Matio 8:2 - Ku̍o̍ Delee 1999

² Dǒ-o bo jɔ̍gbau due ji̍-i dǒ ɔ̍ we̍, nɛ̀ wìèìdih-a nu̍ ɔ̍-ɛ. Wɛ̀ ɔ̍ chlìi i̍ dǒ ɔ̍ jǔ, ɔ̍ la̍a̍, “Nyɔ̍ klaa, pò ìn wɔ̌ɛn ɛ̍-ɛ, nɛ̀ ìn bɛ̌ɛ ɛ̍ nu̍-ɛ iě fɛ̍nɛ wa.”

Matio 8:2 Iomraidhean Croise

Matio 10:8

Nɛ̀ mɔ̀ pǔh-i poa-nyɔ̍, mɔ̀ iě-e mɛ̌-nyɔ̍ sà, mɔ̀ nu̍ ɛ̍ wìèìdih-a nu̍ nyɔ̍ iě pǔh, mɔ̀ iě jeědih i̍ nu̍. Ka ǐn nyǐ-a mɔ̀ gbǐh la bu̍ɛ̍i̍-ɛ, nɛ̀ mɔ̀ nui i̍h dbo̍ ke bu̍ɛ̍i̍.

Matio 13:58

Sɔ ɔ̍ se̍-o jbaɛdih dɔu poe, dɛ̍nu̍ɛ, nyɔ̍ nɛ-a doǒ-ɛ, u̍h se̍ ɔ̍ wlùh gbaɛ.

Matio 14:33

Wɛ̀ ɔ̍ kòà nɛ-a dě blǎgbè di̍i̍-ɛ, iě u̍h-a sà ɔ̍ wɛɛ, u̍h la̍a̍, “Mɔ̀ la mɔ̀ Nyɔsoa-a Jǔ chɛ̀.”

Matio 15:25

Wɛ̀ nynɔ̌ mu̍ iě ɔ̍ chlìi i̍ dǒ ɔ̍ jǔ. Wɛ̀ ɔ̍ la̍a̍, “Nyɔ̍ klaa, gbǎ ǐn we̍ lě.”

Matio 18:26

Wɛ̀ pòi̍ju laa̍ ɔ̍ chlìi i̍ dǒ ɔ̍ jǔ, iě ɔ̍ ba̍le ɔ̍. Ɔ̍ la̍a̍, ‘Dbǎkà, gbɛ̍n wlùh i̍, ǎn mu̍ àn wlǐ laa̍ pɛ̌ɛ kli̍hgbɛ̍.’

Matio 2:11

Wɛ̀ u̍h pa̍ dě gbò. Iě u̍h jě jǔ-a chɛ̀ ke ɔ̍ de̍ Mɛle, wɛ̀ u̍h chlìi i̍ iě u̍h sà ɔ̍ wɛɛ. Wɛ̀ u̍h pɔ̀ni u̍h-a gbèèkǔᵻ, dě u̍h sà kòo̍ ke nɔ̌-dɛ̍ᵻ chɛ̀, ìh ke chò ke sùè-chlǎn wɔ̀ɛ-ɛa, iě u̍h nyǐ i̍h ɔ̍.

Matio 20:20

Wɛ̀ Sɛɛbedii-a nynɔ̌ ke ɔ̍ jɔ̍gbauᵻ nynuu̍ sɔɔ̌n ji̍ dǒ Jusu we̍, wɛ̀ ɔ̍ chlìi i̍ dǒ ɔ̍ jǔ. Iě ɔ̍ ba̍le ɔ̍ ɔ̍ iě dɛ̍ nu̍ dǒ ɔ̍ we̍.

Matio 26:6

Ti̍ Jusu nɛ-a dǒ Bɛtani-ɛ, nɛ̀ ɔ̍ di̍ dɛ̍ dě Samo blǐ gbò, ɔ̀ wìèìdih-a nu̍-a de-ɛ.

Matio 28:17

Ti̍ u̍h jě-a ɔ̍-ɛ, iě u̍h sà ɔ̍ wɛɛ, jɛ nɛ̀ duuh-a wlùh nɛ kɛ̍-ɛ.

