Matio 4:23 - Ku̍o̍ Delee 1999

²³ Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Matio 4:23 Iomraidhean Croise

Matio 9:35

Jusu na wlɔ̀ᵻ klaaᵻ ke wlɔ̀ᵻ plìh kli̍hgbɛ̍ di̍i̍ i̍. Wɛ̀ ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n i̍. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌ɛ nyɔ̍gbei-a poa dɛ̍ᵻ ke wɛ̌ᵻ kli̍hgbɛ̍.

Pɔ̀n Chɛ̀ Maɛ To-a La 1:39

Wɛ̀ ɔ̍ na Kaladii bloa̍ kli̍hgbɛ̍ we̍, ɔ̍ bla̍ Nyɔsoa tìh dě u̍h-a wɛɛ sà gbòᵻ sɔ̀n i̍. Wɛ̀ ɔ̍ sà nyɔ̍ɔ jeědih de̍e̍ i̍ ke.

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Pɔ̀n Chɛ̀ Luu To-a La 7:22

Wɛ̀ Jusu sà u̍h-a wlu̍ pɔ̀n we̍. Ɔ̍ la̍a̍, “Mɔ̀ mu̍ de̍ mɔ̀ iě Chɔɔn kunǎ po̍ dǒ dɛ̍ᵻ mɔ̀ jě-aɛ ke dɛ̍ᵻ mɔ̀ wɔ̌n-aɛ we̍. Dɔ̌-nyɔ̍-a jě la̍ i̍, klɔ-nyɔ̍-a na la̍-ɛ, wìèìdih-a nu̍ nyɔ̍ fɛ̍nɛ wɛ̀, sǔn-nyɔ̍-a wɔ̌n la̍ i̍, mɛ̌-nyɔ̍-a wlǔh la̍-e, iě pɔ̀n chɛ̀-a bla̍-ɛ la̍ dě nyɔ̍gbà nyɔ̍ we̍.

Matio 11:5

Dɔ̌-nyɔ̍-a jě la̍ i̍, klɔ-nyɔ̍-a na la̍-ɛ, wìèìdih-a nu̍ nyɔ̍ fɛ̍nɛ wɛ̀, sǔn-nyɔ̍-a wɔ̌n la̍ i̍, mɛ̌-nyɔ̍-a wlǔh la̍-e, iě pɔ̀n chɛ̀-a bla̍-ɛ la̍ dě nyɔ̍gbà nyɔ̍ we̍.

Matio 13:54

Ɔ̍ ji̍-a de̍ dǒ ɔ̍ blǐ wlɔ̀-ɛ, wɛ̀ ɔ̍ po̍ nyɔ̍gbei nǎ dě Juu nyɔ̍-a wɛɛ sà gbò sɔ̀n. Sɔ ɛ̍ wlǔh i̍ u̍h de̍e̍. Wɛ̀ u̍h-a tèle-e we̍ i̍, u̍h la̍a̍, “Jbaɛdih klaaᵻ la ke flɔ̍nwlùh dɔu la tà jǔ la ɔ̍ sà i̍h ɛ?

Pɔ̀n Chɛ̀ Maɛ To-a La 1:21

Wɛ̀ u̍h mu̍ dǒ Kepanium wlɔ̀ di̍i̍. Ɛ̍ nu̍-a wlè-weɛ̍-ɛ, iě Jusu mu̍ dě Juu nyɔ̍-a wɛɛ sà gbò sɔ̀n, wɛ̀ ɔ̍ tè nyɔ̍ nǎ po̍-ɛ gbɔ̀.

Wloma 10:15

Nɛ̀ pò nyɔ̍ se̍ dbo̍-eɛɛ, nɛ̀ ka tìh-a chɛ̀-ɛ mu̍ bla̍-ɛ nu̍ ɛ? Ɛ̍ kɔn Nyɔsoa-a wlu̍ la̍a̍, “Nyɔ̍ ùh-a bla̍-a pɔ̀n chɛ̀ la-ɛ, ɛ̍ po̍ nyɔ̍gbei mɔna̍-a dǒ u̍h-a ji̍-ɛ we̍.”

