Matio 27:2 - Ku̍o̍ Delee 1999

² Iě u̍h sa̍n ɔ̍, wɛ̀ u̍h sǐ i̍ ɔ̍ sɔ̀n. Wɛ̀ u̍h sà ɔ̍ kwlǎ dě Pale we̍, ɔ̀ nu̍-a Wloma nyɔ̍-a kɔ̀mla̍-a.

Matio 27:2 Iomraidhean Croise

Matio 20:19

wɛ̀ u̍h iě ɔ̍ ùh se̍-a Juu nyɔ̍-ɛ kwlǎ sà-ɛ. Wɛ̀ u̍h iě ɔ̍ jlii̍h kɛ̍n i̍ nui, u̍h iě ɔ̍ bla̍, wɛ̀ u̍h iě ɔ̍ dǒ gbàɛ̍ kɛ̍n i̍ tu̍ wlì kɔ̍-ɛ dǔ. Jɛ pò wǐh ta̍a̍n sì-ɛ, nɛ̀ ɔ̍ mu̍-e wlǔh.”

Matio 28:14

Pò Pale wɔ̌n i̍h-ɛ, nɛ̀ à mu̍ ɔ̍ pɔluh i̍ pɛ̌n-ɛ ɔ̍-ɔ je̍e mɔ̀ dɛ̍ nui.”

Pɔ̀n Chɛ̀ Luu To-a La 13:1

Nɛ̀ nyɔ̍ duuh nɛ dǒ tà-a chɛ̀ dǒ ti̍ laa̍ di̍i̍, wɛ̀ u̍h sèàɛ̍ Jusu wlùh ka Wloma nyɔ̍-a kɔ̀mla̍ Pale dbǎ-a Kaladii nynuu̍ ùh-a sà-a Nyɔsoa slaǎ-ɛ.

Pɔ̀n Chɛ̀ Luu To-a La 20:20

Ɛ̍ tìh-ɛ, u̍h pɔ̀n jii la̍ i̍, iě u̍h pɛ̌ɛ nyɔ̍ u̍h iě i̍ slɛ̌-nyɔ̍ wɔ̀, wɛ̀ u̍h iě Jusu gbɛ̍n dǒ ɔ̍ chɛ̀-a wlu̍ kɛ̍n, wɛ̀ u̍h iě ɔ̍ kwlǎ sà dě kɔ̀mla̍-a tùn blě nyɔ̍ ùh blě-a gbǐh-ɛ we̍.

Pɔ̀n Chɛ̀ Luu To-a La 23:1

Wɛ̀ u̍h kli̍hgbɛ̍ sɔ bloɔ̍, iě u̍h gba̍ Jusu dě kɔ̀mla̍ Pale jǔ.

Pɔ̀n Chɛ̀ Luu To-a La 23:12

Dǒ weɛ̍ laa̍ di̍i̍ bo Ɛlo ke Pale sà jbɛɛ, jɛ u̍h nyeɛ̍ɛn de.

Pɔ̀n Chɛ̀ Luu To-a La 3:1

Taɛbiwleɔ nu̍-a Wloma nyɔ̍-a Bloa̍ Joi-ɛ, ɛ̍ sɔ̀nᵻá pùè jɔ̌ m̀m̌ naɛ laa̍, nɛ̀ Pɔntiɔ Pale bo ɔ̀ nu̍ kɔ̀mla̍ dǒ Judia bloa̍ we̍. Wɛ̀ Ɛlo blě Kaladii bloa̍. Iě ɔ̍ deǐ Felɔ blě dě Itowlia ke Tlakɔnaita fɔɔ. Wɛ̀ Lasana blě Abileni bloa̍.

Chɔɔn 18:12

Wɛ̀ fledlǔ-a gbɔ̀ù ke u̍h-a chape nyɔ̍ ke Juu nyɔ̍-a slaǎ sà gbò we̍ i̍ gbɛ̀n nyɔ̍ gbɛ̍n Jusu, iě u̍h sa̍n ɔ̍.

