Pɔ̀n Chɛ̀ Maɛ To-a La 10:2 - Ku̍o̍ Delee 1999

² Wɛ̀ Fɛlesii nyɔ̍ ji̍ dǒ ɔ̍ we̍, iě u̍h tèle ɔ̍ i̍, nɛ̀ u̍h-a tɛ̀n ɔ̍-ɛ. U̍h la̍a̍, “À telě sà jɔ̍gbau wlu̍ kɛ̍n ɔ̍ iě nynɔ̌ kwlǎ sà ae?”

Pɔ̀n Chɛ̀ Maɛ To-a La 10:2 Iomraidhean Croise

Matio 15:12

Wɛ̀ ɔ̍ kòà ji̍ dǒ ɔ̍ we̍ u̍h la̍a̍, “Dɛ̍ la àn bla̍-aɛ, wɛ̀ Fɛlesii nyɔ̍-a wɔ̌n-a àn wlu̍-ɛ, nɛ̀ ɛ̍ nyaɛ-a u̍h wɔ̍i̍n-ɛ, ìn se̍ i̍h juo ae?”

Matio 16:1

Wɛ̀ Fɛlesii nyɔ̍ ke Sadiusii nyɔ̍ ji̍ dǒ Jusu we̍. Wɛ̀ u̍h tɛ̀n ɔ̍, u̍h la̍a̍, “Ji̍ ìè jbaɛdih po̍ à iě jě pò Nyɔsoa-a gbǐh nɛ dě ìn ja̍a̍ kɔ̌ɔ.”

Matio 19:3

Wɛ̀ Fɛlesii nyɔ̍ ji̍ dǒ ɔ̍ we̍ iě u̍h-a tɛ̀n ɔ̍, u̍h la̍a̍, “Nyɔsoa-a telě la̍ ka nyɔ̍ jě-ɛ ɔ̍ nu̍ nynɔ̌ kwlǎ sà-a sǔh ae?”

Matio 22:35

U̍h-a due ɔ̀ juo-a telě kaa̍-ɛ, iě ɔ̍ ji̍ ɔ̍ iě Jusu dǒ ɔ̍ chɛ̀-a wlu̍ kɛ̍n gbɛ̍n-ɛ.

Matio 23:13

Wɛ̀ Jusu la̍a̍, “Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a ka̍n Nyɔsoa-a kmɔ̌ wlu̍ i̍ kɔn-ɛa wìè dǒ nyɔ̍gbei we̍. Mɔ̀-a chɛ̀ wɔ̍-ɔ sǐ deě-i, iě juh-a pɔ̀n-a deě mu̍-ɛ i̍-ɛ, mɔ̀-ɔ wɔ̌n u̍h-u sǐ deě-i ke. [

Matio 9:34

Jɛ Fɛlesii nyɔ̍ la̍a̍, “Jeědih-a dlǔtu bo ɛ̀ nyǐ Jusu gbǐh wɛ̀ ɔ̍ sà nyɔ̍ jeědih de̍e̍ i̍.”

Pɔ̀n Chɛ̀ Maɛ To-a La 10:1

Wɛ̀ Jusu wlǔh-i gbààn, iě ɔ̍ mu̍ dě Judia fɔɔ, wɛ̀ ɔ̍ tàn Jɔɔdɛn nǐ. Iě nyɔ̍ tlùgbei̍ gbòe dǒ ɔ̍ we̍ dɛ, iě ɔ̍ po̍ u̍h nǎ ka ɔ̍ nu̍-a se̍e̍-ɛ.

Pɔ̀n Chɛ̀ Maɛ To-a La 10:3

Wɛ̀ Jusu la̍a̍, “Telě we̍ bo Mose nyǐ mɔ̀ ɛ?”

Pɔ̀n Chɛ̀ Maɛ To-a La 8:11

Wɛ̀ Fɛlesii nyɔ̍ ji̍, iě u̍h-a bɛ̌ɛ Jusu wɔ̍ɔ̍n i̍. U̍h-a pɔ̀n ɔ̍ blu̍ja̍a̍ po̍-ɛ i̍. Ɛ̍ kɔn u̍h la̍ ɔ̍ ji̍ ɔ̍ iě jbaɛdih po̍ pò Nyɔsoa-a gbǐh nɛ dě ɔ̍ ja̍a̍ chɛ̀-ɛ.

Pɔ̀n Chɛ̀ Maɛ To-a La 8:15

Wɛ̀ Jusu-a tù u̍h slɛ̌n, ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍. Mɔ̀ nu̍ nɛnɛ̌ dǒ Fɛlesii nyɔ̍ ke Blǔh Baa Ɛlo-a blèe̍ fù-i dɛ̍ᵻ we̍.”

