Matio 3:11 - Ku̍o̍ Delee 1999

¹¹ Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Matio 3:11 Iomraidhean Croise

Matio 3:6

Dě u̍h sà-ɛ u̍h-a gblɛ̍n sɔ̀ɛ̀n gbɔ̀ i̍, wɛ̀ ɔ̍ po̍ u̍h nǐ dlǔ dǒ Jɔɔdɛn nǐ kɛ̍n.

Pɔ̀n Chɛ̀ Maɛ To-a La 1:4

Wɛ̀ Chɔɔn ɔ̀ po̍-a nyɔ̍ nǐ dlǔ-ɛ ji̍, ɔ̍ wlǔh-i dě kwlǎslò we̍. Dě ɔ̍ poe nyɔ̍ nǐ dlǔ, iě ɔ̍ bla̍ tìh. Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n i̍ tǎli, mɔ̀ iě nǐ dlǔ po̍. Nɛ̀ Nyɔsoa-a mu̍ mɔ̀-a gblɛ̍n sɔ̀ɛ̀n-a tìh i̍ tǎli.”

Pɔ̀n Chɛ̀ Luu To-a La 1:17

Ɔ̍ mu̍ Joi jǔ mu̍ wɛ̀ ɔ̍ iě kmu-u gbǐh blě ke ka Nyɔsoa-a tu̍owli po̍ nyɔ̍ Ilaɛja-ɛ, wɛ̀ ɔ̍ iě baaᵻá wlùh i̍ bǐi dě u̍h-a nynuu̍ we̍. Nɛ̀ ɔ̍ mu̍ ɛ̍ nu̍ nyɔ̍ wɔ̍n blaɛ nyɔ̍ iě i̍ slɛ̌-nyɔ̍-a flɔ̍nwlùh blě. Ɔ̍ mu̍ Joi-a nyɔ̍ gba̍a̍ po̍ dǒ ɔ̍ we̍.”

Pɔ̀n Chɛ̀ Luu To-a La 3:16

Wɛ̀ Chɔɔn la̍a̍ dě u̍h kli̍hgbɛ̍ we̍, “Ǎn po̍ mɔ̀ nǐ dlǔ dǒ nǐ we̍, jɛ jɔ mu̍-a ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Pɔ̀n Chɛ̀ Luu To-a La 3:3

Iě Chɔɔn ple̍ bloa̍ kli̍hgbɛ̍ nɛ-a Jɔɔdɛn nǐ wɔ̍i̍n-ɛ kɛ̍n i̍, ɔ̍ bla̍ Nyɔsoa tìh. Ɔ̍ la̍a̍, “Mɔ̀ poe mɔ̀-a gblɛ̍n sɔ̀ɛ̀n kɛ̍n i̍, mɔ̀ iě nǐ dlǔ po̍. Nɛ̀ Nyɔsoa-a mu̍ mɔ̀-a gblɛ̍n sɔ̀ɛ̀n-a tìh i̍ tǎli.”

Chɔɔn 1:15

Chɔɔn bla̍ ɔ̍ tìh. Ɔ̍ we̍le-aɛ, iě ɔ̍ la̍a̍, “Ɔ̀ la ɔ̍ kɔn tìh bo ǐn bla̍, wɛ̀ na̍a̍, ‘Ɔ̀ mu̍-a ǐn kɛ̍n i̍ ji̍-ɛ, ɔ̍ ku̍ wɔ̍n ɔ̍ sìì m̀. Dɛ̍nu̍ɛ, ɔ̍ nɛ kmɔ̌ sasǎ wɛ̀ ǐn dǔ wlǔh-ɛ.’ ”

Chɔɔn 1:30

Ɔ̀ la ɔ̍ kɔn tìh bo ǐn bla̍, wɛ̀ na̍a̍, ‘Ɔ̀ mu̍-a ǐn kɛ̍n i̍ ji̍-ɛ, ɔ̍ ku̍ wɔ̍n ɔ̍ sìì m̀. Dɛ̍nu̍ɛ, ɔ̍ nɛ kmɔ̌ sasǎ wɛ̀ ǐn dǔ wlǔh-ɛ.’

Nu̍-dɛ̍ᵻ 1:5

Chɔɔn po̍ nyɔ̍ nǐ dlǔ dǒ nǐ we̍, jɛ mɔ̀ɔ̍ nɔ̀ɔ̍, wǐh gbɔ̍ iě sì-ɛ nɛ̀ Nyɔsoa-a Sùù bo ɛ̀ mu̍ nǐ nu̍ mɔ̀ iě dlǔ po̍.”

Nu̍-dɛ̍ᵻ 19:4

Pɔɔ la̍a̍, “Chɔɔn naɛ laa̍, gblɛ̍n sɔ̀ɛ̀n kɛ̍n i̍ poe nǐ bo ɔ̍ po̍ nyɔ̍ dlǔ. Ɔ̍ sèàɛ̍ nyɔ̍gbei wlùh u̍h iě nyɔ̍ ɔ̀ mu̍-a ɔ̍ kɛ̍n i̍ ji̍-ɛ wlùh gbaɛ. Jusu bo ɔ̍ dǎ.”

Nu̍-dɛ̍ᵻ 8:36

U̍h klɛɛn-a dě wìè nya̍-a, wɛ̀ u̍h jɛɛ nǐ kɛ̍n. Iě kwǐ nyɔ̍ la̍a̍, “Ɛ̀ la nǐ bo wa. Ǐn se̍ nǐ dlǔ po̍ mu̍ da̍a duedɛ ae?” [

Nu̍-dɛ̍ᵻ 8:38

Kwǐ laa̍ wɛ̀ ɔ̍ sèàɛ̍ ɔ̍ bli̍a nyɔ̍ wlùh ɔ̍ iě kɛ̍n naɛdɛ̍ laa̍ i̍ nyna-ɛ. Iě ɔ̍ ke Felɔ sǐ bloɔ̍, wɛ̀ u̍h mu̍ dě niɔ̍, iě Felɔ po̍ ɔ̍ nǐ dlǔ.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Taitɔ 3:5

iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.

1 Pitɛ 5:5

Mɔ̀ɔ̍ nynuu̍gbèè, kǎ mɔ̀ iě nu̍ ke. Mɔ̀ jě mɔ̀-a nyɔ̍ klaaᵻ dɛ̍ɛ̍. Mɔ̀ kli̍hgbɛ̍ mɔ̀ ja mɔ̀-a chɛ̀ wlù dǒ mɔ̀ ba̍ᵻ we̍ ka pòi̍nynuu̍-ɛ. Ɛ̍ kɔn ɛ̍ chlǐh-wlu̍ la̍a̍, “Nyɔsoa faɛn blɔ̌-nyɔ̍. Jɛ ɔ̍ nɛ blɛ dǒ ùh-a ja-a u̍h-a chɛ̀ wlù-ɛ we̍.”