Matio 3:7 - Ku̍o̍ Delee 1999

⁷ Jɛ Chɔɔn jě Fɛlesii nyɔ̍ ke Sadiusii nyɔ̍ dɔu-a ji̍ dǒ ɔ̍ we̍ u̍h iě nǐ dlǔ po̍. Wɛ̀ ɔ̍ la̍a̍ dě u̍h we̍, “Mɔ̀ na̍a̍ mɔ̀ flɔn di̍i̍ i̍ kǎ mɔ̀ dǎ. Nyɔ̍ kàn gbɛ̍n-ɛ ɛ̀ Nyɔsoa-a mu̍-a dbo̍-ɛ, mɔ̀ jajeɛ̍ mɔ̀-a mu̍ ɛ̍ i̍ pǔh de ae?

Matio 3:7 Iomraidhean Croise

Matio 12:24

Jɛ Fɛlesii nyɔ̍ wɔ̌n-a pɔ̀n la-ɛ, iě u̍h la̍a̍, “Jeědih-a dlǔtu u̍h-a dǎɛ-a Biɛsibo-ɛ, ɛ̍ bo ɛ̀ nyǐ jǔ la gbǐh wɛ̀ ɔ̍ sà nyɔ̍ jeědih de̍e̍ i̍.”

Matio 12:34

Mɔ̀ wɔ̀ sɛ̍ᵻ, mɔ̀-a nu̍-a dɛ̍ᵻ sɔ̀nᵻɛ́, nɛ̀ ka mɔ̀-a mu̍ dɛ̍ chɛ̀-ɛ sà-a nu̍ ɛ? Dɛ̍nu̍ɛ, dɛ̍ ɛ̀ nɛ-a dě nyɔ̍ wlùh di̍i̍-ɛ, ɛ̍ bo wɔ̍n-a sà-a.

Matio 15:12

Wɛ̀ ɔ̍ kòà ji̍ dǒ ɔ̍ we̍ u̍h la̍a̍, “Dɛ̍ la àn bla̍-aɛ, wɛ̀ Fɛlesii nyɔ̍-a wɔ̌n-a àn wlu̍-ɛ, nɛ̀ ɛ̍ nyaɛ-a u̍h wɔ̍i̍n-ɛ, ìn se̍ i̍h juo ae?”

Matio 16:1

Wɛ̀ Fɛlesii nyɔ̍ ke Sadiusii nyɔ̍ ji̍ dǒ Jusu we̍. Wɛ̀ u̍h tɛ̀n ɔ̍, u̍h la̍a̍, “Ji̍ ìè jbaɛdih po̍ à iě jě pò Nyɔsoa-a gbǐh nɛ dě ìn ja̍a̍ kɔ̌ɔ.”

Matio 16:6

Wɛ̀ Jusu la̍a̍ dě u̍h we̍, “Mɔ̀ tù mɔ̀-a chɛ̀ jlǐhɛ̍, mɔ̀ nu̍ nɛnɛ̌ dǒ Fɛlesii nyɔ̍ ke Sadiusii nyɔ̍-a blèe̍ fù-i dɛ̍ᵻ we̍.”

Matio 22:15

Wɛ̀ Fɛlesii nyɔ̍ dbǎ wlu̍ i̍, iě u̍h mu̍ u̍h iě Jusu dǒ ɔ̍ chɛ̀-a wlu̍ kɛ̍n gbɛ̍n-ɛ.

Matio 22:23

Dǒ weɛ̍ due laa̍ di̍i̍ wɛ̀ Sadiusii nyɔ̍ ùh la̍ nyɔ̍ se̍-ae wlǔh mu̍ dode̍-ɛ, u̍h ji̍ Jusu i̍ tèle la̍.

Matio 22:34

Ti̍ Fɛlesii nyɔ̍ wɔ̌n-a i̍h ka Jusu sà-a Sadiusii nyɔ̍-a wɔ̍n klèɛ̍-ɛ, wɛ̀ u̍h gbòe i̍.

