Matio 18:3 - Ku̍o̍ Delee 1999

³ Iě ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, pò nyɔ̍ se̍ gblɛ̍n i̍ bǐi ɔ̍ iě jǔwɛ la wɔ̀-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ mu̍.

Matio 18:3 Iomraidhean Croise

Matio 13:15

Dɛ̍nu̍ɛ, nyɔ̍ la u̍h ku̍ dlǔ. Iě u̍h-a sà nyɔ̍ dounᵻ. Iě u̍h ka̍n u̍h-a jlǐh. Pò ɛ̍ se̍ la̍a̍n nɛ de-ɛ, nɛ̀ u̍h-a jlǐh-a mu̍ i̍ jě de, u̍h-a dounᵻ iě i̍ wɔ̌n de, iě u̍h-a wlùh iě dɛ̍ɛ̍ i̍ wɔ̌n de. Nɛ̀ u̍h-a mu̍ nɔ̌ ǐn we̍ i̍ bǐi de wɛ̀ iě u̍h pǔh-i, kǎ Nyɔsoa dǎ.’

Matio 18:2

Sɔ Jusu dǎ jǔwɛ due sǔh, wɛ̀ ɔ̍ nynaɛ ɔ̍ i̍ dǒ u̍h jǔ.

Matio 18:4

Ɛ̍ tìh-ɛ, nyɔ̍ ɔ̀ mu̍-a ɔ̍ chɛ̀ wlù ja wɛ̀ ɔ̍ iě-a jǔwɛ la wɔ̀-ɛ, nɛ̀ ɔ̍ bo ɔ̀ ku̍ wɔ̍n dǒ ɔ̍ ba̍ᵻ kɛ̍n dě Nyɔsoa-a kmɔ̌ wlu̍ i̍ kɔn-ɛ di̍i̍.

Matio 19:14

Iě ɔ̍ la̍a̍, “Mɔ̀ bɔ̌ nynuu̍plìh la u̍h iě nɔ̌ ǐn we̍ ji̍. Mɔ̀ bɔ̌ u̍h wìè-i sà-a. Dɛ̍nu̍ɛ, nyɔ̍ ùh nɛ-a ka-a, u̍h bo ùh kɔn dǒ Nyɔsoa-a kmɔ̌ wlu̍ i̍ kɔn-ɛ we̍.”

Matio 19:23

Wɛ̀ Jusu la̍a̍ dě ɔ̍ kòà we̍, “Ɛ̍ se̍ pàɔ̀n, ɛ̍ mu̍ i̍ kma kaa̍ wɛ̀ pàn-nyɔ̍ iě dě Nyɔsoa-a kmɔ̌ wlu̍ i̍ kɔn-ɛ di̍i̍ gbǎ.

Matio 5:18

Tìh-a taǐn ǎn sèàɛ̍ mɔ̀ wlùh, dě nya̍-ɛ, blǔh ke ja̍u̍n-a tìh-a mu̍ i̍ sì. Jɛ telě nɔ̀ɔ̍, ɛ̍ dɛ̍ juwɛ-a chɛ̀ bo ɛ̀ se̍ dǒ wìè-i sɔ mu̍. Ɛ̍ chɛblih-ɛa chɛ̀ bo ɛ̀ se̍ mǎ mu̍ wɛ̀ kmɔ̌ iě dlǔ i̍ chlà.

Matio 5:20

Bɔ̌ ǐn sèàɛ̍ mɔ̀ wlùh, dɛ̍ due gbài̍ ɛ̀ mu̍-a kmɔ̌ nɛ wɛ̀ nyɔ̍ iě-a dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ-ɛ, ɛ̍ nu̍ nyɔ̍ ɔ̀ mu̍-a Nyɔsoa-a wlùh nu̍, wɛ̀ ɔ̍ iě-a telě nǎ poe nyɔ̍ ke Fɛlesii nyɔ̍ sìì-ɛ, ɔ̍ bo ɔ̀ mu̍-e nɛ.”

Matio 6:16

Jusu la̍a̍, “Pò mɔ̀ ja jlǔh po̍ dě Nyɔsoa dɛ di̍i̍-ɛ, mɔ̀ bɔ̌ mɔ̀-a chɛ̀-a pio nu̍-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ u̍h-a chɛ̀-a pio nu̍-ɛ, wɛ̀ ka u̍h-a po̍-a jlǔh-ɛ nyɔ̍ iě-o dɛ̍ i̍ juo. Bɔ̌ ǐn sèàɛ̍ mɔ̀ wlùh, nɛ̀ u̍h naɛ dɛ̍ jě ka̍ bo wɛ̀.

Matio 6:2

“Ɛ̍ tìh-ɛ, pò ìn ja wlùh nmɔ-ɛ, nɛ̀ ìn bɔ̌ ɛ̍ gbaɛ̍we̍ tè-ɛ. Nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, kǎ u̍h-a nu̍ dě wɛɛ sà gbòᵻ sɔ̀n i̍ ke dǒ wlɔ̀gbàɛ̀, wɛ̀ nyɔ̍ɔ iě u̍h tìhwe̍ po̍. Bɔ̌ ǐn sèàɛ̍ mɔ̀ wlùh, nyɔ̍ kaɛn laa̍ nɛ̀ u̍h naɛ dɛ̍ jě ka̍ bo wɛ̀.