Pɔ̀n Chɛ̀ Luu To-a La 8:1

Ɛ̍ se̍-o wlè wɛ̀ Jusu na tùgbàwlɔ̀ᵻ ke wlɔ̀ᵻ plìh di̍i̍ i̍. Wɛ̀ ɔ̍ bla̍ pɔ̀n chɛ̀ dǒ Nyɔsoa-a kmɔ̌ wlu̍ i̍ kɔn dɛ we̍. Nɛ̀ ɔ̍ ke ɔ̍ kòà-a pùè jɔ̌ sɔɔ̌n

Pɔ̀n Chɛ̀ Maɛ To-a La 6:2

Dǒ Juu-a wlè-weɛ̍ di̍i̍, wɛ̀ ɔ̍ tè nyɔ̍ nǎ po̍-ɛ gbɔ̀ dě wɛɛ sà gbò sɔ̀n. Nyɔ̍ dɔu ùh wɔ̌n-a ɔ̍ wlu̍-ɛ, sɔ ɛ̍ wlǔh i̍ u̍h de̍e̍. Wɛ̀ u̍h la̍a̍, “Tà ɔ̍ sà ìh kli̍hgbɛ̍ la ɛ? Nyɔ̍ nyǐ ɔ̍ flɔ̍nwlùh la iě ɔ̍ blě ɛ̍ ɛ? Tà ɔ̍ sà ɔ̍ naɛ gbǐh wɛ̀ ɔ̍ nu̍ la̍a̍n jbaɛdih po̍-ɛ ɛ?

Matio 24:14

Nɛ̀ Nyɔsoa-a kmɔ̌ wlu̍ i̍ kɔn-ɛa pɔ̀n chɛ̀ la ɛ̍ tìh-a mu̍ bla̍-ɛ dě kmɔ̌ gbàǐ la we̍, nyɔ̍ kli̍hgbɛ̍ iě i̍h wɔ̌n. Wɛ̀ ti̍-a chlà-a iě ji̍-ɛ dǔ.

Matio 12:9

Wɛ̀ Jusu wlǔh-i gbààn, iě ɔ̍ mu̍ dě Juu nyɔ̍-a wɛɛ sà gbò sɔ̀n.

Chɔɔn 18:20

Wɛ̀ Jusu la̍a̍, “Dǒ gbaɛ̍we̍ bo ǎn wlu-i dě kmɔ̌ nyɔ̍ kli̍hgbɛ̍ we̍. Nɛ̀ dě wɛɛ sà gbòᵻ ke slaǎ sà gbò kɔn sɔ̀n nyɔ̍-a gbǎ-ɛa tàdùè-ɛ, dě ǎn poe nǎ. Nɛ̌ sà dɛ̍-ɛ dě kwile-e.

Pɔ̀n Chɛ̀ Luu To-a La 13:10

Dǒ Juu nyɔ̍-a wlè-weɛ̍ due di̍i̍ wɛ̀ Jusu po̍ nyɔ̍ nǎ dě wɛɛ sà gbò due sɔ̀n.

Pɔ̀n Chɛ̀ Luu To-a La 9:11

Nyɔ̍ tlùgbei̍ juo-ao dɛ̍ i̍-ɛ, iě u̍h mu̍ ɔ̍ kɛ̍n i̍. Wɛ̀ ɔ̍ gbɛ̍n u̍h i̍, iě ɔ̍ bla̍ Nyɔsoa-a kmɔ̌ wlu̍ i̍ kɔn tìh dě u̍h we̍. Wɛ̀ ɔ̍ pǔh-i nyɔ̍ ùh-a poa-ɛ.

Pɔ̀n Chɛ̀ Luu To-a La 5:17

Dǒ weɛ̍ due di̍i̍ nɛ̀ Jusu-a po̍ nyɔ̍ nǎ, nɛ̀ dǒ Fɛlesii nyɔ̍ ke telě nǎ poe nyɔ̍ nɛ. U̍h-a duuh sɔ wlɔ̀ᵻ gbàɛ̀ kli̍hgbɛ̍ nɛ-a dě Kaladii ke Judia fɔɔ-ɛ di̍i̍ i̍, ɛ̍ ke dǒ Juluslɛn wlɔ̀ di̍i̍ ke. Nɛ̀ Joi-a gbǐh nɛ Jusu kɛ̍n ɔ̍ iě nyɔ̍ pǔh-i.

