Matio 9:2 - Ku̍o̍ Delee 1999

² Wɛ̀ nyɔ̍gbei blě-e klɔ-nyɔ̍ dě sabli̍ di̍i̍, u̍h ja ɔ̍ dǒ Jusu we̍. Sɔ Jusu juo ɛ̍ i̍ ka u̍h nu̍-a wlùh gbaɛ blě-ɛɛ. Iě ɔ̍ la̍a̍ dě klɔ-nyɔ̍ we̍, “Ǎn jǔ, ku̍ wlùh, àn gblɛ̍n sɔ̀ɛ̀n-a tìh tǎli-ɛ i̍ wɛ̀.”

Matio 9:2 Iomraidhean Croise

Matio 14:27

Jɛ Jusu tèwe ɔ̍ wlu, ɔ̍ la̍a̍, “Mɔ̀ dbǎ ku̍, mɔ̍ bo, mɔ̀ bɔ̌ faɔn ple̍-ɛ.”

Matio 4:24

Sɔ ɛ̍ nu̍ ɛ̍ ɔ̍ pɔ̀n sɛ̍ i̍ dě Siwlia fɔɔ kli̍hgbɛ̍. Wɛ̀ u̍h ja poa-nyɔ̍ kli̍hgbɛ̍ dǒ ɔ̍ we̍. Juh kɔn dɛ̍ᵻá chlɛ̌n-a ke, wɛ̌ᵻ kaɛn-a nu̍ nyɔ̍ ke, jeědih-a de̍e̍ nɛ nyɔ̍ ke, dbaǎdɛ-a nu̍ nyɔ̍ ke, ɛ̍ ke sɔ̍nᵻ ke bu̍hᵻá mɛ̌ nyɔ̍ ke, iě ɔ̍ pǔh-i u̍h kli̍hgbɛ̍.

Matio 6:12

Tǎli à gblɛ̍n sɔ̀ɛ̀n-a tìh i̍, ka à nu̍-a gblɛ̍n sɔ̀ɛ̀n nyɔ̍ duuh nu̍-a à pùn-ɛ i̍ tǎli-ɛ.

Matio 8:10

Jusu wɔ̌n-a ɔ̍ wlu̍ la-ɛ, sɔ ɛ̍ wlǔh i̍ ɔ̍ de̍e̍. Iě ɔ̍ la̍a̍ dě nyɔ̍ ùh wɔ̀-a dǒ ɔ̍ de̍e̍-ɛ we̍, “Ɛ̍ se̍ pàɔ̀n, ɛ̀ jɔ̍gbau la ɔ̍ nu̍-a wlùh gbaɛ blě-ɛ, nɛ̌ se̍a ɛ̍ we̍ nyɔ̍ jě sàǐtòò da̍a Eslɔɛ bloa̍ kɛ̍n.

Matio 8:16

Ti̍ ɛ̍ nu̍-a flìwe̍-ɛ, nyɔ̍gbei ja nyɔ̍ dɔu dǒ ɔ̍ we̍. Duuh blě jeědih dǒ u̍h de̍e̍. Iě ɔ̍ wlu̍-a sǔh nu̍ jeědih laa̍ i̍, wɛ̀ ɔ̍ pǔh-i poa-nyɔ̍ kli̍hgbɛ̍.

Matio 9:22

Jusu bǐi kwa̍ wɛ̀ ɔ̍ jě ɔ̍, iě ɔ̍ la̍a̍, “Nynɔ̌ chɛ̀, ku̍ wlùh, àn wlùh gbaɛ bo ɛ̀ nu̍ ɛ̍ wɛ̀ ìn pǔh.” Dǒ nynɔ̌ laa̍ ɔ̍ wɛ̌ nyna ɛ̍ bɔ̌.

Matio 9:5

Jɔ̍gbau la ɔ̍ gblɛ̍n sɔ̀ɛ̀n-a tìh i̍ tǎli-ɛ jɛ ǎn sà-a ka dǒ wɔ̍i̍n-ɛ ke, jɛ ǎn mu̍-a ka sɔ bloɔ̍ ìè na nu̍-ɛ, jɛwe̍ bo ɛ̍ pe̍ɛ i̍ ɛ?

Matio 9:6

Jɛ ǎn pɔ̀n mɔ̀ iě ɛ̍ i̍ juo ka Nyi̍ɔ̍-a Jǔ blě-a tùn nɔ̌ bloɔ̍ ɔ̍ iě-a gblɛ̍n sɔ̀ɛ̀n-a tìh i̍ tǎli-ɛ.” Iě ɔ̍ la̍a̍ dě klɔ-nyɔ̍ we̍, “Sɔ bloɔ̍, dǔ àn sabli̍-i ìè gbò we̍ mu̍.”

Pɔ̀n Chɛ̀ Maɛ To-a La 1:32

Ɛ̍ nu̍ wìe̍we̍, nɛ̀ dě nyɔ̍ kɔnɔᵻ mlǎᵻá gbe la̍ i̍, wɛ̀ nyɔ̍gbei ja poa-nyɔ̍ kli̍hgbɛ̍ ke jeědih-a de̍e̍ nɛ nyɔ̍ dǒ Jusu we̍.

