Matio 3:2 - Ku̍o̍ Delee 1999

² Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 3:2 Iomraidhean Croise

Matio 10:7

Pò mɔ̀ mu̍-ɛ, mɔ̀ po̍ tu̍owli la. Nɛ̀ mɔ̀ la̍a̍, ‘Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.’

Matio 11:20

Iě wlɔ̀ᵻ gbàɛ̀ Jusu dǔ-a jbaɛdih dɔu di̍i̍ i̍ poe-ɛ, wɛ̀ i̍h-i se̍-a i̍ bǐi-ɛ, sɔ ɔ̍ chɛ̀ la̍ i̍h we̍ sǔh.

Matio 12:41

Ti̍ ɛ̍ mu̍-a sàwi̍h sì ti̍ nu̍-ɛ, nɛ̀ Ninifa nyɔ̍-a mu̍ i̍ nyna u̍h iě ti̍laa nyɔ̍ la tìh dlǔ po̍. Dɛ̍nu̍ɛ, u̍h nɔ̀ɔ̍, ti̍ Jona bla̍-a tìh dě u̍h we̍-ɛ, wɛ̀ u̍h bǐi i̍. Jɛ kaka la̍, dɛ̍ ɛ̀ ku̍-a wɔ̍n ɛ̀ sìì-a Jona-a, ɛ̍ nɛ da̍a wɛ̀.

Matio 13:11

Wɛ̀ Jusu la̍a̍, “Mɔ̀ɔ̍ nɔ̀ɔ̍, Nyɔsoa nu̍ ɛ̍ wɛ̀ dɛ̍ᵻ ìh nɛ-a dě kwile de dě ɔ̍ kmɔ̌ wlu̍ i̍ kɔn-ɛ di̍i̍-ɛ, wɛ̀ mɔ̀ juo i̍h. Jɛ u̍h nɔ̀ɔ̍, u̍h se̍ i̍h-a dɛ̍ i̍ juo.

Matio 13:24

Jusu po̍ nɛnǎ dɛɛ dě u̍h we̍, ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ke nɛnǎ la wɔ̀ɛ. Jɔ̍gbau due bo ɔ̀ tù dɛ̍ᵻ jɔ̌ chɛ̀ dě ɔ̍ blǐ klè.

Matio 13:31

Jusu po̍ nɛnǎ dɛɛ dě u̍h we̍, ɔ̍ la̍a̍, “Jě à dǎɛ majlɛkɛ jɔɛ̍ bo jɔ̍gbau due tù dě ɔ̍ blǐ klè. Ɛ̍ wàn i̍ ɛ̍ sìì dɛ̍ᵻ jɔ̌ kli̍hgbɛ̍ nyɔ̍-a tù-aɛ gbɛɛ, jɛ pò ɛ̍ ku̍-ɛ, nɛ̀ ɛ̍ nu̍ tu̍ slìì dǒ ɛ̍ ba̍ᵻ kɛ̍n dě klè. Wɛ̀ na̍wɛ̍ᵻá ji̍ iě i̍h-a po̍ tlěᵻ dě ɛ̍ kàgblih nynɛ̌. Kǎ Nyɔsoa-a kmɔ̌ wlu̍ i̍ kɔn-ɛa tìh nɛ.”

Matio 13:33

Jusu po̍ nɛnǎ dɛɛ dɛ dě u̍h we̍, ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ wɔ̀ blèe̍ fù-i dɛ̍ᵻ ìh nynɔ̌ due dǔ-a iě ɔ̍ po̍-a i̍h blèe̍ pèbèè dɔu we̍-ɛ. Wɛ̀ ɔ̍ sìàɛ̍n i̍h-i, iě i̍h fù-i blèe̍ gbo̍-a chɛ̀.”

Matio 13:47

Jusu la̍a̍, “Nɛnǎ la ɛ̍ ke Nyɔsoa-a kmɔ̌ wlu̍ i̍ kɔn-ɛ wɔ̀ɛ dɛ ke. Sɔ̍ bo smìi̍ dbǎ nyɔ̍ tè dǒ pɛ̍nu̍ klaa kɛ̍n, wɛ̀ ɛ̍ gbɛ̍n smìi̍ kaɛn kaɛn kli̍hgbɛ̍ nɛ-a dě niɔ̍-ɛ.