Chɔɔn 18:24

Iě ka due ɔ̍ nɛ-a dě dbǔᵻáɛ, kǎ ɔ̍ nɛ iě Anna dbo̍ ɔ̍ dě slaǎ sà nyɔ̍-a dlǔtu Kaifa we̍.

Chɔɔn 18:28

Wɛ̀ u̍h sà Jusu dě Kaifa blǐ gbò, iě u̍h gba̍ ɔ̍ dě kɔ̀mla̍ Pale blǐ gbò. Nɛ̀ ɛ̍ nu̍ klàɛ̍we̍ gbàìn. Jɛ Juu nyɔ̍-a nyɔ̍ klaaᵻ nɔ̀ɔ̍, u̍h se̍ dě gbò laa̍ pa̍, dɛ̍nu̍ɛ, u̍h-a pɔ̀n u̍h iě dě Nyɔsoa jlǐh i̍ nmɔ, wɛ̀ u̍h iě Sììkɛ̍n Peě-a di̍-dɛ̍ᵻ di̍-ɛ bɛ̌ɛ.

Nu̍-dɛ̍ᵻ 12:6

Wlù weɛ̍ kɔn di̍i̍ Ɛlo-a mu̍-a Pitɛ sɔ̀n sǐ-i de ɔ̍ iě-a sàwi̍h sì-ɛ, nɛ̀ u̍h sa̍n-ɛ ɔ̍ jɔɔdbǔᵻ sɔɔ̌n iě ɔ̍ mɔ̌ dǒ fledlǔ sɔɔ̌n nynɛ̌ we̍. Nɛ̀ fledlǔ duuh nyna i̍ dǒ kasoo gbò-a gbàɛ̍gbà wɔ̍i̍n u̍h-a tù ɛ̍ jlǐhɛ̍.

Nu̍-dɛ̍ᵻ 21:33

Wɛ̀ ɔ̍ mu̍ iě ɔ̍ gbɛ̍n Pɔɔ. Wɛ̀ ɔ̍ po̍ ɔ̍ fledlǔ slǔh u̍h iě Pɔɔ jɔɔdbǔᵻ sɔɔ̌n sa̍n-ɛ. Wɛ̀ ɔ̍ tèle u̍h i̍, ɔ̍ la̍a̍, “Jɔ̍gbau la ka ɔ̍ tìh nɛ ɛ? Dɛ̍ ɔ̍ nu̍ ɛ?”

Nu̍-dɛ̍ᵻ 22:25

Jɛ ti̍ u̍h sa̍n-a Pɔɔ wɛ̀ u̍h iě-a ɔ̍ bla̍-ɛ, wɛ̀ ɔ̍ la̍a̍ dě chape nyna-a doǒ i̍-ɛ we̍, “Telě la̍ pò tìh se̍ Wloma jǔ kɛ̀n sà-ɛ, nɛ̀ u̍h bla̍ ɔ̍ ke sǔh ae?”

Nu̍-dɛ̍ᵻ 22:29

Sɔ nyɔ̍ ùh-a ji̍-a ɔ̍ i̍ tèle la̍ de-ɛ, u̍h chlìì de̍ kleǐn. Iě fledlǔ-a klaa-a chɛ̀ gbǎ faɔn, dɛ̍nu̍ɛ, ɔ̍ wɔ̀ Pɔɔ jɔɔ sa̍n-ɛɛ sasǎ wɛ̀ ka ɔ̍ nu̍-a Wloma jǔ-ɛ, iě ɔ̍ dǔ-o dɛ̍ i̍ juo-ɛ.

Nu̍-dɛ̍ᵻ 24:27

Sɔ̀nᵻ sɔɔ̌n sì-aɛ, wɛ̀ Pɔsiɔ Fɛslɔ gbǎ-ɛ dǒ File wɔ̀ɔ̀. Jɛ File-a pɔ̀n ɔ̍ iě Juu nyɔ̍-a wlùh i̍ tè-e, ɛ̍ kɔn ɔ̍ si̍e̍ Pɔɔ dě kasoo.