Matio 28:9

U̍h iě-a kèle-ɛ, nɛ̀ Jusu-a chɛ̀ jɛɛ u̍h wɛ̀. Ɔ̍ la̍a̍, “Mɔ̀ nàà wlǔh.” Wɛ̀ u̍h mu̍ ɔ̍ wlì, iě u̍h gbɛ̍n ɔ̍ bu̍hᵻ i̍, wɛ̀ u̍h sà ɔ̍ wɛɛ.

Matio 4:9

Wɛ̀ ɛ̍ la̍a̍ dě ɔ̍ we̍, “Pò ìn ja i̍ chlìi mu̍ dǒ ǐn jǔ wɛ̀ ìè ǐn wɛɛ sà-ɛ, nɛ̀ ǎn mu̍ ìn ìh kli̍hgbɛ̍ la nyǐ ìè i̍h kɔn.”

Matio 8:1

Ti̍ Jusu-a sɔ-a la̍ dě tlu̍h kɛ̍n-ɛ, nɛ̀ nyɔ̍ tlùgbei̍ wɔ̀ dǒ ɔ̍ de̍e̍.

Matio 8:25

Iě ɔ̍ kòà mu̍ dě ɔ̍ we̍, wɛ̀ u̍h bla̍ ɔ̍ kɛ̍n i̍. U̍h la̍a̍, “Joi, sèìe àɔ̀ lě. À ji̍ la̍ niɔ̍ sie la wa.”

Matio 9:18

Jusu nɛ dǒ wlu la̍ sǔh wɛ̀ Juu-a nyɔ̍ klaa due ji̍ dǒ ɔ̍ we̍. Wɛ̀ ɔ̍ chlìi i̍ dǒ ɔ̍ jǔ, iě ɔ̍ la̍a̍, “Kaka ǎn jǔ nynɔ̌gbaɔ chɛ̍n feɛ, jɛ ji̍ ìè ɔ̍ sɔ̍n dlǔ tè wɛ̀ ɔ̍ iě kmɔ̌ nɛ dode̍.”

Pɔ̀n Chɛ̀ Luu To-a La 4:27

Nɛ̀ wìèìdih-a nu̍ nyɔ̍ dɔu nɛ dě Eslɔɛ dǒ Nyɔsoa-a tu̍owli po̍ nyɔ̍ Ilaɛseɔ-a ti̍ we̍. Jɛ u̍h-a nyɔ̍ wɛ-a chɛ̀ se̍ fɛ̍nɛ. Niimɛ nu̍-a Siwlia jǔ-ɛ, ɔ̍ nɛ due bo ɔ̀ fɛ̍nɛ.”

Chɔɔn 9:38

Jɔ̍gbau la̍a̍, “Joi, ǐn blě wlùh gbaɛ-ɛ.” Wɛ̀ ɔ̍ chlìi i̍ ɔ̍ sà Jusu wɛɛ.

Nu̍-dɛ̍ᵻ 10:14

Jɛ Pitɛ la̍a̍, “Joi, sakǒ o, nɛ̌ se̍a dɛ̍-o-dɛ̍ ɛ̀ nyni-a dě Nyɔsoa jlǐh i̍-ɛ ke ɛ̀ se̍-a nɛi̍ wɛ̀-ɛ di̍ sàǐtòò.”

Nu̍-dɛ̍ᵻ 10:25

Pitɛ naɛ àn pa̍ dě gbò-ɛ, Kɔleniɔ jǎɛ ɔ̍ i̍, wɛ̀ ɔ̍ chlìi i̍ gbìi̍i dǒ ɔ̍ jǔ.

1 Kɔwlɛntiɔn 14:25

Nɛ̀ dɛ̍ᵻ ìh nɛ-a dě kwile-e de dě ɔ̍ wlùh di̍i̍-ɛ, i̍h-a mu̍ gbɔ̀ wlǔh. Nɛ̀ ɔ̍ mu̍ i̍ chlìi ɔ̍ iě Nyɔsoa wɛɛ sà, ɔ̍ iě ka dǎ, “I̍i̍n, Nyɔsoa nɛ nɔ̌ mɔ̀ nynɛ̌ chɛ̀ɛ̌chɛ̀.”

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.