Matio 10:2 - Ku̍o̍ Delee 1999

² Ɔ̍ gba̍tòà-a pùè jɔ̌ sɔɔ̌n-a chɛ̀, u̍h-a nynɛ̌ la. U̍h-a sàǐtòò nyɔ̍-a nynɛ̌ nu̍ Samo, ɔ̀ u̍h-a dǎɛ-a Pitɛ-ɛ. Ɛ̍ ke ɔ̍ de̍di̍i̍ Andlu ke. Nɛ̀ Sɛɛbedii-a nynuu̍, Chiin ke ɔ̍ de̍di̍i̍ Chɔɔn ke.

Matio 10:2 Iomraidhean Croise

Matio 17:1

Wǐh mɛ̀o̍ sì-aɛ, wɛ̀ Jusu dǔ Pitɛ ke Chiin ke ɔ̍ de̍di̍i̍ Chɔɔn. Iě ɔ̍ gba̍ u̍h dě tlu̍h tɔ̀ɔ̀n due dlugbɔ̌. U̍h nɛ due ke ɔ̍ nɛ deě.

Matio 20:20

Wɛ̀ Sɛɛbedii-a nynɔ̌ ke ɔ̍ jɔ̍gbauᵻ nynuu̍ sɔɔ̌n ji̍ dǒ Jusu we̍, wɛ̀ ɔ̍ chlìi i̍ dǒ ɔ̍ jǔ. Iě ɔ̍ ba̍le ɔ̍ ɔ̍ iě dɛ̍ nu̍ dǒ ɔ̍ we̍.

Matio 26:37

Wɛ̀ ɔ̍ dǔ Pitɛ ke Sɛɛbedii-a nynuu̍ sɔɔ̌n u̍h ke ɔ̍ mu̍. Jɛ nɛ̀ wɔɛ-a nu̍ ɔ̍-ɛ, iě ɔ̍ wlùh gbǎ dě de̍i̍.

Matio 4:18

Ti̍ Jusu-a naɛ-a pɛ̍nu̍ klaa nɛ-a Kaladii bloa̍ kɛ̍n-ɛ wɔ̍i̍n-ɛ, wɛ̀ ɔ̍ jě de̍di̍i̍ᵻ sɔɔ̌n. Due-a nynɛ̌ nu̍ Samo, ɔ̍ nynɛ̌ diih nu̍ Pitɛ. Wɛ̀ dɔɔ nu̍ Andlu. Ɔ̍ iě-a u̍h jě-ɛ, nɛ̀ u̍h-a po̍ sɔ̍ dǒ niɔ̍. Dɛ̍nu̍ɛ, ɛ̍ bo ɛ̀ nu̍ u̍h naɛ dbo̍ kleǐn u̍h-a nu̍.

Matio 4:21

Ɔ̍ klɛɛn-a dǒ nya̍-ɛ, ɔ̍ jě de̍di̍i̍ᵻ sɔɔ̌n duuh. Due-a nynɛ̌ nu̍ Chiin, dɔɔ-a nynɛ̌ nu̍ Chɔɔn. U̍h baa nu̍ Sɛɛbedii, nɛ̀ ɔ̍ ke u̍h nɛ dě blǎgbè di̍i̍ u̍h-a nma̍le sɔ̍ᵻ. Wɛ̀ Jusu dǎ u̍h ke.

Pɔ̀n Chɛ̀ Maɛ To-a La 1:29

U̍h sɔ-a dě wɛɛ sà gbò sɔ̀n-ɛ, wɛ̀ Jusu ke Chiin ke Chɔɔn gbɛ̍n Samo ke Andlu blǐ gbò wìè kɛ̍n i̍.

Pɔ̀n Chɛ̀ Maɛ To-a La 13:3

Ti̍ Jusu tè-a i̍ dě Ɔle-Tu̍ᵻá Tlu̍h kɛ̍n dǒ Nyɔsoa-a slaǎ sà gbò-a i̍ blaɛjlǐh-ɛ, wɛ̀ Pitɛ ke, Chiin ke, Chɔɔn ke Andlu chɛn gbɔ̍i̍, iě u̍h tèle ɔ̍ i̍.

