Matio 10:4 - Ku̍o̍ Delee 1999

⁴ Ɛ̍ ke Samo ɔ̀ fɔ̀n-a bloa̍-a tìh we̍ de-ɛ ke. Nɛ̀ Juda Ɛkɛlia ɔ̀ sàɛ̀-a Jusu nyɔ̍ kwlǎ-a ke.

Matio 10:4 Iomraidhean Croise

Matio 26:14

Dǒ-o bo ɔ̍ kòà-a pùè jɔ̌ sɔɔ̌n laa̍ u̍h-a due u̍h-a dǎɛ-a Juda Ɛkɛlia-a mu̍ dě Nyɔsoa-a slaǎ sà nyɔ̍ klaaᵻ we̍.

Matio 26:15

Iě ɔ̍ tèle u̍h i̍, ɔ̍ la̍a̍, “Jusu la pò ǐn sà ɔ̍ kwlǎ dě mɔ̀ we̍-ɛ, nɛ̀ dɛ̍ mɔ̀-a mu̍ ǐn nyǐ ɛ?” Wɛ̀ u̍h slè sebla̍ wlǐ-a kwela ta̍a̍n u̍h nyǐ ɔ̍.

Matio 26:2

“Mɔ̀-a chɛ̀ juo ɛ̍-ɛ, ɛ̍ si̍e̍-o wǐh sɔɔ̌n ɛ̍ iě Sììkɛ̍n Weɛ̍-a Peě nu̍. Dǒ-o bo Nyi̍ɔ̍-a Jǔ-a mu̍ kwlǎ sà-ɛ, wɛ̀ ɔ̍ iě kɔ̍-ɛ dǒ gbàɛ̍ kɛ̍n i̍ tu̍ wlì.”

Matio 26:47

Jusu nɛ dǒ wlu la̍ sǔh, wɛ̀ Juda ji̍. Ɔ̍ kòà-a pùè jɔ̌ sɔɔ̌n laa̍ u̍h-a due bo. Nɛ̀ ɔ̍ ke nyɔ̍ tlùgbei̍ na. U̍h blě plàn chlɛ̀nᵻ ke gbòmina̍ᵻ kwa̍ i̍. Nɛ̀ Nyɔsoa-a slaǎ sà nyɔ̍ klaaᵻ ke nyɔ̍ klaaᵻ bo ùh dbo̍ u̍h.

Matio 27:3

Juda ɔ̀ sà-ɛa Jusu nyɔ̍ kwlǎ-ɛ, ɔ̍ juo-ao dɛ̍ i̍ ka u̍h-a mu̍-a la̍ Jusu dbǎ-ɛ, sɔ ɔ̍ wlùh fèàɛ̀ dode̍. Iě ɔ̍ gba̍ u̍h-a sebla̍ wlǐ-a kwela ta̍a̍n laa̍ de̍ dě slaǎ sà nyɔ̍ klaaᵻ ke nyɔ̍ klaaᵻ we̍.

Pɔ̀n Chɛ̀ Maɛ To-a La 14:10

Wɛ̀ Juda Ɛkɛlia ɔ̀ nu̍-a kòà-a pùè jɔ̌ sɔɔ̌n laa̍ u̍h-a due-ɛ, ɔ̍ mu̍ dě Nyɔsoa-a slaǎ sà nyɔ̍ klaaᵻ we̍, ɔ̍ iě u̍h Jusu kwlǎ sà-ɛ.

Pɔ̀n Chɛ̀ Maɛ To-a La 14:43

Jusu nɛ dǒ wlu la̍ sǔh, wɛ̀ Juda ji̍. Ɔ̍ kòà-a pùè jɔ̌ sɔɔ̌n laa̍ u̍h-a due bo. Nɛ̀ ɔ̍ ke nyɔ̍ tlùgbei̍ na. U̍h blě plàn chlɛ̀nᵻ ke gbòmina̍ᵻ kwa̍ i̍. Nɛ̀ Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ ke nyɔ̍ klaaᵻ bo ùh dbo̍ u̍h.

Pɔ̀n Chɛ̀ Luu To-a La 22:3

Wɛ̀ Juda u̍h-a dǎɛ-a Ɛkɛlia-ɛ, iě Setɔn gbǎ dě ɔ̍ ja̍a̍. Kòà-a pùè jɔ̌ sɔɔ̌n laa̍ u̍h-a due bo.

Pɔ̀n Chɛ̀ Luu To-a La 22:47

Jusu nɛ dǒ wlu la̍ wɛ̀ nyɔ̍ tlùgbei̍ ji̍. Nɛ̀ Juda ɔ̀ po̍-a Jusu-a kòà pùè jɔ̌ sɔɔ̌n-ɛ, ɔ̍ bo ɔ̀ blě u̍h kwa̍. Wɛ̀ ɔ̍ mu̍ Jusu wlì ɔ̍ iě ɔ̍ gblèè.

Chɔɔn 13:2

Jusu ke ɔ̍ kòà iě-a dǒ wìe̍dɛ di̍ la̍ nɛ-ɛ, Juda Ɛkɛlia ɔ̀ nu̍-a Samo-a jǔ-ɛ, nɛ̀ Kǔ gbǎ dǒ ɔ̍ wlùh kɛ̍n wɛ̀ se̍e̍ ɔ̍ iě Jusu kwlǎ sà.

Chɔɔn 6:64

Jɛ mɔ̀-a nyɔ̍ duuh nɛ-o u̍h se̍ wlùh gbaɛ blě.” (Sɔ dě ti̍ Jusu tè-a nyɔ̍ nǎ po̍-ɛ gbɔ̀-ɛ we̍-ɛ, ɔ̍ juo nyɔ̍ juh se̍-a ɔ̍ wlùh gbaɛ mu̍-ɛ se̍e̍, ɛ̍ ke nyɔ̍ jɔ mu̍-a ɔ̍ kwlǎ sà-a ke.)

Chɔɔn 6:71

Nɛ̀ Juda ɔ̀ nu̍-a Samo Ɛkɛlia-a jǔ-ɛ, ɔ̍ bo ɔ̍ dǎ. Kòà-a pùè jɔ̌ sɔɔ̌n laa̍ u̍h-a due bo nɔ̀ɔ̍ kleǐn, jɛ nɛ̀ ɔ̍ bo ɔ̀ mu̍ Jusu kwlǎ sà-a bɔ̌ɛ.

Nu̍-dɛ̍ᵻ 1:13

U̍h nyni̍-a wlɔ̀-ɛ, ja̍i̍ gbòju kɔn di̍i̍ u̍h tè-a i̍ se̍e̍-ɛ, dě u̍h mu̍. U̍h-u nɛ-a dě gbò-a chɛ̀-ɛ, Pitɛ ke, Chɔɔn ke, Chiin ke, Andlu ke, Felɔ ke, Tɔmɔ ke, Batalamio ke, Matio ke, Afia-a jǔ Chiin ke, Samo ɔ̀ fɔ̀n-a bloa̍-a tìh we̍-ɛ ke, ɛ̍ ke Chiin-a jǔ Juda ke.

Nu̍-dɛ̍ᵻ 1:25

Iě gba̍tòà dbo̍ ɛ̀ Juda tǎli-a i̍ iě ɔ̍ mu̍-a tà ɔ̍ kɔn-aɛ, wɛ̀ ɔ̍ iě dǒ ɔ̍ wɔ̀ɔ̀ gbǎ-ɛ.”