6 Jɛ ǎn pɔ̀n mɔ̀ iě ɛ̍ i̍ juo ka Nyi̍ɔ̍-a Jǔ blě-a tùn nɔ̌ bloɔ̍ ɔ̍ iě-a gblɛ̍n sɔ̀ɛ̀n-a tìh i̍ tǎli-ɛ.” Iě ɔ̍ la̍a̍ dě klɔ-nyɔ̍ we̍, “Sɔ bloɔ̍, dǔ àn sabli̍-i ìè gbò we̍ mu̍.”
Sɔ ɛ̍ nu̍ ɛ̍ ɔ̍ pɔ̀n sɛ̍ i̍ dě Siwlia fɔɔ kli̍hgbɛ̍. Wɛ̀ u̍h ja poa-nyɔ̍ kli̍hgbɛ̍ dǒ ɔ̍ we̍. Juh kɔn dɛ̍ᵻá chlɛ̌n-a ke, wɛ̌ᵻ kaɛn-a nu̍ nyɔ̍ ke, jeědih-a de̍e̍ nɛ nyɔ̍ ke, dbaǎdɛ-a nu̍ nyɔ̍ ke, ɛ̍ ke sɔ̍nᵻ ke bu̍hᵻá mɛ̌ nyɔ̍ ke, iě ɔ̍ pǔh-i u̍h kli̍hgbɛ̍.
Wɛ̀ Jusu la̍a̍ dě ɔ̍ we̍, “Kwlǎ nmi̍i̍ blě pɛ̌na̍ wɛ̀ na̍wɛ̍ᵻ blě tlěᵻ. Jɛ Nyi̍ɔ̍-a Jǔ nɔ̀ɔ̍, ɔ̍ se̍ tè la̍ kɔn.”
Wɛ̀ nyɔ̍gbei blě-e klɔ-nyɔ̍ dě sabli̍ di̍i̍, u̍h ja ɔ̍ dǒ Jusu we̍. Sɔ Jusu juo ɛ̍ i̍ ka u̍h nu̍-a wlùh gbaɛ blě-ɛɛ. Iě ɔ̍ la̍a̍ dě klɔ-nyɔ̍ we̍, “Ǎn jǔ, ku̍ wlùh, àn gblɛ̍n sɔ̀ɛ̀n-a tìh tǎli-ɛ i̍ wɛ̀.”
Jɔ̍gbau la ɔ̍ gblɛ̍n sɔ̀ɛ̀n-a tìh i̍ tǎli-ɛ jɛ ǎn sà-a ka dǒ wɔ̍i̍n-ɛ ke, jɛ ǎn mu̍-a ka sɔ bloɔ̍ ìè na nu̍-ɛ, jɛwe̍ bo ɛ̍ pe̍ɛ i̍ ɛ?
Iě jɔ̍gbau laa̍ ɔ̍ sɔ bloɔ̍, wɛ̀ ɔ̍ mu̍ ɔ̍ blǐ.
Jɛ ǎn pɔ̀n mɔ̀ iě ɛ̍ i̍ juo ka Nyi̍ɔ̍-a Jǔ blě-a tùn nɔ̌ bloɔ̍ ɔ̍ iě-a gblɛ̍n sɔ̀ɛ̀n-a tìh i̍ tǎli-ɛ.” Iě ɔ̍ la̍a̍ dě klɔ-nyɔ̍ we̍,
u̍h la̍a̍, “Jɔ̍gbau la dɛ̍nu̍ ɔ̍ nu̍ la̍a̍n wlu-ɛ ɛ? Ɔ̍ blaɛ Nyɔsoa wɔ̍n. Nyɔ̍ dɔɔ se̍a gblɛ̍n sɔ̀ɛ̀n-a tìh i̍ tǎli, Nyɔsoa due gbài̍ bo ɔ̀ nu̍ ɛ̍.”
