Matio 5:9 - Ku̍o̍ Delee 1999

⁹ “Nyɔ̍ ùh nu̍-a kmɔ̌ i̍ gbe̍ɛ̍ɛn nyɔ̍-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a mu̍ u̍h ɔ̍ nynuu̍ we̍i̍ nu̍.

Matio 5:9 Iomraidhean Croise

Matio 5:45

Ɛ̍ bo ɛ̀ mu̍ ɛ̍ nu̍ iě mɔ̀ Baa nɛ-a dě ja̍i̍wlɔ̀-ɛ, wɛ̀ mɔ̀ iě ɔ̍ nynuu̍ nu̍. Dɛ̍nu̍ɛ, ɔ̍ nu̍ jlǔh iě ɛ̍ wlǔh kwlǎ dǒ dɛ̍ sɔ̀n nu̍ nyɔ̍ we̍, wɛ̀ ɛ̍ wlǔh kwlǎ dǒ nyɔ̍ chɛ̀ we̍. Wɛ̀ ɔ̍ dbo̍ nǐ dǒ i̍ slɛ̌-nyɔ̍ we̍, iě ɔ̍ dbo̍ ɛ̍ dǒ se̍ i̍ slɛ̌-nyɔ̍ we̍.

Matio 5:48

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Pɔ̀n Chɛ̀ Luu To-a La 20:36

Nɛ̀ u̍h se̍ mɛ̌ mu̍ dɛ, dɛ̍nu̍ɛ, nɛ̀ u̍h wɔ̀ Nyɔsoa-a ǐnchɔ̀ wɛ̀. Iě u̍h nu̍ Nyɔsoa-a nynuu̍, dɛ̍nu̍ɛ, u̍h wlǔh-e.

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Nu̍-dɛ̍ᵻ 7:26

Sɔ̀n sɛ̀n-aɛ, Mose iě-a mu̍-ɛ, nɛ̀ Eslɔɛ nynuu̍ sɔɔ̌n-a fɔ̀n-ɛ. Sɔ ɔ̍ pɔ̀n u̍h-a wlu̍ tàdùè po̍-ɛ i̍. Wɛ̀ ɔ̍ la̍a̍, ‘Mɔ̀ɔ̍ la mɔ̀ɔ̍ de̍di̍i̍ᵻ, dɛ̍nu̍ mɔ̀-a sǔh-a fɔ̀n ɛ?’

Wloma 12:18

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍-a kmɔ̌ iě i̍ gbe̍ɛ̍ɛn.

Wloma 8:14

Nyɔ̍ ùh Nyɔsoa-a Sùù-a naɛ-aɛ, u̍h bo ùh nu̍ Nyɔsoa-a nynuu̍.

Wloma 8:16

Nyɔsoa-a Sùù bo ɛ̀ nu̍ sàànsi̍i̍h ka à nu̍-a ɔ̍ nynuu̍-ɛ.

Wloma 8:19

Kmɔ̌ kli̍hgbɛ̍ Nyɔsoa nu̍-aɛ, ɛ̍ wlùh-a nu̍ jàjà ɛ̍ fuo ti̍ ɔ̍ mu̍-a ɔ̍ nynuu̍ ɛ̍ i̍ to-ɛ kɛ̍ɛ̍n.

1 Kɔwlɛntiɔn 6:6

ɛ̍ kɔn mɔ̀-a sǔh-a sì sàwi̍h dǒ se̍ wlùh gbaɛ blě nyɔ̍ jǔ ae?

2 Kɔwlɛntiɔn 13:11

Ɛ̀ bɔ̌ɛ-aoɛ ǐn de̍di̍i̍ᵻ, mɔ̀ à nɛ klàe̍. Mɔ̀ fɔ̀n dɛ̍ we̍ mɔ̀ iě gblɛ̍ja̍i̍ wɛ̀. Mɔ̀ nu̍ ǎn slɛ̌n tù wlu̍, mɔ̀ wɔ̌ɛn wlu̍ i̍. Mɔ̀ na-ɛe wlùh-a i̍ tè-ɛ di̍i̍, nɛ̀ Nyɔsoa ɔ̀ jbɛɛ-a àɔ̀ iě ɔ̍ nyǐ-a à wlùh-a i̍ tè-ɛ, nɛ̀ ɔ̍ mu̍ mɔ̀ we̍ nɛ-o.

2 Kɔwlɛntiɔn 5:20

Ɛ̍ tìh-ɛ, à wlu Klai-a dɛ̍. Dě à ja̍a̍ bo Nyɔsoa-a ba̍le-e nyɔ̍. À gbɛ̍n mɔ̀-a bu̍hᵻ dǒ Klai-a tàà Nyɔsoa iě ɛ̍ nu̍ mɔ̀ ke ɔ̍ iě kɛ̍n i̍ gbe̍ɛ̍ɛn.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Ɛfɛsɔ 4:1

Nɛ̀ɛ̍, mɔ̍ ɔ̀ tù-a Joi tìh wɛ̀ ɔ̀ nu̍-a gbɛ̍n-nyɔ̍-ɛ, ǐn gbɛ̍n mɔ̀-a bu̍hᵻ i̍, mɔ̀ iě dě kmɔ̌ ɛ̀ kɔn tìh Nyɔsoa dǎ-a mɔ̀-ɛ di̍i̍ nɛ.

Felepai 4:2

Uodia ke Sɛnteki, ǎn ba̍le-e, ǐn gbɛ̍n mɔ̀-a bu̍hᵻ i̍ mɔ̀ iě kɛ̍n i̍ gbe̍ɛ̍ɛn dě Joi ja̍a̍.

Kalase 3:13

Mɔ̀ bɔ̌ feǎn wlì we̍ kɔn-ɛɛ, mɔ̀ iě gblɛ̍n sɔ̀ɛ̀n-a tìh we̍ i̍ tǎli-ɛ. Pò jɔ kɔn ba̍ nu̍ ɔ̍ dɛ̍ pùn-ɛ, ɛ̀ kɔn ba̍ Joi nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛɛ, kǎ mɔ̀ iě nu̍ ke dǒ mɔ̀ ba̍ᵻ we̍.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.