Matio 23:33

Mɔ̀ɔ̍ sɛ̍ᵻá nynuu̍ la, pò mɔ̀-a sàwi̍h sì-ɛ ji̍ dǒ kàn nɛ̍ di̍i̍ gbǎ dɛ we̍-ɛ, nɛ̀ ka mɔ̀-a mu̍ ɛ̍ i̍ pǔh-ɛ nu̍ ɛ?

Matio 5:20

Bɔ̌ ǐn sèàɛ̍ mɔ̀ wlùh, dɛ̍ due gbài̍ ɛ̀ mu̍-a kmɔ̌ nɛ wɛ̀ nyɔ̍ iě-a dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ-ɛ, ɛ̍ nu̍ nyɔ̍ ɔ̀ mu̍-a Nyɔsoa-a wlùh nu̍, wɛ̀ ɔ̍ iě-a telě nǎ poe nyɔ̍ ke Fɛlesii nyɔ̍ sìì-ɛ, ɔ̍ bo ɔ̀ mu̍-e nɛ.”

Pɔ̀n Chɛ̀ Maɛ To-a La 12:13

Fɛlesii nyɔ̍ duuh ke nyɔ̍ ùh sɔ-a dě Blǔh Baa Ɛlo-a gbɔ̀ù di̍i̍-ɛ, u̍h bo u̍h dbo̍ u̍h iě Jusu dǒ ɔ̍ chɛ̀-a wlu̍ kɛ̍n gbɛ̍n-ɛ.

Pɔ̀n Chɛ̀ Maɛ To-a La 12:18

Wɛ̀ Sadiusii nyɔ̍ ùh la̍ nyɔ̍ se̍-ae wlǔh mu̍ dode̍-ɛ, u̍h ji̍ Jusu i̍ tèle la̍. U̍h la̍a̍,

Pɔ̀n Chɛ̀ Maɛ To-a La 8:15

Wɛ̀ Jusu-a tù u̍h slɛ̌n, ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍. Mɔ̀ nu̍ nɛnɛ̌ dǒ Fɛlesii nyɔ̍ ke Blǔh Baa Ɛlo-a blèe̍ fù-i dɛ̍ᵻ we̍.”

Pɔ̀n Chɛ̀ Luu To-a La 16:14

Fɛlesii nyɔ̍ ùh jbɛɛ-a wlǐ-iɛ, u̍h wɔ̌n ìh kli̍hgbɛ̍ la, wɛ̀ u̍h-a po̍ Jusu pàwe̍i̍.

Pɔ̀n Chɛ̀ Luu To-a La 18:11

Fɛlesii jǔ nyna i̍ iě ɔ̍ ba̍le dǒ ɔ̍ chɛ̀ we̍. Ɔ̍ la̍a̍, ‘Nyɔsoa, ǐn po̍ ìn tlɔ̌ wɛ̀ ǐn se̍ nyɔ̍ duuh ùh nu̍-a klǎn kɔn nyɔ̍ ke, telě wa̍ nyɔ̍ ke, nynɛ̌à nu̍ nyɔ̍-ɛ wɔ̀. Wɛ̀ ǐn se̍ taa̍sìh sà jǔ-a chɛ̀ la wɔ̀, nɛ̀ ǐn po̍ ìn tlɔ̌.

Pɔ̀n Chɛ̀ Luu To-a La 7:30

Jɛ Fɛlesii nyɔ̍ ke telě nǎ poe nyɔ̍ nɔ̀ɔ̍, dɛ̍ Nyɔsoa-a pɔ̀n-a u̍h iě-a nu̍-ɛ, ɛ̍ bo u̍h tba̍ chla, iě u̍h se̍ wɔ̌n Chɔɔn iě u̍h nǐ dlǔ po̍.

Chɔɔn 1:24

Nyɔ̍ ùh Fɛlesii nyɔ̍ dbo̍-aɛ

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Chɔɔn 9:40

Fɛlesii nyɔ̍-a duuh nɛ-a dǒ ɔ̍ we̍-ɛ, sɔ u̍h wɔ̌n ɔ̍ wlu̍ laa̍, iě u̍h tèle ɔ̍ i̍, u̍h la̍a̍, “Nɛ̀ àɔ̀ bo à dɔ̌ àn dǎ ae?”

