Matio 6:1 - Ku̍o̍ Delee 1999

¹ Ɔ̍ la̍a̍, “Mɔ̀ nu̍ nɛnɛ̌ dǒ dɛ̍ ɛ̀ mɔ̀ kɔn mɔ̀ iě-a nu̍ dě Nyɔsoa dɛ di̍i̍-ɛ we̍, wɛ̀ mɔ̀-ɔ je̍e ɛ̍ gbaɛ̍we̍ tè, nyɔ̍ duuh je̍e ɛ̍ jě. Jɛ pò mɔ̀ nu̍ la̍a̍n-a, nɛ̀ mɔ̀ se̍ dɛ̍ jě mu̍ dě mɔ̀ Baa Nyɔsoa nɛ-a dě ja̍i̍wlɔ̀-ɛ kwa̍a̍.

Matio 6:1 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:6

Wɛ̀ Jusu la̍a̍ dě u̍h we̍, “Mɔ̀ tù mɔ̀-a chɛ̀ jlǐhɛ̍, mɔ̀ nu̍ nɛnɛ̌ dǒ Fɛlesii nyɔ̍ ke Sadiusii nyɔ̍-a blèe̍ fù-i dɛ̍ᵻ we̍.”

Matio 23:13

Wɛ̀ Jusu la̍a̍, “Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a ka̍n Nyɔsoa-a kmɔ̌ wlu̍ i̍ kɔn-ɛa wìè dǒ nyɔ̍gbei we̍. Mɔ̀-a chɛ̀ wɔ̍-ɔ sǐ deě-i, iě juh-a pɔ̀n-a deě mu̍-ɛ i̍-ɛ, mɔ̀-ɔ wɔ̌n u̍h-u sǐ deě-i ke. [

Matio 23:5

Ìh kli̍hgbɛ̍ u̍h-a nu̍-aɛ, u̍h-a nu̍ i̍h u̍h iě nyɔ̍-a jlǐh gbɛ̍n. Nyɔsoa-a wlu̍-a dɛ̍ku seeɛ u̍h bla̍-a dlǔ iě u̍h pìàɛ̍n-a sɔ̍n i̍-ɛ, i̍h bo mɔ̀ iě ja̍ gbɛ̀n sǔh mɔ̀ iě jě. Ɛ̍ ke u̍h-a dɛ̍wlo̍o̍-a baie tɔ̀ɔ̀nᵻ ke.

Matio 25:40

Nɛ̀ Blǔh Baa-a mu̍ ka dǎ dě u̍h we̍, ‘Bɔ̌ ǐn sèàɛ̍ mɔ̀ wlùh, dɛ̍ jɛ mɔ̀ nu̍-a dǒ ǐn de̍di̍i̍ᵻ la u̍h-a bla̍-a jlǐhɛ̍ dlǔ-ɛ we̍-ɛ, nɛ̀ mɔ̀ nu̍ ɛ̍ ǐn pùn wɛ̀.’

Matio 5:16

Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

Matio 5:46

Nyɔ̍ ùh jbɛɛ-a m̀ pò ìn jbɛɛ u̍h nɛ due-ɛ, nɛ̀ dɛ̍ àn mu̍ Nyɔsoa kwa̍a̍ jě ɛ? Taa̍sìh sà nyɔ̍-a chɛ̀ ùh kɔn gblɛ̍n nyni-a jii̍-ɛ, na̍a̍, kǎ u̍h-a nu̍ ke lě.

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Matio 6:16

Jusu la̍a̍, “Pò mɔ̀ ja jlǔh po̍ dě Nyɔsoa dɛ di̍i̍-ɛ, mɔ̀ bɔ̌ mɔ̀-a chɛ̀-a pio nu̍-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ u̍h-a chɛ̀-a pio nu̍-ɛ, wɛ̀ ka u̍h-a po̍-a jlǔh-ɛ nyɔ̍ iě-o dɛ̍ i̍ juo. Bɔ̌ ǐn sèàɛ̍ mɔ̀ wlùh, nɛ̀ u̍h naɛ dɛ̍ jě ka̍ bo wɛ̀.

Matio 6:9

Kǎ mɔ̀ iě ka ba̍le-ɛ nu̍, ‘À Baa mɔ̀ nɛ-a dě ja̍i̍wlɔ̀-ɛ, àn nynɛ̌ bo nyɔ̍ iě ja̍ tè.

Pɔ̀n Chɛ̀ Maɛ To-a La 8:15

Wɛ̀ Jusu-a tù u̍h slɛ̌n, ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍. Mɔ̀ nu̍ nɛnɛ̌ dǒ Fɛlesii nyɔ̍ ke Blǔh Baa Ɛlo-a blèe̍ fù-i dɛ̍ᵻ we̍.”

Pɔ̀n Chɛ̀ Luu To-a La 11:35

Ɛ̍ tìh-ɛ, chlɛ̌ àn chɛ̀ i̍ pò sɔ̀npli nɛ-a dě ìn ja̍a̍-ɛ, ɛ̍ se̍ kwile-ɛ.

