Matio 17:3 - Ku̍o̍ Delee 1999

³ Dǒ u̍h jě-e Mose ke Ilaɛja, nɛ̀ u̍h ke Jusu-a chɛ̍n sɔ̀ìn.

Matio 17:3 Iomraidhean Croise

Matio 17:2

U̍h iě-ae gbɛ̀n-ɛ, nɛ̀ ɔ̍ sàɛ̀ wɛ̀ dǒ u̍h jlǐhwai. Nɛ̀ ɔ̍ jua̍a̍-a fa̍n-ɛ ka jlǔh-ɛ, iě ɔ̍ jlii̍ nɛ pɔ̀ɔ̀ ka kǒ gbo̍-ɛ.

Matio 17:4

Wɛ̀ Pitɛ la̍a̍ dě Jusu we̍, “Joi, ɛ̍ nmɔ jii̍ wɛ̀ à nɛ da̍a. Pò ɛ̍ ja ìn gbǐh po̍ mu̍-ɛ, nɛ̀ ǎn mu̍ wɛ̀ɛ̀ sɔ̍n wlù ta̍a̍n po̍, ìn kɔn due, Mose kɔn due, nɛ̀ Ilaɛja kɔn due.”

Pɔ̀n Chɛ̀ Maɛ To-a La 9:4

Dǒ u̍h jě-e Ilaɛja ke Mose, nɛ̀ u̍h ke Jusu-a chɛ̍n sɔ̀ìn.

Pɔ̀n Chɛ̀ Luu To-a La 1:17

Ɔ̍ mu̍ Joi jǔ mu̍ wɛ̀ ɔ̍ iě kmu-u gbǐh blě ke ka Nyɔsoa-a tu̍owli po̍ nyɔ̍ Ilaɛja-ɛ, wɛ̀ ɔ̍ iě baaᵻá wlùh i̍ bǐi dě u̍h-a nynuu̍ we̍. Nɛ̀ ɔ̍ mu̍ ɛ̍ nu̍ nyɔ̍ wɔ̍n blaɛ nyɔ̍ iě i̍ slɛ̌-nyɔ̍-a flɔ̍nwlùh blě. Ɔ̍ mu̍ Joi-a nyɔ̍ gba̍a̍ po̍ dǒ ɔ̍ we̍.”

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Pɔ̀n Chɛ̀ Luu To-a La 24:27

Wɛ̀ ìh tba̍-a dǒ ɔ̍ chɛ̀ pùn i̍ dě Nyɔsoa-a wlu̍ kli̍hgbɛ̍ di̍i̍, sɔ dě Mose we̍ wɛ̀ ɛ̍ iě-a Nyɔsoa-a tu̍owli po̍ nyɔ̍ kli̍hgbɛ̍ jɛɛ-ɛ, iě ɔ̍ sèàɛ̍ i̍h we̍ i̍.

Pɔ̀n Chɛ̀ Luu To-a La 24:44

Wɛ̀ ɔ̍ la̍a̍ dě u̍h we̍, “Ti̍ mɔ̀ ke ǐn ke à na-aɛ, ìh kɔn taǐn ǐn bla̍-a dě mɔ̀ we̍-ɛ, i̍h bo ìh-a nɛ-a. Na̍ dɛ̍ᵻ kli̍hgbɛ̍ ìh chlǐh-a dě Mose-a telě chlǐh-dɛ̍ᵻ ke, Nyɔsoa-a tu̍owli po̍ nyɔ̍ naɛ ke Duǐh Chlǐh-dɛ̍ di̍i̍-ɛ, i̍h kɔn i̍h iě chɛ̀-ɛ gbǎ.”

Pɔ̀n Chɛ̀ Luu To-a La 9:33

Jɔ̍gbauᵻ laa̍ u̍h-a sɔ-a la̍ dǒ Jusu we̍-ɛ, iě Pitɛ la̍a̍ dě ɔ̍ we̍, “Dlǔtu, ɛ̍ nmɔ jii̍ wɛ̀ à nɛ da̍a. Bɔ̌ à po̍ wɛ̀ɛ̀ sɔ̍n wlù ta̍a̍n, ìn kɔn due, Mose kɔn due, nɛ̀ Ilaɛja kɔn due.” Jɛ nɛ̀ ɔ̍ se̍ dɛ̍ ɔ̍ bla̍-a juo.

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.