Matio 11:6 - Ku̍o̍ Delee 1999

⁶ Nyɔ̍ ɔ̀ se̍-a se̍a̍ dǒ ǎn wlùh gbaɛ we̍-ɛ, nɛ̀ ɔ̍ nmɔ i̍.”

Matio 11:6 Iomraidhean Croise

Matio 13:21

Jɛ ɛ̍ se̍ sɛ̌n po̍ dě u̍h ku̍sɔ̀n, ɛ̍ kɔn klě jě-ɛ ji̍-a Nyɔsoa-a tu̍owli tìh-ɛ, wɛ̀ u̍h ple̍ suei̍.

Matio 18:7

Chlě dǒ kmɔ̌ la we̍, dɛ̍nu̍ɛ, dě ɛ̍ di̍i̍ bo dɛ̍ᵻá jii wɛ̀ i̍h-a fèàɛ̀ nyɔ̍-a wlùh dě gblɛ̍n sɔ̀ɛ̀n we̍. Ìh la i̍h-a nɛ-ɛa chɛ̀ gbɔ̀gbɔ̀, jɛ nyɔ̍ ɔ̀ kɔn ja̍a̍ i̍h-a jii-a, chlě dǒ ɔ̍ we̍.

Matio 24:10

Ɛ̍ ti̍ laa̍ nɛ̀ nyɔ̍ dɔu-a mu̍ u̍h-a wlùh gbaɛ i̍ tǎli. Nɛ̀ u̍h-a mu̍ sà ìn ba̍ kwlǎ ìn ba̍ sà ìn kwlǎ nu̍ dě nyɔ̍ duuh we̍. Jɔ-ɛ, nɛ̀ ɔ̍ mu̍ ɔ̍ ba̍ faɛn.

Matio 26:31

Wɛ̀ Jusu la̍a̍ dě ɔ̍ kòà we̍, “Wlù weɛ̍ la mɔ̀ kli̍hgbɛ̍ mɔ̀-a mu̍ kwlǎ gbǎ mɔ̀ iě ǐn si̍e̍. Dɛ̍nu̍ɛ, kǎ ɛ̍ nu̍ chlǐh-ɛ dě Nyɔsoa-a wlu̍ di̍i̍. Ɛ̍ la̍a̍, ‘Ǎn mu̍ blawɛ̌ᵻ we̍ i̍ gbɛ̀n nyɔ̍ dbǎ, nɛ̀ blawɛ̌ᵻ gbà la ɛ̍ mu̍ ja̍i̍ gbà.’

Matio 5:29

Ɛ̍ tìh pò àn jlǐhɛ̍ due ja pɔ̀n ìè dɛ̍ sɔ̀n nu̍-ɛ, nɛ̀ ìn sà jlǐhɛ̍ laa̍ kɔ̌n-ɔ ìè ɛ̍ de̍ po̍. Ɛ̍ nmɔ jii̍ ìè àn fɔ̌ due mǎ-ɛ, ɛ̍ sìì àn nyi̍ɔ̍tu kli̍hgbɛ̍ iě i̍ gbà wɛ̀ ìè dě kàn nɛ̍ di̍i̍ gbǎ.

Pɔ̀n Chɛ̀ Maɛ To-a La 6:3

Ɛ̍ se̍ Mɛle-a jǔ ɔ̀ nu̍-a kɔ̍-nyɔ̍, ɔ̀ kɔn de̍di̍i̍ᵻ nu̍-a Chiin ke, Josɛ ke, Juda ke Samo-ɛ ae? Ɔ̀ kɔn de̍di̍i̍ᵻ nynɔ̌gbaɔᵻ tǐn-a da̍a à we̍-ɛ, ɛ̍ se̍ ɔ̍ mɔ ae?” Sɔ u̍h se̍ ɔ̍ jě-ɛ jbǎ.

Pɔ̀n Chɛ̀ Luu To-a La 2:34

Iě Simiɔ sà-ɛ u̍h nǐ wɔ̍n. Wɛ̀ ɔ̍ la̍a̍ dě jǔ de̍ Mɛle we̍, “Jǔ la ɔ̍ tìh nyɔ̍ dɔu-a mu̍-u gbɔ̀lɔ-ɛ, iě nyɔ̍ dɔu iě sèìe-ɛ nɔ̌ Eslɔɛ. Ɔ̍ mu̍ juola ɛ̀ sɔ-a dě Nyɔsoa we̍-ɛ nu̍ nyɔ̍ dɔu iě ɔ̍ chla tba̍.

Pɔ̀n Chɛ̀ Luu To-a La 7:23

Nyɔ̍ ɔ̀ se̍-a se̍a̍ dǒ ǐn wlùh gbàɛ̀ we̍-ɛ, nɛ̀ ɔ̍ nmɔ i̍.”

Chɔɔn 16:1

“Ǎn sèàɛ̍ mɔ̀ ìh kli̍hgbɛ̍ la wlùh wɛ̀ mɔ̀-ɔ je̍e mɔ̀-a wlùh gbaɛ kɛ̍n i̍ poe.

Chɔɔn 6:66

Sɔ dǒ ti̍ laa̍ di̍i̍-ɛ, ɔ̍ kòà dɔu chlìì de̍, u̍h-a nyɔ̍ se̍ ɔ̍ we̍ na dɛ fu̍u̍.

1 Kɔwlɛntiɔn 2:14

Jɛ nyɔ̍ ɔ̀ Nyɔsoa-a Sùù se̍-a dě ja̍a̍ nɛ-ɛ, nɛ̀ ɔ̍ dounᵻ se̍ dě ɛ̍ nyǐ-dɛ̍ᵻ we̍ nɛ. Nyɔ̍ kaɛn laa̍ nɛ̀ ɔ̍ se̍ i̍h i̍ wɔ̌n-ɛ bɛ̌ɛ. I̍h nu̍ se̍o̍nɛ dǒ ɔ̍ we̍. Dɛ̍nu̍ɛ, Nyɔsoa-a Sùù bo ɛ̀ nu̍ ɛ̍ wɛ̀ nyɔ̍-a juo i̍h-a sèàɛ̀gbàà.

Kelesea 5:11

Ǐn de̍di̍i̍ᵻ, pò ǐn ja plɔ̀n gbǎ tìh bla̍-a dluwe̍ i̍ gba̍ wɛ̀ iě ka nu̍ ɛ̍ nmɔ jii̍-ɛ, nɛ̀ dɛ̍-ɛ tìh u̍h-a jě-e ǐn klě ɛ? Pò ɛ̍ nɛ la̍a̍n-ɛ, nɛ̀ tìh ǎn bla̍-a dǒ Klai-a gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, nɛ̀ ɛ̍ se̍ nyɔ̍ɔ wɔ̍i̍n nyaɛ mu̍ de.

1 Pitɛ 2:8

Nyɔsoa-a wlu̍ dɛɛ la̍a̍, “Sɔɔ̌ la bo nyɔ̍-a mu̍ gbèle wɛ̀ u̍h iě i̍ kèàɛ.” U̍h gbèle ɛ̍-ɛ, dɛ̍nu̍ɛ, u̍h se̍ wlu̍ la tìh chɛ̀ po̍. Ɛ̍-ɛ bo ɔ̍ po̍ gbɔ̀ se̍e̍ ɛ̀ iě u̍h pùn nɛ.