Pɔ̀n Chɛ̀ Maɛ To-a La 6:30

Jusu-a gba̍tòà laa̍ u̍h ji̍-a de̍-ɛ, wɛ̀ dɛ̍ᵻ u̍h poe-a nyɔ̍ nǎ-a ke, u̍h nu̍-a kwa̍a̍ i̍-ɛ, iě u̍h po̍ i̍h-a kunǎ kli̍hgbɛ̍ dě ɔ̍ we̍.

Pɔ̀n Chɛ̀ Luu To-a La 11:49

Ɛ̍ tìh-ɛ, Nyɔsoa-a flɔ̍nwlùh la̍a̍ ke-ɛ, ‘Ǎn mu̍ ǎn tu̍owli po̍ nyɔ̍ ke gba̍tòà dě u̍h we̍ dbo̍, nɛ̀ u̍h-a mu̍ u̍h-a duuh dbǎ, wɛ̀ u̍h iě duuh klě jě-e.’

Pɔ̀n Chɛ̀ Luu To-a La 22:14

Ti̍ nyni̍-aɛ, wɛ̀ Jusu ke ɔ̍ gba̍tòà tìèe̍ i̍ dǒ teble̍ gbɔ̀.

Pɔ̀n Chɛ̀ Luu To-a La 22:8

Iě Jusu dbo̍ Pitɛ ke Chɔɔn. Ɔ̍ la̍a̍ dě u̍h we̍, “Mɔ̀ mu̍ mɔ̀ iě Sììkɛ̍n Weɛ̍-a Peě-a di̍-dɛ̍ᵻ gba̍a̍ po̍ dǒ àɔ̀ we̍ à iě di̍.”

Pɔ̀n Chɛ̀ Luu To-a La 5:10

Samo ba̍ᵻ, Chiin ke Chɔɔn ùh nu̍-a Sɛɛbedii-a nynuu̍-ɛ, kǎ ɛ̍ nu̍ u̍h-a tìh ke. Iě Jusu la̍a̍ dě Samo we̍, “Bɔ̌ faɔn ple̍-ɛ, sɔ da̍a sèàn blǐ-ɛ, àn mu̍ la̍ nyi̍ɔ̍ gbɛ̍n ìè u̍h Nyɔsoa we̍ ja.”

Pɔ̀n Chɛ̀ Luu To-a La 9:10

Gba̍tòà ji̍-a de̍-ɛ, dɛ̍ᵻ u̍h nu̍-a i̍-ɛ, wɛ̀ u̍h po̍ i̍h-a kunǎ dě Jusu we̍. Iě ɔ̍ dǔ u̍h-u, wɛ̀ u̍h-a sǔh chɛn gbɔ̍i̍ u̍h-a mu̍ wlɔ̀ u̍h-a dǎɛ-ɛ Bɛseida-a wlì i̍.

Chɔɔn 12:22

Wɛ̀ Felɔ mu̍ ɔ̍ sèàɛ̍ Andlu wlùh. Iě ɔ̍ ke Andlu mu̍ u̍h sèàɛ̍ Jusu wlùh.

Chɔɔn 13:23

Jusu-a kòà due ɔ̀ kɔn tìh ɔ̍ kma-ɛ, nɛ̀ ɔ̍ tè i̍ dǒ ɔ̍ pùn.

Chɔɔn 20:2

Wɛ̀ ɔ̍ gba̍ ple̍-ɛ dě Samo Pitɛ ke kòà ɔ̀ kɔn tìh Jusu kma-a we̍. Iě ɔ̍ la̍a̍ dě u̍h we̍, “U̍h sà Joi-a kǔ dě gbàlɔ̍ biě di̍i̍ o, jɛ tà u̍h gba̍-a ɛ̍-ɛ, à se̍-o juo.”