Nu̍-dɛ̍ᵻ 15:5

Wɛ̀ wlùh gbaɛ-ɛ blě nyɔ̍ juh nɛ-a dě Fɛlesii nyɔ̍ naɛ gbɔ̀ù di̍i̍-ɛ, iě u̍h nyna i̍, u̍h la̍a̍, “Ùh se̍-a Juu nyɔ̍-ɛ u̍h kɔn u̍h iě plɔ̀n gbǎ, nɛ̀ mɔ̀ à sèàɛ̍ u̍h wlùh u̍h iě Mose-a telě dɛ̍ɛ̍ jě.”

Nu̍-dɛ̍ᵻ 20:31

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍. Mɔ̀ nu̍ wlùh, dǒ sɔ̀nᵻ ta̍a̍n di̍i̍ kǎ ǎn sàɛ̀ jua̍i̍ sǔh iě ǎn po̍ mɔ̀-a due due nǎ wlù ke sɔ̀n.

Nu̍-dɛ̍ᵻ 26:5

Ɛ̍ nɔ̀ɔ̍, u̍h-a chɛ̀-a mu̍ ǐn tìh we̍ sà, u̍h juo m tɛin se̍e̍. Fɛlesii-a gbɔ̀ù ɛ̀ kɔn-a nɛnɛ̌ dě à wɛɛ sà dɛ di̍i̍-ɛ, ɛ̍ we̍ sɔɛn bo ǎn nu̍.

Nu̍-dɛ̍ᵻ 5:17

Sɔ Nyɔsoa-a slaǎ sà nyɔ̍ klaa ke ɔ̍ nyɔ̍ nɛ-a dě Sadiusii nyɔ̍-a gbɔ̀ù di̍i̍-ɛ, wlɛ̀n jǐ dě u̍h di̍i̍ tliin.

Wloma 1:18

Nyɔsoa-a jlu̍h sɔ dě ja̍i̍wlɔ̀ wɛ̀ ɛ̍ wlǔh tà nɔ̌ sɔ̀n dǒ se̍ Nyɔsoa dɛ-ɛ nɛ nyɔ̍ ke kà kɔn nyɔ̍ we̍. U̍h-a kà kɔn-ɛ nu̍ ɛ̍ wɛ̀ nyɔ̍-ɔ juo tìh-a taǐn.

Wloma 5:9

Nyɔsoa to ɔ̍-ɛ ɔ̍ iě slaǎ sà-ɛɛ, wɛ̀ à iě i̍ slɛ̌-nyɔ̍ nu̍. Jɛ nɛ̀ Nyɔsoa-a jlu̍h bo ɔ̍ se̍ à wɔ̍i̍n sèìe mu̍ ae?

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 6:18

Nyɔsoa-a tɔ̀ma̍a̍ wlu̍ ke ɔ̍ slɛ̀ɛ̀n-ɛ la i̍h se̍-e i̍ bǐi la̍ kɔn. I̍h bo Nyɔsoa to ka ɔ̍ se̍-a si̍h tmɔ̌-ɛ bɛ̌ɛ-ɛ. Sɔ nɛ̀ àɔ̀ juh à ple̍-a wɛ̀ à ji̍-a ɔ̍ we̍ ɔ̍ iě-a à we̍ gbǎ-ɛ, nɛ̀ ɛ̍ fùka à wlùh wɛ̀ kaa̍ à iě wlùh i̍ kɔ̍ dɛ̍ pɛ̌n-a dǒ à jǔ i̍-ɛ i̍ gbɛ̍n klìmàtàìn.

1 Chɔɔn 3:10

Kǎ à nu̍ ka Nyɔsoa ke Kǔ-a nynuu̍ we̍ sèàɛ̍-ɛ. Nyɔ̍ ɔ̀-ɔ nu̍-a i̍ slɛ̌-dɛ̍-ɛ, nɛ̀ ɔ̍ se̍ Nyɔsoa-a jǔ, ɛ̍ ke nyɔ̍ ɔ̀ se̍-a ɔ̍ de̍di̍i̍ i̍ jbɛɛ-ɛ ke.