Matio 13:52

Wɛ̀ ɔ̍ la̍a̍ dě u̍h we̍, “Ɛ̍ kɔn tìh pò telě nǎ poe nyɔ̍ laa̍ pò ɔ̍ poe-ɛ slɛ̌ chèɛ̀ i̍ wɛ̀ dǒ Nyɔsoa-a kmɔ̌ wlu̍ i̍ kɔn dɛ we̍-ɛ, nɛ̀ ɔ̍ wɔ̀ gbò joi wɛ̀. Nɛ̀ ɔ̍ bo ɔ̀ mu̍ la̍ blewi̍h delee ke i̍h-a soaᵻ naɛ dě dɛ̍ i̍ tè gbò di̍i̍ sà ɔ̍ iě i̍h sɔ̀n sǐ-i.”

Matio 18:23

Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ ke blǔh baa due-a nu̍-dɛ̍ᵻ wɔ̀ɛ-ɛ. Ɛ̍ nu̍ ti̍ due wɛ̀ ɔ̍ slè ɔ̍ wlǐ ìh nɛ-a dě ɔ̍ pòi̍nynuu̍ di̍i̍-ɛ.

Matio 20:1

Jusu la̍a̍, “Nyɔsoa-a kmɔ̌ wlu̍ i̍ kɔn-ɛ ke nɛnǎ la wɔ̀ɛ. Jɔ̍gbau due bo ɔ̀ tlùìn ɔ̀ sɔ bloɔ̍ klàɛ̍we̍. Wɛ̀ ɔ̍ sǐ sɔ̀n ɔ̍ iě nyɔ̍-ɔ dǔ u̍h iě dě ɔ̍ blǐ klè dbo̍ nui.

Matio 22:2

Ɔ̍ la̍a̍, “Kǎ Nyɔsoa-a kmɔ̌ wlu̍ i̍ kɔn-ɛ nu̍ ka nɛ-ɛ. Ɛ̍ wɔ̀ blǔh baa due ɔ̀ po̍-a dɛ̍ᵻ gba̍a̍-ɛ. Wɛ̀ ɔ̍ iě ɔ̍ jǔ jɔ̍gbau-a nynɔ̌ jla̍ ja peě tù.

Matio 23:13

Wɛ̀ Jusu la̍a̍, “Mɔ̀ɔ̍ telě nǎ poe nyɔ̍ ke Fɛlesii nyɔ̍ la, chlě dǒ mɔ̀ we̍. Mɔ̀ nɛ mɛɔ sɔɔ̌n wɔ̍ɔ̍n. Mɔ̀-a ka̍n Nyɔsoa-a kmɔ̌ wlu̍ i̍ kɔn-ɛa wìè dǒ nyɔ̍gbei we̍. Mɔ̀-a chɛ̀ wɔ̍-ɔ sǐ deě-i, iě juh-a pɔ̀n-a deě mu̍-ɛ i̍-ɛ, mɔ̀-ɔ wɔ̌n u̍h-u sǐ deě-i ke. [

Matio 25:1

Jusu la̍a̍, “Dǒ ti̍ laa̍ di̍i̍ nɛ̀ Nyɔsoa-a kmɔ̌ wlu̍ i̍ kɔn-ɛ ke nynɔ̌gbaɔᵻ nynuu̍ plɔ̀ᵻ pùè-a mu̍ wɔ̀ɛ. U̍h dǔ u̍h-a chlǎn nape̍ᵻ, iě u̍h mu̍ jɔ̍gbau ɔ̀ kɔn nynɔ̌-a mu̍-a jla̍ ji̍-ɛ i̍ jǎɛ la̍.

Matio 25:14

Jusu la̍a̍, “Dode̍-ɛ, Nyɔsoa-a kmɔ̌ wlu̍ i̍ kɔn-ɛ la, ɛ̍ mu̍ jɔ̍gbau ɔ̀ mu̍-a dihwa̍a̍-a wɔ̀. Ɔ̍ wɔ̌an mu̍-u tìh-ɛ, iě ɔ̍ dǎ ɔ̍ pòi̍nynuu̍ wɛ̀ ɔ̍ si̍e̍ ɔ̍ kɔn-dɛ̍ᵻ dě u̍h kwa̍a̍.

