Biblia Todo Logo
Bìoball air-loidhne

- Sanasan -




Matio 2:11 - Ku̍o̍ Delee 1999

11 Wɛ̀ u̍h pa̍ dě gbò. Iě u̍h jě jǔ-a chɛ̀ ke ɔ̍ de̍ Mɛle, wɛ̀ u̍h chlìi i̍ iě u̍h sà ɔ̍ wɛɛ. Wɛ̀ u̍h pɔ̀ni u̍h-a gbèèkǔᵻ, dě u̍h sà kòo̍ ke nɔ̌-dɛ̍ᵻ chɛ̀, ìh ke chò ke sùè-chlǎn wɔ̀ɛ-ɛa, iě u̍h nyǐ i̍h ɔ̍.

Faic an caibideil Dèan lethbhreac




Matio 2:11
33 Iomraidhean Croise  

Kǎ Jusu Klai-a wlǔh-ɛ nu̍ ka nɛ-ɛ. Mɛle ɔ̀ wlǔh-ia Jusu-ɛ, Josɛ bo ɔ̀ tù ɔ̍ sɛ̌ dlǔ. Jɛ ɔ̍ se̍ jla̍ mu̍ sǔh, wɛ̀ ɔ̍ juo-o dɛ̍ i̍ ka Nyɔsoa-a Sùù-a gbǐh-a mu̍-a ɛ̍ nu̍ wɛ̀ ɔ̍ iě-a jǔ wlǔh-iɛ. Iě ɔ̍ nɛ kwlǐ.


Jusu nɛ dǒ nyɔ̍ tlùgbei̍ laa̍ we̍ wlu la̍ sǔh, iě ɔ̍ de̍ ke ɔ̍ de̍di̍i̍ᵻ ji̍ u̍h nyna i̍ dě sɔ̀n u̍h-a pɔ̀n ɔ̍ we̍ wlu-ɛ i̍.


Wɛ̀ ɔ̍ kòà nɛ-a dě blǎgbè di̍i̍-ɛ, iě u̍h-a sà ɔ̍ wɛɛ, u̍h la̍a̍, “Mɔ̀ la mɔ̀ Nyɔsoa-a Jǔ chɛ̀.”


“Jǔpliɛ ɔ̀ wlǔh-a ɔ̀ iě-a blǔh baa nu̍ dǒ Juu nyɔ̍ we̍-ɛ, tà ɔ̍ nɛ ɛ? Dɛ̍nu̍ɛ, à jě ɔ̍ chǔhtlɛ̀n dě jlǔh-a kwlǎ wlǔh la̍-a, ɛ̍ kɔn à ji̍ à iě ɔ̍ wɛɛ sà.”


Wɛ̀ u̍h tèwe u̍h mu̍, iě u̍h jě Mɛle ke Josɛ, nɛ̀ jǔpliɛ pɛ̌n i̍ dě gblòùn gbà di̍i̍.


Dǒ ti̍-a taǐn laa̍ di̍i̍ bo ɔ̍ ji̍-i iě ɔ̍ po̍ Nyɔsoa tlɔ̌. Wɛ̀ ɔ̍ bla̍ tìh dǒ jǔpliɛ laa̍ ɔ̍ dɛ we̍ dě nyɔ̍ kli̍hgbɛ̍ ùh-a pɔ̀n-a ti̍ Nyɔsoa-a mu̍-a Juluslɛn sèìe-ɛ jě-ɛ i̍-ɛ we̍.


Nikodima ɔ̀ mu̍-a dě Jusu we̍ maɔ̍ dǒ ti̍ due di̍i̍-ɛ, ɔ̍ bo ɔ̀ ke Josɛ mu̍. Nikodima gba̍ nyɔ̍ i̍ tè-e chlǎn-a pèbèè dɔu. U̍h-a dǎɛ i̍h maa ke alo. Nyɔ̍ se̍ i̍h-a gbɛ̀ dǒ bloɔ̍ dǔ-iɛ bɛ̌ɛ.


Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.


Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.


Lean sinn:

Sanasan


Sanasan