Matio 9:8 - Ku̍o̍ Delee 1999

⁸ Ti̍ nyɔ̍ tlùgbei̍ jě-a dɛ̍ la-aɛ, sɔ ɛ̍ flɔn-ɛ u̍h wɔ̍n, iě u̍h-a tùi Nyɔsoa nynɛ̌ i̍, ɔ̀ nu̍-a ka wlɔ̀ nyi̍ɔ̍ bu̍hᵻ de̍e̍ i̍ tba̍ sɔɛn-ɛ.

Matio 9:8 Iomraidhean Croise

Matio 12:23

Sɔ ɛ̍ wlǔh i̍ nyɔ̍ kli̍hgbɛ̍ de̍e̍, iě u̍h la̍a̍, “Ɔ̀ la wɛ̀ ɔ̍ iě Depe-a Jǔ nu̍ ae?”

Matio 15:31

Sɔ ɛ̍ wlǔh i̍ nyɔ̍ laa̍ de̍e̍, wɛ̀ bo̍bo̍ᵻ iě wlu, wɛ̀ i̍ kɔ̌-nyɔ̍-a ku̍ iě beɛ̍ɛ dode̍, wɛ̀ klɔ-nyɔ̍ iě na, iě dɔ̌-nyɔ̍-a jě ka i̍. Iě u̍h-a po̍ Eslɔɛ nyɔ̍-a Nyɔsoa tìhwe̍.

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Matio 5:16

Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

Matio 9:7

Iě jɔ̍gbau laa̍ ɔ̍ sɔ bloɔ̍, wɛ̀ ɔ̍ mu̍ ɔ̍ blǐ.

Pɔ̀n Chɛ̀ Maɛ To-a La 2:12

Wɛ̀ ɔ̍ sɔ bloɔ̍, iě ɔ̍ dǔ ɔ̍ sabli̍-i dǒ nyɔ̍ kli̍hgbɛ̍ jlǐhwai, wɛ̀ ɔ̍ mu̍. Sɔ ɛ̍ wlǔh i̍ nyɔ̍ kli̍hgbɛ̍ de̍e̍, iě u̍h-a po̍ Nyɔsoa tìhwe̍. Wɛ̀ u̍h la̍a̍, “À-a se̍a dɛ̍ nɛka la jě sàì.”

Pɔ̀n Chɛ̀ Maɛ To-a La 7:37

Sɔ ɛ̍ wlǔh i̍ nyɔ̍ kli̍hgbɛ̍ de̍e̍ kaa̍ka. Iě u̍h la̍a̍, “Jɔ̍gbau la dɛ̍ᵻ kli̍hgbɛ̍ ɔ̍ nu̍-aɛ, i̍h bo ìh nmɔ jii̍. Ɔ̍ nu̍ ɛ̍ sǔn-nyɔ̍-a wɔ̌n i̍, wɛ̀ bo̍bo̍ bei-a wlu.”

Pɔ̀n Chɛ̀ Luu To-a La 13:13

Wɛ̀ Jusu tè ɔ̍ sɔ̍n dlǔ, iě ɔ̍ slɛ̌ i̍ dǒ tàdùè laa̍, wɛ̀ ɔ̍ po̍ Nyɔsoa tlɔ̌.

Pɔ̀n Chɛ̀ Luu To-a La 17:15

U̍h-a due jě-a ɛ̍ ka ɔ̍ pǔh-a wɛ̀-ɛ, iě ɔ̍ ji̍ de̍, ɔ̍ blě i̍ wǐi-ɛ ɔ̍ po̍ Nyɔsoa tìhwe̍.

Pɔ̀n Chɛ̀ Luu To-a La 17:18

Dɛ̍nu̍ dakɔ̍ pàìn la wɛ̀ ɔ̍ nɛ due-a ji̍ de̍ ɔ̍ iě Nyɔsoa tlɔ̌ po̍ ɛ?”

Pɔ̀n Chɛ̀ Luu To-a La 18:43

Dǒ ɔ̍ jlǐh nyna iě i̍h pɔ̀ni. Wɛ̀ ɔ̍ gbǎ dǒ Jusu de̍e̍ iě ɔ̍ bɛ̌-ɛ Nyɔsoa-a nynɛ̌ i̍. Nyɔ̍ kli̍hgbɛ̍ jě-a ɛ̀ la-ɛ, iě u̍h po̍ Nyɔsoa tìhwe̍.

