Biblia Todo Logo
Bìoball air-loidhne

- Sanasan -




Matio 5:10 - Ku̍o̍ Delee 1999

10 “Nyɔ̍ ùh-a nu̍-a dɛ̍ Nyɔsoa-a pɔ̀n-a i̍, wɛ̀ u̍h tù-a ɛ̍ tìh u̍h-a jě-ea u̍h klě-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

Faic an caibideil Dèan lethbhreac




Matio 5:10
30 Iomraidhean Croise  

Nyɔ̍ ɔ̀ ku̍-ae klì i̍ dǒ ɔ̍ i̍ tɛ̀n-ɛ we̍-ɛ, nɛ̀ ɔ̍ nmɔ i̍. Dɛ̍nu̍ɛ, nyɔ̍ ɔ̀ mu̍-a i̍ tɛ̀n-ɛ laa̍ i̍ nyna-ɛ, nɛ̀ ɔ̍ mu̍ kmɔ̌ sie feɛ-a blawɛ̌ tèè. Ɛ̍ kɔn wlu̍ bo Nyɔsoa po̍ tɔ̀ma̍a̍ dǒ nyɔ̍ kma-a ɔ̍ tìh-ɛ we̍.


Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.


“Nyɔ̍ ùh jě-a u̍h-a chɛ̀ nyɔ̍gbà nyɔ̍ we̍i̍ Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.


“Mɔ̀ɔ̍ ùh nyɔ̍ɔ faɛn-a, u̍h-a chlèe-a u̍h-a dǎɛ-a dɛ̍ᵻ sɔ̀nᵻ nyɔ̍ wɛ̀ u̍h se̍-a jě-ɛ jbǎ Nyi̍ɔ̍-a Jǔ tìh-ɛ, nɛ̀ mɔ̀ nmɔ i̍.


Pò à ku̍-e klì i̍ ma̍u̍-ɛ, nɛ̀ ɔ̍ ke à mu̍ kmɔ̌ wlu̍ i̍ kɔn. Pò à sà ɔ̍ dɛ kwa̍ i̍-ɛ, nɛ̀ ɔ̍ mu̍ à dɛ kwa̍ i̍ sà ke.


Mɔ̀ bɔ̌ mɔ̀-a nyɛ̌-nyɔ̍ jǔ ple̍-ɛ tà kli̍hgbɛ̍. Ɛ̍-ɛ bo ɛ̀ mu̍ ɛ̍ we̍i̍ flɔn-ɛ dě u̍h we̍ ka u̍h nɔ̀ɔ̍, u̍h-a mu̍-aa gbɔ̀lɔ-ɛ, jɛ mɔ̀ɔ̍ bo ùh-a mu̍-a pǔh-ɛ. Nyɔsoa bo ɔ̀ mu̍ mɔ̀ pǔh-i.


Jɛ pò ìh kli̍hgbɛ̍ la i̍h iě nɛ-ɛ, mɔ̀-a mu̍ gbɛ̍n-ɛ, u̍h iě mɔ̀ klě jě-e. Nɛ̀ u̍h-a mu̍ mɔ̀ sàwi̍h sì la̍ gba̍ dě wɛɛ sà gbòᵻ sɔ̀n i̍, wɛ̀ u̍h iě mɔ̀ kasooᵻ i̍ po̍. Ǎn tìh-ɛ, u̍h-a mu̍ mɔ̀ dǒ blǔh baaᵻ ke kɔ̀mla̍ᵻ jǔ gba̍.


Dɛ̍ ǐn sà-a dě mɔ̀ we̍-ɛ, ɛ̍ bo mɔ̀ iě wlùh we̍ nu̍. Na̍a̍, ‘Pòi̍ju-u ku̍ wɔ̍n ɔ̍-ɔ sìì ɔ̍ dlǔtu.’ Ka u̍h jě-ea ǐn klě-ɛ, nɛ̀ u̍h-a mu̍ mɔ̀ klě jě-e ke. Ka u̍h nu̍-a ǎn wlu̍-ɛ, nɛ̀ kǎ u̍h-a mu̍ mɔ̀-a wlu̍ nu̍ ke.


Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.


Ìn juo ǎn klě jě-ɛ ke jua̍i̍ sàɛ̀-ɛ ke dɛ̍ᵻ kli̍hgbɛ̍ ìh nɛ-a ǐn pùn dǒ Antiɔ ke Akɔniɔ ke Lesla wlɔ̀ᵻ di̍i̍ i̍-ɛ. I̍h-i laa̍ bo ǐn nyna i̍. Jɛ Joi sèìe m dě i̍h kli̍hgbɛ̍ di̍i̍.


Nɛ̀ Blǔh Baa-a mu̍ ka dǎ dě nyɔ̍ ùh nɛ-a dě ɔ̍ di̍na̍ we̍ ka-a we̍, ‘Mɔ̀ɔ̍ ǐn Baa nyǐ-a pɔ̀ìě-ɛ, mɔ̀ ji̍ kmɔ̌ Nyɔsoa kɔn-a wlu̍ i̍-ɛ, ɔ̍ mu̍ ɛ̍ mɔ̀ nyǐ. Ɔ̍ po̍ ɛ̍ gba̍a̍ dǒ mɔ̀ we̍ se̍e̍ wɛ̀ kmɔ̌ la ɛ̍ dǔ nui-ɛ.


nɛ̀ ɔ̍ mu̍ i̍h-a kmɛ kmɛ jě kaka da̍a ti̍laa kmɔ̌ di̍i̍. Nɛ̀ ɔ̍ mu̍ gbòᵻ ke, de̍di̍i̍ᵻ jɔ̍gbauᵻ ke, de̍di̍i̍ᵻ nynɔ̌gbaɔᵻ ke, de̍ᵻ ke, nynuu̍ ke, klèᵻá kmɛ kmɛ jě, i̍h ke klě jě-ɛ iě na. Wɛ̀ ɔ̍ iě kmɔ̌ sie feɛ jě dě kmɔ̌ delee di̍i̍.


