Pɔ̀n Chɛ̀ Maɛ To-a La 13:9 - Ku̍o̍ Delee 1999

⁹ “Jɛ mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, u̍h-a mu̍ mɔ̀ gbɛ̍n, wɛ̀ u̍h iě mɔ̀ koti̍ i̍ po̍. Nɛ̀ u̍h-a mu̍ mɔ̀ bla̍ dě wɛɛ sà gbòᵻ sɔ̀n i̍. Nɛ̀ u̍h-a mu̍ mɔ̀ i̍ nyna-ɛ dǒ kɛɛ̍n nyɔ̍ ke blǔh baaᵻ jǔ ǎn tìh. Dǒ mɔ̀-a mu̍ pɔ̀n chɛ̀-a tìh bla̍-ɛ dě u̍h we̍.

Pɔ̀n Chɛ̀ Maɛ To-a La 13:9 Iomraidhean Croise

Chɔɔn 16:2

U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

Pɔ̀n Chɛ̀ Maɛ To-a La 13:5

Wɛ̀ Jusu wlu dě u̍h we̍, ɔ̍ la̍a̍, “Mɔ̀ nu̍ nɛnɛ̌, wɛ̀ nyɔ̍-ɔ je̍e mɔ̀-a dlǔ wìè-e sàɛ̀.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

2 Tɛsoloniɔn 1:5

Ìh kli̍hgbɛ̍ la i̍h-a flɔn-ɛ ɛ̍ we̍i̍ ka Nyɔsoa-a pa̍-a i̍ slɛ̌-ɛ taɔ-ɛ. Ɔ̍ nu̍ ɛ̍-ɛ, wɛ̀ mɔ̀ iě ɔ̍ kmɔ̌ wlu̍ i̍ kɔn-ɛ di̍i̍ mu̍ ka̍ nɛ, ɛ̀ kɔn tìh mɔ̀-a sàɛ̀-a jua̍i̍-ɛ.

Felepai 1:29

Dɛ̍nu̍ɛ, mɔ̀ɔ̍ nɔ̀ɔ̍, mɔ̀ jě bu̍h-a tba̍ la̍ wɛ̀ mɔ̀ iě Klai jǔ dbee. Ɛ̍ se̍ mɔ̀ iě ɔ̍ wlùh gbaɛ nɛ due, jɛ mɔ̀ iě jua̍i̍ sàɛ̀ ke ɔ̍ tìh.

Nu̍-dɛ̍ᵻ 21:11

Wɛ̀ ɔ̍ ji̍ dě àɔ̀ we̍, iě ɔ̍ dǔ Pɔɔ-a wlu̍h-u. Wɛ̀ ɔ̍ nu̍ wlu̍h-a chɛ̀ iě ɔ̍ sa̍n ɔ̍ chɛ̀-a bu̍hᵻ ke ɔ̍ sɔ̍nᵻ. Wɛ̀ ɔ̍ la̍a̍, “Nyɔsoa-a Sùù la̍a̍, ‘Nyɔ̍ ɔ̀ kɔn-a wlu̍h la-a, kǎ Juu nyɔ̍ nɛ-a Juluslɛn-ɛ u̍h-a mu̍ ɔ̍ sa̍n-a nu̍, wɛ̀ u̍h iě ɔ̍ ùh se̍-a Juu nyɔ̍-ɛ kwlǎ sà-ɛ.’ ”

Nu̍-dɛ̍ᵻ 9:16

Nɛ̀ ǎn mu̍ ɛ̍ ɔ̍ i̍ to ka ɔ̍ mu̍-a jua̍i̍ sàɛ̀-ɛ nu̍ dɛ̍blɔ dǒ ǎn nynɛ̌-a tìh we̍-ɛ.”

Nu̍-dɛ̍ᵻ 7:54

Ti̍ taɔ pa̍ nyɔ̍ wɔ̌n-a Slifɛn-a wlu̍ la-a, sɔ u̍h sɔ̀n-ɛ dǒ jlu̍h we̍, iě u̍h-a kɔ̍ mlǎ i̍.

