Matio 6:2 - Ku̍o̍ Delee 1999

² “Ɛ̍ tìh-ɛ, pò ìn ja wlùh nmɔ-ɛ, nɛ̀ ìn bɔ̌ ɛ̍ gbaɛ̍we̍ tè-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ dě wɛɛ sà gbòᵻ sɔ̀n i̍ ke dǒ wlɔ̀gbàɛ̀, wɛ̀ nyɔ̍ɔ iě u̍h tìhwe̍ po̍. Bɔ̌ ǐn sèàɛ̍ mɔ̀ wlùh, nyɔ̍ kaɛn laa̍ nɛ̀ u̍h naɛ dɛ̍ jě ka̍ bo wɛ̀.

Matio 6:2 Iomraidhean Croise

Matio 15:7

Mɔ̀-ɔ la ùh nɛ-a mɛɔ sɔɔ̌n wɔ̍ɔ̍n-ɛ, dɛ̍ Nyɔsoa-a tu̍owli po̍ nyɔ̍ Asaia bla̍-a dǒ mɔ̀ pùn-ɛ, ɛ̍ blaɛ i̍. Ɔ̍ la̍a̍,

Matio 16:3

Nɛ̀ pò ɛ̍ nu̍ klàɛ̍we̍-ɛ, nɛ̀ mɔ̀ la̍a̍, ‘Nǐ-a mu̍ dba̍ sèàn, dɛ̍nu̍ɛ, dě ja̍i̍ nɛ tùɛ̌ntùɛ̌n.’ Pò mɔ̀ gbɛ̀n ja̍u̍n ja̍-ɛ, nɛ̀ ka ɛ̍ mu̍-a nu̍-ɛ, mɔ̀-a sèàɛ̍ ɛ̍ we̍ i̍. Jɛ dɛ̍ᵻ ìh-a nɛ-a ka da̍a ti̍ la di̍i̍-ɛ, mɔ̀ se̍ i̍h-a dɛ̍ we̍ i̍ sèàɛ̍ bɛ̌ɛ.

Matio 22:18

Jɛ dɛ̍ sɔ̀n u̍h pu̍e̍e-aɛ, ɔ̍ juo ɛ̍ i̍. Wɛ̀ ɔ̍ la̍a̍, “Mɔ̀-ɔ la ùh nɛ-a mɛɔ sɔɔ̌n wɔ̍ɔ̍n-ɛ, dɛ̍nu̍ mɔ̀-a pɔ̀n ǎn gbɛ̍n-ɛ la̍ i̍ ɛ?

Matio 23:5

Ìh kli̍hgbɛ̍ u̍h-a nu̍-aɛ, u̍h-a nu̍ i̍h u̍h iě nyɔ̍-a jlǐh gbɛ̍n. Nyɔsoa-a wlu̍-a dɛ̍ku seeɛ u̍h bla̍-a dlǔ iě u̍h pìàɛ̍n-a sɔ̍n i̍-ɛ, i̍h bo mɔ̀ iě ja̍ gbɛ̀n sǔh mɔ̀ iě jě. Ɛ̍ ke u̍h-a dɛ̍wlo̍o̍-a baie tɔ̀ɔ̀nᵻ ke.

Matio 23:6

U̍h-a pɔ̀n tà chɛ̀ i̍ tè-ɛ i̍ ma̍u̍ dě peě kɛ̍n ke dě wɛɛ sà gbòᵻ sɔ̀n i̍.

Matio 24:51

Nɛ̀ ɔ̍ dlǔtu-a mu̍ ɔ̍ dě kàn gbèèɛ̀ po̍ dě nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ nynɛ̌. Dě ɔ̍ mu̍ nɛ ɔ̍ iě fìn, ɔ̍ iě nynɛ̌ di̍ kìàǎnkìàǎn.”

Matio 5:18

Tìh-a taǐn ǎn sèàɛ̍ mɔ̀ wlùh, dě nya̍-ɛ, blǔh ke ja̍u̍n-a tìh-a mu̍ i̍ sì. Jɛ telě nɔ̀ɔ̍, ɛ̍ dɛ̍ juwɛ-a chɛ̀ bo ɛ̀ se̍ dǒ wìè-i sɔ mu̍. Ɛ̍ chɛblih-ɛa chɛ̀ bo ɛ̀ se̍ mǎ mu̍ wɛ̀ kmɔ̌ iě dlǔ i̍ chlà.