Chɔɔn 21:2

Samo Pitɛ ke, Tɔmɔ u̍h-a dǎɛ-a Gbàju-ɛ ke, Natanio ɔ̀ sɔ-a dǒ Keina wlɔ̀ di̍i̍ dě Kaladii bloa̍ kɛ̍n-ɛ ke, Sɛɛbedii-a nynuu̍ sɔɔ̌n ke, kòà sɔɔ̌n duuh bo ùh gbǎ tàdùè.

Chɔɔn 21:20

Pitɛ fèàɛ̀-aɛ, wɛ̀ ɔ̍ jě kòà ɔ̀ kɔn tìh Jusu kma-aɛ, nɛ̀ ɔ̍ wɔ̀ dǒ u̍h de̍e̍. U̍h iě-a wìe̍dɛ di̍-ɛ, ɔ̍-ɔ laa̍ bo ɔ̀ ke Jusu kɔǎɛn i̍, iě ɔ̍ la̍a̍, “Joi, nyɔ̍ bo ɔ̀ mu̍ ìn kwlǎ sà ɛ?”

Chɔɔn 21:24

Jɛ kòà-a chɛ̀ laa̍ bo ɔ̀ nu̍ ìh la i̍h-a sàànsi̍i̍h, wɛ̀ ɔ̍ chlǐh i̍h dɛ. Iě à juo ɛ̍ dɛ̍ ɔ̍ sà-aɛ tìh-a taǐn bo.

Chɔɔn 6:67

Wɛ̀ Jusu la̍a̍ dě kòà-a pùè jɔ̌ sɔɔ̌n laa̍ we̍, “Mɔ̀ɔ̍ nɔ̀ɔ̍, mɔ̀-a pɔ̀n mu̍-ɛ i̍ ke ae?”

Chɔɔn 6:70

Iě Jusu la̍a̍ dě u̍h we̍, “Mɔ̀ɔ̍ nu̍-a pùè jɔ̌ sɔɔ̌n-ɛ, ɛ̍ se̍ mɔ̍ ɔ̀ se̍ mɔ̀ chèɛ̀ tba̍ ae? Jɛ Kǔ kɔn mɔ̀-a nyɔ̍ due wlu̍ i̍.”

Chɔɔn 6:71

Nɛ̀ Juda ɔ̀ nu̍-a Samo Ɛkɛlia-a jǔ-ɛ, ɔ̍ bo ɔ̍ dǎ. Kòà-a pùè jɔ̌ sɔɔ̌n laa̍ u̍h-a due bo nɔ̀ɔ̍ kleǐn, jɛ nɛ̀ ɔ̍ bo ɔ̀ mu̍ Jusu kwlǎ sà-a bɔ̌ɛ.

Chɔɔn 6:8

Iě ɔ̍ kòà due ɔ̀ nu̍-a Samo Pitɛ de̍di̍i̍ Andlu-ɛ, ɔ̍ la̍a̍ dě Jusu we̍,

Nu̍-dɛ̍ᵻ 1:13

U̍h nyni̍-a wlɔ̀-ɛ, ja̍i̍ gbòju kɔn di̍i̍ u̍h tè-a i̍ se̍e̍-ɛ, dě u̍h mu̍. U̍h-u nɛ-a dě gbò-a chɛ̀-ɛ, Pitɛ ke, Chɔɔn ke, Chiin ke, Andlu ke, Felɔ ke, Tɔmɔ ke, Batalamio ke, Matio ke, Afia-a jǔ Chiin ke, Samo ɔ̀ fɔ̀n-a bloa̍-a tìh we̍-ɛ ke, ɛ̍ ke Chiin-a jǔ Juda ke.