Pɔ̀n Chɛ̀ Maɛ To-a La 6:6

U̍h-a nu̍-dɛ̍ wlǔh i̍ ɔ̍ de̍e̍, dɛ̍nu̍ɛ, u̍h se̍ wlùh gbaɛ blě. Wɛ̀ Jusu mu̍ wlɔ̀ᵻ diih di̍i̍ i̍, dě ɔ̍ poe nyɔ̍ nǎ.

Pɔ̀n Chɛ̀ Maɛ To-a La 1:14

Ti̍ u̍h po̍-a Chɔɔn kasoo-ɛ, dǒ ti̍ laa̍ di̍i̍ bo Jusu mu̍-i Kaladii fɔɔ, iě ɔ̍ bla̍ Nyɔsoa-a pɔ̀n chɛ̀-a tìh we̍i̍.

Nu̍-dɛ̍ᵻ 20:25

“Kaka la̍ mɔ̀ɔ̍ kli̍hgbɛ̍ ǎn na-a we̍ i̍ de wɛ̀ ǎn bla̍-a Nyɔsoa-a kmɔ̌ wlu̍ i̍ kɔn tìh-ɛ, ǐn juo ɛ̍-ɛ mɔ̀ se̍ ǐn jlǐhɛ̍ tba̍ mu̍ dɛ.

Nu̍-dɛ̍ᵻ 18:4

Wlè-wǐh kli̍hgbɛ̍ Pɔɔ-a bla̍ gbòɛ̀ dě wɛɛ sà gbò sɔ̀n ɔ̍ iě Juu ke Klii nyɔ̍-a dlǔ jli̍.

Chɔɔn 6:59

Ti̍ ɔ̍ po̍-a nyɔ̍ nǎ dě Juu nyɔ̍-a wɛɛ sà gbò sɔ̀n dǒ Kepanium wlɔ̀ di̍i̍-ɛ, dǒ ɔ̍ bla̍-ɛ ìh la.

Pɔ̀n Chɛ̀ Luu To-a La 10:9

Nɛ̀ mɔ̀ pǔh-i poa-nyɔ̍ nɛ-a dǒ wlɔ̀ laa̍ di̍i̍-ɛ. Nɛ̀ mɔ̀ la̍a̍ dě wlɔ̀ nyɔ̍ kli̍hgbɛ̍ we̍, ‘Nyɔsoa-a kmɔ̌ wlu̍ i̍ kɔn-ɛ nɛ mɔ̀ i̍ wɛ̀.’

Pɔ̀n Chɛ̀ Luu To-a La 6:17

Jusu ke ɔ̍ gba̍tòà sɔ-a dě tlu̍h kɛ̍n-ɛ, iě ɔ̍ nyna i̍ dǒ tà pɛ̍lɛ-a i̍-ɛ, nɛ̀ dǒ ɔ̍ kòà tlùgbei̍ nɛ ke. Nɛ̀ nyɔ̍ sùɛ̀ sɔ Judia bloa̍ kli̍hgbɛ̍ kɛ̍n i̍, ɛ̍ ke dǒ Juluslɛn wlɔ̀ di̍i̍ ke. Nyɔ̍ sɔ dǒ jbǒ wɔ̍i̍n dǒ Taiɛ ke Saidɔn wlɔ̀ᵻ di̍i̍ ke

Matio 14:14

Jusu sɔ-a dě blǎgbè di̍i̍ ka-ɛ, ɔ̍ jě nyɔ̍ tlùgbei̍ laa̍. Sɔ u̍h-a po̍ ɔ̍ wɔɛ kaa̍, wɛ̀ ɔ̍ bɔ̌-ɛ u̍h-a wɛ̌ᵻ.