Matio 4:17

Sɔ dǒ ti̍ laa̍ di̍i̍ Jusu tè tìh bla̍-a gbɔ̀, ɔ̍ la̍a̍, “Mɔ̀ bǐi i̍ mɔ̀ iě gblɛ̍n sɔ̀ɛ̀n nu̍-ɛ i̍ tǎli. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Matio 5:10

“Nyɔ̍ ùh-a nu̍-a dɛ̍ Nyɔsoa-a pɔ̀n-a i̍, wɛ̀ u̍h tù-a ɛ̍ tìh u̍h-a jě-ea u̍h klě-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

Matio 5:3

“Nyɔ̍ ùh jě-a u̍h-a chɛ̀ nyɔ̍gbà nyɔ̍ we̍i̍ Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

Matio 6:10

Àn kmɔ̌ wlu̍ i̍ kɔn-ɛ iě ji̍. Àn wlùh dɛ̍ iě nɛ nɔ̌ bloɔ̍, ka ɛ̍ nɛ-a dě ja̍i̍wlɔ̀-ɛ.

Matio 6:33

Jɛ pɔ̀n Nyɔsoa-a kmɔ̌ wlu̍ i̍ kɔn-ɛ i̍ ke̍ sàǐtòò, ɛ̍ ke dɛ̍ ɔ̍ pɔ̀n-a mɔ̀ iě-a nu̍-ɛ ke. Nɛ̀ ɔ̍ chɛ̀-a mu̍ mɔ̀ ìh kli̍hgbɛ̍ la kwlǎ sà-ɛ.

Pɔ̀n Chɛ̀ Maɛ To-a La 1:15

Ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ti̍ kɔǎn we̍ wɛ̀. Mɔ̀ bǐi i̍, mɔ̀ iě pɔ̀n chɛ̀ la tìh chɛ̀ po̍.”

Pɔ̀n Chɛ̀ Maɛ To-a La 1:4

Wɛ̀ Chɔɔn ɔ̀ po̍-a nyɔ̍ nǐ dlǔ-ɛ ji̍, ɔ̍ wlǔh-i dě kwlǎslò we̍. Dě ɔ̍ poe nyɔ̍ nǐ dlǔ, iě ɔ̍ bla̍ tìh. Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n i̍ tǎli, mɔ̀ iě nǐ dlǔ po̍. Nɛ̀ Nyɔsoa-a mu̍ mɔ̀-a gblɛ̍n sɔ̀ɛ̀n-a tìh i̍ tǎli.”

Pɔ̀n Chɛ̀ Maɛ To-a La 6:12

Wɛ̀ u̍h mu̍ iě u̍h bla̍ Nyɔsoa tìh nyɔ̍gbei iě gblɛ̍n sɔ̀ɛ̀n nu̍-ɛ i̍ tǎli.

Pɔ̀n Chɛ̀ Luu To-a La 1:16

Nɛ̀ ɔ̍ mu̍ Eslɔɛ nynuu̍ dɔu i̍ bǐi dě u̍h-a Joi Nyɔsoa we̍.

Pɔ̀n Chɛ̀ Luu To-a La 11:20

Jɛ pò ɛ̍ tù Nyɔsoa-a gbǐh iě jeědih i̍ nu̍-iɛ, nɛ̀ mɔ̀ juo ɛ̍ ka Nyɔsoa-a kmɔ̌ wlu̍ i̍ kɔn-ɛ nɛ-a da̍a mɔ̀ we̍ wɛ̀-ɛ.

Pɔ̀n Chɛ̀ Luu To-a La 13:3

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.

Pɔ̀n Chɛ̀ Luu To-a La 13:5

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.”

Pɔ̀n Chɛ̀ Luu To-a La 15:10

Ǎn sèàɛ̍ mɔ̀ wlùh, kǎ ɛ̍ nɛ ke. Nyɔsoa-a ǐnchɔ̀-a nu̍ mɔna̍ dɛ̍blɔ dǒ gblɛ̍n sɔ̀ɛ̀n nyɔ̍ due ɔ̀ bǐi-a i̍-ɛ we̍.”

Pɔ̀n Chɛ̀ Luu To-a La 15:7

Ǎn sèàɛ̍ mɔ̀ wlùh, kǎ ɛ̍ mu̍ nɛ ke. Pò gblɛ̍n sɔ̀ɛ̀n nyɔ̍ due bǐi i̍-ɛ, nɛ̀ mɔna̍-a mu̍ nui-ɛ dɛ̍blɔ dě ja̍i̍wlɔ̀ ɛ̍ iě i̍ slɛ̌-nyɔ̍-a kwela mɛ̀nyìɛ̍ jɔ̌ mɛ̀nyìɛ̍ ùh la̍ ùh se̍-a i̍ bǐi nyɔ̍-ɛ sìì.

