Matio 13:12 - Ku̍o̍ Delee 1999

¹² Dɛ̍nu̍ɛ, nyɔ̍ ɔ̀ blě-a dɛ̍-ɛ, nɛ̀ ɔ̍ mu̍ dɛ̍ dɔu nyǐ-ɛ, wɛ̀ ɔ̍ iě tlùgbei̍ blě. Jɛ nyɔ̍ ɔ̀ se̍-a dɛ̍ blě-ɛ, nɛ̀ dɛ̍ juwɛ-a chɛ̀ ɔ̍ blě-a de-ɛ, ɛ̍ mu̍ ɔ̍ kwa̍a̍ sà-ɛ.

Matio 13:12 Iomraidhean Croise

Matio 21:43

“Ɛ̍ tìh-ɛ, bɔ̌ ǐn sèàɛ̍ mɔ̀ wlùh, Nyɔsoa-a kmɔ̌ wlu̍ i̍ kɔn-ɛa mu̍ mɔ̀ kwa̍a̍ sà-ɛ, nɛ̀ nyɔ̍ mu̍-a ɛ̍ buǒᵻ poe-ɛ, u̍h bo ɛ̍ mu̍ nyǐ-ɛ. [

Matio 25:29

Dɛ̍nu̍ɛ, nyɔ̍ kli̍hgbɛ̍ ùh blě-a dɛ̍-ɛ, nɛ̀ u̍h-a mu̍ dɛ̍ dɔu nyǐ-ɛ, wɛ̀ u̍h iě tlùgbei̍ blě. Jɛ nyɔ̍ ɔ̀ se̍-a dɛ̍ blě-ɛ, nɛ̀ dɛ̍ juwɛ-a chɛ̀ ɔ̍ blě-a de-ɛ, ɛ̍ mu̍ ɔ̍ kwa̍a̍ sà-ɛ.

Pɔ̀n Chɛ̀ Maɛ To-a La 12:9

Wɛ̀ Jusu tèle u̍h i̍, ɔ̍ la̍a̍, “Nɛ̀ dɛ̍ klè joi-a mu̍ ka nu̍ ɛ? Nɛ̀ ɔ̍ mu̍ ji̍ wɛ̀ ɔ̍ iě klè i̍ gbɛ̍n nyɔ̍ laa̍ dbǎ, wɛ̀ ɔ̍ iě klè-a chɛ̀ nyɔ̍ duuh nyǐ.

Pɔ̀n Chɛ̀ Luu To-a La 10:42

Dɛ̍ due bo ɛ̀ kɔn ɛ̀ iě nɛ. Dɛ̍ ɛ̀ nmɔ-a jii̍-ɛ bo Mɛle tba̍ chèɛ̀ wɛ̀, ɛ̀ se̍-a ɔ̍ kwa̍a̍ sà-ɛ mu̍-ɛ.”

Pɔ̀n Chɛ̀ Luu To-a La 12:48

Jɛ pòi̍ju jɔ se̍-a dɛ̍ ɔ̍ dlǔtu se̍-a pɔ̀n ɔ̍ iě-a nu̍-ɛ juo wɛ̀ ɔ̀ nu̍-a ɛ̍-ɛ, nɛ̀ ɔ̍ se̍ bla̍-ɛ mu̍ dɛ̍ dɔu. Nyɔ̍ ɔ̀ nyǐ-ia dɛ̍ dɔu-ɛ, dě ɔ̍ kwa̍a̍ bo dɛ̍ dɔu-a mu̍ jbǎ-ɛ. Nɛ̀ nyɔ̍ ɔ̀ tèè-a dɛ̍ tlùgbei̍ kwa̍-ɛ, nɛ̀ dě ɔ̍ kwa̍a̍ bo dɛ̍ tlùgbei̍-a mu̍ jbǎ-ɛ.

Pɔ̀n Chɛ̀ Luu To-a La 16:2

Wɛ̀ ɔ̍ dǎ ɔ̍, iě ɔ̍ la̍a̍ dě ɔ̍ we̍, ‘Ka ɛ̍ nu̍ wɛ̀ ǎn wɔ̌n ìh kaɛn la dǒ ìn pùn ɛ? Ìn se̍ dǒ ǎn kɔn-dɛ̍ᵻ we̍ i̍ gbɛ̀n mu̍ dɛ. Ɛ̍ tìh-ɛ, sà ǎn kɔn-dɛ̍ᵻ kli̍hgbɛ̍-a dǐfluhᵻ ìn blě-aɛ kwlǎ.’

Pɔ̀n Chɛ̀ Luu To-a La 16:25

Jɛ Eblaɛɛn la̍a̍, ‘Ǎn jǔ, nu̍ wlùh, ti̍ ìn tè-a kmɔ̌ i̍-ɛ, nɛ̀ àn jě dɛ̍ᵻ chɛ̀ chɛ̀, wɛ̀ Laaslɔɛ-a jě sɔ̀ɛ̀n. Jɛ ɔ̍ nu̍ la̍ kmɔ̌ nɔ̍ɔ̀ iě àn sàɛ̀ ka jua̍i̍.

Pɔ̀n Chɛ̀ Luu To-a La 8:18

“Ka mɔ̀-a nu̍-a dɛ̍-ɛ wɔ̌n-ɛɛ, mɔ̀ nu̍ dǒ-a nɛnɛ̌. Dɛ̍nu̍ɛ, nyɔ̍ ɔ̀ blě-a dɛ̍-ɛ, nɛ̀ ɔ̍ mu̍ dɛ̍ dɔu nyǐ-ɛ. Jɛ nyɔ̍ ɔ̀ se̍-a dɛ̍ blě-ɛ, nɛ̀ dɛ̍ juwɛ-a chɛ̀ ɔ̍ la̍ ɔ̍ blě-a, ɛ̍ mu̍ ɔ̍ kwa̍a̍ sà-ɛ.”

Pɔ̀n Chɛ̀ Luu To-a La 9:26

Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-eɛ, nɛ̀ ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍-ɛ, ɛ̍ ke dě ɔ̍ Baa Nyɔsoa ke ɔ̍ ǐnchɔ̀ naɛ tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.

Chiin 4:6

Nyɔsoa nɛ blɛ dǒ à we̍ kaa̍, ɛ̍ kɔn ɔ̍ wlu̍ la̍a̍, “Nyɔsoa faɛn blɔ̌-nyɔ̍. Jɛ ɔ̍ nɛ blɛ dǒ ùh-a ja-a u̍h-a chɛ̀ wlù-ɛ we̍.”

Wlɛfeleseɔn 2:5

Ka mɔ̀ nu̍-a tàmlain gbǎ-ɛɛ, ɛ̍-ɛ bo mɔ̀ iě wlùh we̍ nu̍. Mɔ̀ bǐi i̍ mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, mɔ̀ iě ìh mɔ̀-a nu̍-a sàì-ɛ nu̍. Pò mɔ̀ se̍ la̍a̍n nu̍-ɛ, nɛ̀ ǎn mu̍ dě mɔ̀ we̍ ji̍ iě mɔ̀-a chlǎn nape̍-a kɛ̍n tè dɛ̍ tèla̍ sà.