Matio 8:4 - Ku̍o̍ Delee 1999

⁴ Wɛ̀ Jusu la̍a̍ dě ɔ̍ we̍, “Bɔ̌ nyɔ̍-o-nyɔ̍ wlùh sèàɛ̍-ɛ, jɛ mu̍ ìè àn chɛ̀ Nyɔsoa-a slaǎ sà nyɔ̍ i̍ to. Nɛ̀ ìn sà slaǎ ɛ̀ Mose-a telě la̍ nyɔ̍ iě-a nu̍-ɛ, ɛ̍ iě ɛ̍ to dě nyɔ̍ kli̍hgbɛ̍ we̍ ka ìn fɛ̍nɛ-aɛ.”

Matio 8:4 Iomraidhean Croise

Matio 10:18

Ǎn tìh-ɛ, u̍h-a mu̍ mɔ̀ dě kɔ̀mla̍ᵻ ke blǔh baaᵻ we̍ gba̍. Nɛ̀ dǒ mɔ̀ iě u̍h ke ùh se̍-a Juu nyɔ̍-ɛ pɔ̀n chɛ̀ la ɛ̍ tìh wlùh sèàɛ̍.

Matio 16:20

Wɛ̀ ɔ̍ nɛ̌ɛ ɔ̍ kòà wlu̍ dounᵻ i̍, u̍h-u je̍e nyɔ̍ dɔɔ wlùh sèàɛ̍ ka ɔ̍ nu̍-a Nyɔsoa-a Chèɛ̀ Tba̍ju-ɛ.

Matio 17:9

U̍h-a sɔ-a la̍ dě tlu̍h kɛ̍n-ɛ, wɛ̀ Jusu tù u̍h slɛ̌n, ɔ̍ la̍a̍, “Dɛ̍ ɛ̀ mɔ̀ jě-a tiɔ dě tlu̍h dlugbɔ̌-ɛ, mɔ̀ bɔ̌ nyɔ̍ dɔɔ wlùh sèàɛ̍ te̍e̍ wɛ̀ Nyi̍ɔ̍-a Jǔ iě-e wlǔh o.”

Matio 3:15

Jɛ Jusu la̍a̍, “Kaka la̍ kǎ ɛ̍ iě nɛ. Dɛ̍nu̍ɛ, pò à nu̍ la̍a̍n-ɛ, nɛ̀ dɛ̍ᵻ kli̍hgbɛ̍ Nyɔsoa-a pɔ̀n-a bo à nu̍-a.” Wɛ̀ Chɔɔn dǔ wɔ̌n-ɛ.

Matio 5:17

Ɔ̍ la̍a̍, “Ǐn se̍ ji̍ iě Nyɔsoa-a telě ke ɔ̍ tu̍owli po̍ nyɔ̍-a nǎ po̍-ɛ dǒ wìè-i sà. Ɛ̍ tìh-ɛ, mɔ̀ bɔ̌ ɛ̍ wlùh i̍ naɛ. Ǐn se̍ i̍h dǒ wìè-i sà la̍ ji̍, jɛ ǐn ji̍-i iě i̍h dlǔ jǐ-i.

Matio 6:1

Ɔ̍ la̍a̍, “Mɔ̀ nu̍ nɛnɛ̌ dǒ dɛ̍ ɛ̀ mɔ̀ kɔn mɔ̀ iě-a nu̍ dě Nyɔsoa dɛ di̍i̍-ɛ we̍, wɛ̀ mɔ̀-ɔ je̍e ɛ̍ gbaɛ̍we̍ tè, nyɔ̍ duuh je̍e ɛ̍ jě. Jɛ pò mɔ̀ nu̍ la̍a̍n-a, nɛ̀ mɔ̀ se̍ dɛ̍ jě mu̍ dě mɔ̀ Baa Nyɔsoa nɛ-a dě ja̍i̍wlɔ̀-ɛ kwa̍a̍.