Matio 13:19

Nyɔ̍ ùh wɔ̌n-a Nyɔsoa-a kmɔ̌ wlu̍ i̍ kɔn-ɛa tu̍owli wɛ̀ u̍h se̍-a ɛ̍ i̍ wɔ̌n-ɛ, nɛ̀ Nyɔ̍ Sɔ̀n laa̍ bo ɔ̀ ji̍ wɛ̀ ɔ̍ sà ɛ̍ dǒ u̍h wlùh kɛ̍n. Ɛ̍ bo ɛ̀ nu̍-a dɛ̍ᵻ jɔ̌ ìh gbǎ-a dǒ wìè gblùh i̍ laa̍ na̍wɛ̍ᵻ sà-o.

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Chɔɔn 7:1

Ɛ̀ la ɛ̍ sì-a i̍-ɛ, nɛ̀ dǒ Kaladii bloa̍ kɛ̍n nɛ due bo Jusu-a ple̍ la̍ i̍ sǔh. Nɛ̀ ɔ̍ se̍ pɔ̀n ɔ̍ iě dě Judia bloa̍ kɛ̍n mu̍, dɛ̍nu̍ɛ, Juu nyɔ̍-a nyɔ̍ klaaᵻ nɛ-a deě-ɛ, u̍h-a pɔ̀n ɔ̍ dbǎ-a i̍.

Pɔ̀n Chɛ̀ Luu To-a La 20:1

Dǒ weɛ̍ due di̍i̍, wɛ̀ Jusu po̍ nyɔ̍ nǎ iě ɔ̍ bla̍ pɔ̀n chɛ̀-a tìh dě Nyɔsoa-a slaǎ sà gbò sɔ̀n. Wɛ̀ slaǎ sà nyɔ̍ klaaᵻ ke, telě nǎ poe nyɔ̍ ke nyɔ̍ klaaᵻ ji̍ dǒ ɔ̍ we̍.

Pɔ̀n Chɛ̀ Luu To-a La 4:14

Wɛ̀ Jusu ji̍ dǒ dě Kaladii fɔɔ, nɛ̀ Nyɔsoa-a Sùù-a gbǐh nɛ ɔ̍ kɛ̍n. Iě ɔ̍ pɔ̀n sɛ̍ i̍ dě bloa̍-a fɔ̌ kli̍hgbɛ̍ laa̍ we̍.

Pɔ̀n Chɛ̀ Luu To-a La 6:6

Dǒ Juu nyɔ̍-a wlè-weɛ̍ dɛɛ di̍i̍ wɛ̀ Jusu mu̍ dě u̍h-a wɛɛ sà gbò sɔ̀n ɔ̍ po̍ nyɔ̍ nǎ. Nɛ̀ jɔ̍gbau due nɛ-e ɔ̍ di̍na̍ kɔba mɛ̌-ɛ.

Pɔ̀n Chɛ̀ Luu To-a La 7:21

Dǒ ti̍ due laa̍ di̍i̍ nɛ̀ Jusu pǔh-i poa-nyɔ̍ dɔu, ɛ̍ ke jeědih-a de̍e̍ nɛ nyɔ̍ ke. Wɛ̀ ɔ̍ pɔ̀ni dɔ̌-nyɔ̍ dɔu-a jlǐh.

Pɔ̀n Chɛ̀ Luu To-a La 9:60

Wɛ̀ Jusu la̍a̍ dě ɔ̍ we̍, “Bɔ̌ mɛ̌-nyɔ̍ iě u̍h-a chɛ̀-a mɛ̌-nyɔ̍ i̍ tè. Jɛ mɔ̀ɔ̍-ɛ, mu̍ ìè Nyɔsoa-a kmɔ̌ wlu̍ i̍ kɔn tìh bla̍.”

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Nu̍-dɛ̍ᵻ 28:31

Iě ɔ̍ bla̍ Nyɔsoa-a kmɔ̌ wlu̍ i̍ kɔn tìh, wɛ̀ ɔ̍ po̍ nyɔ̍gbei nǎ Joi Jusu Klai-a tìh. Nɛ̀ ɔ̍ wlu-i gbài̍gbài̍ iě nyɔ̍ se̍ ɔ̍ bɔ̌ i̍ po̍.