Matio 8:6 - Ku̍o̍ Delee 1999

⁶ Ɔ̍ la̍a̍, “Nyɔ̍ klaa, ǎn pòi̍ju-a poa-ɛ, ɔ̍ pɛ̌n i̍ dě gbò. Ɔ̍ se̍ bloɔ̍ sɔ-ɛ bɛ̌ɛ, sɔ ɛ̍ sàɛ̀ ɔ̍ jua̍i̍ kaa̍. Ɛ̍ kɔn ǐn ji̍ nɔ̌ ìn we̍.”

Matio 8:6 Iomraidhean Croise

Matio 4:24

Sɔ ɛ̍ nu̍ ɛ̍ ɔ̍ pɔ̀n sɛ̍ i̍ dě Siwlia fɔɔ kli̍hgbɛ̍. Wɛ̀ u̍h ja poa-nyɔ̍ kli̍hgbɛ̍ dǒ ɔ̍ we̍. Juh kɔn dɛ̍ᵻá chlɛ̌n-a ke, wɛ̌ᵻ kaɛn-a nu̍ nyɔ̍ ke, jeědih-a de̍e̍ nɛ nyɔ̍ ke, dbaǎdɛ-a nu̍ nyɔ̍ ke, ɛ̍ ke sɔ̍nᵻ ke bu̍hᵻá mɛ̌ nyɔ̍ ke, iě ɔ̍ pǔh-i u̍h kli̍hgbɛ̍.

Matio 8:7

Wɛ̀ Jusu la̍a̍, “Ǎn mu̍ dě ìn blǐ gbò mu̍ iě ɔ̍ pǔh-i.”

Matio 9:2

Wɛ̀ nyɔ̍gbei blě-e klɔ-nyɔ̍ dě sabli̍ di̍i̍, u̍h ja ɔ̍ dǒ Jusu we̍. Sɔ Jusu juo ɛ̍ i̍ ka u̍h nu̍-a wlùh gbaɛ blě-ɛɛ. Iě ɔ̍ la̍a̍ dě klɔ-nyɔ̍ we̍, “Ǎn jǔ, ku̍ wlùh, àn gblɛ̍n sɔ̀ɛ̀n-a tìh tǎli-ɛ i̍ wɛ̀.”

Nu̍-dɛ̍ᵻ 10:7

Nyɔsoa-a ǐnchɔ̀ wɔ̀-a dě ɔ̍ we̍ wlu-ɛɛ, iě ɛ̍ mu̍. Wɛ̀ Kɔleniɔ dǎ ɔ̍ pòi̍nynuu̍ sɔɔ̌n. Iě ɔ̍ fledlǔ due ɔ̀ sìì-a Nyɔsoa dɛ we̍ dě ɔ̍ fledlǔ ùh-a gbɛ̀n-a dǒ ɔ̍ we̍ i̍-ɛ nynɛ̌-ɛ, wɛ̀ ɔ̍ dǎ ɔ̍ ke.

Nu̍-dɛ̍ᵻ 8:7

Nɛ̀ nyɔ̍ dɔu blě jeědih dǒ u̍h de̍e̍. Nɛ̀ i̍h-a wǐi i̍ wɛ̀ i̍h-a sɔ u̍h de̍e̍ i̍. Wɛ̀ klɔ-nyɔ̍ ke i̍ kɔ̌-nyɔ̍ sùɛ̀ pǔh.

Nu̍-dɛ̍ᵻ 9:33

Dě ɔ̍ jɛɛ jɔ̍gbau due ɔ̍ nynɛ̌ bo Enia. Ɔ̍ klɔ-ɛ, tà ɔ̍ pɛ̌n-a i̍-ɛ, dǒ ɔ̍ nui dɛ̍ᵻ kli̍hgbɛ̍ dǒ sɔ̀nᵻ mɛ̀ta̍a̍n di̍i̍.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

Kalase 4:1

Dlǔtuᵻ, mɔ̀ nu̍ mɔ̀-a kèi̍ᵻá sɛ̍sɛ̍, mɔ̀ iě i̍ slɛ̌-dɛ̍ nu̍ dǒ u̍h we̍. Dɛ̍nu̍ɛ, mɔ̀ juo ɛ̍ ka mɔ̀ blě-a Dlǔtu ke dě ja̍i̍wlɔ̀-ɛ.

1 Timote 6:2

Kèi̍ jɔ kɔn dlǔtu nu̍-a Nyɔsoa wlùh gbaɛ nyɔ̍-ɛ, nɛ̀ ɛ̍ bɔ̌ ɛ̍ nu̍-ɛ wɛ̀ ɔ̍ bɔ̌ ɔ̍ wɔ̍n blaɛ-ɛ, ɔ̍ ɔ̍ de̍di̍i̍ nu̍ tìh. Jɛ nɛ̀ dǒ ɔ̍ iě ɔ̍ jǔ dbee nmɔ jii̍. Dɛ̍nu̍ɛ, nyɔ̍ ùh-a jě-a u̍h-a dbo̍ nu̍-ɛ dɛ̍ we̍-ɛ, u̍h gbaɛ Nyɔsoa wlùh iě ɔ̍ kma u̍h-a tìh. Poe u̍h ìh la nǎ wɛ̀ ìè u̍h wɔ̍i̍n gbɛ̍n-ɛ dǒ i̍h we̍.

Faɛlimɔ 1:16

Kaka la̍ ɔ̍ se̍ kèi̍ wɔ̀ dɛ, dɛ̍nu̍ɛ, ɔ̍ gbǎ dɛ̍kɛ̍n ɔ̍ sìì kèi̍. À tìh kma de̍di̍i̍ bo wɛ̀. Ɔ̍ tìh kma-ɛ dǒ ǐn we̍, jɛ ɔ̍ tìh kma-ɛ dǒ ìn we̍ kaa̍ ɛ̍ sìì m̀. Dɛ̍nu̍ɛ, ɔ̍ nu̍ àn kèi̍ iě ɔ̍ nu̍ ìn de̍di̍i̍ dɛ dě Joi ja̍a̍.