Matio 8:11 - Ku̍o̍ Delee 1999

¹¹ Jɛ bɔ̌ ǐn sèàɛ̍ mɔ̀ wlùh, nyɔ̍ dɔu-a mu̍ tà kli̍hgbɛ̍ sɔ. Wɛ̀ u̍h ke Eblaɛɛn ke, Ase ke, Jekɔ iě dǒ teble̍ gbɔ̀ plɛɛn dǒ Nyɔsoa-a kmɔ̌ wlu̍ i̍ kɔn la.

Matio 8:11 Iomraidhean Croise

Matio 21:41

U̍h la̍a̍, “Kǔ-a wlùh blě nyɔ̍ laa̍ nɛ̀ ɔ̍ mu̍ u̍h dbǎ. Wɛ̀ ɔ̍ iě klè-a chɛ̀ nyɔ̍ duuh nyǐ. Wɛ̀ pò tlo-dɛ̍ᵻá gbǎn ti̍ nyni̍-oɛ, wɛ̀ u̍h iě ɔ̍ naɛ ɔ̍ nyǐ.”

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 8:10

Jusu wɔ̌n-a ɔ̍ wlu̍ la-ɛ, sɔ ɛ̍ wlǔh i̍ ɔ̍ de̍e̍. Iě ɔ̍ la̍a̍ dě nyɔ̍ ùh wɔ̀-a dǒ ɔ̍ de̍e̍-ɛ we̍, “Ɛ̍ se̍ pàɔ̀n, ɛ̀ jɔ̍gbau la ɔ̍ nu̍-a wlùh gbaɛ blě-ɛ, nɛ̌ se̍a ɛ̍ we̍ nyɔ̍ jě sàǐtòò da̍a Eslɔɛ bloa̍ kɛ̍n.

Pɔ̀n Chɛ̀ Luu To-a La 12:37

Pòi̍nynuu̍ ùh kɔn dlǔtu ji̍-a wɛ̀ ɔ̍ se̍-a u̍h nyinɔ̍ i̍ jɛɛ-ɛ, nɛ̀ u̍h nmɔ i̍. Tìh-a taǐn ǎn sèàɛ̍ mɔ̀ wlùh, nɛ̀ ɔ̍ mu̍ ɔ̍ dɛ̍wlo̍o̍ i̍ sà chɛ̀gbɛɛ, wɛ̀ ɔ̍ iě u̍h dǒ teble̍ gbɔ̀ gba̍, ɔ̍ iě u̍h-a dɛ̍i̍ nu̍.

Pɔ̀n Chɛ̀ Luu To-a La 16:22

Nyɔ̍gbà nyɔ̍ laa̍ wɛ̀ ɔ̍ mɛ̌, iě Nyɔsoa-a ǐnchɔ̀ gba̍ ɔ̍ sùù dě Eblaɛɛn we̍ ɛ̍ iě i̍ tè. Pàn-nyɔ̍ laa̍ ɔ̍ mɛ̌-a ke-ɛ, iě u̍h tè ɔ̍ i̍.

Nu̍-dɛ̍ᵻ 10:45

Juu-a wlùh gbaɛ-ɛ blě nyɔ̍ ùh ke Pitɛ na-aɛ, sɔ ɛ̍ wlǔh i̍ u̍h de̍e̍ wɛ̀ Sùù ɛ̀ nu̍-a Nyɔsoa-a nyǐ-dɛ̍-ɛ, ɛ̍ iě ka ùh se̍-a Juu nyɔ̍-ɛ kɛ̍n gbǎ ke.

Nu̍-dɛ̍ᵻ 11:18

U̍h wɔ̌n-a wlu̍ la-a, sɔ ɛ̍ po̍ u̍h su̍e̍ wɔ̍i̍n. Iě u̍h-a po̍ Nyɔsoa tìhwe̍, u̍h la̍a̍, “Iě nɛ̀ Nyɔsoa nyǐ ùh se̍-a Juu nyɔ̍-ɛ flɔna̍ wɛ̀ ke, pò u̍h bǐi i̍-ɛ u̍h iě kmɔ̌ nɛ.”

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Nu̍-dɛ̍ᵻ 14:27

U̍h nyni̍-a Antiɔ-ɛ, iě u̍h po̍ chɔchi̍h kli̍hgbɛ̍ tàdùè. Dɛ̍ᵻ Nyɔsoa nu̍-a dě u̍h ja̍a̍-ɛ, iě u̍h po̍ i̍h-a kunǎ kli̍hgbɛ̍. Ɛ̍ ke ka ɔ̍ pɔ̀ni-a wìè wɛ̀ ke dǒ ùh se̍-a Juu nyɔ̍-ɛ we̍ u̍h iě-a ɔ̍ wlùh gbaɛ-ɛ.

1 Kɔwlɛntiɔn 15:20

Jɛ ɛ̀ nu̍-a tìh-a taǐn-ɛ, ɛ̍ nu̍ Klai wlǔh-e, ɛ̍ bo ɛ̀ nu̍ ɛ̍ wɛ̀ nyɔ̍ ùh mɛ̌-aɛ, u̍h iě-e wlǔh ke gbɔ̀gbɔ̀.

1 Kɔwlɛntiɔn 6:9

Mɔ̀ juo ɛ̍, ka nyɔ̍ ùh se̍-a i̍ slɛ̌-ɛ, u̍h se̍-a dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍-ɛ. Mɔ̀ bɔ̌ mɔ̀-a chɛ̀ i̍ boe-ɛ, gbǎn nu̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, nynɛ̌à nu̍ nyɔ̍ ke, tba̍ɛ kɛ̍n i̍ nu̍ nyɔ̍ ke,

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

2 Tɛsoloniɔn 1:5

Ìh kli̍hgbɛ̍ la i̍h-a flɔn-ɛ ɛ̍ we̍i̍ ka Nyɔsoa-a pa̍-a i̍ slɛ̌-ɛ taɔ-ɛ. Ɔ̍ nu̍ ɛ̍-ɛ, wɛ̀ mɔ̀ iě ɔ̍ kmɔ̌ wlu̍ i̍ kɔn-ɛ di̍i̍ mu̍ ka̍ nɛ, ɛ̀ kɔn tìh mɔ̀-a sàɛ̀-a jua̍i̍-ɛ.

Wlɛfeleseɔn 7:6

Wɛ̀ wlǔ-a pùè jɔ̌ sɔɔ̌n (12,000) sɔ dě Asa-a chɛǐ, iě wlǔ-a pùè jɔ̌ sɔɔ̌n (12,000) sɔ dě Natali-a chɛǐ. Wɛ̀ wlǔ-a pùè jɔ̌ sɔɔ̌n (12,000) sɔ dě Manasɛ-a chɛǐ.