Pɔ̀n Chɛ̀ Luu To-a La 12:1

Ti̍ nyɔ̍ɔ-a wlǔ-a wlǔ gbǎ-a tàdùè-ɛ, nɛ̀ u̍h-a gboǎɛ la̍ wlè. Wɛ̀ Jusu tè wlu-ɛ gbɔ̀ dě ɔ̍ kòà we̍ sàǐtòò. Ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍, mɔ̀ nu̍ nɛnɛ̌ dǒ Fɛlesii nyɔ̍-a blèe̍ fù-i dɛ̍ᵻ we̍, ɛ̀ nu̍-a u̍h-a mɛɔ sɔɔ̌n wɔ̍ɔ̍n nɛ-ɛɛ.

Pɔ̀n Chɛ̀ Luu To-a La 12:15

Wɛ̀ Jusu la̍a̍ dě nyɔ̍ kli̍hgbɛ̍ we̍, “Mɔ̀ nu̍ nɛnɛ̌, nɛ̀ mɔ̀ tù mɔ̀-a chɛ̀ jlǐhɛ̍ dǒ klǎn kɔn dɛ we̍. Dɛ̍nu̍ɛ, nyi̍ɔ̍-a feɛ se̍ kɔn-dɛ̍ᵻ tìèwe̍ ɔ̍ blě-aɛ i̍ bǎ.”

Pɔ̀n Chɛ̀ Luu To-a La 16:15

Jɛ Jusu la̍a̍ dě u̍h we̍, “Mɔ̀ɔ̍ bo ùh-a dǎɛ mɔ̀-a chɛ̀ i̍ slɛ̌-nyɔ̍ dǒ nyɔ̍ɔ jlǐhwai. Jɛ Nyɔsoa juo mɔ̀-a wlùh. Dɛ̍nu̍ɛ, dɛ̍ ɛ̀ gbǎ-a dɛ̍kɛ̍n kaa̍ dě nyɔ̍ jlǐh-ɛ, ɛ̍ se̍ dɛ̍wɛ-a chɛ̀ wɔ̀ dě Nyɔsoa nɔ̀ɔ̍ jlǐh.

Chɔɔn 12:43

Dɛ̍nu̍ɛ, wlɔ̀ nyi̍ɔ̍ iě u̍h tìhwe̍ po̍, ɛ̍ bo ɛ̀ po̍ u̍h gbǐh ɛ̍ sìì Nyɔsoa iě u̍h tìhwe̍ po̍.

Chɔɔn 5:44

Po̍ ìn ba̍ tìhwe̍ ìn ba̍ po̍ ìn tìhwe̍ bo ɛ̀ po̍ mɔ̀ gbǐh. Nyɔsoa nɛ due-a mɔ̀ tìhwe̍ po̍-ɛ se̍ mɔ̀ i̍ gbɛ̍n. Nɛ̀ ka mɔ̀-a mu̍ ǐn wlùh gbaɛ nu̍ ɛ?

Nu̍-dɛ̍ᵻ 3:12

Dɛ̍ u̍h nu̍-a dǒ u̍h we̍ wlǎ-aɛ, ɛ̍ bo Pitɛ jě wɛ̀ ɔ̍ la̍a̍, “Mɔ̀ɔ̍ Eslɔɛ nyɔ̍, dɛ̍nu̍ ɛ̍ kèle mɔ̀ i̍ iě mɔ̀-a gbɛ̀n à ja̍ sòo̍sòo̍ ɛ? Jɔ̍gbau la mɔ̀ jajeɛ̍ à chɛ̀-ɛ gbǐh ke Nyɔsoa nyɔ̍ chɛ̀ nu̍-ɛ bo ɛ̀ na-ɛ ɔ̍ ae?

Kelesea 6:12

Nyɔ̍ ùh-a pɔ̀n-a u̍h-a chɛ̀ nyɔ̍ chɛ̀ we̍i̍ nu̍-ɛ i̍-ɛ, u̍h bo ùh-a nɛ̌ mɔ̀ kɛ̍ɛ̍n mɔ̀ iě plɔ̀n gbǎ. U̍h-a nu̍ laan wɛ̀ u̍h-u je̍e klě jě Klai ɔ̀ mɛ̌-a dǒ gbàɛ̍ kɛ̍n i̍ tu̍ wlì-ɛ ɔ̍ tìh.

Iblu 11:26

Mose la̍ u̍h-a ɔ̍ chlèe-ɛ Nyɔsoa-a Chèɛ̀ Tba̍ju-a tìh gbǎ dɛ̍kɛ̍n ɛ̍ sìì Iche bloa̍-a pàn-dɛ̍ᵻ. Dɛ̍nu̍ɛ, jě-dɛ̍ nɛ-a dě nya̍-ɛ, ɛ̍-ɛ bo ɔ̍ gbɛ̀n ja̍.

Iblu 2:1

Nɛ̀ɛ̍, dɛ̍ à wɔ̌n-aɛ, mɔ̀ à gbɛ̍n-ɛ ɛ̍ sɔ̍nᵻ sɔɔ̌n i̍ wɛ̀ à-a je̍e tàmlain gbǎ-ɛ.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

2 Chɔɔn 1:8

Ɛ̍ tìh-ɛ, mɔ̀ nu̍ mɔ̀-a chɛ̀-a nɛnɛ̌, wɛ̀ mɔ̀-ɔ se̍-e dɛ̍ kɔn dbo̍ mɔ̀ nu̍-aɛ jě, wɛ̀ mɔ̀ iě pɛ̌ɛ la jě gblaan.