Matio 14:3 - Ku̍o̍ Delee 1999

^3-4 Ɛ̀ kɔn tìh Ɛlo-a bla̍-a dɛ̍ la-ɛ, ɔ̍ bo ɔ̀ gbɛ̍n Chɔɔn tɛin Ɛlodia tìh. Ɛlodia ɔ̀ nu̍-a Ɛlo deǐ Felɔ-a nynɔ̌-ɛ, ɔ̍ bo Ɛlo sà Felɔ kwa̍a̍. Wɛ̀ Chɔɔn la̍ nɛ̀ ɛ̍ se̍ i̍ slɛ̌ Ɛlo iě ɔ̍ deǐ nynɔ̌ kwa̍a̍ sà. Ɛ̍ kɔn tìh Ɛlo gbɛ̍n ɔ̍ wɛ̀ ɔ̍ sa̍n ɔ̍, iě ɔ̍ po̍ ɔ̍ kasoo.

Matio 14:3 Iomraidhean Croise

Matio 11:2

Chɔɔn ɔ̀ po̍-a nyɔ̍ nǐ dlǔ-ɛ, ti̍ ɔ̍ nɛ-a dě kasoo-ɛ, dǒ ɔ̍ wɔ̌n-ɛ Klai-a nu̍-dɛ̍ᵻá pɔ̀n, wɛ̀ ɔ̍ dbo̍ ɔ̍ kòà dě ɔ̍ we̍.

Matio 14:6

Ti̍ Ɛlo dǎ-a peě dǒ ɔ̍ wlǔh-weɛ̍ di̍i̍-ɛ, dǒ-o bo Ɛlodia-a jǔ nynɔ̌gbaɔ de̍le-e dǒ u̍h we̍, sɔ ɛ̍ pɛ̌n-ɛ Ɛlo-a pɔluh i̍ kaa̍.

Matio 4:12

Ti̍ Jusu wɔ̌n-a Chɔɔn ɔ̀ po̍-a nyɔ̍ nǐ dlǔ-ɛ, ɔ̍ kasoo gbǎ pɔ̀n-ɛ, dǒ-o bo ɔ̍ mu̍-i Kaladii bloa̍ kɛ̍n.

Pɔ̀n Chɛ̀ Maɛ To-a La 6:14

Sɔ dɛ̍ Jusu-a nynɛ̌-a nu̍-a la̍ mu̍-ɛɛ, i̍h bo Blǔh Baa Ɛlo wɔ̌n. Nyɔ̍ duuh la̍a̍, “Chɔɔn ɔ̀ po̍-a nyɔ̍ nǐ dlǔ-ɛ bo ɔ̀ wlǔh-e, ɛ̍ kɔn ɔ̍ blě gbǐh iě ɔ̍ po̍ jbaɛdih.”

Pɔ̀n Chɛ̀ Maɛ To-a La 6:17

Ɛ̀ kɔn tìh Ɛlo bla̍-a dɛ̍ la-ɛ, ɔ̍ bo ɔ̀ gbɛ̍n Chɔɔn tɛin Ɛlodia tìh. Ɛlodia ɔ̀ nu̍-a Ɛlo deǐ Felɔ-a nynɔ̌-ɛ, ɔ̍ bo Ɛlo sà Felɔ kwa̍a̍. Wɛ̀ Chɔɔn la̍ nɛ̀ ɛ̍ se̍ i̍ slɛ̌ Ɛlo iě ɔ̍ deǐ nynɔ̌ kwa̍a̍ sà. Ɛ̍ kɔn tìh Ɛlo dbo̍ nyɔ̍ wɛ̀ u̍h gbɛ̍n Chɔɔn wɛ̀ u̍h sa̍n ɔ̍, iě u̍h po̍ ɔ̍ kasoo.

Pɔ̀n Chɛ̀ Maɛ To-a La 6:19

Sɔ Ɛlodia blě-e Chɔɔn di̍i̍ i̍ wɛ̀ sǔh, iě ɔ̍ pɔ̀n ɔ̍ dbǎ-a i̍. Jɛ nɛ̀ ɔ̍-ɔ jě ɛ̍ ka̍,

Pɔ̀n Chɛ̀ Maɛ To-a La 6:22

Iě Ɛlodia-a jǔ nynɔ̌gbaɔ ji̍ iě ɔ̍ de̍le. Sɔ ɛ̍ po̍ Ɛlo ke ɔ̍ dihwi̍hᵻ pɔluh di̍i̍ kaa̍. Wɛ̀ Blǔh Baa Ɛlo la̍a̍ dě ɔ̍ we̍, “Dɛ̍ àn pɔ̀n-aɛ, sǐ ɛ̍ nynɛ̌ dě ǐn we̍, nɛ̀ ǎn mu̍ ɛ̍ ìn nyǐ.”

