Matio 5:12 - Ku̍o̍ Delee 1999

¹² Nɛ̀ mɔ̀ nu̍ mɔna̍ mɔ̀ iě ja̍ de̍le, mɔ̀-a wlùh iě i̍ tè. Dɛ̍nu̍ɛ, mɔ̀-a jě-dɛ̍ bɛ̌ i̍ dě ja̍i̍wlɔ̀. Nyɔsoa-a tu̍owli po̍ nyɔ̍ ùh wɔ̀-a nya̍-ɛ, kǎ u̍h nu̍ u̍h klě jě-eɛ ke.”

Matio 5:12 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 6:16

Jusu la̍a̍, “Pò mɔ̀ ja jlǔh po̍ dě Nyɔsoa dɛ di̍i̍-ɛ, mɔ̀ bɔ̌ mɔ̀-a chɛ̀-a pio nu̍-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ u̍h-a chɛ̀-a pio nu̍-ɛ, wɛ̀ ka u̍h-a po̍-a jlǔh-ɛ nyɔ̍ iě-o dɛ̍ i̍ juo. Bɔ̌ ǐn sèàɛ̍ mɔ̀ wlùh, nɛ̀ u̍h naɛ dɛ̍ jě ka̍ bo wɛ̀.

Pɔ̀n Chɛ̀ Luu To-a La 13:34

“À, Juluslɛn, Juluslɛn, mɔ̀ bo ɔ̀ dbǎ Nyɔsoa-a tu̍owli po̍ nyɔ̍ wɛ̀ ìn tbaɛ nyɔ̍ ɔ̍ dbo̍-a dě ìn we̍-ɛ sɔɔ̌ᵻ i̍. Ti̍ kli̍hgbɛ̍ we̍ ǎn pɔ̀n àn nynuu̍ la tàdùè po̍-ɛ i̍, iě u̍h kɛ̍n kaɛn de ka gbàn-nynɔ̌ suuh-a flùì ɛ̍ nynuu̍ kɛ̍n-ɛ. Jɛ nɛ̀ wɔ̌ɛn ɛ̍-ɛ.

Pɔ̀n Chɛ̀ Luu To-a La 6:23

Nɛ̀ mɔ̀ nu̍ mɔna̍ dɛ̍blɔ dǒ ti̍ laa̍ di̍i̍ mɔ̀ iě ja̍ de̍le. Dɛ̍nu̍ɛ, mɔ̀-a jě-dɛ̍ ku̍ wɔ̍n dě ja̍i̍wlɔ̀. Kǎ u̍h baaᵻ nu̍ Nyɔsoa-a tu̍owli po̍ nyɔ̍ ke.

Pɔ̀n Chɛ̀ Luu To-a La 6:35

Jɛ mɔ̀ jbɛɛ mɔ̀-a nyɛ̌-nyɔ̍-ɔ, nɛ̀ mɔ̀ nu̍ u̍h dɛ̍ chɛ̀ pùn. Mɔ̀ po̍ u̍h gba̍-aɛ, nɛ̀ mɔ̀ bɔ̌ ɛ̍ sà-a tìh gbàɛ̀. Nɛ̀ mɔ̀-a jě-dɛ̍-a mu̍ wɔ̍n ku̍, wɛ̀ mɔ̀ iě Sìì Nyɔ̍ Wɔ̍n Nyɔsoa-a nynuu̍ nu̍. Dɛ̍nu̍ɛ, ɔ̍ nmɔ gblɛ̍n-ɛa chɛ̀ dǒ nyɔ̍-a nynɛ̌ kɔ̌-ɛ nyɔ̍ ke kà kɔn nyɔ̍ we̍.

Nu̍-dɛ̍ᵻ 16:25

Ɛ̍ nu̍-a tòloo-ɛ, wɛ̀ Pɔɔ ke Sale-a ba̍le, iě u̍h-a ble̍ Nyɔsoa duǐh. Nɛ̀ kǎ gbɛ̍n-nyɔ̍ duuh-a po̍ dě u̍h we̍ dounᵻ.

Nu̍-dɛ̍ᵻ 5:41

Ti̍ gba̍tòà-a sɔ-a dǒ taɔ laa̍ we̍-ɛ, nɛ̀ u̍h-a nu̍ mɔna̍ kaa̍, dɛ̍nu̍ɛ, Nyɔsoa slè-e u̍h nyɔ̍ chɛ̀ wɛ̀ u̍h iě mlɔ̌ wɔ̍n gbǎ dǒ Jusu-a nynɛ̌ kɛ̍n.

Wloma 5:3

Ɛ̍ se̍-o siee, nɛ̀ à nmɔ-ɛ dě à jua̍i̍ sàɛ̀ di̍i̍ ke, dɛ̍nu̍ɛ, à juo ɛ̍-ɛ jua̍i̍ sàɛ̀-a ku̍ i̍ à dě klì i̍.

1 Kɔwlɛntiɔn 3:8

Nyɔ̍ ɔ̀ tù-a dɛ̍-ɛ ke jɔ nyǐ-a ɛ̍ nǐ-ɛ, u̍h-a dbo̍ beɛ̍ɛ. Ɛ̍ tìh ka jɔ-a dbo̍ nɛ-ɛ, nɛ̀ kǎ ɔ̍ jě-dɛ̍ nɛ.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

Felepai 1:29

Dɛ̍nu̍ɛ, mɔ̀ɔ̍ nɔ̀ɔ̍, mɔ̀ jě bu̍h-a tba̍ la̍ wɛ̀ mɔ̀ iě Klai jǔ dbee. Ɛ̍ se̍ mɔ̀ iě ɔ̍ wlùh gbaɛ nɛ due, jɛ mɔ̀ iě jua̍i̍ sàɛ̀ ke ɔ̍ tìh.

