Matio 5:7 - Ku̍o̍ Delee 1999

⁷ “Nyɔ̍ ùh-a jě-a nyɔ̍ wɔɛ-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a mu̍ u̍h wɔɛ jě ke.

Matio 5:7 Iomraidhean Croise

Pɔ̀n Chɛ̀ Maɛ To-a La 11:25

Nɛ̀ pò mɔ̀ nyna i̍ mɔ̀ iě ba̍le-ɛ, nɛ̀ dɛ̍ sɔ̀n nyɔ̍ nu̍-a mɔ̀ pùn-ɛ, mɔ̀ tǎli ɛ̍ tìh i̍. Nɛ̀ mɔ̀ Baa nɛ-a dě ja̍i̍wlɔ̀-ɛ, ɔ̍ mu̍ mɔ̀ naɛ gblɛ̍n sɔ̀ɛ̀n-a tìh i̍ tǎli ke. [

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Wloma 11:30

Mɔ̀ɔ̍ ùh se̍-a Juu nyɔ̍-ɛ, mɔ̀ blaɛ Nyɔsoa wɔ̍n tɛin. Jɛ kaka la̍, Juu nyɔ̍-a ɔ̍ wɔ̍n blaɛ bo ɛ̀ nu̍ ɛ̍ wɛ̀ ɔ̍ jě mɔ̀ wɔɛ.

1 Kɔwlɛntiɔn 7:25

Nɛ̀ɛ̍, ɛ̀ tba̍-a dǒ se̍ jla̍ tǐn nyɔ̍ pùn i̍-ɛ, Joi se̍ ǐn telě nyǐ dǒ ɛ̍ dɛ we̍. Jɛ ǎn nyǐ ǎn chɛ̀-a flɔ̍nwlùh dǒ Joi-a ǎn wɔɛ jě-ɛ we̍, ɛ̍ bo ɛ̀ nu̍ ɛ̍ wɛ̀ mɔ̀ tè ǐn wlì.

2 Kɔwlɛntiɔn 4:1

Dě Nyɔsoa-a wɔɛ kɔn-ɛ di̍i̍ bo ɔ̍ nyǐ-i àɔ̀ dbo̍ la à iě nu̍. Ɛ̍ tìh-ɛ, à se̍ se̍a̍ dǒ dbo̍ nu̍ la̍.

Ɛfɛsɔ 4:32

Jɛ mɔ̀ nmɔ-ɛ we̍ gblɛ̍n-ɛ, mɔ̀ jiěe we̍ wɔɛ. Nɛ̀ mɔ̀ tǎli mɔ̀ ba̍ᵻá dɛ̍ sɔ̀n-a tìh i̍, ka Nyɔsoa nu̍-a mɔ̀-a gblɛ̍n sɔ̀ɛ̀n-a tìh i̍ tǎli-ɛ dě Klai ja̍a̍-ɛ.

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

1 Timote 1:16

Jɛ ɛ̍ kɔn tìh bo Nyɔsoa jě ǐn wɔɛ. Wɛ̀ ka Jusu Klai-a gbɛ̍n-a wlùh i̍ kaa̍ dǒ gblɛ̍n sɔ̀ɛ̀n nyɔ̍-a gblìmia we̍-ɛ, wɛ̀ nyɔ̍ sie-a dǒ de̍-ɛ, u̍h iě ɛ̍ dɛ̍ i̍ blaɛ dǒ ǐn pùn. Wɛ̀ u̍h iě ɔ̍ wlùh gbaɛ, nɛ̀ u̍h-a mu̍ kmɔ̌ sie feɛ blě.

Iblu 4:16

Ka ɛ̍ nɛ-a ka-ɛ, mɔ̀ à ku̍ di̍i̍ i̍ à iě Nyɔsoa ɔ̀ nɛ-a blɛ-ɛ, ɔ̍ nynɛ̌ gbalǎ wlì mu̍. Wɛ̀ ɔ̍ iě à wɔɛ jě ɔ̍ iě blɛ nɛ dǒ à we̍, wɛ̀ ɛ̍ iě à we̍ gbǎ pò à nɛ we̍ gbǎ ka̍-ɛ.

Iblu 6:10

Nyɔsoa-a nu̍-dɛ̍ slɛ̌ i̍. Ɔ̍ se̍ mɔ̀-a nu̍-dɛ̍ᵻ we̍ mǎle. Mɔ̀ tù ɔ̍ tìh iě mɔ̀ gba̍ ɔ̍ nyɔ̍ jbɛɛ we̍ mɔ̀ iě u̍h we̍ gbǎ, iě mɔ̀-a gbǎ u̍h we̍ ke̍.

Chiin 2:13

Dɛ̍nu̍ɛ, ti̍ sàwi̍h-a mu̍-a sì-ɛ dǒ Nyɔsoa jǔ-ɛ, nɛ̀ ɔ̍ se̍ nyɔ̍ se̍-a wɔɛ kɔn-ɛ wɔɛ jě mu̍. Jɛ wɔɛ jǎ dǒ sàwi̍h dlǔ.

Chiin 3:17

Jɛ flɔ̍nwlùh jɛ sɔ-a dě ja̍i̍wlɔ̀-ɛ, ɛ̍ nɔ̀ɔ̍, ɛ̍ nɛ wlaǎwla, iě ɛ̍ gbe̍ɛ̍ɛn kmɔ̌ i̍. Ɛ̍ gbɛ̍n gba̍n, iě ɛ̍ blě jbɛɛ-ɛ. Ɛ̍ jǐ-i wɔɛ i̍, iě ɛ̍ blě nu̍-dɛ̍ᵻ chɛ̀. Ɛ̍-ɛ chlɛ̌-e dɛ̍ɛ̍ i̍, iě ɛ̍ se̍ mɛɔ sɔɔ̌n wɔ̍ɔ̍n nɛ.

1 Pitɛ 2:10

Sàǐtòò-ɛ, nɛ̀ mɔ̀ se̍ Nyɔsoa-a nyɔ̍, jɛ kaka la̍, mɔ̀ɔ̍ ɔ̍ nyɔ̍ wɛ̀. Sàǐtòò-ɛ, nɛ̀ mɔ̀ɔ̍ jě Nyɔsoa-a wɔɛ kɔn-ɛ de, jɛ kaka la̍ mɔ̀-a jě ɛ̍ la̍-ɛ.