Pɔ̀n Chɛ̀ Luu To-a La 16:30

Wɛ̀ pàn-nyɔ̍ laa̍ ɔ̍ la̍a̍, ‘Iěe, baa Eblaɛɛn, pò ɛ̍ tù nyɔ̍ wlǔh-e wɛ̀ ɔ̍ iě dě u̍h we̍ mu̍-ɛ, nɛ̀ u̍h-a mu̍ u̍h-a gblɛ̍n sɔ̀ɛ̀n kɛ̍n i̍ poe.’

Pɔ̀n Chɛ̀ Luu To-a La 21:31

Kǎ ɛ̍ nɛ ke, pò mɔ̀ jě ìh la i̍h ja la̍ nɛ-ɛ, nɛ̀ mɔ̀ juo-o dɛ̍ i̍ ka Nyɔsoa-a kmɔ̌ wlu̍ i̍ kɔn-ɛ kɔǎn-a we̍ wɛ̀-ɛ.

Pɔ̀n Chɛ̀ Luu To-a La 24:47

Wɛ̀ gblɛ̍n sɔ̀ɛ̀n-a tìh i̍ tǎli-ɛ ke i̍ bǐi-ɛa tìh iě bla̍-ɛ bloa̍ kli̍hgbɛ̍ kɛ̍n i̍ dǒ ɔ̍ nynɛ̌ kɛ̍n. Dǒ Juluslɛn bo ɛ̍ mu̍ gbɔ̀ tè-ɛ.

Pɔ̀n Chɛ̀ Luu To-a La 6:20

Wɛ̀ Jusu gbɛ̀n ɔ̍ kòà ja̍ iě ɔ̍ la̍a̍, “Mɔ̀ɔ̍ ùh pa̍-a nyɔ̍gbà-ɛ, mɔ̀ nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ mɔ̀ we̍.

Pɔ̀n Chɛ̀ Luu To-a La 9:2

Wɛ̀ ɔ̍ dbo̍ u̍h u̍h iě Nyɔsoa-a kmɔ̌ wlu̍ i̍ kɔn tìh bla̍, wɛ̀ u̍h iě wɛ̌ᵻ nyɔ̍ pǔh-i.

Nu̍-dɛ̍ᵻ 11:18

U̍h wɔ̌n-a wlu̍ la-a, sɔ ɛ̍ po̍ u̍h su̍e̍ wɔ̍i̍n. Iě u̍h-a po̍ Nyɔsoa tìhwe̍, u̍h la̍a̍, “Iě nɛ̀ Nyɔsoa nyǐ ùh se̍-a Juu nyɔ̍-ɛ flɔna̍ wɛ̀ ke, pò u̍h bǐi i̍-ɛ u̍h iě kmɔ̌ nɛ.”

Nu̍-dɛ̍ᵻ 17:30

Ti̍ kmɔ̌ nyɔ̍ se̍-a dɛ̍ jlǐh juo tɛin-ɛ, nɛ̀ Nyɔsoa-a tàn-ɛ dɛ̍ᵻ jlǐh kɛ̍n de. Jɛ kaka nɔ̀ɔ̍, ɔ̍ sèàɛ̍ la̍ nyɔ̍ wlùh tà kli̍hgbɛ̍ u̍h iě i̍ bǐi.

Nu̍-dɛ̍ᵻ 2:38

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Nu̍-dɛ̍ᵻ 20:21

Nɛ̀ ǎn gbɛ̍n-ɛ Juu nyɔ̍ ke ùh se̍-a Juu nyɔ̍-ɛ wɔ̍i̍n u̍h iě dě Nyɔsoa we̍ i̍ bǐi, wɛ̀ u̍h iě à Joi Jusu wlùh gbaɛ.

Nu̍-dɛ̍ᵻ 26:20

Dǒ Damaɛkɔ wlɔ̀ di̍i̍ bo ǐn sàɛ̀ tìh bla̍-a i̍, iě ǐn po̍ ɛ̍ dǒ Juluslɛn i̍. Wɛ̀ ǐn ple̍ Juu-a blǔh kli̍hgbɛ̍ we̍, ɛ̍ ke dě ùh se̍-a Juu nyɔ̍-ɛ we̍ ke. U̍h iě u̍h-a gblɛ̍n sɔ̀ɛ̀n kɛ̍n i̍ poe, wɛ̀ u̍h iě dě Nyɔsoa we̍ i̍ bǐi. Nɛ̀ u̍h nu̍ dɛ̍ᵻ i̍h iě ɛ̍ to ka u̍h bǐi-a i̍-ɛ.

