Pɔ̀n Chɛ̀ Maɛ To-a La 2:16 - Ku̍o̍ Delee 1999

¹⁶ Fɛlesii nyɔ̍ duuh ùh-a po̍-a nyɔ̍ nǎ dǒ telě we̍-ɛ, wɛ̀ u̍h jě u̍h ke Jusu-a dɛ̍ tàdùè di̍-i la̍. Iě u̍h tèle ɔ̍ kòà i̍, u̍h la̍a̍, “Dɛ̍nu̍ ɔ̍ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍-a di̍-i dɛ̍ tàdùè ɛ?”

Pɔ̀n Chɛ̀ Maɛ To-a La 2:16 Iomraidhean Croise

Matio 18:17

Nɛ̀ pò ɔ̍ se̍ u̍h-a wlu̍ i̍ wɔ̌n ke-ɛ, nɛ̀ ìn gba̍ ɔ̍ kunǎ dě chɔchi̍h-i. Nɛ̀ pò ɔ̍ se̍ chɔchi̍h-a wlu̍ i̍ wɔ̌n ke-ɛ, nɛ̀ ka mɔ̀-a nu̍-a se̍ Nyɔsoa juo nyɔ̍ ke taa̍sìh sà nyɔ̍ jě-ɛɛ, kǎ mɔ̀ iě ɔ̍ jě-ɛ nu̍ ke.

Matio 5:46

Nyɔ̍ ùh jbɛɛ-a m̀ pò ìn jbɛɛ u̍h nɛ due-ɛ, nɛ̀ dɛ̍ àn mu̍ Nyɔsoa kwa̍a̍ jě ɛ? Taa̍sìh sà nyɔ̍-a chɛ̀ ùh kɔn gblɛ̍n nyni-a jii̍-ɛ, na̍a̍, kǎ u̍h-a nu̍ ke lě.

Matio 9:11

Ti̍ Fɛlesii nyɔ̍ jě-a u̍h-ɛ, iě u̍h tèle ɔ̍ kòà i̍, u̍h la̍a̍, “Dɛ̍nu̍ mɔ̀-a dlǔtu ke ùh kaɛn la u̍h-a di̍-i dɛ̍ tàdùè ɛ?”

Pɔ̀n Chɛ̀ Maɛ To-a La 2:15

Ti̍ Jusu-a di̍-a dɛ̍ dě Liifaɛ blǐ gbò-ɛ, wɛ̀ taa̍sìh sà nyɔ̍ dɔu ke gblɛ̍n sɔ̀ɛ̀n nyɔ̍ gbǎ ɔ̍ ke ɔ̍ kòà nynɛ̌ u̍h-a di̍ dɛ̍. Dɛ̍nu̍ɛ, nyɔ̍ dɔu-a na ɔ̍ we̍.

Pɔ̀n Chɛ̀ Maɛ To-a La 2:7

u̍h la̍a̍, “Jɔ̍gbau la dɛ̍nu̍ ɔ̍ nu̍ la̍a̍n wlu-ɛ ɛ? Ɔ̍ blaɛ Nyɔsoa wɔ̍n. Nyɔ̍ dɔɔ se̍a gblɛ̍n sɔ̀ɛ̀n-a tìh i̍ tǎli, Nyɔsoa due gbài̍ bo ɔ̀ nu̍ ɛ̍.”

Pɔ̀n Chɛ̀ Luu To-a La 18:11

Fɛlesii jǔ nyna i̍ iě ɔ̍ ba̍le dǒ ɔ̍ chɛ̀ we̍. Ɔ̍ la̍a̍, ‘Nyɔsoa, ǐn po̍ ìn tlɔ̌ wɛ̀ ǐn se̍ nyɔ̍ duuh ùh nu̍-a klǎn kɔn nyɔ̍ ke, telě wa̍ nyɔ̍ ke, nynɛ̌à nu̍ nyɔ̍-ɛ wɔ̀. Wɛ̀ ǐn se̍ taa̍sìh sà jǔ-a chɛ̀ la wɔ̀, nɛ̀ ǐn po̍ ìn tlɔ̌.

Pɔ̀n Chɛ̀ Luu To-a La 19:10

Dɛ̍nu̍ɛ, Nyi̍ɔ̍-a Jǔ ji̍ kwlǎ sie nyɔ̍ i̍ pɔ̀n la̍-a ɔ̍ iě u̍h pǔh-i.”

Pɔ̀n Chɛ̀ Luu To-a La 19:7

Nyɔ̍ kli̍hgbɛ̍ jě-a dɛ̍ la-ɛ, iě u̍h-a wlu-i wɔ̍ɔ̍n i̍. U̍h la̍a̍, “Jɔ̍gbau la, ɔ̍ mu̍ gblɛ̍n sɔ̀ɛ̀n nyɔ̍ blǐ koe la̍ wa.”

Pɔ̀n Chɛ̀ Luu To-a La 5:30

Wɛ̀ Fɛlesii nyɔ̍ ke u̍h-a telě nǎ poe nyɔ̍-a wlu-i Jusu-a kòà we̍. U̍h la̍a̍, “Dɛ̍nu̍ mɔ̀ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍-a di̍ i̍ dɛ̍ tàdùè ɛ?”

Nu̍-dɛ̍ᵻ 23:9

Sɔ dɛ̍ slɛ̀ nu̍-a i̍ tìè-ɛ wɛ̀-ɛ, wɛ̀ telě nǎ poe nyɔ̍ duuh ùh nɛ-a dě Fɛlesii nyɔ̍-a gbɔ̀ù di̍i̍-ɛ, wɛ̀ u̍h nyna i̍. Iě u̍h tù ɛ̍ wɔ̍n di̍i̍, u̍h la̍a̍, “Jɔ̍gbau la à se̍ ɔ̍ dɛ̍ pùn jě. Nyɔ̍-se̍-juo sùù àe̍e̍ Nyɔsoa-a ǐnchɔ̀ bo ɛ̀ wlu dě ɔ̍ we̍.”

1 Kɔwlɛntiɔn 2:15

Nyɔ̍ ɔ̀ blě-a Nyɔsoa-a Sùù-ɛ, nɛ̀ ɔ̍ bo ɔ̀ nu̍ taɔ pa̍ nyɔ̍ dǒ dɛ̍ᵻ kli̍hgbɛ̍ we̍. Jɛ ɔ̍ chɛ̀ nɔ̀ɔ̍, nyɔ̍ se̍ ɔ̍ taɔ pa̍-a bɛ̌ɛ.

Iblu 12:3

Ka gblɛ̍n sɔ̀ɛ̀n nyɔ̍ nu̍-a ɔ̍ faɛn-ɛ iě ɔ̍ ku̍-ae klì i̍ dǒ dɛ̍ᵻ u̍h nu̍-a ɔ̍ pùn i̍-ɛ we̍-ɛ, i̍h bo mɔ̀ iě wlùh we̍ nu̍ wɛ̀ mɔ̀-a gbǐh-i je̍e mɛ̌, mɔ̀-a wlùh je̍e dě de̍i̍ gbǎ.