Matio 2:6 - Ku̍o̍ Delee 1999

⁶ ‘Bɛfleɛɛn wlɔ̀, mɔ̀ nɛ-a dě Judia bloa̍ kɛ̍n-ɛ, wlɔ̀ᵻ gbàɛ̀ klaaᵻ ìh gbǎ-a dɛ̍kɛ̍n-ɛ, ìn se̍ i̍ wàn dě i̍h nynɛ̌. Dɛ̍nu̍ɛ, dǒ ìn di̍i̍ bo dlǔtu-a mu̍ sɔ, wɛ̀ ɔ̍ iě dǒ ǎn chɛ̌ Eslɔɛ nyɔ̍ we̍ i̍ gbɛ̀n.’ ”

Matio 2:6 Iomraidhean Croise

Matio 2:1

Ti̍ Jusu wlǔh-a dǒ Bɛfleɛɛn wlɔ̀ di̍i̍ dě Judia bloa̍ kɛ̍n-ɛ, nɛ̀ Ɛlo nu̍ blǔh baa. Dǒ-o bo dɛ̍ jlǐhɛ̍ tù-i nyɔ̍ sɔ-ɛ dě blǔh-a fɔ̌ kɔn we̍ tà jlǔh-a wlǔh-ia kwlǎ-a u̍h ji̍ dǒ Juluslɛn. U̍h la̍a̍,

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Chɔɔn 21:16

Wɛ̀ Jusu tèle ɔ̍ i̍ dɛ, ɔ̍ la̍a̍, “Chɔɔn-a jǔ Samo, ìn jbɛɛ m ae?” Ɔ̍ la̍a̍, “I̍i̍n, Joi, ìn juo i̍h ka ǐn jbɛɛ-a m̀-ɛ.” Jusu la̍a̍, “Gbɛ̀n dǒ ǎn blawɛ̌ᵻ we̍ i̍ o.”

Chɔɔn 7:42

Nyɔsoa-a wlu̍ se̍ la̍ Chèɛ̀ Tba̍ju ɔ̀ mu̍-a Depe-a tloemlai nu̍-ɛ, Bɛfleɛɛn ɛ̀ nu̍-a Depe-a wlɔ̀-ɛ, dǒ ɛ̍ di̍i̍ ɔ̍ se̍-e sɔ mu̍ ae?”

Ɛfɛsɔ 1:22

Wɛ̀ Nyɔsoa po̍ dɛ̍ᵻ kli̍hgbɛ̍ dě Klai bu̍h sɔ̀n. Iě Nyɔsoa nu̍ ɛ̍ ɔ̍ iě dǒ dɛ̍ᵻ kli̍hgbɛ̍ dlǔwèàì nɛ dǒ chɔchi̍h we̍.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.

Iblu 7:14

Dɛ̍nu̍ɛ, ɛ̍ flɔn we̍i̍ ka à Joi sɔ-a dě Juuda-a chɛǐ-ɛ. Mose se̍ dɛ̍-ɛ sà ke dǒ Juuda-a chɛ̌tu la pùn ti̍ ɔ̍ sà-a slaǎ sà nyɔ̍-a tìh i̍-ɛ.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 2:27

Ka ǐn Baa nu̍-a ǐn bloa̍ wlu̍ i̍ kɔn-ɛ nyǐ-ɛɛ, kǎ ɔ̍ mu̍ bloa̍ wlu̍ i̍ kɔn-ɛ nu̍ ke dǒ nɛ̍ne̍ɛ̍ bliku we̍ wɛ̀ ɔ̍ iě i̍h i̍ waɛ flɛ̀ɛ̌nflɛ̀ɛ̌n ka jawih waɛ i̍-ɛ.

Wlɛfeleseɔn 7:17

Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”