Matio 9:30

Wɛ̀ u̍h-a jlǐh pɔ̀ni dode̍. Iě Jusu nɛ̌ɛ u̍h wlu̍ doun i̍, ɔ̍ la̍a̍, “Mɔ̀-ɔ sèàɛ̍ nyɔ̍ dɔɔ wlùh de o.”

Pɔ̀n Chɛ̀ Maɛ To-a La 13:9

“Jɛ mɔ̀ nu̍ mɔ̀-a chɛ̀-a nɛnɛ̌, dɛ̍nu̍ɛ, u̍h-a mu̍ mɔ̀ gbɛ̍n, wɛ̀ u̍h iě mɔ̀ koti̍ i̍ po̍. Nɛ̀ u̍h-a mu̍ mɔ̀ bla̍ dě wɛɛ sà gbòᵻ sɔ̀n i̍. Nɛ̀ u̍h-a mu̍ mɔ̀ i̍ nyna-ɛ dǒ kɛɛ̍n nyɔ̍ ke blǔh baaᵻ jǔ ǎn tìh. Dǒ mɔ̀-a mu̍ pɔ̀n chɛ̀-a tìh bla̍-ɛ dě u̍h we̍.

Pɔ̀n Chɛ̀ Maɛ To-a La 3:12

Wɛ̀ ɔ̍ nɛ̌ɛ jeědih laa̍ wlu̍ dounᵻ i̍ kaa̍ i̍h-i je̍e ɔ̍ nynɛ̌ wlɔ̀ we̍ po̍.

Pɔ̀n Chɛ̀ Maɛ To-a La 5:43

Wɛ̀ Jusu gbɛ̍n-ɛ u̍h wɔ̍i̍n u̍h-u je̍e nyɔ̍-o-nyɔ̍ wlùh sèàɛ̍. Iě ɔ̍ la̍a̍, “Mɔ̀ nyǐ ɔ̍ dɛ̍ ɔ̍ iě di̍.”

Pɔ̀n Chɛ̀ Maɛ To-a La 6:11

Pò mɔ̀ sǐ dǒ wlɔ̀ di̍i̍ i̍, wɛ̀ nyɔ̍ nɛ-a dǒ ɛ̍ di̍i̍-ɛ, u̍h se̍ mɔ̀-a tìh i̍ gbɛ̍n àe̍e̍ u̍h se̍ mɔ̀ dounᵻ we̍ po̍-ɛ, nɛ̀ mɔ̀ chɛ̍n-o tìè. Mɔ̀ ja-o sɔ-ɛ, nɛ̀ mɔ̀ gbàbo blǔh bu̍hᵻ sɔ̀n i̍. Nɛ̀ nyɔ̍ nɛ-a dǒ wlɔ̀ laa̍ di̍i̍-ɛ, u̍h-a mu̍ ɛ̍ i̍ jě.”

Pɔ̀n Chɛ̀ Maɛ To-a La 7:36

Wɛ̀ Jusu gbɛ̍n-ɛ u̍h wɔ̍i̍n u̍h-u je̍e nyɔ̍-o-nyɔ̍ wlùh sèàɛ̍. Jɛ ka ɔ̍ gbɛ̍n-ɛa u̍h wɔ̍i̍n u̍h-u je̍e-a nyɔ̍ wlùh sèàɛ̍-ɛ, nɛ̀ kǎ u̍h-a dlɛɛ ɛ̍ pɛ̍n nǐ i̍ ke sǔh.

Pɔ̀n Chɛ̀ Maɛ To-a La 8:30

Wɛ̀ Jusu gbɛ̍n-ɛ u̍h wɔ̍i̍n, ɔ̍ la̍a̍, “Kǎ ǐn nu̍-a Chèɛ̀ Tba̍ju-ɛ, mɔ̀ bɔ̌ nyɔ̍ dɔɔ wlùh sèàɛ̍ o.”