Matio 6:16

Jusu la̍a̍, “Pò mɔ̀ ja jlǔh po̍ dě Nyɔsoa dɛ di̍i̍-ɛ, mɔ̀ bɔ̌ mɔ̀-a chɛ̀-a pio nu̍-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ u̍h-a chɛ̀-a pio nu̍-ɛ, wɛ̀ ka u̍h-a po̍-a jlǔh-ɛ nyɔ̍ iě-o dɛ̍ i̍ juo. Bɔ̌ ǐn sèàɛ̍ mɔ̀ wlùh, nɛ̀ u̍h naɛ dɛ̍ jě ka̍ bo wɛ̀.

Matio 6:3

Nɛ̀ pò ìn ja wlùh nmɔ-ɛ, dɛ̍ àn di̍na̍ sɔ̍n-a nu̍-aɛ, àn kwe̍na̍ sɔ̍n-a chɛ̀ bɔ̌ ɛ̍ juo-ɛ.

Matio 6:5

Ɔ̍ la̍a̍, “Pò mɔ̀ ja Nyɔsoa ba̍le-ɛ, nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, mɔ̀ bɔ̌ u̍h we̍ dɛ̍ nu̍-ɛ. U̍h jbɛɛ nyna i̍ dǒ wlɔ̀gbàɛ̀ ke dě wɛɛ sà gbo̍ᵻ sɔ̀n i̍ wɛ̀ ìè ba̍le, wɛ̀ nyɔ̍gbei iě u̍h jě. Tìh-a taǐn ǎn sèàɛ̍ mɔ̀ wlùh, nyɔ̍ kaɛn laa̍ nɛ̀ u̍h naɛ dɛ̍ jě ka̍ bo wɛ̀.

Matio 7:5

Mɔ̀ la ɔ̀ nɛ-a mɛɔ sɔɔ̌n wɔ̍ɔ̍n-ɛ, sà nàɛ̀ tu̍ fɔ̌ nɛ-a dě ìn jlǐh-ɛ ke̍ sàǐtòò. Nɛ̀ àn mu̍ i̍ jě nmɔ jii̍, wɛ̀ ìè ɔ̍ naɛ sɛɛɛ̍n dě ɔ̍ jlǐh sà-a dǔ.

Pɔ̀n Chɛ̀ Maɛ To-a La 12:39

U̍h jbɛɛ tà chɛ̀ i̍ tè-ɛ i̍ ma̍u̍ dě Juu nyɔ̍-a wɛɛ sà gbòᵻ sɔ̀n i̍ ke peě kɛ̍n i̍.

Pɔ̀n Chɛ̀ Maɛ To-a La 7:6

Wɛ̀ ɔ̍ la̍a̍ dě u̍h we̍, “Mɔ̀-ɔ la ùh nɛ-a mɛɔ sɔɔ̌n wɔ̍ɔ̍n-ɛ, dɛ̍ Nyɔsoa-a tu̍owli po̍ nyɔ̍ Asaia bla̍-a dǒ mɔ̀ pùn-ɛ, ɛ̍ blaɛ i̍. Kǎ ɛ̍ nu̍ ka chlǐh-ɛ, ‘Nyɔ̍ la u̍h-a wɔ̍n-a sǔh bo u̍h-a tè-e ǐn ja̍, jɛ u̍h-a wlùh ti̍ɛ̍ɛn ǐn we̍ i̍.

Pɔ̀n Chɛ̀ Luu To-a La 11:41

Jɛ dɛ̍ᵻ ìh nɛ-a dě mɔ̀-a kàu̍nᵻ ke plɛ̌ɛᵻ di̍i̍-ɛ, mɔ̀ nmɔ-ɛ i̍h wlùh dě nyɔ̍gbà nyɔ̍ we̍, nɛ̀ dɛ̍ᵻ kli̍hgbɛ̍-a mu̍ wlihwlǐh nɛ dǒ mɔ̀ we̍.

