Matio 11:5 - Ku̍o̍ Delee 1999

⁵ Dɔ̌-nyɔ̍-a jě la̍ i̍, klɔ-nyɔ̍-a na la̍-ɛ, wìèìdih-a nu̍ nyɔ̍ fɛ̍nɛ wɛ̀, sǔn-nyɔ̍-a wɔ̌n la̍ i̍, mɛ̌-nyɔ̍-a wlǔh la̍-e, iě pɔ̀n chɛ̀-a bla̍-ɛ la̍ dě nyɔ̍gbà nyɔ̍ we̍.

Matio 11:5 Iomraidhean Croise

Matio 10:8

Nɛ̀ mɔ̀ pǔh-i poa-nyɔ̍, mɔ̀ iě-e mɛ̌-nyɔ̍ sà, mɔ̀ nu̍ ɛ̍ wìèìdih-a nu̍ nyɔ̍ iě pǔh, mɔ̀ iě jeědih i̍ nu̍. Ka ǐn nyǐ-a mɔ̀ gbǐh la bu̍ɛ̍i̍-ɛ, nɛ̀ mɔ̀ nui i̍h dbo̍ ke bu̍ɛ̍i̍.

Matio 11:4

Wɛ̀ Jusu la̍a̍, “Mɔ̀ mu̍ de̍ mɔ̀ iě Chɔɔn kunǎ po̍ dǒ dɛ̍ᵻ mɔ̀ jě-a ke dɛ̍ᵻ mɔ̀ wɔ̌n-a we̍.

Matio 12:13

Iě ɔ̍ la̍a̍ dě jɔ̍gbau laa̍ we̍, “Slɛ̌ɛ àn kɔba i̍.” Wɛ̀ ɔ̍ slɛ̌ɛ ɛ̍ i̍, iě ɔ̍ kɔba nmɔ jii̍ dode̍, wɛ̀ ɛ̍ ke jɛ sie-a dǒ de̍-ɛ wɔ̀ɛ.

Matio 21:14

Wɛ̀ dɔ̌-nyɔ̍ ke klɔ-nyɔ̍ mu̍ dě ɔ̍ we̍ slaǎ sà gbò sɔ̀n, iě ɔ̍ pǔh-i u̍h.

Matio 5:3

“Nyɔ̍ ùh jě-a u̍h-a chɛ̀ nyɔ̍gbà nyɔ̍ we̍i̍ Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

Matio 9:30

Wɛ̀ u̍h-a jlǐh pɔ̀ni dode̍. Iě Jusu nɛ̌ɛ u̍h wlu̍ doun i̍, ɔ̍ la̍a̍, “Mɔ̀-ɔ sèàɛ̍ nyɔ̍ dɔɔ wlùh de o.”

Pɔ̀n Chɛ̀ Maɛ To-a La 7:37

Sɔ ɛ̍ wlǔh i̍ nyɔ̍ kli̍hgbɛ̍ de̍e̍ kaa̍ka. Iě u̍h la̍a̍, “Jɔ̍gbau la dɛ̍ᵻ kli̍hgbɛ̍ ɔ̍ nu̍-aɛ, i̍h bo ìh nmɔ jii̍. Ɔ̍ nu̍ ɛ̍ sǔn-nyɔ̍-a wɔ̌n i̍, wɛ̀ bo̍bo̍ bei-a wlu.”

Pɔ̀n Chɛ̀ Maɛ To-a La 9:25

Jusu gbɛ̀n-a ɛ̍ ja̍-ɛ, sɔ nyɔ̍ dɔu-a gboǎɛ kɛ̍n i̍ kaa̍. Wɛ̀ ɔ̍ wǐi jeědih laa̍ dlǔ i̍, ɔ̍ la̍a̍, “Mɔ̀ jeědih la ɛ̀ nu̍-a bo̍bo̍, ɛ̀ sǔn-aɛ, ǎn sèàɛ̍ ìn wlùh, sɔ dǒ jǔ la de̍e̍. Nɛ̀ ìn bɔ̌ dǒ ɔ̍ de̍e̍ gbǎ-a dɛ kleǐnklein.”

