Matio 4:10 - Ku̍o̍ Delee 1999

¹⁰ Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Matio 4:10 Iomraidhean Croise

Matio 16:23

Wɛ̀ Jusu fèàɛ̀, iě ɔ̍ la̍a̍, “Pitɛ, mɔ̀ Setɔn, sɔ da̍a ǐn jua̍a̍ i̍. Àn ka̍n ǎn wìè. Ìn se̍ Nyɔsoa wlùh blě, kmɔ̌ nyɔ̍-a wlùh bo ìn blě.”

Pɔ̀n Chɛ̀ Maɛ To-a La 1:13

Dě ɔ̍ nɛ dǒ wǐh-a kwela nyìɛ̍ di̍i̍, dě kwlǎ nmi̍i̍ nynɛ̌. Wɛ̀ Setɔn-a pɔ̀n ɔ̍ iě blu̍ja̍a̍ gbǎ. Jɛ Nyɔsoa-a ǐnchɔ̀ ji̍-i, iě i̍h gbǎ ɔ̍ we̍.

Pɔ̀n Chɛ̀ Luu To-a La 10:18

Wɛ̀ Jusu la̍a̍ dě u̍h we̍, “Ǐn jě Setɔn-a i̍ kà la̍, ka nǐ chlɛ jlǐh dě ja̍u̍n wlì-ɛ.

Pɔ̀n Chɛ̀ Luu To-a La 11:18

Ɛ̍ tìh-ɛ, pò Setɔn ja ɛ̍ chɛ̀ we̍ fɔ̀n-ɛ, nɛ̀ ɛ̍ gblè-e ɛ̍ chɛ̀ i̍ wɛ̀ bo. Nɛ̀ ɛ̍ bloa̍ se̍ i̍ tè mu̍. Dɛ̍nu̍ɛ, mɔ̀ la̍ Biɛsibo ɛ̀ nu̍-a jeědih-a dlǔtu-ɛ, ɛ̍ bo ɛ̀ nyǐ ǐn gbǐh wɛ̀ ǎn sà nyɔ̍ jeědih de̍e̍ i̍.

Pɔ̀n Chɛ̀ Luu To-a La 13:16

Nɛ̀ɛ̍, Eblaɛɛn-a jǔ nynɔ̌gbaɔ la ɔ̀ Setɔn po̍-a gbèèɛ̀ dǒ sɔ̀nᵻá pùè jɔ̌ mɛ̀ta̍a̍n di̍i̍-ɛ, ɔ̍ bɔ̌ dě gbèèɛ̀ la di̍i̍ sɔ-ɛ dǒ wlè-weɛ̍ di̍i̍ ae?”

Pɔ̀n Chɛ̀ Luu To-a La 22:3

Wɛ̀ Juda u̍h-a dǎɛ-a Ɛkɛlia-ɛ, iě Setɔn gbǎ dě ɔ̍ ja̍a̍. Kòà-a pùè jɔ̌ sɔɔ̌n laa̍ u̍h-a due bo.

Pɔ̀n Chɛ̀ Luu To-a La 22:31

Jusu la̍a̍, “Samo, Samo, Setɔn sà-ɛ wlu̍ kɛ̍n ɛ̍ iě mɔ̀-ɔ slɛ̌n ka klè joi-a fùn kwǐ kɛnɛ̌ i̍-ɛ.

Pɔ̀n Chɛ̀ Luu To-a La 4:8

Wɛ̀ Jusu sà ɛ̍ wlu̍ pɔ̀n we̍, ɔ̍ la̍a̍, “Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Chɔɔn 13:27

Juda dǔ-a blèe̍ laa̍ ka-ɛ, Setɔn gbǎ dě ɔ̍ ja̍a̍ kleǐn. Jusu la̍a̍ dě ɔ̍ we̍, “Dɛ̍ àn ji̍-a nu̍ la̍-ɛ, nu̍ ɛ̍ suei̍.”