Wɛ̀ Jusu gbɛ̀n ɔ̍ kòà ja̍ iě ɔ̍ la̍a̍, “Mɔ̀ɔ̍ ùh pa̍-a nyɔ̍gbà-ɛ, mɔ̀ nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ mɔ̀ we̍.


Pò u̍h ja mɔ̀ klě jěe dǒ tà jɛ-ɛ, nɛ̀ mɔ̀ ple̍ mɔ̀ iě tàdɔ̀ɔ̀ mu̍. Tìh-a taǐn ǎn sèàɛ̍ mɔ̀ wlùh, mɔ̀ se̍ dbo̍ la i̍ wɔ̀ mu̍ dě Eslɔɛ nyɔ̍-a wlɔ̀ᵻ gbàɛ̀ kli̍hgbɛ̍ di̍i̍ i̍ wɛ̀ Nyi̍ɔ̍-a Jǔ iě ji̍.


Mɔ̀ à bɔ̌ Kein-a dɛ nu̍-ɛ. Ɔ̍ kɔn dǒ Nyɔ̍ Sɔ̀n we̍, ɛ̍ kɔn ɔ̍ po̍ ɔ̍ de̍di̍i̍ gbe̍ja̍a̍. Kein po̍ ɔ̍ gbe̍ja̍a̍, dɛ̍nu̍ɛ, Kein naɛ nu̍-dɛ̍ᵻ klǐ-i, iě ɔ̍ de̍di̍i̍ naɛ slɛ̌ i̍.


Sɔɔ bo ɔ̀ wɔ̌ɛn Slifɛn-a mɛ̌ɛ dɛ kɛ̍n i̍. Sɔ dǒ weɛ̍ laa̍ di̍i̍-ɛ, nɛ̀ chɔchi̍h nɛ-a dǒ Juluslɛn-ɛ, ɛ̍ klě jě-ɛ sìì-o dɛ̍ i̍ wɛ̀. Jusu-a gba̍tòà kɔn tɛ̀ ǐn sà-o. Jɛ wlùh gbaɛ blě nyɔ̍ kli̍hgbɛ̍ juh sie-a dode̍-ɛ, u̍h gbà ja̍i̍. Duuh mu̍ Judia fɔɔ, iě duuh mu̍ Sɛmewlea.


Wɛ̀ u̍h dǎ Jusu-a gba̍tòà laa̍ dě de̍ gbò, iě u̍h bla̍ u̍h. U̍h la̍a̍, “Mɔ̀-ɔ wlu-i dǒ Jusu-a nynɛ̌ kɛ̍n dɛ de o.” Wɛ̀ u̍h dǔ u̍h sɔ̍n kɛ̍n sà-a.


Iě ɔ̍ la̍a̍, “Mɔ̀ bɔ̌ nynuu̍plìh la u̍h iě nɔ̌ ǐn we̍ ji̍. Mɔ̀ bɔ̌ u̍h wìè-i sà-a. Dɛ̍nu̍ɛ, nyɔ̍ ùh nɛ-a ka-a, u̍h bo ùh kɔn dǒ Nyɔsoa-a kmɔ̌ wlu̍ i̍ kɔn-ɛ we̍.”


Ti̍ Jusu juo-ao dɛ̍ i̍-ɛ, sɔ ɛ̍ se̍ ɔ̍ gbǐh po̍. Wɛ̀ ɔ̍ la̍a̍ dě u̍h we̍, “Mɔ̀ bɔ̌ nynuu̍plìh la u̍h iě nɔ̌ ǐn we̍ ji̍. Mɔ̀ bɔ̌ u̍h wìè-i sà-a. Dɛ̍nu̍ɛ, nyɔ̍ ùh nɛ-a ka-a, u̍h bo ùh kɔn dǒ Nyɔsoa-a kmɔ̌ wlu̍ i̍ kɔn-ɛ we̍.


Ɛ̍ tìh-ɛ, ka ǐn Baa nu̍-a ǐn nyɔ̍ wlu̍ i̍ kɔn-ɛ kwa̍ tèè-ɛɛ, kǎ ǐn nu̍ ɛ̍ mɔ̀ kwa̍ tèè-ɛ ke.


Ɛ̍ kɔn à la̍ u̍h nmɔ i̍, dɛ̍nu̍ɛ, u̍h ku̍-e klì i̍. Ka Joo nu̍-a wlùh i̍ gbɛ̍n-ɛɛ, mɔ̀ wɔ̌n i̍h. Joi pe̍ɛ-ɛ ɔ̍ pɔluh dode̍, dɛ̍nu̍ɛ, Joi nmɔ gblɛ̍n-ɛ iě ɔ̍ kɔn wɔɛ.


Lean sinn:

Sanasan


Sanasan