Pɔ̀n Chɛ̀ Maɛ To-a La 2:5 - Ku̍o̍ Delee 1999

⁵ Dɛ̍ nyɔ̍ laa̍ u̍h nu̍-a wlùh gbaɛ blě-ɛ, ɛ̍ bo Jusu jě. Iě ɔ̍ la̍a̍ dě klɔ-nyɔ̍ we̍, “Ǎn jǔ, àn gblɛ̍n sɔ̀ɛ̀n-a tìh tǎli-ɛ i̍ wɛ̀.”

Pɔ̀n Chɛ̀ Maɛ To-a La 2:5 Iomraidhean Croise

Matio 9:2

Wɛ̀ nyɔ̍gbei blě-e klɔ-nyɔ̍ dě sabli̍ di̍i̍, u̍h ja ɔ̍ dǒ Jusu we̍. Sɔ Jusu juo ɛ̍ i̍ ka u̍h nu̍-a wlùh gbaɛ blě-ɛɛ. Iě ɔ̍ la̍a̍ dě klɔ-nyɔ̍ we̍, “Ǎn jǔ, ku̍ wlùh, àn gblɛ̍n sɔ̀ɛ̀n-a tìh tǎli-ɛ i̍ wɛ̀.”

Matio 9:22

Jusu bǐi kwa̍ wɛ̀ ɔ̍ jě ɔ̍, iě ɔ̍ la̍a̍, “Nynɔ̌ chɛ̀, ku̍ wlùh, àn wlùh gbaɛ bo ɛ̀ nu̍ ɛ̍ wɛ̀ ìn pǔh.” Dǒ nynɔ̌ laa̍ ɔ̍ wɛ̌ nyna ɛ̍ bɔ̌.

Matio 9:5

Jɔ̍gbau la ɔ̍ gblɛ̍n sɔ̀ɛ̀n-a tìh i̍ tǎli-ɛ jɛ ǎn sà-a ka dǒ wɔ̍i̍n-ɛ ke, jɛ ǎn mu̍-a ka sɔ bloɔ̍ ìè na nu̍-ɛ, jɛwe̍ bo ɛ̍ pe̍ɛ i̍ ɛ?

Pɔ̀n Chɛ̀ Maɛ To-a La 2:6

Nɛ̀ telě nǎ poe nyɔ̍ duuh tè-o i̍. Wɛ̀ u̍h-a pu̍e̍e ɛ̍ wlùh i̍,

Pɔ̀n Chɛ̀ Maɛ To-a La 5:34

Wɛ̀ Jusu la̍a̍, “Nynɔ̌ chɛ̀, àn wlùh gbaɛ bo ɛ̀ nu̍ ɛ̍ wɛ̀ ìn pǔh. Mu̍ pɛlɛpɛ, ìn pǔh wɛ̀ kleǐnklein.”

Pɔ̀n Chɛ̀ Luu To-a La 5:20

Jusu jě-a ka u̍h nu̍-a ɔ̍ wlùh gbaɛ-ɛ, iě ɔ̍ la̍a̍, “Jɔ̍gbau, àn gblɛ̍n sɔ̀ɛ̀n-a tìh tǎli-ɛ i̍.”

Pɔ̀n Chɛ̀ Luu To-a La 8:48

Wɛ̀ Jusu la̍a̍ dě ɔ̍ we̍, “Nynɔ̌ chɛ̀, àn wlùh gbaɛ bo ɛ̀ nu̍ ɛ̍ wɛ̀ ìn pǔh. Mu̍ pɛlɛpɛ.”

Chɔɔn 2:25

Ɔ̍ se̍ pɔ̀n nyɔ̍-o-nyɔ̍ iě nyi̍ɔ̍-a tìh we̍ i̍ sèàɛ̍ dě ɔ̍ we̍, dɛ̍nu̍ɛ, ɔ̍ nɔ̀ɔ̍, ɔ̍ juo dɛ̍ nɛ-a dě nyi̍ɔ̍ di̍i̍-ɛ.

