Matio 10:3 - Ku̍o̍ Delee 1999

³ Nɛ̀ Felɔ ke Batalamio ke Tɔmɔ ke Matio ɔ̀ nu̍-a taa̍sìh sà nyɔ̍-ɛ, ɛ̍ ke Afia-a jǔ Chiin ke Tadiɔ ke.

Matio 10:3 Iomraidhean Croise

Matio 18:17

Nɛ̀ pò ɔ̍ se̍ u̍h-a wlu̍ i̍ wɔ̌n ke-ɛ, nɛ̀ ìn gba̍ ɔ̍ kunǎ dě chɔchi̍h-i. Nɛ̀ pò ɔ̍ se̍ chɔchi̍h-a wlu̍ i̍ wɔ̌n ke-ɛ, nɛ̀ ka mɔ̀-a nu̍-a se̍ Nyɔsoa juo nyɔ̍ ke taa̍sìh sà nyɔ̍ jě-ɛɛ, kǎ mɔ̀ iě ɔ̍ jě-ɛ nu̍ ke.

Matio 27:56

Nɛ̀ u̍h ke Mɛle Makalin nɛ-o, nɛ̀ Chiin ke Josɛ de̍ Mɛle nɛ-o ke, ɛ̍ ke Sɛɛbedii-a nynɔ̌ ke.

Matio 9:9

Ti̍ Jusu-a sɔ-a la̍ dǒ tà-a chɛ̀-ɛ, dǒ ɔ̍ jě-e jɔ̍gbau due ɔ̍ nynɛ̌ bo Matio. Nɛ̀ ɔ̍ tè i̍ dě ɔ̍ taa̍sìh sà gbò juwɛ sɔ̀n. Wɛ̀ Jusu la̍a̍ dě ɔ̍ we̍, “Gbǎ dǒ ǐn de̍e̍.” Wɛ̀ Matio sɔ bloɔ̍, iě ɔ̍ gbǎ dǒ ɔ̍ de̍e̍.

Pɔ̀n Chɛ̀ Maɛ To-a La 15:40

Nɛ̀ nynɔ̌gbaɔᵻ duuh nynaɛ nya̍ u̍h-a gbɛ̀n dě u̍h we̍. Nɛ̀ Mɛle Makalin ke Mɛle ɔ̀ nu̍-a Chiin wɛ ke Jose de̍-ɛ, nɛ̀ u̍h nɛ dě u̍h nynɛ̌, ɛ̍ ke Salomi ke.

Pɔ̀n Chɛ̀ Maɛ To-a La 2:14

Ti̍ ɔ̍ sì-aɛ, dǒ ɔ̍ jě-e Afia-a jǔ Liifaɛ. Nɛ̀ ɔ̍ tè i̍ dǒ ɔ̍ taa̍sìh sà gbò juwɛ sɔ̀n. Wɛ̀ Jusu la̍a̍ dě ɔ̍ we̍, “Gbǎ dǒ ǐn de̍e̍.” Liifaɛ sɔ bloɔ̍, iě ɔ̍ gbǎ dǒ ɔ̍ de̍e̍.

Pɔ̀n Chɛ̀ Maɛ To-a La 3:18

nɛ̀ Andlu ke, Felɔ ke, Batalamio ke, Matio ke, Tɔmɔ ke, Afia-a jǔ Chiin ke, Tadiɔ ke, Samo ɔ̀ fɔ̀n-a bloa̍ tìh we̍-ɛ ke,

Pɔ̀n Chɛ̀ Luu To-a La 18:10

Ɔ̍ la̍a̍, “Jɔ̍gbauᵻ sɔɔ̌n bo ùh mu̍ dě Nyɔsoa-a slaǎ sà gbò sɔ̀n u̍h iě ba̍le. Due nu̍ Fɛlesii jǔ, iě dɔɔ nu̍ taa̍sìh sà jǔ.

Pɔ̀n Chɛ̀ Luu To-a La 18:11

Fɛlesii jǔ nyna i̍ iě ɔ̍ ba̍le dǒ ɔ̍ chɛ̀ we̍. Ɔ̍ la̍a̍, ‘Nyɔsoa, ǐn po̍ ìn tlɔ̌ wɛ̀ ǐn se̍ nyɔ̍ duuh ùh nu̍-a klǎn kɔn nyɔ̍ ke, telě wa̍ nyɔ̍ ke, nynɛ̌à nu̍ nyɔ̍-ɛ wɔ̀. Wɛ̀ ǐn se̍ taa̍sìh sà jǔ-a chɛ̀ la wɔ̀, nɛ̀ ǐn po̍ ìn tlɔ̌.

Pɔ̀n Chɛ̀ Luu To-a La 18:13

Jɛ taa̍sìh sà jǔ nyna-ɛ nya̍, ɔ̍ se̍ ɔ̍ dlǔ-a chɛ̀ ja̍i̍ dǔ. Iě ɔ̍ tba̍ gbǎ wlì, ɔ̍ la̍a̍, ‘Nyɔsoa, jě ǐn wɔɛ, mɔ̍ gblɛ̍n sɔ̀ɛ̀n nu̍ nyɔ̍ o.’

Pɔ̀n Chɛ̀ Luu To-a La 19:2

Nɛ̀ jɔ̍gbau due nɛ dǒ wlɔ̀-a chɛ̀ di̍i̍, ɔ̍ nynɛ̌ bo Saikeɔ. Ɔ̍ nu̍ taa̍sìh sà nyɔ̍-a dlǔtu, iě ɔ̍ pàn.

