Matio 7:7 - Ku̍o̍ Delee 1999

⁷ Ɔ̍ la̍a̍, “Mɔ̀ jbǎ dɛ̍, nɛ̀ ɛ̍ mu̍ mɔ̀ kwa̍a̍ gbǎ. Mɔ̀ pɔ̀n dɛ̍ i̍, nɛ̀ mɔ̀-a mu̍ ɛ̍ jě. Mɔ̀ bla̍ gbaba, nɛ̀ ɛ̍ mu̍ pɔ̀ni dǒ mɔ̀ we̍.

Matio 7:7 Iomraidhean Croise

Matio 18:19

“Bɔ̌ ǐn sèàɛ̍ mɔ̀ dɛ̍ dɛɛ wlùh, pò mɔ̀-a nyɔ̍ sɔɔ̌n blě wlùh due nɔ̌ bloɔ̍ wɛ̀ u̍h iě dɛ̍-a tìh ba̍le-ɛ, nɛ̀ ǐn Baa nɛ-a dě ja̍i̍wlɔ̀-ɛ, ɔ̍ mu̍ ɛ̍ nu̍ dǒ u̍h we̍.

Matio 21:22

Pò mɔ̀ blě wlùh gbaɛ wɛ̀ mɔ̀ iě dɛ̍-a tìh i̍ tèle dě ba̍le-ɛ di̍i̍-ɛ, nɛ̀ mɔ̀-a mu̍ ɛ̍ jě.”

Matio 6:33

Jɛ pɔ̀n Nyɔsoa-a kmɔ̌ wlu̍ i̍ kɔn-ɛ i̍ ke̍ sàǐtòò, ɛ̍ ke dɛ̍ ɔ̍ pɔ̀n-a mɔ̀ iě-a nu̍-ɛ ke. Nɛ̀ ɔ̍ chɛ̀-a mu̍ mɔ̀ ìh kli̍hgbɛ̍ la kwlǎ sà-ɛ.

Matio 7:11

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ dɛ̍ᵻ chɛ̀-ɛ nyǐ mu̍ ae?

Matio 7:8

Dɛ̍nu̍ɛ, nyɔ̍ jɔ jbǎ-a dɛ̍-ɛ, nɛ̀ ɛ̍ gbǎ ɔ̍ kwa̍a̍. Nɛ̀ nyɔ̍ ɔ̀ pɔ̀n-a dɛ̍ i̍-ɛ, nɛ̀ ɔ̍ jě ɛ̍. Nɛ̀ nyɔ̍ ɔ̀ bla̍-a gbaba-ɛ, nɛ̀ ɛ̍ mu̍ pɔ̀ni dǒ ɔ̍ we̍.

Pɔ̀n Chɛ̀ Maɛ To-a La 11:24

Ɛ̍ kɔn ǎn sèàɛ̍ mɔ̀ wlùh, pò mɔ̀ tèle dɛ̍-a tìh i̍ dě ba̍le-ɛ di̍i̍-ɛ, nɛ̀ mɔ̀ gbaɛ ɛ̍ wlùh ka mɔ̀-a mu̍-a ɛ̍ jě-ɛ, nɛ̀ ɛ̍ mu̍ mɔ̀ kwa̍a̍ gbǎ.

Pɔ̀n Chɛ̀ Luu To-a La 13:25

Pò gbò joi sɔ bloɔ̍ wɛ̀ ɔ̍ iě dǒ gbò wɔ̍i̍n ka̍n-ɛ, nɛ̀ mɔ̀-a mu̍ dǒ sɔ̀n i̍ nyna mɔ̀ iě gbaba bla̍ wɛ̀ mɔ̀ iě ka dǎ, ‘Nyɔ̍ klaa, pɔ̀ni à wɔ̍i̍n.’ Nɛ̀ ɔ̍ mu̍ ka dǎ dě mɔ̀ we̍, ‘Ǐn se̍ tà mɔ̀ sɔ-aɛ juo.’

Pɔ̀n Chɛ̀ Luu To-a La 18:1

Wɛ̀ Jusu po̍ nɛnǎ dě ɔ̍ kòà we̍ ka u̍h-a gbǐh bɔ̌-a mɛ̌-ɛ, wɛ̀ u̍h kɔn u̍h iě-a ba̍le ti̍ kli̍hgbɛ̍ we̍-ɛ.

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 15:7

Pò mɔ̀ nɛ dě ǐn ja̍a̍ iě ǎn wlu̍ iě dě mɔ̀ ja̍a̍ nɛ ke-ɛ, nɛ̀ dɛ̍-o-dɛ̍ mɔ̀-a pɔ̀n-aɛ, mɔ̀ jbǎ ɛ̍, nɛ̀ mɔ̀-a mu̍ ɛ̍ jě.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Wloma 2:7

Nyɔ̍ duuh-a pɔ̀n Nyɔsoa iě u̍h tìh-a i̍ bɛ̌-ɛ ke, ja̍ tè-ɛ ke nɛ̀ mɛ̌ feɛ nyǐ, ɛ̍ kɔn u̍h-a gba̍ dɛ̍ chɛ̀ nu̍-ɛ dluwe̍ i̍. U̍h bo Nyɔsoa-a mu̍ kmɔ̌ sie feɛ nyǐ.

Wloma 3:11

Dɛ̍ɛ̍ i̍ wɔ̌n nyɔ̍ se̍ nɛ. Nyɔsoa i̍ pɔ̀n nyɔ̍ se̍ nɛ.

Iblu 11:6

Nyɔ̍ se̍ wlùh gbaɛ blě-ɛ nɛ̀ ɔ̍ se̍ Nyɔsoa-a wlùh i̍ tè-eɛ bɛ̌ɛ. Nyɔ̍ jɔ ji̍-a Nyɔsoa we̍-ɛ, nɛ̀ ɔ̍ kɔn ɔ̍ iě ɛ̍ tìh chɛ̀ po̍ ka Nyɔsoa nɛ-a kmɔ̌ iě nyɔ̍ ùh-a pɔ̀n-a ɔ̍ kwlǐh i̍-ɛ, ɔ̍ nyǐ-a u̍h dɛ̍-ɛ.

Chiin 5:15

Nɛ̀ wlu̍ u̍h-a mu̍-aa ba̍le dě wlùh gbaɛ di̍i̍-ɛ, ɛ̍ bo ɛ̀ mu̍ poa-nyɔ̍ laa̍ pǔh-i, wɛ̀ Joi iě ɔ̍ bloɔ̍-ɔ sà. Nɛ̀ pò ɔ̍ nu̍ gblɛ̍n sɔ̀ɛ̀n-ɛ, nɛ̀ i̍h-a tìh-a mu̍ i̍ tǎli-ɛ.

1 Chɔɔn 3:22

À jbǎ-ɛ ɔ̍ dɛ̍ jɛ-ɛ, nɛ̀ à jě ɛ̍-ɛ, dɛ̍nu̍ɛ, à tè-o ɔ̍ telě i̍, iě à nu̍ dɛ̍ ɛ̀ tè-ea ɔ̍ wlùh i̍-ɛ.