Matio 5:5 - Ku̍o̍ Delee 1999

⁵ “Nyɔ̍ ùh ja-a u̍h-a chɛ̀ wlù-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ dɛ̍ kɔn wlu̍ Nyɔsoa po̍-a tɔ̀ma̍a̍-a jě.

Matio 5:5 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Matio 21:5

Wlu̍-a chɛ̀ la̍a̍, “Sèàɛ̍ Juluslɛn nyɔ̍ wlùh, ‘Nàa̍, mɔ̀ gbɛ̀n-e, mɔ̀-a Blǔh Baa-a ji̍ dě mɔ̀ we̍. Ɔ̍ gbɛ̍n gba̍n, iě ɔ̍ naɛ dě soo̍pà kɛ̍n, ɛ̍ ke ɛ̍ jǔ plɔ̀ ke.’ ”

Wloma 4:13

Eblaɛɛn slè-ɛ i̍ slɛ̌-nyɔ̍ dě ɔ̍ wlùh gbaɛ blě-ɛ di̍i̍. Ɛ̍ kɔn Nyɔsoa po̍ wlu̍ tɔ̀ma̍a̍ dǒ ɔ̍ ke ɔ̍ tloemlai we̍ u̍h iě kmɔ̌ la wlu̍ i̍ kɔn. Jɛ ɛ̍ se̍ ɔ̍ Nyɔsoa-a telě dɛ̍ɛ̍ jě tìh.

Kelesea 5:23

Nɛ̀ diih nu̍ gba̍n gbɛ̍n-ɛ ke chɛ̀ i̍ gbɛ̍n-ɛ. Telě ɛ̀ iě-a ìh la-a nyɛ̌-ɛ, ɛ̍ se̍ nɛ.

Ɛfɛsɔ 4:2

Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

Kalase 3:12

Nɛ̀ɛ̍, ka mɔ̀ nu̍-a Nyɔsoa-a tìh kma nyɔ̍, iě ɔ̍ tba̍-a mɔ̀ chèɛ̀, wɛ̀ ɔ̍ nu̍-a mɔ̀ ɔ̍ chɛ̀-a nyɔ̍ we̍i̍-ɛ, nɛ̀ mɔ̀-a chɛ̀ wlù ja-a ke, gba̍n gbɛ̍n-ɛ ke, wlùh i̍ gbɛ̍n-ɛ ke, wɔɛ kɔn-ɛ ke, gblɛ̍n-ɛ nmɔ-ɛ bo mɔ̀ iě dǒ pùn tù la̍ sǔh.

1 Timote 6:11

Jɛ mɔ̀ jɔ nu̍-a Nyɔsoa-a pòi̍ju-ɛ, sà ìh kli̍hgbɛ̍ la sɔ̍n we̍. Jɛ dɛ̍ kɔn chììn ìè-a po̍-ɛ, ɛ̍ nu̍ i̍ slɛ̌-ɛ ke, Nyɔsoa dɛ-ɛ nɛ-ɛ ke, wlùh gbaɛ ke, jbɛɛ ke, dě klì i̍ ku̍-ɛ ke gba̍n gbɛ̍n-ɛ.

2 Timote 2:25

Nɛ̀ ɔ̍ po̍ nyɔ̍ ùh-a tbaɛ-a ɔ̍ bu̍hᵻ i̍-ɛ wìè-e gba̍n gbɛ̍n ka. Nyɔ̍-se̍-juo dǒ Nyɔsoa-a mu̍ u̍h flɔn la̍ nyǐ-i, wɛ̀ u̍h iě i̍ bǐi u̍h iě tìh-a taǐn juo la̍ ji̍.

Taitɔ 3:2

U̍h bɔ̌ nyɔ̍-o-nyɔ̍-a wlu̍ wɔ̍i̍n nyni-ɛ, u̍h bɔ̌ wɔ̍ɔ̍n i̍ sà-a, u̍h iě jbɛɛ-ɛ blě, nɛ̀ u̍h gbɛ̍n tìh i̍ dǒ nyɔ̍ kli̍hgbɛ̍ we̍.

Chiin 1:21

Ɛ̍ tìh-ɛ, mɔ̀ sà sììjii̍ nu̍-ɛ sɔ̍n di̍i̍, ɛ̍ ke kà kɔn-ɛ ke. Nɛ̀ mɔ̀ ji̍ ja̍ mɔ̀ iě wlu̍ Nyɔsoa tù-a dǒ mɔ̀ wlùh kɛ̍n-ɛ i̍ gbɛ̍n. Ɛ̍-ɛ bo ɛ̀ bɛ̌ɛ mɔ̀ pǔh-iɛ.

Chiin 3:13

Nyɔ̍ bo ɔ̀ flɔn di̍i̍ i̍ iě ɔ̀ wɔ̌n dɛ̍ɛ̍ i̍ dě mɔ̀ nynɛ̌ ɛ? Nɛ̀ ɔ̍ to ɛ̍ dě ɔ̍ kmɔ̌ chɛ̀ di̍i̍, ɛ̍ ke nu̍-dɛ̍ᵻ chɛ̀ ɔ̍ nu̍-a dě tìh i̍ gbɛ̍n flɔ̍nwlùh di̍i̍-ɛ ke.

1 Pitɛ 3:15

Mɔ̀ jě Klai dɛ̍ɛ̍ kleǐnklein ka ɔ̍ nu̍-a mɔ̀-a Joi-ɛ. Mɔ̀ gbàɛ̀ ti̍ kli̍hgbɛ̍ we̍ nyɔ̍ mu̍-a mɔ̀ i̍ tèle-ɛ, wɛ̀ mɔ̀ iě u̍h wlùh sèàɛ̍ dɛ̍ kɔn tìh mɔ̀ tè-a Nyɔsoa wlì-ɛ.

1 Pitɛ 3:4

Jɛ mɔ̀-a gblɛ̍n bo ɛ̀ iě mɔ̀ jii̍ nmɔ-ɛ, ɛ̀ se̍-a wlà la̍ kɔn, ɛ̀ gbɛ̍n-a gba̍n wɛ̀ ɛ̀ gbɛ̍n-a tìh i̍-ɛ. Ɛ̍-ɛ bo ɛ̀ kɔn dɛ̍kɛ̍n gbǎ-a ku̍ wɔ̍n dě Nyɔsoa jlǐh.