Matio 26:11 - Ku̍o̍ Delee 1999

¹¹ Nyɔ̍gbà nyɔ̍ nɔ̀ɔ̍, u̍h ke mɔ̀-a mu̍ da̍a nɛ ma̍u̍. Jɛ mɔ̍ɔ-ɛ, mɔ̀ ke ǐn ke à se̍ da̍a nɛ mu̍ ma̍u̍.

Matio 26:11 Iomraidhean Croise

Matio 18:20

Dɛ̍nu̍ɛ, nyɔ̍ ùh wɔ̌ɛn-a ǎn tìh i̍-ɛ, tà u̍h-a sɔɔ̌n ke ta̍a̍n-a mu̍-a tàdùè gbǎ-ɛɛ, nɛ̀ ǐn nɛ dě u̍h nynɛ̌.”

Matio 26:10

Sɔ Jusu juo dɛ̍ u̍h-a bla̍-aɛ, iě ɔ̍ la̍a̍ dě u̍h we̍, “Dɛ̍nu̍ mɔ̀-a bɛ̌ɛ nynɔ̌ la wɔ̍ɔ̍n i̍ ɛ? Dɛ̍ chɛ̀ bo ɔ̍ nu̍ dǒ ǐn we̍.

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Pɔ̀n Chɛ̀ Maɛ To-a La 14:7

Nyɔ̍gbà nyɔ̍ nɔ̀ɔ̍, u̍h ke mɔ̀-a mu̍ da̍a nɛ ma̍u̍. Ti̍-o-ti̍ mɔ̀-a pɔ̀n-a u̍h dɛ̍ chɛ̀ pùn nu̍-ɛ i̍-ɛ, mɔ̀-a mu̍ ɛ̍ nu̍. Jɛ mɔ̍ɔ-ɛ, mɔ̀ ke ǐn ke à se̍ da̍a nɛ mu̍ ma̍u̍.

Chɔɔn 12:8

Nyɔ̍gbà nyɔ̍ nɔ̀ɔ̍, u̍h ke mɔ̀-a mu̍ da̍a nɛ ma̍u̍. Jɛ mɔ̍ɔ-ɛ, mɔ̀ ke ǐn ke à se̍ da̍a nɛ mu̍ ma̍u̍.”

Chɔɔn 13:33

Ǎn jbɛɛ nyɔ̍, ti̍ ǎn mu̍-a da̍a mɔ̀ we̍ nu̍-ɛ, ɛ̍ se̍ dlǔ tɛn dɛ. Nɛ̀ mɔ̀-a mu̍ ǐn i̍ pɔ̀n, jɛ dɛ̍ due ǐn sèàɛ̍-a Juu nyɔ̍-a nyɔ̍ klaaᵻ wlùh-ɛ, ɛ̍ bo ǎn ji̍ la̍ mɔ̀ wlùh sèàɛ̍ la̍ ke. Na̍a̍, ‘Tà ǎn mu̍-aɛ, mɔ̀ se̍-e mu̍-ɛ bɛ̌ɛ mu̍.’

Chɔɔn 14:19

Ɛ̍ mu̍-o wlè wɛɛ, nɛ̀ kmɔ̌-a nyɔ̍ se̍ ǐn jě mu̍ dɛ. Jɛ mɔ̀ɔ̍ nɔ̀ɔ̍, mɔ̀-a mu̍ ǐn jě. Ǐn nɛ kmɔ̌, ɛ̍ tìh-ɛ, mɔ̀-a mu̍ kmɔ̌ nɛ ke.

Chɔɔn 16:28

Ǐn sɔ dě ǐn Baa we̍ wɛ̀ ǐn ji̍ nɔ̌ kmɔ̌ we̍. Wɛ̀ ǎn sɔ la̍ da̍a kmɔ̌ we̍, iě ǎn mu̍ la̍ dě de̍ ǐn Baa we̍.”

Chɔɔn 16:5

Jɛ kaka la̍ nyɔ̍ ɔ̀ dbo̍-a m-ɛ, dě ɔ̍ we̍ bo ǎn mu̍ la̍. Jɛ mɔ̀-a nyɔ̍ se̍ ǐn i̍ tèle tà ǎn mu̍-aɛ tìh.

Chɔɔn 17:11

Ǐn se̍ nɔ̌ kmɔ̌ la we̍ nɛ mu̍ dɛ, ǎn mu̍ la̍ dě ìn we̍ ji̍. Jɛ u̍h nɔ̀ɔ̍, u̍h-a mu̍-ɔn nɛ. Baa Nyɔsoa, mɔ̀ ɔ̀ Wɛ̀-a Nɛi̍-ɛ, àn nynɛ̌ ìn nyǐ-a m-ɛ, dě ɛ̍ gbǐh blě-ɛ di̍i̍ bo ìè u̍h kɛ̍n kaɛn. Wɛ̀ ka ìn ke ǐn ke à nu̍-a due nɛ-ɛɛ, u̍h iě laǎn due nɛ-ɛ nu̍ ke.

Nu̍-dɛ̍ᵻ 3:21

Jɛ ɔ̍ mu̍ dě ja̍i̍wlɔ̀ nɛ ke̍ te̍e̍ wɛ̀ dɛ̍ᵻ kli̍hgbɛ̍-a delee i̍ gbǎ ti̍ iě-o nyni̍. Ɛ̍ kɔn dela̍ bo Nyɔsoa po̍ tɛin se̍e̍ dě ɔ̍ tu̍owli po̍ nyɔ̍ ja̍a̍.

Kelesea 2:10

Dɛ̍ due u̍h sèàɛ̍-a à wlùh à iě-a nu̍-ɛ, ɛ̍ nu̍ à iě nyɔ̍gbà nyɔ̍-a tìh jlǐhɛ̍ tù. Ɛ̍ bo ɛ̀ nu̍ ka ǎn wlùh-a jàjà iě nu̍.

1 Chɔɔn 3:17

Pò nyɔ̍ pàn da̍a kmɔ̌ la we̍, wɛ̀ ɔ̍ iě ɔ̍ de̍di̍i̍ jě ɔ̍ iě dɛ̍ ɔ̍ nɛ-a blě ka̍-a i̍ pɔ̀n, wɛ̀ ɔ̍ iě wlùh kàà po̍ dǒ ɔ̍ we̍-ɛ, nɛ̀ ka ɔ̍ nu̍ Nyɔsoa-a jbɛɛ dluwe̍ i̍ gba̍-a ɛ?