Pɔ̀n Chɛ̀ Maɛ To-a La 9:9

Ti̍ u̍h-a sɔ-a la̍ dě tlu̍h kɛ̍n-ɛ, wɛ̀ Jusu gbɛ̍n-ɛ u̍h wɔ̍i̍n, ɔ̍ la̍a̍, “Dɛ̍ mɔ̀ jě-a tiɔ-ɛ, mɔ̀ bɔ̌ nyɔ̍ dɔɔ wlùh sèàɛ̍ te̍e̍ wɛ̀ Nyi̍ɔ̍-a Jǔ iě-e wlǔh o.”

Pɔ̀n Chɛ̀ Luu To-a La 17:14

Jusu jě-a u̍h-ɛ, iě ɔ̍ la̍a̍ dě u̍h we̍, “Mɔ̀ mu̍ mɔ̀ iě mɔ̀-a chɛ̀ Nyɔsoa-a slaǎ sà nyɔ̍ i̍ to.” U̍h nɛ dǒ mu̍ la̍ sǔh wɛ̀ u̍h-a ku̍ fɛ̍nɛ.

Pɔ̀n Chɛ̀ Luu To-a La 21:13

Dǒ mɔ̀-a mu̍ flɔn la̍ jě-e, wɛ̀ mɔ̀ iě pɔ̀n chɛ̀-a tìh we̍i̍ bla̍.

Pɔ̀n Chɛ̀ Luu To-a La 4:41

Wɛ̀ jeědih sɔ dǒ nyɔ̍ dɔu de̍e̍ i̍ ke, iě i̍h-a wǐi i̍. I̍h la̍a̍, “Mɔ̀ Nyɔsoa-a Jǔ.” Jusu po̍ i̍h bɔ̌ i̍, sɔ ɔ̍-ɔ wɔ̌n i̍h-i po̍ wlu̍ i̍. Dɛ̍nu̍ɛ, i̍h juo ka ɔ̍ nu̍-a Nyɔsoa-a Chèɛ̀ Tba̍ju-ɛ.

Pɔ̀n Chɛ̀ Luu To-a La 5:14

Wɛ̀ Jusu la̍a̍, “Bɔ̌ nyɔ̍-o-nyɔ̍ wlùh sèàɛ̍-ɛ, jɛ mu̍ ìè àn chɛ̀ Nyɔsoa-a slaǎ sà nyɔ̍ i̍ to. Nɛ̀ ìn sà slaǎ ɛ̀ Mose-a telě la̍ nyɔ̍ iě-a nu̍-ɛ, ɛ̍ iě ɛ̍ to dě nyɔ̍ kli̍hgbɛ̍ we̍ ka ìn fɛ̍nɛ-aɛ.”

Pɔ̀n Chɛ̀ Luu To-a La 8:56

Sɔ ɛ̍ wlǔh i̍ ɔ̍ de̍ ke ɔ̍ baa de̍e̍. Jɛ Jusu nɛ̌ɛ u̍h wlu̍ dounᵻ i̍ u̍h-u je̍e nyɔ̍-o-nyɔ̍ wlùh sèàɛ̍ dǒ ɛ̀ nɛ-aɛ we̍.

Pɔ̀n Chɛ̀ Luu To-a La 9:21

Jɛ Jusu nɛ̌ɛ u̍h wlu̍ dounᵻ i̍ kaa̍ u̍h-u je̍e nyɔ̍-o-nyɔ̍ wlùh sèàɛ̍.

Chɔɔn 5:41

“Ǐn se̍ pɔ̀n nyi̍ɔ̍ iě ǐn tìhwe̍ po̍.

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Chɔɔn 8:50

Ǐn se̍ ǎn chɛ̀-a nynɛ̌ i̍ bɛ̌-ɛ i̍ pɔ̀n, jɛ nyɔ̍ ɔ̀ pɔ̀n-a ɛ̍ i̍-ɛ, ɔ̍ nɛ-o. Ɔ̍ bo ɔ̀ mu̍ ǎn taɔ nu̍.