Matio 3:1 - Ku̍o̍ Delee 1999

¹ Sɔ̀nᵻ gbɔ̍ sì-aɛ, wɛ̀ Chɔɔn ɔ̀ po̍-a nyɔ̍ nǐ dlǔ-ɛ ji̍, iě ɔ̍ bla̍ Nyɔsoa-a tìh dě kwlǎslò we̍, dě Judia fɔɔ.

Matio 3:1 Iomraidhean Croise

Matio 11:11

Ɛ̍ se̍ pàɔ̀n, ǎn sèàɛ̍ mɔ̀ wlùh, nyɔ̍-ɔ se̍a nɔ̌ kmɔ̌ la we̍ nɛ ɔ̀ iě-a wɔ̍n ku̍ ɔ̀ iě-a Chɔɔn ɔ̀ po̍-a nyɔ̍ nǐ dlǔ-ɛ sìì-ɛ. Jɛ ɔ̀ se̍-a dɛ̍kɛ̍n gbǎ kaa̍ dě Nyɔsoa-a kmɔ̌ wlu̍ i̍ kɔn-ɛ di̍i̍-ɛ, ɔ̍ ku̍ wɔ̍n ɔ̍ sìì Chɔɔn.

Matio 11:7

Chɔɔn-a kòà-a sɔ-a la̍-oɛ, wɛ̀ Jusu tè wlu-ɛ gbɔ̀ dě nyɔ̍ tlùgbei̍ laa̍ we̍ Chɔɔn tìh. Ɔ̍ la̍a̍, “Ti̍ mɔ̀ mu̍-a dě Chɔɔn we̍ kwlǎslò we̍-ɛ, dɛ̍ mɔ̀ mu̍ jě la̍ ɛ? Dli̍h wlɔ̍nᵻ ìh poɔ-a gba̍-a, i̍h bo mɔ̀ mu̍ jě la̍ ae?

Matio 16:14

Ɔ̍ kòà la̍a̍, “Nyɔ̍ duuh la̍ mɔ̀ Chɔɔn ɔ̀ po̍-a nyɔ̍ nǐ dlǔ-ɛ. Iě duuh la̍ mɔ̀ Ilaɛja, nɛ̀ kǎ duuh-a dǎɛ m̀ Jɛlemaɛa, wɛ̀ duuh la̍ mɔ̀ Nyɔsoa-a tu̍owli po̍ nyɔ̍-a due.”

Matio 21:32

Dɛ̍nu̍ɛ, Chɔɔn ɔ̀ po̍-a nyɔ̍ nǐ dlǔ-ɛ ji̍ nɔ̌ mɔ̀ we̍ ɔ̍ iě mɔ̀ wìè slɛ̌ i̍ toe, iě mɔ̀ se̍ ɔ̍ tìh chɛ̀ po̍. Jɛ taa̍sìh sà nyɔ̍ ke kàìà nynɔ̌gbaɔᵻ nɔ̀ɔ̍, u̍h po̍ ɔ̍ wlu̍ tìh chɛ̀. Mɔ̀ jě-a dɛ̍-a chɛ̀ la u̍h nu̍-aɛ, ɛ̍ se̍ mɔ̀-a wlùh fèàɛ̀ mɔ̀ iě ɔ̍ tìh chɛ̀ po̍ ke.”

Matio 3:8

Mɔ̀ nu̍ dɛ̍ᵻ i̍h iě ɛ̍ to ka mɔ̀ poe-a gblɛ̍n sɔ̀ɛ̀n kɛ̍n i̍ wɛ̀-ɛ.

Pɔ̀n Chɛ̀ Maɛ To-a La 1:15

Ɔ̍ la̍a̍, “Nyɔsoa-a kmɔ̌ wlu̍ i̍ kɔn-ɛ ti̍ kɔǎn we̍ wɛ̀. Mɔ̀ bǐi i̍, mɔ̀ iě pɔ̀n chɛ̀ la tìh chɛ̀ po̍.”

Pɔ̀n Chɛ̀ Maɛ To-a La 1:2

Asaia ɔ̀ nu̍-a Nyɔsoa-a tu̍owli po̍ nyɔ̍-ɛ, kǎ ɔ̍ nu̍ ka ɛ̍ chlǐh-ɛ. “Nyɔsoa la̍a̍, ‘Ǎn mu̍ ǎn tu̍owli po̍ nyɔ̍ nya̍ dbo̍ dě ìn jǔ, ɔ̍ iě àn wìè gba̍a̍ po̍.’

Pɔ̀n Chɛ̀ Luu To-a La 1:76

“Ǎn jǔ, mɔ̀ bo ɔ̀ mu̍ Sìì Nyɔ̍ Wɔ̍n Nyɔsoa-a tu̍owli po̍ nyɔ̍ nu̍. Dɛ̍nu̍ɛ, àn mu̍ dǒ Joi jǔ wɔ̀ ìè ɔ̍ wìè gba̍a̍ po̍.

Pɔ̀n Chɛ̀ Luu To-a La 7:24

Chɔɔn-a kòà-a sɔ-a la̍-oɛ, wɛ̀ Jusu tè wlu-ɛ gbɔ̀ dě nyɔ̍ tlùgbei̍ laa̍ we̍ Chɔɔn tìh. Ɔ̍ la̍a̍, “Ti̍ mɔ̀ mu̍-a dě Chɔɔn we̍ kwlǎslò we̍-ɛ, dɛ̍ mɔ̀ mu̍ i̍ jě la̍ ɛ? Dli̍h wlɔ̍nᵻ ìh poɔ-a gba̍-a, i̍h bo mɔ̀ mu̍ i̍ jě la̍ ae?

Nu̍-dɛ̍ᵻ 1:22

ɛ̍ ke sɔ dě Chɔɔn-a nyɔ̍ nǐ dlǔ po̍-ɛa gbɔ̀ tè la̍ wɛ̀ ɛ̍ iě-a weɛ̍ Jusu sà-a dǒ à we̍ ɔ̍ gba̍-ɛa ja̍i̍wlɔ̀-ɛ kɛ̍n jɛɛ-ɛ, ɛ̍ we̍ nyɔ̍ bo à iě-e dǔ. Wɛ̀ ɔ̍ ke à iě ɔ̍ mɛ̌ wlǔh-ea sàànsi̍i̍h nu̍.”