Sɔ telě nǎ poe nyɔ̍ ke Fɛlesii nyɔ̍-a pu̍e̍e la̍ ɛ̍ wlùh i̍ sǔh. U̍h la̍a̍, “Jɔ̍gbau la dɛ̍nu̍ ɔ̍ nu̍ la̍a̍n wlu-ɛ ɛ? Ɔ̍ blaɛ Nyɔsoa wɔ̍n. Nyɔ̍ dɔɔ se̍a gblɛ̍n sɔ̀ɛ̀n-a tìh i̍ tǎli, Nyɔsoa due gbài̍ bo ɔ̀ nu̍ ɛ̍.”
Wɛ̀ ǐn nyǐ i̍h kmɔ̌ sie feɛ, i̍h se̍ gba̍ mɛ̌. Nyɔ̍-o-nyɔ̍ se̍ i̍h ǐn kwa̍a̍ flǎ-a bɛ̌ɛ.
Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.
Wɛ̀ ɔ̍ tù Jǔ-a chɛ̀ tùn kwa̍a̍ ɔ̍ iě taɔ pa̍, dɛ̍nu̍ɛ, ɔ̍-ɔ bo ɔ̀ nu̍ Nyi̍ɔ̍-a Jǔ.
Jusu la̍a̍ dě ɔ̍ we̍, “Sɔ bloɔ̍, dǔ àn slɛ-ɛ ìè na.”
Iě Nyɔsoa dǔ ɔ̍ ja̍i̍ dǒ ɔ̍ di̍na̍ we̍, ɔ̍ iě Dlǔtu ke nyɔ̍ Sèìe Nyɔ̍ nu̍. Wɛ̀ ɔ̍ iě Eslɔɛ nyɔ̍ flɔna̍ nyǐ u̍h iě i̍ bǐi wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ.
Wɛ̀ Pitɛ la̍a̍ dě ɔ̍ we̍, “Enia, Jusu Klai pǔh-i m̀ wɛ̀. Sɔ bloɔ̍ ìè àn bèe̍ nma̍le.” Dǒ ɔ̍ nyna iě ɔ̍ sɔ bloɔ̍.
Nyɔ̍-o-nyɔ̍ kɔn dɛ̍ sɔ̀n-a tìh mɔ̀ tǎli-a i̍-ɛ, nɛ̀ ǐn tǎli ɔ̍ dɛ̍ sɔ̀n-a tìh i̍ ke. Pò ǐn kɔn iě nyɔ̍-a dɛ̍-o-dɛ̍-a tìh i̍ tǎli-ɛ, nɛ̀ ǐn nu̍ ɛ̍ mɔ̀-a tìh. Klai bo ɔ̀ nu̍ ǎn sàànsi̍i̍h.
Ɛ̍ tìh-ɛ, à wlu Klai-a dɛ̍. Dě à ja̍a̍ bo Nyɔsoa-a ba̍le-e nyɔ̍. À gbɛ̍n mɔ̀-a bu̍hᵻ dǒ Klai-a tàà Nyɔsoa iě ɛ̍ nu̍ mɔ̀ ke ɔ̍ iě kɛ̍n i̍ gbe̍ɛ̍ɛn.
Jɛ mɔ̀ nmɔ-ɛ we̍ gblɛ̍n-ɛ, mɔ̀ jiěe we̍ wɔɛ. Nɛ̀ mɔ̀ tǎli mɔ̀ ba̍ᵻá dɛ̍ sɔ̀n-a tìh i̍, ka Nyɔsoa nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛ dě Klai ja̍a̍-ɛ.
Mɔ̀ bɔ̌ feǎn wlì we̍ kɔn-ɛɛ, mɔ̀ iě gblɛ̍n sɔ̀ɛ̀n-a tìh we̍ i̍ tǎli-ɛ. Pò jɔ kɔn ba̍ nu̍ ɔ̍ dɛ̍ pùn-ɛ, ɛ̀ kɔn ba̍ Joi nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛɛ, kǎ mɔ̀ iě nu̍ ke dǒ mɔ̀ ba̍ᵻ we̍.