Matio 7:6 - Ku̍o̍ Delee 1999

⁶ “Dɛ̍ ɛ̀ kɔn-a dǒ Nyɔsoa we̍-ɛ, mɔ̀ bɔ̌ ɛ̍ gbèᵻ nyǐ-ɛ. Mɔ̀-a jɛ nyǐ ɛ̍ i̍h-ɛ, i̍h-a mu̍ kwa̍ i̍ bǐi sǔh i̍h iě mɔ̀ nmu̍. Nɛ̀ mɔ̀ bɔ̌ mɔ̀-a pɛ̀ɛ̀ dɛ̍ᵻ ìh gbǎ-a dɛ̍kɛ̍n-ɛ dǒ be̍e̍ᵻ jǔ i̍ po̍-ɛ, i̍h se̍ i̍h-a dɛ̍ i̍ juo. Ɛ̍ tìh-ɛ, i̍h-a mu̍ i̍h kɛ̍n i̍ na sǔh.”

Matio 7:6 Iomraidhean Croise

Matio 15:26

Wɛ̀ Jusu la̍a̍, “Ɛ̍ se̍ i̍ slɛ̌ nyɔ̍ iě nynuu̍plìh-a di̍-dɛ̍ᵻ dǒ gbèᵻ jǔ i̍ wèla.”

Matio 24:10

Ɛ̍ ti̍ laa̍ nɛ̀ nyɔ̍ dɔu-a mu̍ u̍h-a wlùh gbaɛ i̍ tǎli. Nɛ̀ u̍h-a mu̍ sà ìn ba̍ kwlǎ ìn ba̍ sà ìn kwlǎ nu̍ dě nyɔ̍ duuh we̍. Jɔ-ɛ, nɛ̀ ɔ̍ mu̍ ɔ̍ ba̍ faɛn.

Matio 7:5

Mɔ̀ la ɔ̀ nɛ-a mɛɔ sɔɔ̌n wɔ̍ɔ̍n-ɛ, sà nàɛ̀ tu̍ fɔ̌ nɛ-a dě ìn jlǐh-ɛ ke̍ sàǐtòò. Nɛ̀ àn mu̍ i̍ jě nmɔ jii̍, wɛ̀ ìè ɔ̍ naɛ sɛɛɛ̍n dě ɔ̍ jlǐh sà-a dǔ.

2 Kɔwlɛntiɔn 11:26

Dě ǎn wìèlè mu̍-ɛ dɔu di̍i̍-ɛ, ǐn na-ɛ mɛ̌ɛ wɔ̍i̍n dǒ jǐ-nǐ ke, jlǐ-nyɔ̍ ke, ǎn chɛ̀-a nyɔ̍ ke, ùh se̍-a Juu nyɔ̍-ɛ ke, tùgbàwlɔ̀ᵻ di̍i̍ i̍ ke, dě kwlǎslò we̍ ke, dě jbǒ kɛ̍n ke dǒ à de̍di̍i̍ᵻá si̍h naɛ we̍.

Felepai 3:2

Gbèᵻ la ùh-a nu̍-a dɛ̍ᵻ sɔ̀nᵻɛ́, mɔ̀ nu̍ nɛnɛ̌ dǒ u̍h pùn. U̍h la̍ nyɔ̍ kɔn nyɔ̍ iě plɔ̀n gbǎ dǒ nyi̍ɔ̍-a sɔ̍n we̍ wɛ̀ u̍h iě Nyɔsoa nyɔ̍ nu̍.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Iblu 6:6

Wɛ̀ u̍h sɔ dǒ ɔ̍ wìè kɛ̍n, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi. Dɛ̍nu̍ɛ, ɛ̍ wɔ̀ ka u̍h kɔ̍ Nyɔsoa-a Jǔ dǒ gbaɛ kɛ̍n i̍ tu̍ wlì dode̍ dǒ u̍h-a chɛ̀-a sɔ̍nᵻ we̍, iě u̍h po̍ ɔ̍ nynɛ̌ ja̍a̍i̍ dǒ wlɔ̀gbàɛ̀.

2 Pitɛ 2:22

Dɛ̍ ɛ̀ nɛ-a u̍h jii̍-ɛ, ɛ̍ to ɛ̍ ka nɛnǎᵻ la i̍h nu̍-a tìh-a taǐn-ɛ. I̍h la̍a̍, “Gbè bǐi i̍ wɛ̀ ɛ̍ bɛ̍ ɛ̍ chɛ̀-a wlàwi̍h. Be̍e̍ ɛ̀ wɔ̀-a dle-ɛɛ, ɛ̍ bo ɛ̀ bǐi i̍ wɛ̀ ɛ̍ gbǎ dě pɔlɔ̌ di̍i̍ dode̍.”

Wlɛfeleseɔn 22:15

Sììjii̍ nu̍ nyɔ̍ ke, wù po̍ nyɔ̍ ke, gbǎn nu̍ nyɔ̍ ke, nyɔ̍ gbe̍ja̍a̍ poe nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke nyɔ̍ kli̍hgbɛ̍ ùh jbɛɛ-a si̍h tmɔ̌ dɛɛ ma̍u̍-ɛ, u̍h bo ùh-a mu̍ sɔ̀n sie.