Pɔ̀n Chɛ̀ Luu To-a La 2:20

Wɛ̀ blawɛ̌ᵻ we̍ i̍ gbɛ̀n nyɔ̍ blě Nyɔsoa tìhwe̍ po̍ duǐh ble̍-ɛ u̍h mu̍ de̍ dǒ dɛ̍ᵻ kli̍hgbɛ̍ u̍h wɔ̌n-a iě u̍h jě-a we̍. Ɛ̀ kɔn taǐn Nyɔsoa-a ǐnchɔ̀ sà-a dě u̍h we̍-ɛ, ɛ̍ bo ɛ̀ nɛ.

Pɔ̀n Chɛ̀ Luu To-a La 23:47

Wloma nyɔ̍-a fledlǔ-a chape jě-a dɛ̍ ɛ̀ nɛ-aɛ, iě ɔ̍ po̍ Nyɔsoa tìhwe̍. Ɔ̍ la̍a̍, “Jɔ̍gbau la, i̍-i slɛ̌-nyɔ̍ bo chɛ̀.”

Pɔ̀n Chɛ̀ Luu To-a La 7:16

Sɔ ɛ̍ po̍ nyɔ̍ kli̍hgbɛ̍ faɔn, iě u̍h-a po̍ Nyɔsoa tìhwe̍. U̍h la̍a̍, “Nyɔsoa-a tu̍owli po̍ nyɔ̍-a wɔ̍n ku̍ naɛ wlǔh tà wɛ̀ nɔ̌ àɔ̀ nynɛ̌. Nyɔsoa ji̍ wɛ̀ ɔ̍ iě ɔ̍ nyɔ̍ pǔh-i.”

Chɔɔn 15:8

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

Nu̍-dɛ̍ᵻ 11:18

U̍h wɔ̌n-a wlu̍ la-a, sɔ ɛ̍ po̍ u̍h su̍e̍ wɔ̍i̍n. Iě u̍h-a po̍ Nyɔsoa tìhwe̍, u̍h la̍a̍, “Iě nɛ̀ Nyɔsoa nyǐ ùh se̍-a Juu nyɔ̍-ɛ flɔna̍ wɛ̀ ke, pò u̍h bǐi i̍-ɛ u̍h iě kmɔ̌ nɛ.”

Nu̍-dɛ̍ᵻ 21:20

U̍h wɔ̌n-a ɔ̍ wlu̍ la-ɛ, wɛ̀ u̍h tùi Nyɔsoa nynɛ̌ i̍. Wɛ̀ u̍h la̍a̍ dě ɔ̍ we̍, “De̍di̍i̍, àn jě ka Juu-a wlǔ klùh nu̍-a ka wlùh gbaɛ blě nyɔ̍ wɛ̀ u̍h kli̍hgbɛ̍ gbɛ̍n-ɛ ka Mose-a telě sɔ̍nᵻ sɔɔ̌n i̍-ɛ.

Nu̍-dɛ̍ᵻ 4:21

Sɔ taɔ pa̍ nyɔ̍ po̍ u̍h faɔn di̍i̍ i̍ sǔh, wɛ̀ u̍h tǎli u̍h i̍. U̍h-u jě u̍h kàn gbɛ̍n ka̍. Dɛ̍nu̍ɛ, nɛ̀ nyɔ̍ kli̍hgbɛ̍-a po̍ Nyɔsoa tìhwe̍ dǒ ɛ̀ nɛ-aɛ we̍.

2 Kɔwlɛntiɔn 9:13

Dbo̍ la ɛ̍ mu̍ ɛ̍ to ka mɔ̀ blě-a Nyɔsoa gblɛ̍n-ɛ. Mɔ̀-a pɔ̀n chɛ̀ ɛ̀ kɔ̍-a dǒ Klai pùn i̍-ɛ dɛ̍ɛ̍ jě-ɛ ke mɔ̀-a gblɛ̍n-ɛ nmɔ-ɛ dǒ u̍h ke nyɔ̍ kli̍hgbɛ̍ duuh we̍-ɛ, ɛ̍ mu̍ ɛ̍ nu̍ nyɔ̍ dɔu iě Nyɔsoa-a nynɛ̌ i̍ bɛ̌-ɛ.

Kelesea 1:24

Wɛ̀ u̍h bɛ̌-ɛ Nyɔsoa-a nynɛ̌ i̍ ǎn tìh.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.