Matio 2:12 - Ku̍o̍ Delee 1999

¹² Jɛ u̍h se̍ dě Ɛlo we̍ jii dode̍, iě u̍h gba̍ wìè dɛɛ u̍h mu̍ u̍h blǐ. Dɛ̍nu̍ɛ, Nyɔsoa sèàɛ̍ u̍h wlùh dě nyinɔ̍ i̍ u̍h-u je̍e dě ɔ̍ we̍ jii dode̍.

Matio 2:12 Iomraidhean Croise

Matio 1:20

Ɛ̀ laa̍ bo ɔ̍ nɛ dǒ wlùh i̍ naɛ la̍ sǔh, wɛ̀ Joi-a ǐnchɔ̀ jii ɔ̍ dlǔ we̍, ɛ̍ la̍a̍, “Depe-a tloemlai Josɛ, bɔ̌ Mɛle bɔ̌-ɛ, dǔ ɔ̍, ɔ̍ iě àn nynɔ̌ nu̍. Dɛ̍nu̍ɛ, Nyɔsoa-a Sùù-a gbǐh bo ɛ̀ nu̍ ɛ̍ wɛ̀ ɔ̍ nɛ kwlǐ la̍.

Matio 2:13

Ti̍ dɛ̍ jlǐhɛ̍ tù-i nyɔ̍ mu̍-a wɛ̀-ɛ, wɛ̀ Joi-a ǐnchɔ̀ jii Josɛ dlǔ we̍, ɛ̍ la̍a̍, “Sɔ-ɔ, dǔ jǔ la ke ɔ̍ de̍-e. Mɔ̀ ple̍, mɔ̀ iě Iche bloa̍ kɛ̍n mu̍. Dě mɔ̀ iě nɛ te̍e̍ wɛ̀ iě mɔ̀ wlùh sèàɛ̍ wɛ̀ mɔ̀ iě-e sɔ-ɛ dǔ. Dɛ̍nu̍ɛ, Ɛlo-a mu̍ jǔ la i̍ pɔ̀n ɔ̍ iě ɔ̍-ɔ gbɔ̀lɔ bu̍ɛ̍i̍.”

Matio 2:19

Ti̍ Ɛlo mɛ̌-a wɛ̀-ɛ, dǒ-o bo Joi-a ǐnchɔ̀ jii Josɛ dlǔ we̍ dě Iche, ɛ̍ la̍a̍,

Matio 2:22

Jɛ ɔ̍ wɔ̌n pɔ̀n ka Akeleɔ nu̍-a blǔh baa dǒ ɔ̍ baa wɔ̀ɔ̀ we̍-ɛ, sɔ ɛ̍ po̍ ɔ̍ faɔn ɔ̍ iě-e mu̍. Wɛ̀ Nyɔsoa sèàɛ̍ ɔ̍ wlùh dě nyinɔ̍ i̍ dɛ ke. Sɔ ɛ̍ nu̍ ɛ̍ iě ɔ̍ sàɛ̀ kɛ̍n dě Kaladii fɔɔ.

Matio 27:19

Ti̍ Pale tè-a i̍ wɛ̀ dě ɔ̍ taɔ pa̍ gbalǎ di̍i̍-ɛ, wɛ̀ ɔ̍ nynɔ̌ dbo̍ wlu̍ dě ɔ̍ we̍. Ɔ̍ la̍a̍, “Jǔ laa̍ ɔ̀-ɔ nu̍-a dɛ̍ sɔ̀n-ɛ, bɔ̌ ɔ̍ dɛ̍ nui-ɛ, dɛ̍nu̍ɛ, ja̍ ǐn ja-a wìe̍ dǒ ɔ̍ pùn-ɛ, ɛ̍ po̍ ǐn faɔn kaa̍.”

Pɔ̀n Chɛ̀ Luu To-a La 2:26

Iě Nyɔsoa-a Sùù sèàɛ̍ ɔ̍ wlùh, ɛ̍ la̍ ɔ̍ se̍ mɛ̌ mu̍ wɛ̀ ɔ̍ iě Joi-a Chèɛ̀ Tba̍ju jě.

Nu̍-dɛ̍ᵻ 10:22

U̍h la̍a̍, “Chape Kɔleniɔ bo ɔ̀ dbo̍ àɔ̀. Ɔ̍ nmɔ gblɛ̍n-ɛ, iě ɔ̍ ple̍ Nyɔsoa-a faɔn. Ɛ̍ tìh-ɛ, Juu nyɔ̍ kli̍hgbɛ̍-a jě ɔ̍ dɛ̍ɛ̍. Wɛ̀ Nyɔsoa-a ǐnchɔ̀ sèàɛ̍ ɔ̍ wlùh ɔ̍ iě ìn dǎ dě ɔ̍ blǐ gbò, dɛ̍ ìn blě-a ìè-a sà-a, ɔ̍ iě ɛ̍ dounᵻ we̍ po̍.”

Nu̍-dɛ̍ᵻ 4:19

Jɛ Pitɛ ke Chɔɔn la̍a̍, “Pò ɛ̍ slɛ̌ i̍ dě Nyɔsoa jlǐh à iě mɔ̀ dɛ̍ɛ̍ jě ɛ̍ iě ɔ̍ sìì-ɛ, mɔ̀-a chɛ̀ iě ɛ̍-ɛ sèàɛ̍.

Nu̍-dɛ̍ᵻ 5:29

Wɛ̀ Pitɛ bei sà u̍h-a wlu̍ pɔ̀n we̍, u̍h la̍a̍, “À kɔn à iě Nyɔsoa-a wlu̍ nu̍ ɛ̍ iě nyi̍ɔ̍ naɛ sìì.

1 Kɔwlɛntiɔn 3:19

Dɛ̍ kmɔ̌ la ɛ̍ dǎɛ-a flɔ̍nwlùh-ɛ, nɛ̀ se̍o̍nɛ bo dǒ Nyɔsoa we̍. Nyɔsoa-a wlu̍ la̍a̍, “Ɔ̍ gbɛ̍n di̍i̍ i̍ flɔn nyɔ̍ dě u̍h-a chɛ̀-a gblàa̍ kɔn-ɛ di̍i̍.”

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 8:5

Tà u̍h-a dbee-a ka Nyɔsoa jǔ-ɛ, ɛ̍ wɔ̀ jɛ nɛ-a dě ja̍i̍wlɔ̀-ɛ. Jɛ i̍h se̍ due nɛ. Ɛ̍ kɔn ti̍ Mose-a ji̍-a wɛ̀ɛ̀ sɔ̍n wlù po̍ la̍-ɛ, wɛ̀ Nyɔsoa sèàɛ̍ ɔ̍ wlùh, ɔ̍ la̍a̍, “Ka ìn nu̍-a ɛ̍ jě-ɛ dě tlu̍h kɛ̍n-ɛ, kǎ ìè ɛ̍ nu̍.”