Matio 3:6 - Ku̍o̍ Delee 1999

⁶ Dě u̍h sà-ɛ u̍h-a gblɛ̍n sɔ̀ɛ̀n gbɔ̀ i̍, wɛ̀ ɔ̍ po̍ u̍h nǐ dlǔ dǒ Jɔɔdɛn nǐ kɛ̍n.

Matio 3:6 Iomraidhean Croise

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Pɔ̀n Chɛ̀ Maɛ To-a La 1:5

Nyɔ̍ kli̍hgbɛ̍ nɛ-a dě Judia fɔɔ-ɛ ke, juh nɛ-a dǒ Juluslɛn wlɔ̀ di̍i̍-ɛ, u̍h mu̍ dě ɔ̍ we̍ u̍h iě ɔ̍ wlu̍ wɔ̌n. Wɛ̀ u̍h sà u̍h-a gblɛ̍n sɔ̀ɛ̀n gbɔ̀ i̍, iě ɔ̍ po̍ u̍h nǐ dlǔ dǒ Jɔɔdɛn nǐ kɛ̍n.

Pɔ̀n Chɛ̀ Luu To-a La 1:16

Nɛ̀ ɔ̍ mu̍ Eslɔɛ nynuu̍ dɔu i̍ bǐi dě u̍h-a Joi Nyɔsoa we̍.

Pɔ̀n Chɛ̀ Luu To-a La 3:16

Wɛ̀ Chɔɔn la̍a̍ dě u̍h kli̍hgbɛ̍ we̍, “Ǎn po̍ mɔ̀ nǐ dlǔ dǒ nǐ we̍, jɛ jɔ mu̍-a ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Nu̍-dɛ̍ᵻ 1:5

Chɔɔn po̍ nyɔ̍ nǐ dlǔ dǒ nǐ we̍, jɛ mɔ̀ɔ̍ nɔ̀ɔ̍, wǐh gbɔ̍ iě sì-ɛ nɛ̀ Nyɔsoa-a Sùù bo ɛ̀ mu̍ nǐ nu̍ mɔ̀ iě dlǔ po̍.”

Nu̍-dɛ̍ᵻ 11:16

Dɛ̍ Joi bla̍-aɛ, sɔ ɛ̍ sǐ dǒ ǐn wlì i̍. Ɔ̍ la̍a̍, ‘Chɔɔn nɔ̀ɔ̍, nǐ bo ɔ̍ poe nyɔ̍ nǐ dlǔ, jɛ mɔ̀ɔ̍ nɔ̀ɔ̍, Nyɔsoa-a Sùù bo ɛ̀ mu̍ nǐ nu̍ mɔ̀ iě dlǔ po̍.’

Nu̍-dɛ̍ᵻ 19:18

Wɛ̀ nyɔ̍ dɔu juh blě-a wlùh gbaɛ wɛ̀-ɛ, iě u̍h ji̍ wɛ̀ u̍h sà u̍h-a chɛ̀-a nu̍-dɛ̍ᵻ gbɔ̀ i̍ dǒ wlɔ̀gbàɛ̀.

Nu̍-dɛ̍ᵻ 22:16

Dɛ̍ àn fuo ke̍ gbɔ̀ɔ ɛ? Sɔ bloɔ̍ ìè nǐ dlǔ po̍ kaka àn gblɛ̍n sɔ̀ɛ̀n iě nǐ tɔ̀ùnwe̍ mu̍ dǒ ɔ̍ nynɛ̌ i̍ dǎ-a we̍.’

1 Kɔwlɛntiɔn 10:2

Wɛ̀ u̍h kli̍hgbɛ̍ u̍h po̍ nǐ dlǔ dě nǐgban sɔ̀n ke dǒ jbǒ kɛ̍n, iě u̍h ke Mose nɛ due.

Kalase 2:12

Ti̍ mɔ̀ po̍-a nǐ dlǔ-ɛ, ka u̍h nu̍-a Klai i̍ tè-ɛ bo u̍h nu̍ mɔ̀. Iě ka ɔ̍ nu̍-ae wlǔh-ɛɛ, wɛ̀ mɔ̀ nu̍ la̍a̍n dě-e wlǔh-ɛ ke dě mɔ̀-a wlùh gbaɛ di̍i̍, dǒ Nyɔsoa-a gbǐh ɛ̀ sà-e Klai-ɛ we̍.

Iblu 6:2

nǎ po̍-ɛ dǒ nǐ dlǔ po̍-ɛ gbɔ̍ᵻ gbɔ̍ᵻ we̍ ke, nyɔ̍ sɔ̍n dlǔ tè-ɛ ke, mɛ̌-nyɔ̍-ae wlǔh-ɛ ke, sàwi̍h sì-ɛ ɛ̀ se̍-a siee la̍ kɔn-ɛ ke.

Iblu 9:10

Dɛ̍nu̍ɛ, i̍h nɔ̀ɔ̍, i̍h tba̍ dǒ di̍-dɛ̍ ke, nǎ-dɛ̍ ke, i̍ dle-ɛ bei pùn i̍. Ìh la nu̍-dɛ̍ᵻ naɛ telě bo. I̍h nɛ-ɛ te̍e̍ wɛ̀ Nyɔsoa po̍ dɛ̍ᵻ kli̍hgbɛ̍ delee i̍.

Chiin 5:16

Ɛ̍ tìh-ɛ, mɔ̀-a jɔ-ɛ nɛ̀ ɔ̍ sà ɔ̍ gblɛ̍n sɔ̀ɛ̀n gbɔ̀ i̍ dě ɔ̍ ba̍ we̍, wɛ̀ mɔ̀ iě-o we̍ tàà ba̍le, nɛ̀ mɔ̀-a mu̍ pǔh. I̍ slɛ̌-nyɔ̍-a ba̍le wlu̍ blě wɔ̍n ku̍ gbǐh, iě ɛ̍ po̍ dɛ̍ gbǐh we̍.

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.

1 Chɔɔn 1:9

Jɛ pò à sà à gblɛ̍n sɔ̀ɛ̀n gbɔ̀ i̍ dě Nyɔsoa ɔ̀-ɔ gblìh-a wlu̍ kɛ̍n iě ɔ̀ slɛ̌-a i̍-ɛ we̍-ɛ, nɛ̀ ɔ̍ mu̍ à gblɛ̍n sɔ̀ɛ̀n-a tìh i̍ tǎli, wɛ̀ ɔ̍ iě à se̍ i̍ slɛ̌ gblɛ̍n kli̍hgbɛ̍ wɔ̍lɔ pihpǐh.