Pɔ̀n Chɛ̀ Luu To-a La 11:39

Wɛ̀ Joi la̍a̍ dě ɔ̍ we̍, “Mɔ̀ɔ̍ Fɛlesii nyɔ̍, mɔ̀-a wɔ̍lɔ dǒ mɔ̀-a kàu̍n ke plɛ̌ɛ kɛ̍n i̍, jɛ nɛ̀ dě i̍h di̍i̍ jǐ-i dǒ flɛ̀n we̍. Kǎ dɛ̍ᵻá kloǒ nu̍-ɛ ke kà kɔn-ɛ nu̍ dě mɔ̀ di̍i̍ jǐ-ɛ.

Pɔ̀n Chɛ̀ Luu To-a La 16:14

Fɛlesii nyɔ̍ ùh jbɛɛ-a wlǐ-iɛ, u̍h wɔ̌n ìh kli̍hgbɛ̍ la, wɛ̀ u̍h-a po̍ Jusu pàwe̍i̍.

Pɔ̀n Chɛ̀ Luu To-a La 5:30

Wɛ̀ Fɛlesii nyɔ̍ ke u̍h-a telě nǎ poe nyɔ̍-a wlu-i Jusu-a kòà we̍. U̍h la̍a̍, “Dɛ̍nu̍ mɔ̀ ke taa̍sìh sà nyɔ̍ ke gblɛ̍n sɔ̀ɛ̀n nyɔ̍-a di̍ i̍ dɛ̍ tàdùè ɛ?”

Pɔ̀n Chɛ̀ Luu To-a La 6:7

Iě telě nǎ poe nyɔ̍ ke Fɛlesii nyɔ̍-a klǎɛ Jusu jlǐhɛ̍, pò ɔ̍ ja nyɔ̍ pǔh-i mu̍ dǒ wlè-weɛ̍ di̍i̍-ɛ, wɛ̀ u̍h iě ɔ̍ tìh gbɛ̍n-ɛ.

Pɔ̀n Chɛ̀ Luu To-a La 7:30

Jɛ Fɛlesii nyɔ̍ ke telě nǎ poe nyɔ̍ nɔ̀ɔ̍, dɛ̍ Nyɔsoa-a pɔ̀n-a u̍h iě-a nu̍-ɛ, ɛ̍ bo u̍h tba̍ chla, iě u̍h se̍ wɔ̌n Chɔɔn iě u̍h nǐ dlǔ po̍.

Chɔɔn 11:47

Ɛ̍ bo ɛ̀ nu̍ ɛ̍ wɛ̀ Fɛlesii nyɔ̍ ke slaǎ sà nyɔ̍ klaaᵻ deǎɛ Juu nyɔ̍-a taɔ klaaᵻ. U̍h la̍a̍, “Ɛ̀ jɔ̍gbau la ɔ̍ nu̍-a ka jbaɛdih dɔu po̍-ɛɛ, nɛ̀ dɛ̍we̍ à iě nu̍ ɛ?

Chɔɔn 11:57

Jɛ nɛ̀ slaǎ sà nyɔ̍ klaaᵻ ke Fɛlesii nyɔ̍ po̍ telě wɛ̀. U̍h la̍ pò nyɔ̍-o-nyɔ̍ jě ɔ̍ nɛ la̍-ɛ, nɛ̀ ɔ̍ sèàɛ̍ u̍h wlùh wɛ̀ u̍h iě ɔ̍ gbɛ̍n.

Chɔɔn 7:32

Wɛ̀ Fɛlesii nyɔ̍-a nyɔ̍ duuh wɔ̌n dɛ̍ nyɔ̍gbei-a bla̍-a dǒ Jusu pùn-ɛ. Ɛ̍ kɔn u̍h ke Nyɔsoa-a slaǎ sà nyɔ̍ klaaᵻ dbo̍ slaǎ sà gbò kɛ̍ɛ̍n fuo nyɔ̍ u̍h iě ɔ̍ gbɛ̍n.

Chɔɔn 7:48

Mɔ̀ jě Juu nyɔ̍-a nyɔ̍ klaaᵻ ke Fɛlesii-a nyɔ̍ gbaɛ jǔ la wlùh wɛ̀ sàì ae?

Chɔɔn 8:6

Ɛ̀ u̍h-a nu̍-aɛ, nɛ̀ u̍h-a tǐhlɔ Jusu wɛ̀ u̍h iě ɔ̍ tìh pùn tù. Sɔ ɔ̍ bla̍ jii̍ wlù sǔh, iě ɔ̍ nu̍ chèɛ̀ ɔ̍ chlǐh dǒ bloɔ̍.

1 Kɔwlɛntiɔn 10:9

Mɔ̀ à bɔ̌ Joi i̍ tɛ̀n-ɛ. Ɛ̍ kɔn ba̍ bo u̍h-a duuh nu̍ wɛ̀ sɛ̍ᵻ dbǎ u̍h.