Matio 11:1 - Ku̍o̍ Delee 1999

¹ Ti̍ Jusu wɔ̀-a ɔ̍ kòà-a pùè jɔ̌ sɔɔ̌n laa̍ slǔh po̍-ɛɛ, wɛ̀ ɔ̍ wlǔh-i gbààn ɔ̍ mu̍ dě wlɔ̀ᵻ diih di̍i̍ ɔ̍ iě nǎ po̍, wɛ̀ ɔ̍ iě Nyɔsoa tìh bla̍ dě nyɔ̍gbei we̍.

Matio 11:1 Iomraidhean Croise

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Matio 7:28

Ti̍ Jusu wɔ̀-a ìh la bla̍-aɛ, sɔ ɔ̍ nǎ po̍-ɛ wlǔh i̍ nyɔ̍ tlùgbei̍ laa̍ de̍e̍.

Matio 9:35

Jusu na wlɔ̀ᵻ klaaᵻ ke wlɔ̀ᵻ plìh kli̍hgbɛ̍ di̍i̍ i̍. Wɛ̀ ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n i̍. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌ɛ nyɔ̍gbei-a poa dɛ̍ᵻ ke wɛ̌ᵻ kli̍hgbɛ̍.

Pɔ̀n Chɛ̀ Maɛ To-a La 6:12

Wɛ̀ u̍h mu̍ iě u̍h bla̍ Nyɔsoa tìh nyɔ̍gbei iě gblɛ̍n sɔ̀ɛ̀n nu̍-ɛ i̍ tǎli.

Pɔ̀n Chɛ̀ Luu To-a La 23:5

Jɛ u̍h bla̍ dlǔ i̍, u̍h la̍a̍, “Ɔ̍ po̍ nyɔ̍ nǎ dě Judia bloa̍ kli̍hgbɛ̍ kɛ̍n i̍, iě ɔ̍ pa̍ nyɔ̍ɔ sɔ̀n i̍. Ɔ̍ tè ɛ̍ gbɔ̀ dě Kaladii fɔɔ, iě ɔ̍ ji̍ ka da̍a.”

Pɔ̀n Chɛ̀ Luu To-a La 8:1

Ɛ̍ se̍-o wlè wɛ̀ Jusu na tùgbàwlɔ̀ᵻ ke wlɔ̀ᵻ plìh di̍i̍ i̍. Wɛ̀ ɔ̍ bla̍ pɔ̀n chɛ̀ dǒ Nyɔsoa-a kmɔ̌ wlu̍ i̍ kɔn dɛ we̍. Nɛ̀ ɔ̍ ke ɔ̍ kòà-a pùè jɔ̌ sɔɔ̌n

Chɔɔn 15:10

Pò mɔ̀ ja-o ǎn telě i̍ tè-ɛ, nɛ̀ mɔ̀-a mu̍ dě ǎn jbɛɛ di̍i̍ sie ɛ̀ kɔn ba̍ ǎn tè-ao ǐn Baa-a telě i̍ wɛ̀ ǐn nɛ-a dě ɔ̍ jbɛɛ di̍i̍-ɛ.

Chɔɔn 15:14

Dɛ̍ ǐn poe-a mɔ̀ slǔh-ɛ, pò mɔ̀ ja ɛ̍ nu̍-ɛ, nɛ̀ mɔ̀ɔ̍ ǎn jbɛɛ nyɔ̍.

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Nu̍-dɛ̍ᵻ 10:42

Iě ɔ̍ po̍ àɔ̀ slǔh à iě tìh bla̍ dě nyɔ̍ɔ we̍. Wɛ̀ à iě ɛ̍ we̍i̍ flɔn-ɛ ka ɔ̍ bo Nyɔsoa tba̍-a chèɛ̀ ɔ̀ iě-a mɛ̌-nyɔ̍ ke kmɔ̌ nɛ nyɔ̍-a sàwi̍h sì nyɔ̍ nu̍-ɛ.

1 Tɛsoloniɔn 4:2

Mɔ̀ juo slɛ̌ à po̍-a mɔ̀ chèɛ̀ i̍ dě Joi Jusu ja̍a̍-ɛ.

2 Tɛsoloniɔn 3:10

Ti̍ à iě-a dě mɔ̀ we̍ nɛ-ɛ, à nyǐ mɔ̀ telě la, à la̍a̍, “Pò jɔ se̍ dbo̍ nu̍-ɛ, nɛ̀ ɔ̍ bɔ̌ dɛ̍ di̍-ɛ.”

2 Tɛsoloniɔn 3:6

À de̍di̍i̍ᵻ, à po̍ mɔ̀ telě i̍ dǒ à Joi Jusu Klai-a nynɛ̌ kɛ̍n. De̍di̍i̍ jɔ nɛ-a dě flàn-dɛ̍ di̍i̍-ɛ, nɛ̀ mɔ̀ ti̍ɛ̍ɛn ɔ̍ we̍ i̍, ɛ̍ ke nyɔ̍ ùh-u nu̍-a dɛ̍ à poe-a mɔ̀ nǎ-ɛ ke.

1 Timote 6:14

Gbɛ̍n telě la i̍, jɛ pɛ̀àn ke nynɛ̌-a kɔ̌-ɛ bɔ̌ ɛ̍ we̍ gbǎ-a te̍e̍ wɛ̀ à Joi Jusu Klai iě à kɛ̍n wlǔh-i.