Matio 11:2 - Ku̍o̍ Delee 1999

² Chɔɔn ɔ̀ po̍-a nyɔ̍ nǐ dlǔ-ɛ, ti̍ ɔ̍ nɛ-a dě kasoo-ɛ, dǒ ɔ̍ wɔ̌n-ɛ Klai-a nu̍-dɛ̍ᵻá pɔ̀n, wɛ̀ ɔ̍ dbo̍ ɔ̍ kòà dě ɔ̍ we̍.

Matio 11:2 Iomraidhean Croise

Matio 1:17

Ɛ̍ tìh-ɛ, sɔ dě Eblaɛɛn we̍ wɛ̀ ìè Depe jɛɛ ɛ̍ nu̍ jǎɛ-o nyɔ̍-a dlǔᵻ gbɔ̍ᵻá pùè jɔ̌ nyìɛ̍. Wɛ̀ sɔ-o Depe we̍ wɛ̀ ɛ̍ iě-a u̍h-a Babeloun mu̍-ɛ jɛɛ-ɛ, ɛ̍ nu̍ jǎɛ-o nyɔ̍-a dlǔᵻ gbɔ̍ᵻá pùè jɔ̌ nyìɛ̍ dɛ. Wɛ̀ ɛ̀ sɔ-a dě u̍h-a Babeloun gba̍ la̍ wɛ̀ ɛ̍ iě-a Chèɛ̀ Tba̍ju laa̍ ɔ̍ wlǔh-ɛ jɛɛ-ɛ, ɛ̍ nu̍ jǎɛ-o nyɔ̍-a gbɔ̍ᵻá pùè jɔ̌ nyìɛ̍ dɛ ke.

Matio 14:3

Ɛ̀ kɔn tìh Ɛlo-a bla̍-a dɛ̍ la-ɛ, ɔ̍ bo ɔ̀ gbɛ̍n Chɔɔn tɛin Ɛlodia tìh. Ɛlodia ɔ̀ nu̍-a Ɛlo deǐ Felɔ-a nynɔ̌-ɛ, ɔ̍ bo Ɛlo sà Felɔ kwa̍a̍. Wɛ̀ Chɔɔn la̍ nɛ̀ ɛ̍ se̍ i̍ slɛ̌ Ɛlo iě ɔ̍ deǐ nynɔ̌ kwa̍a̍ sà. Ɛ̍ kɔn tìh Ɛlo gbɛ̍n ɔ̍ wɛ̀ ɔ̍ sa̍n ɔ̍, iě ɔ̍ po̍ ɔ̍ kasoo.

Matio 4:12

Ti̍ Jusu wɔ̌n-a Chɔɔn ɔ̀ po̍-a nyɔ̍ nǐ dlǔ-ɛ, ɔ̍ kasoo gbǎ pɔ̀n-ɛ, dǒ-o bo ɔ̍ mu̍-i Kaladii bloa̍ kɛ̍n.

Matio 9:14

Wɛ̀ Chɔɔn ɔ̀ po̍-a nyɔ̍ nǐ dlǔ-ɛ, ɔ̍ kòà ji̍, iě u̍h tèle Jusu i̍, u̍h la̍a̍, “Ka ɛ̍ nu̍ iě à ke Fɛlesii nyɔ̍-a po̍ jlǔh dě Nyɔsoa dɛ di̍i̍ chɛ̍chɛ̍, wɛ̀ nàɛ̀ kòà nɔ̀ɔ̍ u̍h-u po̍ jlǔh ɛ?”

Pɔ̀n Chɛ̀ Maɛ To-a La 6:17

Ɛ̀ kɔn tìh Ɛlo bla̍-a dɛ̍ la-ɛ, ɔ̍ bo ɔ̀ gbɛ̍n Chɔɔn tɛin Ɛlodia tìh. Ɛlodia ɔ̀ nu̍-a Ɛlo deǐ Felɔ-a nynɔ̌-ɛ, ɔ̍ bo Ɛlo sà Felɔ kwa̍a̍. Wɛ̀ Chɔɔn la̍ nɛ̀ ɛ̍ se̍ i̍ slɛ̌ Ɛlo iě ɔ̍ deǐ nynɔ̌ kwa̍a̍ sà. Ɛ̍ kɔn tìh Ɛlo dbo̍ nyɔ̍ wɛ̀ u̍h gbɛ̍n Chɔɔn wɛ̀ u̍h sa̍n ɔ̍, iě u̍h po̍ ɔ̍ kasoo.

Pɔ̀n Chɛ̀ Luu To-a La 3:19

Jɛ Chɔɔn wlu-i kɔ̀mla̍ Ɛlo we̍. Dɛ̍nu̍ɛ, ɔ̍ dǔ Ɛlodia ɔ̀ nu̍-a ɔ̍ fɛ̀i̍n-a nynɔ̌-ɛ, ɛ̍ ke dɛ̍ᵻ sɔ̀nᵻ kli̍hgbɛ̍ ɔ̍ nu̍-aɛ ke.

Pɔ̀n Chɛ̀ Luu To-a La 9:7

Ɛlo ɔ̀ nu̍-a Kaladii nyɔ̍-a dlǔtu-ɛ, ti̍ ɔ̍ wɔ̌n-a dɛ̍ᵻ kli̍hgbɛ̍ ìh-a nɛ-aɛ, sɔ ɔ̍ se̍ dɛ̍ ɔ̍ iě-a nu̍-ɛ juo. Dɛ̍nu̍ɛ, nyɔ̍ duuh la̍ Chɔɔn bo ɔ̀ wlǔh-e.

Chɔɔn 4:1

Ka Jusu-a chlì-a la̍ nyɔ̍ iě ɔ̍ po̍-a kòà dɔu nǐ dlǔ ɛ̍ sìì-a Chɔɔn-ɛ, ɛ̍ kɔn pɔ̀n bo Fɛlesii nyɔ̍ wɔ̌n. (