Matio 2:4 - Ku̍o̍ Delee 1999

⁴ Wɛ̀ ɔ̍ gbòe Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ kli̍hgbɛ̍ i̍, wɛ̀ ɔ̍ tèle u̍h i̍, ɔ̍ la̍a̍, “Nyɔsoa-a Chèɛ̀ Tba̍ju la, tà ɔ̍ mu̍ wlǔh-i ɛ?”

Matio 2:4 Iomraidhean Croise

Matio 13:52

Wɛ̀ ɔ̍ la̍a̍ dě u̍h we̍, “Ɛ̍ kɔn tìh pò telě nǎ poe nyɔ̍ laa̍ pò ɔ̍ poe-ɛ slɛ̌ chèɛ̀ i̍ wɛ̀ dǒ Nyɔsoa-a kmɔ̌ wlu̍ i̍ kɔn dɛ we̍-ɛ, nɛ̀ ɔ̍ wɔ̀ gbò joi wɛ̀. Nɛ̀ ɔ̍ bo ɔ̀ mu̍ la̍ blewi̍h delee ke i̍h-a soaᵻ naɛ dě dɛ̍ i̍ tè gbò di̍i̍ sà ɔ̍ iě i̍h sɔ̀n sǐ-i.”

Matio 2:3

Ti̍ Ɛlo wɔ̌n-a pɔ̀n la-ɛ, sɔ ɛ̍ nui ɔ̍ sèò kaa̍, ɛ̍ ke Juluslɛn wlɔ̀ kli̍hgbɛ̍ ke.

Matio 2:5

Wɛ̀ u̍h sèàɛ̍ ɔ̍ wlùh, u̍h la̍a̍, “Dě Bɛfleɛɛn dě Judia bloa̍ kɛ̍n. Kǎ Nyɔsoa-a tu̍owli po̍ nyɔ̍ nu̍ ka ɛ̍ chlǐh-ɛ. Ɔ̍ la̍a̍,

Matio 21:15

Dɛ̍ᵻ Jusu nu̍-a i̍-ɛ, i̍h flɔn-ɛ nyɔ̍ wɔ̍n. Nɛ̀ nynuu̍plìh-a wǐi i̍ dě slaǎ sà gbò sɔ̀n. U̍h la̍a̍, “Mɔ̀ po̍ Depe-a Jǔ tìhwe̍.” Jɛ slaǎ sà nyɔ̍ klaaᵻ ke telě nǎ poe nyɔ̍ jě-a dɛ̍ᵻ Jusu nu̍-a i̍-ɛ, ɛ̍ ke nynuu̍plìh-a i̍ wǐi-ɛ ke-ɛ, sɔ u̍h gbǎ jlu̍h sǔh.

Matio 21:23

Iě Jusu mu̍ dě Nyɔsoa-a slaǎ sà gbò sɔ̀n. Ɔ̍ nɛ dǒ nyɔ̍ nǎ po̍ la̍ sǔh, wɛ̀ slaǎ sà nyɔ̍ klaaᵻ ke u̍h-a nyɔ̍ klaaᵻ mu̍ dě ɔ̍ we̍. Iě u̍h tèle ɔ̍ i̍, u̍h la̍a̍, “Nyɔ̍we̍ bo ɔ̀ nyǐ ìn tùn wɛ̀ àn nu̍ ìh la ɛ? Nyɔ̍ ɔ̀ nyǐ-a ìn tùn-ɛ, sǐ ɔ̍ nynɛ̌.”

Matio 26:3

Dǒ ti̍ laa̍ di̍i̍ nɛ̀ Nyɔsoa-a slaǎ sà nyɔ̍ klaaᵻ ke nyɔ̍ klaaᵻá gbǎ tàdùè dě u̍h-a slaǎ sà nyɔ̍-a dlǔtu Kaifa-a tùnàgbò di̍i̍.

Matio 26:47

Jusu nɛ dǒ wlu la̍ sǔh, wɛ̀ Juda ji̍. Ɔ̍ kòà-a pùè jɔ̌ sɔɔ̌n laa̍ u̍h-a due bo. Nɛ̀ ɔ̍ ke nyɔ̍ tlùgbei̍ na. U̍h blě plàn chlɛ̀nᵻ ke gbòmina̍ᵻ kwa̍ i̍. Nɛ̀ Nyɔsoa-a slaǎ sà nyɔ̍ klaaᵻ ke nyɔ̍ klaaᵻ bo ùh dbo̍ u̍h.

Matio 27:1

Nyɔsoa-a slaǎ sà nyɔ̍ klaaᵻ kli̍hgbɛ̍ ke nyɔ̍ klaaᵻ duuh gbèɛ̀ɛn klàɛ̍we̍ gbàìn, iě u̍h po̍ wlu̍ gbɔ̀ u̍h iě Jusu dbǎ.

Matio 7:29

Dɛ̍nu̍ɛ, ɔ̍ se̍ u̍h-a telě nǎ poe nyɔ̍ wɔ̀. Jɛ ɔ̍ nǎ poe-ɛ blě tùn.