Matio 6:5

Ɔ̍ la̍a̍, “Pò mɔ̀ ja Nyɔsoa ba̍le-ɛ, nyɔ̍ ùh nɛ-a mɛɔ sɔɔ̌n wɔ̍ɔ̍n-ɛ, mɔ̀ bɔ̌ u̍h we̍ dɛ̍ nu̍-ɛ. U̍h jbɛɛ nyna i̍ dǒ wlɔ̀gbàɛ̀ ke dě wɛɛ sà gbo̍ᵻ sɔ̀n i̍ wɛ̀ ìè ba̍le, wɛ̀ nyɔ̍gbei iě u̍h jě. Tìh-a taǐn ǎn sèàɛ̍ mɔ̀ wlùh, nyɔ̍ kaɛn laa̍ nɛ̀ u̍h naɛ dɛ̍ jě ka̍ bo wɛ̀.

Pɔ̀n Chɛ̀ Maɛ To-a La 4:12

Sɔ nɛ̀, ‘U̍h-a gbèɛ̀ɛ̍n i̍, jɛ u̍h-u jě i̍, u̍h-a pu̍e̍e dounᵻ i̍, jɛ u̍h-u wɔ̌n dɛ̍ɛ̍ i̍. Pò ɛ̍ se̍ la̍a̍n nɛ de-ɛ, nɛ̀ u̍h-a mu̍ Nyɔsoa we̍ ji̍ de wɛ̀ ɔ̍ iě u̍h-a gblɛ̍n sɔ̀ɛ̀n-a tìh i̍ tǎli.’ ”

Pɔ̀n Chɛ̀ Luu To-a La 13:24

“Mɔ̀ fɔ̀n dɛ̍ we̍ mɔ̀ iě dě gbò wɔ̍n sɔɔ̌sɔ we̍ jii. Ǎn sèàɛ̍ mɔ̀ wlùh, nyɔ̍ dɔu-a mu̍ ɛ̍ we̍ jii-ɛ i̍ pɔ̀n, jɛ u̍h se̍ ɛ̍ bɛ̌ɛ mu̍.

Pɔ̀n Chɛ̀ Luu To-a La 22:32

Jɛ ǐn ba̍le dǒ àn tàà wɛ̀ àn wlùh gbaɛ je̍e ìn si̍h wɔ̍n po̍. Nɛ̀ pò ìn fèàɛ̀ nɔ̌ ǐn we̍ dode̍-ɛ, nɛ̀ ìn po̍ ìn de̍di̍i̍ᵻ gbǐh ku̍u̍ ke o.”

Chɔɔn 1:51

Iě ɔ̍ la̍a̍ dě u̍h we̍, “Ǎn sèàɛ̍ mɔ̀ tìh-a taǐn wlùh, mɔ̀-a mu̍ ja̍i̍wlɔ̀ jě ɛ̍ iě wɔ̍i̍n pɔ̀ni, wɛ̀ mɔ̀ iě Nyɔsoa-a ǐnchɔ̀ jě, i̍h iě mu̍ ja̍i̍ ji̍ wlù nu̍ dǒ Nyi̍ɔ̍-a Jǔ dlǔwèàì.”

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

Chɔɔn 3:5

Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍.

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Nu̍-dɛ̍ᵻ 28:27

Dɛ̍nu̍ɛ, nyɔ̍ la u̍h-a wlùh gbǎ gbǎ i̍. Iě u̍h-a sà nyɔ̍ dounᵻ i̍, iě u̍h ka̍n u̍h-a jlǐh. Ɛ̍ se̍ la̍a̍n nɛ de-ɛ, nɛ̀ u̍h-a jlǐh-a mu̍ i̍ jě, iě u̍h-a dounᵻ iě i̍ wɔ̌n, iě u̍h-a wlùh iě dɛ̍ɛ̍ i̍ wɔ̌n. Nɛ̀ u̍h-a mu̍ nɔ̌ ǐn we̍ i̍ bǐi de wɛ̀ iě u̍h pǔh-i.’

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

1 Pitɛ 2:2

Ka nynuu̍pli-a nu̍-a nyɛnɛ nǐ i̍ pɔ̀n-ɛ, kǎ mɔ̀ iě sùù-a di̍-dɛ̍ chɛ̀ i̍ pɔ̀n-ɛ nu̍ ke. Pò mɔ̀ di̍ ɛ̍-ɛ, nɛ̀ mɔ̀-a mu̍ ku̍, wɛ̀ mɔ̀ iě pǔh.

2 Pitɛ 1:11

Nɛ̀ Nyɔsoa-a mu̍ mɔ̀ bu̍h i̍ sàɛ̀ wɛ̀ mɔ̀ iě dě à Sèìe Nyɔ̍ Joi Jusu Klai-a kmɔ̌ wlu̍ i̍ kɔn-ɛ di̍i̍ nɛ, ɛ̀ se̍-a i̍ sì la̍ kɔn-ɛ.