Chɔɔn 15:20

Dɛ̍ ǐn sà-a dě mɔ̀ we̍-ɛ, ɛ̍ bo mɔ̀ iě wlùh we̍ nu̍. Na̍a̍, ‘Pòi̍ju-u ku̍ wɔ̍n ɔ̍-ɔ sìì ɔ̍ dlǔtu.’ Ka u̍h jě-ea ǐn klě-ɛ, nɛ̀ u̍h-a mu̍ mɔ̀ klě jě-e ke. Ka u̍h nu̍-a ǎn wlu̍-ɛ, nɛ̀ kǎ u̍h-a mu̍ mɔ̀-a wlu̍ nu̍ ke.

Pɔ̀n Chɛ̀ Luu To-a La 9:5

Wlɔ̀ kɔn di̍i̍ u̍h se̍-a mɔ̀-a tìh i̍ gbɛ̍n-ɛ mu̍-ɛ, pò mɔ̀ ja doǒ sɔ-ɛ, nɛ̀ mɔ̀ gbàbo blǔh bu̍hᵻ sɔ̀n i̍, wɛ̀ ɛ̍ iě ɛ̍ to ka tìh tè-a dǒ u̍h dlǔ i̍-ɛ.”

Pɔ̀n Chɛ̀ Maɛ To-a La 6:11

Pò mɔ̀ sǐ dǒ wlɔ̀ di̍i̍ i̍, wɛ̀ nyɔ̍ nɛ-a dǒ ɛ̍ di̍i̍-ɛ, u̍h se̍ mɔ̀-a tìh i̍ gbɛ̍n àe̍e̍ u̍h se̍ mɔ̀ dounᵻ we̍ po̍-ɛ, nɛ̀ mɔ̀ chɛ̍n-o tìè. Mɔ̀ ja-o sɔ-ɛ, nɛ̀ mɔ̀ gbàbo blǔh bu̍hᵻ sɔ̀n i̍. Nɛ̀ nyɔ̍ nɛ-a dǒ wlɔ̀ laa̍ di̍i̍-ɛ, u̍h-a mu̍ ɛ̍ i̍ jě.”

Pɔ̀n Chɛ̀ Maɛ To-a La 1:44

“Bɔ̌ nyɔ̍-o-nyɔ̍ wlùh sèàɛ̍, jɛ mu̍ ìè àn chɛ̀ Nyɔsoa-a slaǎ sà nyɔ̍ i̍ to. Nɛ̀ ìn sà slaǎ ɛ̀ Mose-a telě la̍ nyɔ̍ iě-a nu̍-ɛ, ɛ̍ iě ɛ̍ to dě nyɔ̍ kli̍hgbɛ̍ we̍ ka ìn fɛ̍nɛ-aɛ.”

Matio 5:22

Jɛ mɔ̍ɔ, kǎ ǐn dǎ ka o, nyɔ̍ ɔ̀ tìh se̍-a tìh ɔ̀ mu̍-a ɔ̍ ba̍ jlu̍h-u gbǎ-ɛɛ, nɛ̀ u̍h-a mu̍ ɔ̍ gba̍ ɔ̍ iě sàwi̍h sì. Nɛ̀ nyɔ̍ ɔ̀ mu̍-a ɔ̍ ba̍ wlu̍ sɔ̀n pùn po̍-ɛ, nɛ̀ u̍h-a mu̍ ɔ̍ dě Juu-a taɔ klaaᵻ jǔ gba̍. Nɛ̀ nyɔ̍ ɔ̀ mu̍-a dě ɔ̍ ba̍ we̍ gbɛ̀n wɛ̀ ɔ̍ iě ka nu̍, ‘Bo-dɛ̍ la,’ nɛ̀ ɔ̍ mu̍ dě kàn nɛ̍ di̍i̍ gbǎ.

Pɔ̀n Chɛ̀ Maɛ To-a La 13:8

Bloa̍ ke bloa̍-a mu̍ fɔ̀n, wɛ̀ kɔ̀mla̍ ke kɔ̀mla̍ iě fɔ̀n. Nɛ̀ wlù poɔ-a mu̍ blǔh kli̍hgbɛ̍ i̍ sèke, wɛ̀ mɔ̌ iě gbǎ. Jɛ nɛ̀ i̍h wɔ̀ ka nynɔ̌-a kwlǐ-a tɛ̀n gbǐh ɔ̍ iě gbàɔ̀n sà-ɛ.

2 Chɔɔn 1:8

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, wɛ̀ mɔ̀-ɔ se̍-e dɛ̍ kɔn dbo̍ mɔ̀ nu̍-aɛ jě, wɛ̀ mɔ̀ iě pɛ̌ɛ la jě gblaan.