Pɔ̀n Chɛ̀ Luu To-a La 4:18

“Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Chɔɔn 10:25

Jusu la̍a̍, “Ǐn sèàɛ̍ mɔ̀ wlùh de, jɛ mɔ̀ se̍ ɛ̍ tìh dǎɛ. Dbo̍ ǎn nu̍-a dǒ ǐn Baa-a nynɛ̌ kɛ̍n-ɛ, i̍h bo ìh nu̍ ǎn sàànsi̍i̍h.

Chɔɔn 10:38

Mɔ̀ se̍ ǎn wlu̍ tìh chɛ̀ po̍ gbɛɛ-ɛ, jɛ dbo̍ jɛ ǎn nu̍-aɛ nɔ̀ɔ̍, ɛ̍ bo mɔ̀ kɔn mɔ̀ iě tìh chɛ̀ po̍. Mɔ̀ iě ɛ̍-ɛ i̍ wɔ̌n, wɛ̀ mɔ̀ iě-o dɛ̍ i̍ juo ka ǐn Baa nɛ-a m wɛ̀ ǐn nɛ-a ǐn Baa ke-ɛ.”

Chɔɔn 2:23

Ti̍ Jusu nɛ-a Juluslɛn dǒ Sììkɛ̍n Weɛ̍-a Peě tù ti̍ we̍-ɛ, jbaɛdih ɔ̍ po̍-aɛ bo nyɔ̍ dɔu jě iě u̍h gbaɛ ɔ̍ wlùh.

Chɔɔn 3:2

Ɔ̍-ɔ bo ɔ̀ mu̍ dě Jusu we̍ maɔ̍, iě ɔ̍ la̍a̍ dě ɔ̍ we̍, “Dlǔtu, à juo ɛ̍-ɛ mɔ̀ bo ɔ̀ nu̍ nǎ po̍ nyɔ̍ ɔ̀ sɔ dě Nyɔsoa we̍. Dɛ̍nu̍ɛ, nyɔ̍ ɔ̀ Nyɔsoa se̍-a we̍ nɛ-ɛ, nɛ̀ ɔ̍ se̍ jbaɛdih la po̍-ɛ bɛ̌ɛ.”

Chɔɔn 5:36

Jɛ ǎn sàànsi̍i̍h ǐn blě-aɛ, ɛ̍ ku̍ wɔ̍n ɛ̍ sìì Chɔɔn naɛ. Dɛ̍nu̍ɛ, dbo̍ ǐn Baa nyǐ-a m iě-a i̍ wɔ̀ ɛ̀ ǎn nu̍-a ka-ɛ, ɛ̍ bo ɛ̀ nu̍ ǎn sàànsi̍i̍h ka Baa dbo̍-a m-ɛ.

Chɔɔn 9:7

Iě ɔ̍ sèàɛ̍ ɔ̍ wlùh ɔ̍ iě jua̍a̍ i̍ dle la̍ mu̍ dǒ dle-wloo kɔn nynɛ̌ nu̍-a Sailowɔun-ɛ kɛ̍n. (Nynɛ̌ la ɛ̍ gbɔ̀ nu̍ Dbo̍.) Iě jɔ̍gbau mu̍ ɔ̍ dle jua̍a̍ i̍. Ɔ̍ ji̍-a de̍-ɛ, nɛ̀ ɔ̍ jě la̍ i̍.

Nu̍-dɛ̍ᵻ 2:22

“Mɔ̀ɔ̍ Eslɔɛ nyɔ̍, mɔ̀ tba̍ dounᵻ i̍ wɛ̀ mɔ̀ iě wlu̍ la wɔ̌n. Jusu la ɔ̀ sɔ-a dǒ Naaslɔɛ wlɔ̀ di̍i̍-ɛ, ɔ̍ bo Nyɔsoa dbo̍ mɔ̀ we̍, iě ɔ̍ to ɔ̍ mɔ̀ i̍ dǒ jbaɛdih ke, nyɔ̍ wɔ̍n flɔn-ɛ dɛ̍ᵻ ke dɛ̍ᵻ klaaᵻ ɔ̍ nu̍-aɛ we̍. Nyɔsoa bo ɔ̀ jii dě ɔ̍ ja̍a̍ wɛ̀ ɔ̍ nu̍ ìh la nɔ̌ mɔ̀ nynɛ̌, mɔ̀-a jlǐhɛ̍ se̍ tà maɛ.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.