀ ti̍ iě nyni̍-ɛ, nɛ̀ à mu̍ dɛ̍ chɛ̀ gbǎn.

Felepai 1:14

Ǎn kasoo nɛ-ɛ nu̍ ɛ̍ iě de̍di̍i̍ᵻ dɔu nɛ-a dě Joi ja̍a̍-ɛ, wɛ̀ ɛ̍ po̍ u̍h gbǐh ku̍u̍. Kaka la̍ u̍h sà faɔn wlì wɛ̀, iě u̍h-a bla̍ Nyɔsoa tìh gbài̍gbài̍.

1 Pitɛ 4:1

Nɛ̀ɛ̍, ka Klai jě-a ɔ̍ chɛ̀-a ku̍ wɔ̍n-ɛ, nɛ̀ mɔ̀ gbàɛ̀ mɔ̀ iě dě ɔ̍ tu̍ laa̍ di̍i̍ nɛ ke. Dɛ̍nu̍ɛ, nyɔ̍-o-nyɔ̍ ɔ̀ jě-a ɔ̍ chɛ̀-a ku̍ wɔ̍n-ɛ, nɛ̀ ɔ̍ sɔ dě gblɛ̍n sɔ̀ɛ̀n di̍i̍ wɛ̀.