Pɔ̀n Chɛ̀ Maɛ To-a La 8:15

Wɛ̀ Jusu-a tù u̍h slɛ̌n, ɔ̍ la̍a̍, “Mɔ̀ tù mɔ̀-a chɛ̀ jlǐhɛ̍. Mɔ̀ nu̍ nɛnɛ̌ dǒ Fɛlesii nyɔ̍ ke Blǔh Baa Ɛlo-a blèe̍ fù-i dɛ̍ᵻ we̍.”

Pɔ̀n Chɛ̀ Luu To-a La 13:1

Nɛ̀ nyɔ̍ duuh nɛ dǒ tà-a chɛ̀ dǒ ti̍ laa̍ di̍i̍, wɛ̀ u̍h sèàɛ̍ Jusu wlùh ka Wloma nyɔ̍-a kɔ̀mla̍ Pale dbǎ-a Kaladii nynuu̍ ùh-a sà-a Nyɔsoa slaǎ-ɛ.

Pɔ̀n Chɛ̀ Luu To-a La 13:31

Dǒ ti̍ laa̍ di̍i̍-ɛ, Fɛlesii nyɔ̍ duuh ji̍-i. Wɛ̀ u̍h la̍a̍ dě Jusu we̍, “Sɔ da̍a ìè tàdɔ̀ɔ̀ mu̍. Dɛ̍nu̍ɛ, Ɛlo-a pɔ̀n ìn dbǎ-a i̍.”

Pɔ̀n Chɛ̀ Luu To-a La 23:11

Ɛlo ke ɔ̍ fledlǔ po̍ Jusu ja̍a̍i̍, iě u̍h nui ɔ̍ jlii̍h kɛ̍n i̍. Wɛ̀ u̍h pa̍-ɛ ɔ̍ dɛ̍wlo̍o̍ chɛ̀wɛ-ɛ. Iě Ɛlo dbo̍ ɔ̍ dě de̍ Pale we̍.

Pɔ̀n Chɛ̀ Luu To-a La 23:7

Ɔ̍ juo-ao dɛ̍ i̍ ka Jusu nɛ-a dǒ kɔ̀mla̍ Ɛlo sɔ̀n-ɛ, iě ɔ̍ dbo̍ ɔ̍ dě Ɛlo we̍. Nɛ̀ Ɛlo-a chɛ̀ nɛ dǒ Juluslɛn wlɔ̀ di̍i̍ dǒ ti̍ laa̍ di̍i̍.

Pɔ̀n Chɛ̀ Luu To-a La 3:1

Taɛbiwleɔ nu̍-a Wloma nyɔ̍-a Bloa̍ Joi-ɛ, ɛ̍ sɔ̀nᵻá pùè jɔ̌ m̀m̌ naɛ laa̍, nɛ̀ Pɔntiɔ Pale bo ɔ̀ nu̍ kɔ̀mla̍ dǒ Judia bloa̍ we̍. Wɛ̀ Ɛlo blě Kaladii bloa̍. Iě ɔ̍ deǐ Felɔ blě dě Itowlia ke Tlakɔnaita fɔɔ. Wɛ̀ Lasana blě Abileni bloa̍.

Pɔ̀n Chɛ̀ Luu To-a La 8:3

ɛ̍ ke Joana ɔ̀ kɔn kɔan Kusa nu̍-a Ɛlo-a kɔn-dɛ̍ᵻ we̍ i̍ gbɛ̀n nyɔ̍-a klaa-ɛ, ɛ̍ ke Susana ke. U̍h ke nynɔ̌gbaɔᵻ dɔu duuh bo ùh gbǎ Jusu ke ɔ̍ kòà we̍ dǒ u̍h-a chɛ̀-a sɔ̍n kɛ̍n.

Nu̍-dɛ̍ᵻ 12:1

Dǒ ti̍ laa̍ di̍i̍ bo Blǔh Baa Ɛlo tè-e chɔchi̍h-a nyɔ̍ duuh klě jě-eɛ gbɔ̀.

Nu̍-dɛ̍ᵻ 4:27

I̍i̍n, kǎ ɛ̍ nɛ, àn pòi̍ju Jusu ɔ̀ wɛ̀-a nɛi̍ iě ìn tba̍-a chèɛ̀-ɛ, Ɛlo ke, Pɔntiɔ Pale ke ɔ̍ bu̍hᵻ tbaɛ tìh bo u̍h tù wɛ̀ u̍h ke ùh se̍-a Juu nyɔ̍-ɛ ke Eslɔɛ nyɔ̍ gbòe i̍ da̍a tùgbàwlɔ̀ la di̍i̍.