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

2 Kɔwlɛntiɔn 7:10

Wlùh-a seɔn gbǎ-a ɛ̀ nu̍-a Nyɔsoa-a wlùh dɛ-ɛ, ɛ̍ blě nyɔ̍-a i̍ bǐi-ɛ, ɛ̍ ja pǔh-ɛ. Ɛ̍-ɛ po̍ nyɔ̍-a wlùh dě de̍i̍. Jɛ kmɔ̌ we̍ wlùh-a seɔn gbǎ-a ja mɛ̌ɛ.

Kalase 1:13

Ɔ̍ sèìe àɔ̀ dě kwile-a gbǐh sɔ̀n, wɛ̀ ɔ̍ blě à te̍ete̍ iě ɔ̍ gba̍ à dě ɔ̍ tìh kma Jǔ-a kmɔ̌ wlu̍ i̍ kɔn-ɛ di̍i̍.

2 Timote 2:25

Nɛ̀ ɔ̍ po̍ nyɔ̍ ùh-a tbaɛ-a ɔ̍ bu̍hᵻ i̍-ɛ wìè-e gba̍n gbɛ̍n ka. Nyɔ̍-se̍-juo dǒ Nyɔsoa-a mu̍ u̍h flɔn la̍ nyǐ-i, wɛ̀ u̍h iě i̍ bǐi u̍h iě tìh-a taǐn juo la̍ ji̍.

Iblu 6:1

Nɛ̀ɛ̍, mɔ̀ à sà bu̍h de̍ à iě cheǎn-dɛ̍ᵻá bloɔ̍ i̍ bloɔ̍ i̍ jih tba̍-a dǒ Klai pùn i̍-ɛ de̍ poe, à iě ku̍ dě i̍h cheǎn-a di̍i̍. Mɔ̀ à bɔ̌ dɛ̍ᵻ à cheǎn-a sàì-ɛ i̍h nɛ due cheǎn-a sǔh, i̍h bo ìh nu̍-a pɔ̀ɔ̍pìe̍ dɛ̍ᵻ kɛ̍n i̍ poe-ɛ ke, Nyɔsoa wlùh gbaɛ ke,

2 Pitɛ 3:9

Joi-i tlɛ̀n dǒ ɔ̍ tɔ̀ma̍a̍ wlu̍ we̍, jɛ kǎ nyɔ̍ duuh-a nu̍ ɛ̍ jě ɛ̍. Ɔ̍ gbɛ̍n wlùh i̍ dǒ mɔ̀ we̍ dɛbo. Dɛ̍nu̍ɛ, ɔ̍ se̍ pɔ̀n nyɔ̍-o-nyɔ̍ iě-e gbɔ̀lɔ, jɛ ɔ̍ pɔ̀n nyɔ̍ kli̍hgbɛ̍ iě u̍h-a gblɛ̍n sɔ̀ɛ̀n kɛ̍n i̍ poe.

Wlɛfeleseɔn 2:21

Ǐn nyǐ ɔ̍ ti̍ wɛ̀ ɔ̍ iě i̍ bǐi ɔ̍ iě ɔ̍ gblɛ̍n sɔ̀ɛ̀n kɛ̍n i̍ poe, ɔ̍ iě ɔ̍ gbǎn nu̍ dɛ̍ i̍ tǎli. Jɛ ɔ̍ se̍ ɛ̍ nu̍-ɛ i̍ pɔ̀n.

Wlɛfeleseɔn 2:5

Ka mɔ̀ nu̍-a tàmlain gbǎ-ɛɛ, ɛ̍-ɛ bo mɔ̀ iě wlùh we̍ nu̍. Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, mɔ̀ iě ìh mɔ̀-a nu̍-a sàì-ɛ nu̍. Pò mɔ̀ se̍ la̍a̍n nu̍-ɛ, nɛ̀ ǎn mu̍ dě mɔ̀ we̍ ji̍ iě mɔ̀-a chlǎn nape̍-a kɛ̍n tè dɛ̍ tèla̍ sà.