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Nu̍-dɛ̍ᵻ 5:3

Wɛ̀ Pitɛ la̍a̍, “Ɛlenaea, dɛ̍nu̍ àn wɔ̌n iě Setɔn-a gbǎ dǒ ìn pɔluh kɛ̍n wɛ̀ àn tmɔ̌-ɛ Nyɔsoa-a Sùù si̍h wɔ̍i̍n iě àn si̍e̍ àn blǔh-a wlǐ diih dǒ àn chɛ̀ de̍e̍ ɛ?

1 Kɔwlɛntiɔn 5:5

Nɛ̀ mɔ̀ sà jɔ̍gbau laa̍ kwlǎ dě Setɔn we̍ ɔ̍ nyi̍ɔ̍ku iě-e gbɔ̀lɔ-ɛ, wɛ̀ ɔ̍ sùù iě pǔh dǒ weɛ̍ Joi Jusu-a mu̍-a ja-ɛ di̍i̍.

1 Kɔwlɛntiɔn 7:5

Mɔ̀ bɔ̌ mɔ̀-a chɛ̀ kǎn i̍ po̍-ɛ, jɛ pò mɔ̀ dbǎ wlu̍ i̍ dǒ ti̍ di̍i̍ mɔ̀ iě ba̍le-ɛ, nɛ̀ ǐn sà-o ɛ̍ tɛ̀. Jɛ nɛ̀ nynɔ̌ ke ɔ̍ kɔan gbǎ tàdùè suei̍ wɛ̀ u̍h-u se̍-e wlùh ku̍, iě Setɔn je̍e ɛ̍-ɛ jii ɛ̍-ɛ je̍e u̍h blu̍ja̍a̍ po̍.

2 Kɔwlɛntiɔn 11:14

Ɛ̍ se̍ nyɔ̍ i̍ kèle dɛ̍, Setɔn-a chɛ̀ ɛ̍ nu̍ ɛ̍ chɛ̀ ka Nyɔsoa-a ǐnchɔ̀ ɛ̀ blě-a sɔ̀npli-ɛ we̍i̍ ke.

2 Kɔwlɛntiɔn 12:7

Wiǎ poe-ɛ dě ǐn ku̍u̍ wɛ̀ ɛ̍ iě ɛ̍ nu̍ nɛ̌ je̍e ǎn chɛ̀ i̍ bɛ̌-ɛ dǒ blɔ̌-ɛ we̍ dǒ dɛ̍ᵻ chɛ̀ Nyɔsoa toe-a m-ɛ we̍. Wiǎ la ɛ̍ wɔ̀ Setɔn-a tu̍owli po̍ nyɔ̍, wɛ̀ ɛ̍ iě ǐn nu̍ nɛ̌ je̍e blɔ̌.

2 Kɔwlɛntiɔn 2:11

Ǎn nu̍ ɛ̍ wɛ̀ Setɔn je̍e à gblàa̍ i̍ poe. À juo dɛ̍ᵻ ɛ̍ pɔ̀n-a nu̍-ɛ i̍-ɛ.

Chiin 4:7

Ɛ̍ tìh-ɛ, mɔ̀ ja mɔ̀-a chɛ̀ wlù dǒ Nyɔsoa we̍. Mɔ̀ tba̍ Kǔ bu̍h, nɛ̀ ɛ̍ mu̍ ple̍ ɛ̍ iě dǒ mɔ̀ we̍-e sɔ.

1 Pitɛ 5:9

Mɔ̀ ku̍-e i̍ dě mɔ̀-a wlùh gbaɛ di̍i̍. Mɔ̀ tǔn Kǔ, dɛ̍nu̍ɛ, mɔ̀ juo ɛ̍-ɛ mɔ̀ ba̍ᵻ Nyɔsoa nyɔ̍ kli̍hgbɛ̍ nɛ-a nɔ̌ kmɔ̌ la we̍-ɛ, kǎ u̍h-a nu̍ jua̍i̍ sàɛ̀-ɛ ke.