Nu̍-dɛ̍ᵻ 28:20

Ɛ̍ kɔn ǐn tèle mɔ̀-a tìh i̍ iě mɔ̀ jě, wɛ̀ iě wlu dě mɔ̀ we̍. Dɛ̍nu̍ɛ, ɔ̀ kɔn tìh Eslɔɛ nyɔ̍ tè-a wlùh kɛ̍n-ɛ, ɛ̍ kɔn mɔ̍ u̍h sa̍n-ɛ jɔɔdbǔ la.”

Nu̍-dɛ̍ᵻ 3:13

Jɛ Eblaɛɛn ke Ase ke Jekɔ-a Nyɔsoa, ɔ̀ nu̍-a à baaᵻá Nyɔsoa-a, ɔ̍ bo ɔ̀ bɛ̌-ɛ ɔ̍ pòi̍ju Jusu-a nynɛ̌ i̍. Jusu mɔ̀ sà-a kwlǎ u̍h iě-a dbǎ, wɛ̀ Pale-a pɔ̀n-a ɔ̍ sɔ̍n kɛ̍n sà i̍ de iě mɔ̀ se̍-a wɔ̌n la̍ nɛ-ɛ, ɔ̍ bo.

Nu̍-dɛ̍ᵻ 4:27

I̍i̍n, kǎ ɛ̍ nɛ, àn pòi̍ju Jusu ɔ̀ wɛ̀-a nɛi̍ iě ìn tba̍-a chèɛ̀-ɛ, Ɛlo ke, Pɔntiɔ Pale ke ɔ̍ bu̍hᵻ tbaɛ tìh bo u̍h tù wɛ̀ u̍h ke ùh se̍-a Juu nyɔ̍-ɛ ke Eslɔɛ nyɔ̍ gbòe i̍ da̍a tùgbàwlɔ̀ la di̍i̍.

Nu̍-dɛ̍ᵻ 9:2

Wɛ̀ ɔ̍ sèàɛ̍ ɔ̍ wlùh ɔ̍ iě ɔ̍ chlǐh-dɛ̍ᵻ nyǐ, i̍h iě dě wɛɛ sà gbòᵻ nɛ-a dǒ Damaɛkɔ wlɔ̀-ɛ di̍i̍ i̍ mu̍. Wɛ̀ pò ɔ̍ jě nynɔ̌gbaɔᵻ ke jɔ̍gbauᵻ u̍h ja Joi Jusu-a Wìè gba̍-ɛ, ɔ̍ iě u̍h gbɛ̍n-nyɔ̍ we̍i̍ nu̍ ɔ̍ iě u̍h dǒ Juluslɛn gba̍.

1 Timote 6:13

Nɛ̀ɛ̍, Nyɔsoa ɔ̀ nyǐ-a dɛ̍ᵻ kli̍hgbɛ̍ feɛ-ɛ ke, Jusu Klai jɔ wlu-a ɔ̍ wlùh gbaɛ blě tìh gbài̍gbài̍ dǒ Pɔntiɔ Pale jǔ-ɛ, da̍a u̍h jǔ bo ǎn po̍-e ìn slǔh.

2 Timote 2:9

Pɔ̀n chɛ̀-a tìh-a chɛ̀ bo ǎn sàɛ̀-a jua̍i̍, wɛ̀ ǐn nɛ-a dě jɔɔdbǔᵻ ka telě wa̍ nyɔ̍-ɛ. Jɛ Nyɔsoa-a wlu̍ nɔ̀ɔ̍, ɛ̍ se̍ dě jɔɔdbǔᵻ nɛ.

Iblu 13:3

Nyɔ̍ ùh nɛ-a dě kasoo-ɛ, mɔ̀ naɛ u̍h-a tìh wlùh i̍ ka nyɔ̍ la̍ mɔ̀-a chɛ̀ bo ùh nɛ dě kasoo-ɛ. Nyɔ̍ ùh-a jě-a tìh-ɛ kǎ mɔ̀ iě u̍h-a tìh wlùh i̍ naɛ nu̍ ke, ka nyɔ̍ la̍ mɔ̀-a chɛ̀ bo ùh-a jě tìh-ɛ.