Matio 22:3 - Ku̍o̍ Delee 1999

³ Wɛ̀ ɔ̍ dbo̍ ɔ̍ pòi̍nynuu̍ u̍h iě nyɔ̍ ɔ̍ dǎ-a dǒ peě laa̍ kɛ̍n-ɛ wlùh sèàɛ̍ u̍h iě ji̍. Jɛ u̍h la̍ u̍h se̍ ji̍ mu̍.

Matio 22:3 Iomraidhean Croise

Matio 21:34

Ti̍ tlo-dɛ̍ᵻ laa̍ i̍h-a gbǎn-a ti̍ nyni̍-a doǒ-ɛ, wɛ̀ ɔ̍ dbo̍ ɔ̍ pòi̍nynuu̍ dě klè i̍ gbɛ̍n nyɔ̍ laa̍ we̍, u̍h iě ɔ̍ naɛ tlo-dɛ̍ᵻá buǒᵻ ja.

Matio 23:37

Wɛ̀ ɔ̍ la̍a̍, “À, Juluslɛn, Juluslɛn, mɔ̀ bo ɔ̀ dbǎ Nyɔsoa-a tu̍owli po̍ nyɔ̍ wɛ̀ ìn tbaɛ nyɔ̍ ɔ̍ dbo̍-a dě ìn we̍-ɛ sɔɔ̌ᵻ i̍. Ti̍ kli̍hgbɛ̍ we̍ ǎn pɔ̀n àn nynuu̍ la tàdùè po̍-ɛ i̍, iě u̍h kɛ̍n kaɛn de ka gbàn nynɔ̌ suuh-a flùì ɛ̍ nynuu̍ kɛ̍n-ɛ. Jɛ nɛ̀ wɔ̌ɛn ɛ̍-ɛ.

Matio 3:2

Ɔ̍ la̍a̍, “Mɔ̀ bǐi i̍, mɔ̀ iě gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, Nyɔsoa-a kmɔ̌ wlu̍ i̍ kɔn ti̍ kɔǎn we̍ wɛ̀.”

Matio 9:15

Iě Jusu la̍a̍ dě u̍h we̍. “Pò nynɔ̌ delee-a kɔan nɛ dǒ nynɔ̌ jla̍ ja peě kɛ̍n-ɛ, nɛ̀ dihwi̍hᵻ se̍ jlǔh po̍ mu̍. Jɛ ɛ̍ mu̍ ti̍ kɔn wɛ̀ nynɔ̌ delee-a kɔan iě dě u̍h nynɛ̌ we̍ sà-ɛ, wɛ̀ u̍h iě jlǔh po̍-ɛ dǔ.

Pɔ̀n Chɛ̀ Luu To-a La 13:34

“À, Juluslɛn, Juluslɛn, mɔ̀ bo ɔ̀ dbǎ Nyɔsoa-a tu̍owli po̍ nyɔ̍ wɛ̀ ìn tbaɛ nyɔ̍ ɔ̍ dbo̍-a dě ìn we̍-ɛ sɔɔ̌ᵻ i̍. Ti̍ kli̍hgbɛ̍ we̍ ǎn pɔ̀n àn nynuu̍ la tàdùè po̍-ɛ i̍, iě u̍h kɛ̍n kaɛn de ka gbàn-nynɔ̌ suuh-a flùì ɛ̍ nynuu̍ kɛ̍n-ɛ. Jɛ nɛ̀ wɔ̌ɛn ɛ̍-ɛ.

Pɔ̀n Chɛ̀ Luu To-a La 15:28

Wɛ̀ ɔ̍ gbǎ jlu̍h-u, iě ɔ̍ la̍ nɛ̀ ɔ̍ se̍-e gbò pa̍ mu̍. Wɛ̀ u̍h baa sǐ sɔ̀n, iě ɔ̍ ba̍le ɔ̍.

Pɔ̀n Chɛ̀ Luu To-a La 19:27

Jɛ ǎn nyɛ̌-nyɔ̍ laa̍ ùh se̍-a pɔ̀n iě-a u̍h wlu̍ i̍ kɔn-ɛ, u̍h nɔ̀ɔ̍, mɔ̀ ja u̍h mɔ̀ iě u̍h dbǎ da̍a ǐn jlǐhwai.’ ”

Chɔɔn 5:40

Jɛ mɔ̀-ɔ wɔ̌ɛn nɔ̌ ǐn we̍ ji̍ tìh i̍, wɛ̀ mɔ̀ iě feɛ jě.

Nu̍-dɛ̍ᵻ 13:45

Jɛ ti̍ Juu nyɔ̍ jě-a nyɔ̍ tlùgbei̍ laa̍-ɛ, sɔ ɛ̍ po̍ u̍h wlɛ̀n di̍i̍. Iě u̍h-a po̍ Pɔɔ-a wlu̍ pàwe̍i̍, u̍h-a chlèe ɔ̍.

Wloma 10:21

Jɛ kǎ ɔ̍ dǎ ka dǒ Eslɔɛ nyɔ̍-a dɛ we̍, ɔ̍ la̍a̍, “Ka sɔ̀n-a sɛ̀n-aɛ, kǎ ǎn gbɛ̍n nyɔ̍ wɔ̍n gbàì blaɛ nyɔ̍ ke nyɔ̍ jla̍-a i̍ nu̍ nyɔ̍-a bu̍hᵻ i̍ u̍h iě ǐn we̍ ji̍ dode̍.”

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 9:15

Ɛ̍ tìh-ɛ, Klai bo ɔ̀ nu̍ tùna̍-i̍-tu̍ dǒ ku̍o̍ delee la we̍, wɛ̀ nyɔ̍ ùh Nyɔsoa dǎ-aɛ, u̍h iě kmɔ̌ sie pɔ̀ìě la ɛ̀ kɔn wlu̍ ɔ̍ po̍-a tɔ̀ma̍a̍-ɛ jě. Kaka la̍, ɔ̍ mɛ̌-ɛ, wɛ̀ ɔ̍ iě nyɔ̍ ùh nu̍-a gblɛ̍n sɔ̀ɛ̀n dě sàǐtòò ku̍o̍-a ti̍ di̍i̍-ɛ sèìe.

Wlɛfeleseɔn 22:17

Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.