Pɔ̀n Chɛ̀ Luu To-a La 11:43

“Chlě dǒ mɔ̀ we̍ Fɛlesii nyɔ̍. Dɛ̍nu̍ɛ, mɔ̀ jbɛɛ tà chɛ̀ i̍ tè-ɛ dě Juu nyɔ̍-a wɛɛ sà gbòᵻ sɔ̀n i̍, ɛ̍ ke mɔ̀-a ja̍ tè-ɛ dǒ mɔ̀ nyinɔ̍ i̍ sà la̍ dě dɔɔ̌ gbale̍e̍ ke.

Pɔ̀n Chɛ̀ Luu To-a La 12:33

Mɔ̀ ple̍ mɔ̀-a kɔn-dɛ̍ᵻ mɔ̀ iě i̍h nyɔ̍gbà nyɔ̍ nyǐ. Pɔsɛ̍ ɛ̀ se̍a sɔ̀n la̍ kɔn-ɛ, mɔ̀ pɔ̀n ɛ̍ i̍ dǒ mɔ̀-a chɛ̀ we̍. Nɛ̀ mɔ̀ tè mɔ̀-a pàn-dɛ̍ᵻ i̍ dě ja̍i̍wlɔ̀, tà i̍h se̍a i̍ wɛ̀ mu̍-ɛ. Dɛ̍nu̍ɛ, jlǐ-nyɔ̍ se̍-e mu̍-ɛ bɛ̌ɛ, iě dǐkàsè se̍ i̍h-i gbɔ̀lɔ-ɛ bɛ̌ɛ ke.

Pɔ̀n Chɛ̀ Luu To-a La 12:56

Mɔ̀ɔ̍ la ùh nɛ-a mɛɔ sɔɔ̌n wɔ̍ɔ̍n-ɛ, pò mɔ̀ gbɛ̀n blǔh ke ja̍u̍n ja-ɛ, nɛ̀ mɔ̀ juo ka i̍h-a mu̍-a nɛ-ɛ. Jɛ dɛ̍nu̍ mɔ̀ se̍ dɛ̍ᵻ ìh-a nɛ-a da̍a ti̍laa kmɔ̌ la di̍i̍-ɛ we̍ i̍ sèàɛ̍ juo ɛ?

Pɔ̀n Chɛ̀ Luu To-a La 13:15

Wɛ̀ Joi sà ɔ̍ wlu̍ pɔ̀n we̍. Ɔ̍ la̍a̍, “Mɔ̀ɔ̍ mɛɔ sɔɔ̌n wɔ̍ɔ̍n nɛ nyɔ̍ la, mɔ̀-a nyɔ̍-ɔ se̍a ɔ̍ bli àe̍e̍ soo̍pà-a dbǔ pɔ̀ni dǒ wlè-weɛ̍ di̍i̍ wɛ̀ ɔ̍-ɔ se̍a ɛ̍ nǐ nǎ la̍ gba̍ ae?

Pɔ̀n Chɛ̀ Luu To-a La 20:46

“Mɔ̀ nu̍ mɔ̀-a chɛ̀-a nɛnɛ̌ dǒ telě nǎ poe nyɔ̍ we̍. U̍h jbɛɛ dɛ̍wlo̍o̍ pa̍ dɛ-ɛ dǒ wlɔ̀ i̍ nala, wɛ̀ nyɔ̍ iě u̍h ja̍ tè dǒ u̍h nyinɔ̍ i̍ sà la̍ dě dɔɔ̌ gbale̍e̍. U̍h jbɛɛ tà chɛ̀ i̍ tè-ɛ i̍ ma̍u̍ dě Juu nyɔ̍-a wɛɛ sà gbòᵻ sɔ̀n i̍ ke peě kɛ̍n i̍.

Pɔ̀n Chɛ̀ Luu To-a La 6:24

“Jɛ chlě dǒ mɔ̀ɔ̍ ùh pàn-aɛ we̍. Dɛ̍nu̍ɛ, mɔ̀ wɔ̀ mɔ̀ naɛ kmɔ̌ chɛ̀ jě-ɛ wɛ̀.

