Matio 5:8 - Ku̍o̍ Delee 1999

⁸ “Nyɔ̍ ùh blě-a wlùh wlǎ-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ Nyɔsoa-a jua̍a̍ jě.

Matio 5:8 Iomraidhean Croise

Nu̍-dɛ̍ᵻ 15:9

Ɔ̍ se̍ u̍h ke àɔ̀ deě i̍ gblè, ɛ̍ kɔn ɔ̍ nu̍ u̍h-a pɔluh-a wlaǎwla u̍h-a wlùh gbaɛ blě tìh.

1 Kɔwlɛntiɔn 13:12

À jě i̍ kaka, jɛ ɛ̍ wɔ̀ dě dula jela̍a̍ di̍i̍ gbɛ̀n-ɛ. Jɛ dǒ ti̍ laa̍ di̍i̍-ɛ, à mu̍ jua̍a̍ i̍ jiěe. Kaka la̍, ìh ǐn juo-aɛ, i̍h se̍ kwlǎ wɛ̀ ke̍. Jɛ dǒ ti̍ laa̍ di̍i̍-ɛ, ka Nyɔsoa juo-a m te̍kle̍e̍-ɛ, kǎ ǎn tɔɔ-a mu̍ kwlǎ wɛ̀-ɛ nu̍ ke.

2 Kɔwlɛntiɔn 7:1

Ǎn tìh kma nyɔ̍, Nyɔsoa po̍ ìh la i̍h-a wlu̍ tɔ̀ma̍a̍ dǒ à we̍. Ɛ̍ tìh-ɛ, dɛ̍ᵻ kli̍hgbɛ̍ ìh-a nɛ-ɛa nyɔ̍-a ku̍ ke sùù nɛi̍-ɛ, mɔ̀ à ti̍ɛ̍ɛn i̍h we̍ i̍. Mɔ̀ à nu̍ ɛ̍ à Nyɔsoa gbiǐh jě-ɛ iě ɛ̍ nu̍ à nu̍-dɛ̍ᵻ iě gblɛ̍ja̍i̍ wɛ̀ chɛ̀ɛ̌chɛ̀.

Taitɔ 1:15

Nyɔ̍ ùh nɛ-a wlaǎwla-ɛ, nɛ̀ dɛ̍ᵻ kli̍hgbɛ̍ nɛ wlaǎwla dǒ u̍h we̍. Jɛ dǒ wlùh sɔ̀n blě nyɔ̍ ke se̍ wlùh gbaɛ blě nyɔ̍ we̍ nɔ̀ɔ̍, dɛ̍ᵻ se̍ wlaǎwla nɛ. Dɛ̍nu̍ɛ, u̍h-a gblɛ̍n ke u̍h-a wlùh-a nyni i̍ dɛ̍ jii̍.

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 12:14

Mɔ̀ fɔ̀n dɛ̍ we̍ mɔ̀ ke nyɔ̍ kli̍hgbɛ̍ iě kɛ̍n i̍ gbe̍ɛ̍ɛn. Nɛ̀ mɔ̀ fɔ̀n dɛ̍ we̍ mɔ̀ iě nɛi̍ wɛ̀ ke dɛ̍nu̍ɛ, nyɔ̍-ɔ se̍ la̍a̍n nɛ wɛ̀ nɛ̀ tba̍ Joi jlǐhɛ̍.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

Chiin 3:17

Jɛ flɔ̍nwlùh jɛ sɔ-a dě ja̍i̍wlɔ̀-ɛ, ɛ̍ nɔ̀ɔ̍, ɛ̍ nɛ wlaǎwla, iě ɛ̍ gbe̍ɛ̍ɛn kmɔ̌ i̍. Ɛ̍ gbɛ̍n gba̍n, iě ɛ̍ blě jbɛɛ-ɛ. Ɛ̍ jǐ-i wɔɛ i̍, iě ɛ̍ blě nu̍-dɛ̍ᵻ chɛ̀. Ɛ̍-ɛ chlɛ̌-e dɛ̍ɛ̍ i̍, iě ɛ̍ se̍ mɛɔ sɔɔ̌n wɔ̍ɔ̍n nɛ.

Chiin 4:8

Mɔ̀ kɔǎɛn Nyɔsoa we̍ i̍, nɛ̀ ɔ̍ mu̍ mɔ̀ we̍ i̍ kɔǎɛn. Gblɛ̍n sɔ̀ɛ̀n nyɔ̍, mɔ̀ dle kwa̍. Wlùh sɔɔ̌n i̍ gbè-a nu̍-u nyɔ̍, mɔ̀ nu̍ mɔ̀-a wlùh-a wlaǎwla.

1 Pitɛ 1:22

Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.

Wlɛfeleseɔn 22:4

U̍h-a mu̍ ɔ̍ jua̍a̍ jě, wɛ̀ ɔ̍ nynɛ̌ iě chlǐh-ɛ dǒ u̍h jua̍i̍.