Chɔɔn 5:14

Ɛ̀ la ɛ̍ wɔ̀-a nɛ-ɛ, wɛ̀ Jusu jě ɔ̍ dě Nyɔsoa-a slaǎ sà gbò sɔ̀n. Iě Jusu la̍a̍ dě ɔ̍ we̍, “Gbɛ̀n-e, ìn nɛ blee wɛ̀. Bɔ̌ gblɛ̍n sɔ̀ɛ̀n nu̍-ɛ dɛ wɛ̀ gboklan dɛ̍ je̍e ìn pùn nɛ.”

Nu̍-dɛ̍ᵻ 11:23

Ti̍ ɔ̍ nyni̍-a deě-ɛ, dǒ ɔ̍ jě-e ɛ̍ ka Nyɔsoa nu̍-a blɛ nɛ-ɛɛ. Sɔ ɛ̍ po̍ ɔ̍ mɔna̍, iě ɔ̍ gbɛ̍n-ɛ nyɔ̍ laa̍ wɔ̍i̍n u̍h iě Joi dɛ kɛ̍n nɛ dǒ u̍h-a pɔluh kli̍hgbɛ̍ we̍.

Nu̍-dɛ̍ᵻ 14:9

Nɛ̀ ɔ̍ tè i̍ ɔ̍ po̍ Pɔɔ-a wlu̍ dounᵻ we̍. Wɛ̀ Pɔɔ gbɛ̀n ɔ̍ ja̍ sòo̍sòo̍, sɔ ɔ̍ blě wlùh gbaɛ-ɛ, ɛ̍ iě ɔ̍ pǔh-i.

Nu̍-dɛ̍ᵻ 5:31

Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.

1 Kɔwlɛntiɔn 11:30

Ɛ̍-ɛ bo ɛ̀ nu̍ ɛ̍ wɛ̀ mɔ̀-a nyɔ̍ dɔu-a gbǐh-a mɛ̌, iě u̍h-a poa, iě duuh mɛ̌ ka.

2 Kɔwlɛntiɔn 2:10

Nyɔ̍-o-nyɔ̍ kɔn dɛ̍ sɔ̀n-a tìh mɔ̀ tǎli-a i̍-ɛ, nɛ̀ ǐn tǎli ɔ̍ dɛ̍ sɔ̀n-a tìh i̍ ke. Pò ǐn kɔn iě nyɔ̍-a dɛ̍-o-dɛ̍-a tìh i̍ tǎli-ɛ, nɛ̀ ǐn nu̍ ɛ̍ mɔ̀-a tìh. Klai bo ɔ̀ nu̍ ǎn sàànsi̍i̍h.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Kalase 3:13

Mɔ̀ bɔ̌ feǎn wlì we̍ kɔn-ɛɛ, mɔ̀ iě gblɛ̍n sɔ̀ɛ̀n-a tìh we̍ i̍ tǎli-ɛ. Pò jɔ kɔn ba̍ nu̍ ɔ̍ dɛ̍ pùn-ɛ, ɛ̀ kɔn ba̍ Joi nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛɛ, kǎ mɔ̀ iě nu̍ ke dǒ mɔ̀ ba̍ᵻ we̍.

Chiin 5:15

Nɛ̀ wlu̍ u̍h-a mu̍-aa ba̍le dě wlùh gbaɛ di̍i̍-ɛ, ɛ̍ bo ɛ̀ mu̍ poa-nyɔ̍ laa̍ pǔh-i, wɛ̀ Joi iě ɔ̍ bloɔ̍-ɔ sà. Nɛ̀ pò ɔ̍ nu̍ gblɛ̍n sɔ̀ɛ̀n-ɛ, nɛ̀ i̍h-a tìh-a mu̍ i̍ tǎli-ɛ.