Pɔ̀n Chɛ̀ Luu To-a La 6:42

Dɛ̍nu̍ nàɛ̀ tu̍ fɔ̌ nɛ-a dě ìn jlǐh-ɛ, wɛ̀ ìn poe ɛ̍ kɛ̍n i̍ wɛ̀ nàa̍ ìè ìn ba̍ naɛ sɛɛɛ̍n dě ɔ̍ jlǐh sà ke̍ ɛ? Mɔ̀ la ɔ̀ nɛ-a mɛɔ sɔɔ̌n wɔ̍ɔ̍n-ɛ, sà nàɛ̀ tu̍ fɔ̌ nɛ-a dě ìn jlǐh-ɛ ke̍ sàǐtòò. Nɛ̀ àn mu̍ i̍ jě nmɔ jii̍, wɛ̀ ìè ɔ̍ naɛ sɛɛɛ̍n dě ɔ̍ jlǐh sà-a dǔ.

Chɔɔn 13:29

Sɔ dɛ̍ laa̍ Juda nu̍-a wlǐ i̍ tè nyɔ̍-ɛ, u̍h-a duuh jajeɛ̍ dɛ̍ᵻ u̍h-a pɔ̀n-a i̍ dǒ peě laa̍ kɛ̍n-ɛ, i̍h bo Jusu-a sèàɛ̍ ɔ̍ wlùh ɔ̍ iě tɛ̀n la̍-a mu̍ de, àe̍e̍ ɔ̍ iě nyɔ̍gbà nyɔ̍ dɛ̍ nyǐ de.

Chɔɔn 5:41

“Ǐn se̍ pɔ̀n nyi̍ɔ̍ iě ǐn tìhwe̍ po̍.

Chɔɔn 5:44

Po̍ ìn ba̍ tìhwe̍ ìn ba̍ po̍ ìn tìhwe̍ bo ɛ̀ po̍ mɔ̀ gbǐh. Nyɔsoa nɛ due-a mɔ̀ tìhwe̍ po̍-ɛ se̍ mɔ̀ i̍ gbɛ̍n. Nɛ̀ ka mɔ̀-a mu̍ ǐn wlùh gbaɛ nu̍ ɛ?

Chɔɔn 7:18

Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.

Nu̍-dɛ̍ᵻ 10:2

Ɔ̍ sìì Nyɔsoa dɛ we̍, wɛ̀ ɔ̍ ke ɔ̍ chɛ̌ kli̍hgbɛ̍-a ple̍ Nyɔsoa-a faɔn. Ɔ̍ nmɔ-a wlùh dǒ nyɔ̍ɔ we̍-ɛ, ɛ̍ se̍ dɛ̍ka nɛ. Iě ɔ̍-ɔ fɔ-ɛ Nyɔsoa ba̍le-ɛ we̍ i̍.

Nu̍-dɛ̍ᵻ 10:31

Iě ɔ̍ la̍a̍, ‘Kɔleniɔ, Nyɔsoa wɔ̌n àn ba̍le wlu̍ wɛ̀, iě àn wlùh nmɔ tìh sǐ dǒ ɔ̍ wlì i̍.

Nu̍-dɛ̍ᵻ 10:4

Kɔleniɔ gbɛ̀n-a ɛ̍ ja̍-a, sɔ ɔ̍ ple̍ faɔn, iě ɔ̍ la̍a̍, “Joi, dɛ̍ bo ɛ?” Ǐnchɔ̀ la̍a̍, “Àn ba̍le wlu̍ ke wlùh nmɔ dbo̍ nyni̍ dě Nyɔsoa we̍ ja̍i̍ wɛ̀. Ɛ̍ tìh-ɛ, i̍h-a sǐ-i àn tìh dǒ ɔ̍ wlì i̍.

Nu̍-dɛ̍ᵻ 11:29

Wɛ̀ Jusu-a kòà kli̍hgbɛ̍ po̍ wlu̍ gbɔ̀ dɛ̍ jɔ bɛ̌ɛ-a sà-aɛ, ɔ̍ iě ɛ̍ sà. Wɛ̀ i̍h iě de̍di̍i̍ᵻ nɛ-a dě Judia fɔɔ-ɛ we̍ mu̍.