Felepai 2:17

Pò ǎn jɛ dbǎ-ɛ, wɛ̀ ǎn nymɔ̍ iě chɛ̌li-ɛ dǒ slaǎ sà-ɛ dɛ̍ mɔ̀-a wlùh gbaɛ nyǐ-a Nyɔsoa-a kɛ̍n-ɛ, nɛ̀ ǎn pɔluh pɛ̌n i̍ mɔ̀ ke ǐn ke à iě mɔna̍ we̍ nui kli̍hgbɛ̍.

Kalase 1:24

Kaka la̍ tìh ǐn jě-a dǒ mɔ̀ we̍-ɛ, ɛ̍ po̍ ǐn mɔna̍-a. Dɛ̍nu̍ɛ, tìh ǐn jě-a dǒ ǎn nyi̍ɔ̍ku we̍-ɛ, ɛ̍ nɛ kmɔ̌ wɛ̀ tìh jě-ɛ sie-a dǒ Klai we̍-ɛ, iě ǐn wɔ̀ ɛ̍ i̍ dǒ chɔchi̍h ɛ̀ nu̍-a ɔ̍ ku̍-ɛ we̍.

Kalase 3:24

Mɔ̀ juo ɛ̍ ka dɛ̍ Joi tè-a i̍ dǒ mɔ̀ we̍-ɛ, ɔ̍ mu̍-a ɛ̍ mɔ̀ nyǐ-ɛ, dɛ̍nu̍ɛ, Klai bo ɔ̀ nu̍ Joi mɔ̀-a dbee jǔ.

1 Tɛsoloniɔn 2:15

Juu nyɔ̍ bo ùh dbǎ Joi Jusu, ɛ̍ ke Nyɔsoa-a tu̍owli po̍ nyɔ̍ ke, iě u̍h nu̍ à i̍. U̍h-a nu̍-dɛ̍ se̍ Nyɔsoa gbǐh po̍, iě u̍h tba̍-ɛ nyɔ̍ kli̍hgbɛ̍ bu̍hᵻ i̍.

Iblu 10:34

Mɔ̀ jě nyɔ̍ ùh poe-a kasoo-ɛ wɔɛ. Mɔ̀-a kɔn-dɛ̍ᵻ ìh sà-ɛa mɔ̀ kwa̍a̍-ɛ i̍h-a tìh se̍ mɔ̀ kà di̍i̍ po̍. Dɛ̍nu̍ɛ, mɔ̀-a chɛ̀ juo ɛ̍-ɛ, mɔ̀ blě kɔn-dɛ̍ᵻ chɛ̀ jih se̍-a mǎ la̍ kɔn-ɛ.

Iblu 11:26

Mose la̍ u̍h-a ɔ̍ chlèe-ɛ Nyɔsoa-a Chèɛ̀ Tba̍ju-a tìh gbǎ dɛ̍kɛ̍n ɛ̍ sìì Iche bloa̍-a pàn-dɛ̍ᵻ. Dɛ̍nu̍ɛ, jě-dɛ̍ nɛ-a dě nya̍-ɛ, ɛ̍-ɛ bo ɔ̍ gbɛ̀n ja̍.

Iblu 11:33

U̍h bo ùh jii dě wlùh gbaɛ di̍i̍ wɛ̀ u̍h sà bloa̍ klà, wɛ̀ u̍h nu̍ dɛ̍ ɛ̀ slɛ̌-a i̍-ɛ. Iě u̍h jě dɛ̍ kɔn wlu̍ Nyɔsoa po̍-a tɔ̀ma̍a̍-ɛ. Iě u̍h sà gbòlò-a wɔ̍n klèɛ̍-ɛ.

Iblu 11:6

Nyɔ̍ se̍ wlùh gbaɛ blě-ɛ nɛ̀ ɔ̍ se̍ Nyɔsoa-a wlùh i̍ tè-eɛ bɛ̌ɛ. Nyɔ̍ jɔ ji̍-a Nyɔsoa we̍-ɛ, nɛ̀ ɔ̍ kɔn ɔ̍ iě ɛ̍ tìh chɛ̀ po̍ ka Nyɔsoa nɛ-a kmɔ̌ iě nyɔ̍ ùh-a pɔ̀n-a ɔ̍ kwlǐh i̍-ɛ, ɔ̍ nyǐ-a u̍h dɛ̍-ɛ.

Chiin 1:2

Ǐn de̍di̍i̍ᵻ, pò nyɔ̍ i̍ tɛ̀n-ɛ kaɛn kaɛn ji̍ mɔ̀ we̍-ɛ, nɛ̀ mɔ̀ nmɔ ɛ̍ tìh.

Chiin 5:10

Ǐn de̍di̍i̍ᵻ, Nyɔsoa-a tu̍owli po̍ nyɔ̍ ùh sàɛ̀-a jua̍i̍ iě ùh gbɛ̍n-a wlùh i̍, ùh po̍-a tu̍owli dǒ Joi-a nynɛ̌ kɛ̍n-ɛ, u̍h kɔn wɔ̀ɔ̀ bo mɔ̀ iě-e i̍ sà.

1 Pitɛ 4:13

Jɛ mɔ̀ gbǎ mɔna̍-a ka mɔ̀-a sàɛ̀-a jua̍i̍ Klai tìh-ɛ. Nɛ̀ ti̍ ɔ̍ mu̍-a de̍ ji̍ dě ɔ̍ tìh-a i̍ bɛ̌-ɛ di̍i̍-ɛ, wɛ̀ mɔ̀ iě mɔna̍ nu̍ dɛ̍blɔ.