Pɔ̀n Chɛ̀ Maɛ To-a La 10:49

Wɛ̀ Jusu nyna i̍, iě ɔ̍ la̍a̍, “Mɔ̀ dǎ ɔ̍.” Iě u̍h dǎ dɔ̌-nyɔ̍ laa̍, u̍h la̍a̍, “Dbǎ ku̍, ɔ̍ dǎ la̍ m̀, sɔ bloɔ̍.”

Pɔ̀n Chɛ̀ Maɛ To-a La 5:34

Wɛ̀ Jusu la̍a̍, “Nynɔ̌ chɛ̀, àn wlùh gbaɛ bo ɛ̀ nu̍ ɛ̍ wɛ̀ ìn pǔh. Mu̍ pɛlɛpɛ, ìn pǔh wɛ̀ kleǐnklein.”

Pɔ̀n Chɛ̀ Maɛ To-a La 6:50

Dɛ̍nu̍ɛ, dɛ̍ wa̍ u̍h kli̍hgbɛ̍ we̍. Jɛ Jusu tèwe ɔ̍ wlu, ɔ̍ la̍a̍, “Mɔ̀ dbǎ ku̍, mɔ̍ bo, mɔ̀ bɔ̌ faɔn ple̍-ɛ.”

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Chɔɔn 2:25

Ɔ̍ se̍ pɔ̀n nyɔ̍-o-nyɔ̍ iě nyi̍ɔ̍-a tìh we̍ i̍ sèàɛ̍ dě ɔ̍ we̍, dɛ̍nu̍ɛ, ɔ̍ nɔ̀ɔ̍, ɔ̍ juo dɛ̍ nɛ-a dě nyi̍ɔ̍ di̍i̍-ɛ.

Chɔɔn 21:5

Wɛ̀ ɔ̍ la̍a̍ dě u̍h we̍, “Jbɛɛ nyɔ̍, mɔ̀ gbɛ̍n dɛ̍ wɛ̀ ae?” U̍h la̍a̍, “À-a se̍a dɛ̍wɛ-a chɛ̀ gbɛ̍n o.”

Nu̍-dɛ̍ᵻ 14:9

Nɛ̀ ɔ̍ tè i̍ ɔ̍ po̍ Pɔɔ-a wlu̍ dounᵻ we̍. Wɛ̀ Pɔɔ gbɛ̀n ɔ̍ ja̍ sòo̍sòo̍, sɔ ɔ̍ blě wlùh gbaɛ-ɛ, ɛ̍ iě ɔ̍ pǔh-i.

Nu̍-dɛ̍ᵻ 19:12

Nɛ̀ pò pàa̍ngbaa àe̍e̍ wlì i̍ wlǎ jliɛ̍ sɔ dǒ ɔ̍ pùn wɛ̀ nyɔ̍ iě ɛ̍ wɛ̌ᵻ nyɔ̍ we̍ gba̍-ɛ, nɛ̀ u̍h-a wɛ̌ᵻá chɛ̀ bɔ̌-ɛ. Iě pò ɛ̍ tù jeědih-ɛ, nɛ̀ i̍h sɔ dǒ u̍h de̍e̍.

Nu̍-dɛ̍ᵻ 23:11

Ɛ̍ wlù weɛ̍ laa̍ dǒ Joi wlǔh-i Pɔɔ i̍ iě ɔ̍ la̍a̍, “Pɔɔ, bɛ̌ wlì i̍, ka ìn nu̍-a ǎn tìh i̍ sà-a da̍a Juluslɛn wlɔ̀ di̍i̍-ɛ, kǎ ìè ǎn sàànsi̍i̍h nu̍-ɛ nu̍ ke dǒ Wlom.”

Wloma 5:11

Jɛ ɛ̍ se̍ ɛ̍ nɛ due, Nyɔsoa nu̍ ɛ̍ iě à nmɔ dě à Joi Jusu Klai ja̍a̍, ɔ̀ nu̍-a ɛ̍ iě à ke Nyɔsoa gbe̍ɛ̍ɛn-a kɛ̍n i̍-ɛ.

Chiin 2:18

Jɛ nyɔ̍ dɔɔ-a mu̍ ka dǎ, “Mɔ̍ɔ-ɛ, ǐn blě wlùh gbaɛ-ɛ, wɛ̀ jɔ la ɔ̍ blě nu̍-dɛ̍ᵻ.” Nɛ̀ ǎn mu̍ ka dǎ, “Àn wlùh gbaɛ ɛ̀ se̍-a nu̍-dɛ̍ᵻ blě-ɛ, to ɛ̍ iě ɛ̍ jě. Wɛ̀ mɔ̍ɔ-ɛ, iě ǎn wlùh gbaɛ to dǒ ǎn nu̍-dɛ̍ᵻ we̍.”