Nu̍-dɛ̍ᵻ 1:26

Wɛ̀ u̍h tèle dɛ̍ i̍ dǒ nyɔ̍ sɔɔ̌n laa̍ we̍. Sɔ Matataia-a sɛ̌ bo ɛ̀ ji̍ ja̍i̍, iě ɔ̍ gbǎ dǒ Klai-a gba̍tòà-a pùè jɔɛ̍ due laa̍ kɛ̍n.

Nu̍-dɛ̍ᵻ 12:2

Wɛ̀ ɔ̍ dbǎ-ɛ Chɔɔn de̍di̍i̍ Chiin plàn chlɛ̀n i̍.

Nu̍-dɛ̍ᵻ 3:1

Dǒ weɛ̍ due di̍i̍ nɛ̀ Pitɛ ke Chɔɔn-a mu̍ dě Nyɔsoa-a slaǎ sà gbò sɔ̀n dǒ u̍h-a ba̍le ti̍ we̍, nɛ̀ jlǔh te̍le i̍ wɛ̀.

1 Kɔwlɛntiɔn 15:7

Iě ɔ̍ wlǔh-i Chiin i̍, wɛ̀ ɔ̍ wlǔh-i gba̍tòà kli̍hgbɛ̍ i̍ ke.

Ɛfɛsɔ 4:11

Ɔ̍-ɔ bo ɔ̀ nyǐ nyɔ̍ɔ nyǐ-dɛ̍ᵻ. U̍h-a nyɔ̍ duuh nu̍ ɔ̍ gba̍tòà, iě duuh nu̍ tu̍owli po̍ nyɔ̍, wɛ̀ duuh nu̍ pɔ̀n chɛ̀ nya̍ naɛ nyɔ̍, iě duuh nu̍ pǎslɔ̀ ke nǎ po̍ nyɔ̍.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

1 Pitɛ 1:1

Mɔ̍ Pitɛ ɔ̀ nu̍-a Jusu Klai-a gba̍tòà-ɛ, mɔ̀ɔ̍ Nyɔsoa nyɔ̍ ùh nu̍-a kwlǎ-gbǎ-kèi̍ᵻ ùh sɛ̍-a blǔh we̍ dě Pɔntɔ ke, Kelesea ke, Kapadosia ke, Esea ke Betenia fɔɔ-ɛ, ǎn chlǐh mɔ̀ we̍.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

2 Chɔɔn 1:1

Chlǐh-dɛ̍ la ɛ̍ sɔ nɔ̌ mɔ̍ ɔ̀ nu̍-a mɔ̀-a Klaa-ɛ we̍. Ɛ̍ mu̍ dě Nynɔ̌ Chɛ̀ ɔ̀ Nyɔsoa tba̍-a chèɛ̀-ɛ ke ɔ̍ nynuu̍ we̍. Ǐn jbɛɛ mɔ̀-ɔ dě tìh-a taǐn di̍i̍. Ɛ̍ se̍ ǐn nɛ due, jɛ nyɔ̍ kli̍hgbɛ̍ ùh juo-a tìh-a taǐn-ɛ, u̍h jbɛɛ mɔ̀-ɔ ke.

3 Chɔɔn 1:1

Chlǐh-dɛ̍ la ɛ̍ sɔ nɔ̌ mɔ̍ ɔ̀ nu̍-a mɔ̀-a Klaa-ɛ we̍. Ɛ̍ mu̍ dě ǎn tìh kma nyɔ̍ Kaeɔ we̍, ɔ̀ kɔn tìh ǐn kma-a dě tìh-a taǐn di̍i̍-ɛ.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 22:8

Mɔ̍ Chɔɔn, mɔ̍ bo ɔ̀ wɔ̌n ìh la iě ǐn jě i̍h. Ti̍ ǐn wɔ̌n-a i̍h iě ǐn jě-a i̍h-ɛ, wɛ̀ Nyɔsoa-a ǐnchɔ̀ ɛ̀ toe-a i̍h m-ɛ, iě ǐn kà i̍ dǒ ɛ̍ jǔ iě ɛ̍ wɛɛ sà.