Pɔ̀n Chɛ̀ Luu To-a La 5:27

Ɛ̀ la ɛ̍ sì-a i̍-ɛ, wɛ̀ Jusu sǐ sɔ̀n, iě ɔ̍ jě taa̍sìh sà jǔ due ɔ̍ nynɛ̌ nu̍ Liifaɛ. Nɛ̀ ɔ̍ tè i̍ dě taa̍sìh sà gbò sɔ̀n. Iě Jusu la̍a̍ dě ɔ̍ we̍, “Gbǎ dǒ ǐn de̍e̍.”

Chɔɔn 1:48

Wɛ̀ Natanio tèle ɔ̍ i̍, ɔ̍ la̍a̍, “Ka ìn nu̍ iě ìn juo m ɛ?” Jusu la̍a̍, “Ǐn jě m̀ dǒ fei-tu̍ sɔ̀n sasǎ wɛ̀ Felɔ dǔ ìn dǎ-a.”

Chɔɔn 11:16

Tɔmɔ (u̍h-a dǎɛ-a Gbàju-ɛ) la̍a̍ dě ɔ̍ ba̍ᵻ kòà we̍, “Mɔ̀ à mu̍ ɔ̍ we̍, tà ɔ̍ mu̍-a mɛ̌-ɛɛ, à iě-o mɛ̌-ɛ ke.”

Chɔɔn 14:22

Wɛ̀ Juda ɔ̀ se̍-a Ɛkɛlia naɛ jǔ-ɛ, ɔ̍ la̍a̍ dě ɔ̍ we̍, “Joi, dɛ̍nu̍ àn mu̍ àn chɛ̀ tà sà nɔ̌ àɔ̀ we̍, iě ìn se̍ àn chɛ̀ tà sà mu̍ dě kmɔ̌ nyɔ̍ we̍ ɛ?”

Chɔɔn 14:5

Wɛ̀ Tɔmɔ la̍a̍, “Joi, tà àn mu̍-aɛ, à se̍-o juo. Ka à mu̍ wìè ɛ̀ mu̍-a deě-ɛ juo-ɛ nu̍ ɛ?”

Chɔɔn 14:9

Iě Jusu la̍a̍, “Felɔ, ǐn wlè nɔ̌ mɔ̀ nynɛ̌ wɛ̀ de gbɛɛ̍. Ìn se̍ ǐn juo ke̍ sǔh ae? Nyɔ̍ jɔ jě-a m-ɛ, nɛ̀ ɔ̍ wɔ̀ ǐn Baa jě-ɛ wɛ̀. Ka ɛ̍ nu̍ wɛ̀ nàa̍ iě mɔ̀ Baa toe ke̍ gbɔ̀ɔ ɛ?

Chɔɔn 21:2

Samo Pitɛ ke, Tɔmɔ u̍h-a dǎɛ-a Gbàju-ɛ ke, Natanio ɔ̀ sɔ-a dǒ Keina wlɔ̀ di̍i̍ dě Kaladii bloa̍ kɛ̍n-ɛ ke, Sɛɛbedii-a nynuu̍ sɔɔ̌n ke, kòà sɔɔ̌n duuh bo ùh gbǎ tàdùè.

Nu̍-dɛ̍ᵻ 1:13

U̍h nyni̍-a wlɔ̀-ɛ, ja̍i̍ gbòju kɔn di̍i̍ u̍h tè-a i̍ se̍e̍-ɛ, dě u̍h mu̍. U̍h-u nɛ-a dě gbò-a chɛ̀-ɛ, Pitɛ ke, Chɔɔn ke, Chiin ke, Andlu ke, Felɔ ke, Tɔmɔ ke, Batalamio ke, Matio ke, Afia-a jǔ Chiin ke, Samo ɔ̀ fɔ̀n-a bloa̍-a tìh we̍-ɛ ke, ɛ̍ ke Chiin-a jǔ Juda ke.

Nu̍-dɛ̍ᵻ 12:17

Wɛ̀ Pitɛ po̍ sɔ̍n u̍h iě slɛ̀ ja̍ sà. Iě ɔ̍ sèàɛ̍ ɛ̍ we̍ i̍ ka Joi nu̍-a ɔ̍ dě kasoo sà sɔɛn-ɛ. Ɔ̍ la̍a̍, “Mɔ̀ poe ɛ̍ Chiin ke de̍di̍i̍ᵻ duuh sie-a dǒ de̍-ɛ kunǎ ke.” Wɛ̀ ɔ̍ sɔ dǒ u̍h we̍-e iě ɔ̍ mu̍ tàdɔ̀ɔ̀.

Nu̍-dɛ̍ᵻ 15:13

U̍h wɔ̀-a kunǎ laa̍ po̍-ɛ, wɛ̀ Chiin la̍a̍, “Ǐn de̍di̍i̍ᵻ, mɔ̀ po̍ nɔ̌ ǐn we̍ dounᵻ.

Nu̍-dɛ̍ᵻ 21:18

Sɔ̀n sɛ̀n-aɛ, wɛ̀ à ke Pɔɔ mu̍ dě Chiin we̍ i̍ nala. Nɛ̀ dě chɔchi̍h-a nyɔ̍ klaaᵻ kli̍hgbɛ̍ nɛ.

Kelesea 1:19

Ǐn se̍ Klai-a gba̍tòà juh sie-a dǒ de̍-ɛ jě, Chiin nɛ due bo ǐn jě, ɔ̀ nu̍-a Joi de̍di̍i̍-ɛ.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Chiin 1:1

Mɔ̍ Chiin ɔ̀ nu̍-a Nyɔsoa ke Joi Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa nyɔ̍ kli̍hgbɛ̍ sɛ̍-a kmɔ̌ la we̍-ɛ, mɔ̍ sà mɔ̀ nyinɔ̍ i̍.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.