10 Sɔ Jusu juo dɛ̍ u̍h-a bla̍-aɛ, iě ɔ̍ la̍a̍ dě u̍h we̍, “Dɛ̍nu̍ mɔ̀-a bɛ̌ɛ nynɔ̌ la wɔ̍ɔ̍n i̍ ɛ? Dɛ̍ chɛ̀ bo ɔ̍ nu̍ dǒ ǐn we̍.
Nyɔ̍gbà nyɔ̍ nɔ̀ɔ̍, u̍h ke mɔ̀-a mu̍ da̍a nɛ ma̍u̍. Jɛ mɔ̍ɔ-ɛ, mɔ̀ ke ǐn ke à se̍ da̍a nɛ mu̍ ma̍u̍.
Nɔ̌ chlǎn la pò ɛ̍ ple̍-ɛɛ, nɛ̀ ɛ̍ mu̍ wlǐ dɔu jě de, wɛ̀ i̍h iě nyɔ̍gbà nyɔ̍ nyǐ-ɛ.”
Iě Jusu la̍a̍, “Dɛ̍nu̍ mɔ̀-a gba̍ nynɔ̌ la ɔ̍ dounᵻ de̍i̍ ɛ? Dɛ̍ ɔ̍ nu̍-a dǒ ǐn we̍-ɛ, ɛ̍ nmɔ jii̍. Ɛ̍ tìh-ɛ, mɔ̀ sà dǒ ɔ̍ we̍ wlu̍.
Jusu-a bla̍-a ɛ̀ la-ɛ, iě jɔ̍gbau due sɔ dě Jaleɔ blǐ gbò, ɔ̍ la̍a̍, “Àn nynɔ̌gbaɔ jǔ mɛ̌ wɛ̀. Bɔ̌ Dlǔtu wɔ̍ɔ̍n i̍ bɛ̌ɛ dɛ.”
Nɛ̀ Nyɔsoa bɛ̌ɛ ɔ̍ iě mɔ̀ pɔ̀ìě kli̍hgbɛ̍ nyǐ. Wɛ̀ mɔ̀ iě ìh kli̍hgbɛ̍ mɔ̀ nɛ-a blě ka̍-ɛ blě ti̍ kli̍hgbɛ̍ we̍ dǒ mɔ̀-a chɛ̀ we̍. Nɛ̀ mɔ̀-a mu̍ dɛ̍ᵻ tlùgbei̍ blě dǒ nu̍-dɛ̍ᵻ chɛ̀ kli̍hgbɛ̍ nu̍-ɛ we̍.
Jɛ pɔ̀n chɛ̀ dɛɛ se̍ nɛ fu̍u̍. Dě mɔ̀ we̍ bo nyɔ̍ duuh nɛ u̍h-a bɛ̌ɛ mɔ̀ wɔ̍ɔ̍n i̍, u̍h iě Klai-a pɔ̀n chɛ̀-a klě-e fiǎn.
Ɛ̍ mu̍ ǐn gbǐh po̍, wɛ̀ nyɔ̍ ùh-a bɛ̌ɛ-a mɔ̀ wɔ̍ɔ̍n i̍-ɛ, u̍h iě u̍h-a chɛ̀ kɔlu̍-a poa-nyɔ̍ we̍i̍ nu̍ sǔh kleǐn.
Dɛ̍ ǎn mu̍-a kɛ̍n chlà-ɛɛ, ɛ̍ nu̍ nyɔ̍ bɔ̌ ǐn wɔ̍ɔ̍n i̍ bɛ̌ɛ dɛ kleǐnklein. Dɛ̍nu̍ɛ, pǎᵻ nɛ-a dǒ ǎn ku̍ pùn-ɛ, Jusu-a tìh bo i̍h nɛ-o.
Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.
Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.
ɔ̍ iě mɔ̀-a wlùh fùka, wɛ̀ ɔ̍ iě mɔ̀ gbǐh ku̍u̍ po̍ dě dbo̍ chɛ̀ kli̍hgbɛ̍ ke wlu̍-ɛ di̍i̍.
Wlu̍ la tìh-a taǐn bo. Pò nyɔ̍ ja chɔchi̍h-a fààmlà nu̍-ɛ i̍ pɔ̀n-ɛ, nɛ̀ dbo̍ chɛ̀ bo ɔ̍ klɛ̀ɛ̀n.
Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.
Pò nyɔ̍ nu̍ ɔ̍ chɛ̀-a wlaǎwla dǒ nǎ po̍-ɛ kaɛn la we̍-ɛ, nɛ̀ ɔ̍ bo ɔ̀ nu̍ seǐju blewe̍ɛ̍. Nɛ̀ ɔ̍ tè-ɛ tɛ̌n, wɛ̀ ɔ̍ Joi iě ɔ̍ sùo̍o̍ nu̍, iě ɔ̍ gbàɛ̀ ɔ̍ iě dbo̍ chɛ̀ kli̍hgbɛ̍ nu̍.
U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.
Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.
Sǐ-i àn nyɔ̍ laa̍ tìh wlì i̍ u̍h iě u̍h-a chɛ̀ wlù ja dǒ u̍h-a wlu̍ kwa̍ blě nyɔ̍ ke tùn blě nyɔ̍ we̍, u̍h iě u̍h-a wlu̍ nu̍, u̍h iě dɛ̍ chɛ̀ nu̍ tìh gbàɛ̀ tà kli̍hgbɛ̍.
Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.
Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.
Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.