Pɔ̀n Chɛ̀ Maɛ To-a La 8:31

Ɛ̍ nu̍ ti̍ due wɛ̀ Jusu po̍ ɔ̍ kòà nǎ. Ɔ̍ la̍a̍, “Nyi̍ɔ̍-a Jǔ kɔn ɔ̍ iě jua̍i̍ sàɛ̀ dɛ̍blɔ, wɛ̀ nyɔ̍ klaaᵻ ke, Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ iě ɔ̍ chla tba̍. Nɛ̀ ɔ̍ mu̍ dbǎ-ɛ, jɛ pò wǐh ta̍a̍n sì-ɛ, nɛ̀ ɔ̍ mu̍-e wlǔh.”

Pɔ̀n Chɛ̀ Luu To-a La 20:19

Wɛ̀ telě nǎ poe nyɔ̍ ke slaǎ sà nyɔ̍ klaaᵻ fɔ̀n dɛ̍ we̍ u̍h iě Jusu gbɛ̍n de dǒ ti̍ laa̍ di̍i̍. Dɛ̍nu̍ɛ, u̍h juo ɛ̍ ka ɔ̍ poe-a u̍h nɛnǎ la i̍-ɛ. Jɛ u̍h-a ple̍ nyɔ̍gbei jǔ.

Pɔ̀n Chɛ̀ Luu To-a La 23:10

Wɛ̀ slaǎ sà nyɔ̍ klaaᵻ ke telě nǎ poe nyɔ̍ blaɛ Jusu tìh i̍ kàka̍.

Chɔɔn 18:3

Wɛ̀ Juda mu̍ deě. Ɔ̍ wɔ̌an mu̍-u tìh-ɛ, ɔ̍ gba̍ Wloma nyɔ̍-a fledlǔ-a gbɔ̀ù ke Nyɔsoa-a slaǎ sà gbò kɛ̍ɛ̍n fuo nyɔ̍ ùh sɔ-a dě slaǎ sà nyɔ̍ klaaᵻ ke Fɛlesii nyɔ̍ we̍-ɛ. U̍h gba̍ nape̍ᵻ ke tàùᵻ ke fɔ̀n-dɛ̍ᵻ.

Chɔɔn 3:10

Jusu la̍a̍, “Mɔ̀ jɔ nu̍-a nǎ po̍ nyɔ̍ klaa dǒ Eslɔɛ nyɔ̍ we̍-ɛ, wɛ̀ ìn se̍ ɛ̀ la i̍ wɔ̌n ae?

Chɔɔn 7:32

Wɛ̀ Fɛlesii nyɔ̍-a nyɔ̍ duuh wɔ̌n dɛ̍ nyɔ̍gbei-a bla̍-a dǒ Jusu pùn-ɛ. Ɛ̍ kɔn u̍h ke Nyɔsoa-a slaǎ sà nyɔ̍ klaaᵻ dbo̍ slaǎ sà gbò kɛ̍ɛ̍n fuo nyɔ̍ u̍h iě ɔ̍ gbɛ̍n.

Chɔɔn 8:3

Dǒ u̍h nɛ wɛ̀ telě nǎ poe nyɔ̍ ke Fɛlesii nyɔ̍ ja nynɔ̌ u̍h gbɛ̍n-a dǒ nynɛ̌à nu̍ la̍-ɛ dǒ ɔ̍ we̍. Iě u̍h nyna-ɛ ɔ̍ i̍ dǒ u̍h jǔ.

Nu̍-dɛ̍ᵻ 23:9

Sɔ dɛ̍ slɛ̀ nu̍-a i̍ tìè-ɛ wɛ̀-ɛ, wɛ̀ telě nǎ poe nyɔ̍ duuh ùh nɛ-a dě Fɛlesii nyɔ̍-a gbɔ̀ù di̍i̍-ɛ, wɛ̀ u̍h nyna i̍. Iě u̍h tù ɛ̍ wɔ̍n di̍i̍, u̍h la̍a̍, “Jɔ̍gbau la à se̍ ɔ̍ dɛ̍ pùn jě. Nyɔ̍-se̍-juo sùù àe̍e̍ Nyɔsoa-a ǐnchɔ̀ bo ɛ̀ wlu dě ɔ̍ we̍.”

Nu̍-dɛ̍ᵻ 4:5

Sɔ̀n sɛ̀n-aɛ, wɛ̀ Juu nyɔ̍-a wlu̍ kwa̍ blě nyɔ̍ ke nyɔ̍ klaaᵻ ke telě nǎ poe nyɔ̍ gbèɛ̀ɛn dǒ Juluslɛn wlɔ̀ di̍i̍.

Nu̍-dɛ̍ᵻ 6:12

Sɔ ɛ̍ wa̍ nyɔ̍ kli̍hgbɛ̍ ke, nyɔ̍ klaaᵻ ke telě nǎ poe nyɔ̍-a dlǔ. Iě u̍h mu̍ wɛ̀ u̍h gbɛ̍n Slifɛn. Wɛ̀ u̍h gba̍ ɔ̍ dě taɔ pa̍ nyɔ̍ jǔ.