Nu̍-dɛ̍ᵻ 24:17

“Ǐn sɔ-a Juluslɛn-ɛ, ɛ̍ nu̍ sɔ̀nᵻ dɔu sasǎ wɛ̀ ǐn dǔ-e de̍ mu̍-ɛ. Wɛ̀ ǐn gba̍ ǎn nyɔ̍ɔ wlǐ i̍h iě u̍h sɔ̍n-ɔ sà, wɛ̀ iě slaǎ sà dǒ Nyɔsoa we̍.

Nu̍-dɛ̍ᵻ 9:36

Nɛ̀ nynɔ̌ due nɛ dǒ Jɔɔpa wlɔ̀ di̍i̍ ɔ̍ nynɛ̌ bo Tabita (ɛ̍ Klii wlu̍ nu̍ Dɔɔka. Ɛ̍ gbɔ̀ nu̍ kwɛ̍). Ɔ̍ blě wlùh gbaɛ-ɛ. Ɔ̍ nu̍ dɛ̍ᵻ chɛ̀ ti̍ kli̍hgbɛ̍ we̍ iě ɔ̍ gbǎ nyɔ̍gbà nyɔ̍ we̍.

Wloma 12:8

Pò ɛ̍ tù nyɔ̍-a wlùh fùka-aɛ, nɛ̀ ɔ̍ nu̍ ɛ̍. Pò ɛ̍ tù nyɔ̍ dɛ̍ nyǐ-ɛ, nɛ̀ ɔ̍ wlǎ-e wlɔ̀ i̍ ɔ̍ iě ɛ̍ nu̍. Pò ɛ̍ tù nyɔ̍ kwa̍ blě-ɛɛ, nɛ̀ ɔ̍ po̍-e gbǐh ɔ̍ iě ɛ̍ nu̍. Iě pò ɛ̍ tù gblɛ̍n-ɛ nmɔ-ɛɛ, nɛ̀ ɔ̍ nui ɛ̍ mɔna̍.

1 Kɔwlɛntiɔn 13:3

Pò ǎn jɛ nmɔ-ɛ ǎn kɔn-dɛ̍ᵻ kli̍hgbɛ̍ wlùh, wɛ̀ iě ǎn ku̍ kwlǎ sà ɛ̍ iě fɔ̍n-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ se̍-o ǐn dɛ̍ po̍ mu̍.

Kelesea 2:10

Dɛ̍ due u̍h sèàɛ̍-a à wlùh à iě-a nu̍-ɛ, ɛ̍ nu̍ à iě nyɔ̍gbà nyɔ̍-a tìh jlǐhɛ̍ tù. Ɛ̍ bo ɛ̀ nu̍ ka ǎn wlùh-a jàjà iě nu̍.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

1 Tɛsoloniɔn 2:6

À se̍ dɛ̍ we̍ fɔ̀n nyɔ̍-o-nyɔ̍ iě à tìhwe̍ po̍, mɔ̀ɔ̍ àe̍e̍ nyɔ̍ duuh.

1 Timote 6:18

Chlì u̍h-a dounᵻ u̍h iě gblɛ̍n-ɛ nmɔ, u̍h-a dɛ̍ᵻ chɛ̀ i̍ nu̍-ɛ iě nya̍ pàn-ɛ, u̍h iě kwa̍ pɔ̀ni.

Faɛlimɔ 1:7

Ǐn de̍di̍i̍, àn nyɔ̍ tìh kma-a ja ǐn nmɔ-ɛ dɔu we̍, iě ɛ̍ po̍ ǐn gbǐh kɛ̍n. Dɛ̍nu̍ɛ, àn pɛ̌n-ɛ Nyɔsoa nyɔ̍ kli̍hgbɛ̍-a pɔluh i̍.

Iblu 13:16

Mɔ̀ kɔn mɔ̀ iě dɛ̍ᵻ chɛ̀ nu̍. Dɛ̍ᵻ mɔ̀ blě-aɛ, mɔ̀ nmɔ-ɛ i̍h wlùh, dɛ̍nu̍ɛ, dɛ̍ᵻ kaɛn laa̍ bo ìh wɔ̀ slaǎ sà-a ìh-a tè-ea Nyɔsoa-a wlùh i̍-ɛ.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.