Matio 10:16 - Ku̍o̍ Delee 1999

¹⁶ Ɔ̍ la̍a̍, “Ǎn dbo̍ mɔ̀ ka nyɔ̍-a dbo̍ blawɛ̌ᵻ dě gbɛ̍n-nmi̍i̍ nynɛ̌ we̍-ɛ. Ɛ̍ tìh-ɛ, mɔ̀ klǐhbih jlǐh i̍ ka nǐ plǐn la̍ smìɛ̍-ɛ, wɛ̀ mɔ̀ iě gba̍n gbɛ̍n ke.

Matio 10:16 Iomraidhean Croise

Pɔ̀n Chɛ̀ Luu To-a La 10:3

Mɔ̀ mu̍, ǎn dbo̍ mɔ̀ ka nyɔ̍-a dbo̍ blawɛ̌ᵻ nynuu̍ dě gbɛ̍n-nmi̍i̍ nynɛ̌ we̍-ɛ.

Felepai 2:15

Nɛ̀ mɔ̀-a nynɛ̌ se̍ kɔ̌ mu̍, mɔ̀ iě wlaǎwla nɛ. Nɛ̀ mɔ̀-a mu̍ Nyɔsoa-a nynuu̍ ùh se̍-a nɛi̍ nɛ-ɛ wɔ̀ dě ùh-a nu̍-a klǐ-dɛ̍ᵻ ke tba̍ɛ kɛ̍n i̍-ɛ we̍. Mɔ̀ kɔn mɔ̀ iě fa̍n dě u̍h nynɛ̌ ka chǔhtlɛ̀n-a fa̍n dě ja̍u̍n wlì-ɛ,

1 Kɔwlɛntiɔn 14:20

Ǐn de̍di̍i̍ᵻ, mɔ̀ bɔ̌ wlùh i̍ naɛ ka nynuu̍plìh-ɛ. Dǒ dɛ̍ sɔ̀n we̍ bo mɔ̀ iě nynuu̍plìh wɔ̀ɛ-ɛɛ. Jɛ mɔ̀ nu̍ nyɔ̍ klaaᵻ nɔ̀ɔ̍ dǒ wlùh-i naɛ la̍.

Kalase 4:5

Nyɔ̍ ùh se̍-a Nyɔsoa nyɔ̍-ɛ, flɔ̍nwlùh bo mɔ̀ iě u̍h we̍ blě-e. Pò mɔ̀ jě flɔn la̍ mɔ̀ iě tu̍owli po̍ dě u̍h we̍-ɛ, nɛ̀ mɔ̀ nu̍ ɛ̍ sùo̍o̍ chɛ̀ka.

Pɔ̀n Chɛ̀ Luu To-a La 21:15

Dɛ̍nu̍ɛ, ǎn mu̍ mɔ̀ wlu̍ wɔ̍ɔ̍n po̍, wɛ̀ iě mɔ̀ flɔ̍nwlùh nyǐ. Nɛ̀ mɔ̀-a nyɛ̌-nyɔ̍ se̍ ɛ̍ i̍ nyna-a bɛ̌ɛ mu̍ u̍h iě ɛ̍ dǒ wìè-i sà.

Nu̍-dɛ̍ᵻ 20:29

Ǐn juo ɛ̍-ɛ pò ǐn sɔ da̍a-ɛ, gbɛ̍n-nmi̍i̍ ìh kma-a wɔ̍n-ɛ, i̍h-a mu̍ mɔ̀ nynɛ̌ gbǎ. Nɛ̀ i̍h se̍-o blawɛ̌ᵻ la i̍h-a dɛ̍ i̍ sie mu̍.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

1 Tɛsoloniɔn 5:22

Mɔ̀ ti̍ɛ̍ɛn dɛ̍ᵻ sɔ̀nᵻ kaɛn kaɛn kli̍hgbɛ̍ we̍ i̍.

2 Kɔwlɛntiɔn 11:14

Ɛ̍ se̍ nyɔ̍ i̍ kèle dɛ̍, Setɔn-a chɛ̀ ɛ̍ nu̍ ɛ̍ chɛ̀ ka Nyɔsoa-a ǐnchɔ̀ ɛ̀ blě-a sɔ̀npli-ɛ we̍i̍ ke.

1 Tɛsoloniɔn 2:10

Bu̍hᵻ à na-ɛa kɛ̍n dǒ mɔ̀ɔ̍ Nyɔsoa nyɔ̍ we̍-ɛ, ka i̍h se̍-a nɛi̍ nɛ, i̍h slɛ̌-a i̍, iě i̍h se̍-a nynɛ̌-a kɔ̌-ɛ blě-ɛ, mɔ̀-a chɛ̀ ke Nyɔsoa nu̍ à sàànsi̍i̍h.

Kalase 1:9

Ti̍ à wɔ̌n-a mɔ̀-a dɛ we̍ i̍-ɛ, sɔ dǒ ti̍ laa̍ we̍-ɛ, à-a se̍a dǒ mɔ̀-a tàà ba̍le-ɛ bɔ̌. Ɛ̍ kɔn à tèle Nyɔsoa i̍ mɔ̀ iě ɔ̍ wlùh juo, ɛ̍ ke flɔ̍nwlùh kli̍hgbɛ̍ ke dɛ̍ɛ̍ i̍ wɔ̌n-ɛ ɔ̍ Sùù-a nyǐ-a nyɔ̍-ɛ ke.

2 Kɔwlɛntiɔn 1:12

À wlùh se̍ kǎ dǒ dɛ̍ᵻ kli̍hgbɛ̍ à nu̍-a nɔ̌ kmɔ̌ la we̍-ɛ. À nu̍ i̍h dǒ wlùh wlǎ ke wlùh-a kɛ̍n i̍ flɔn-ɛ ɛ̀ sɔ-a dě Nyɔsoa we̍-ɛ we̍. Ìh à nu̍-a mɔ̀ pùn-ɛ bo ǎn dǎ chɛ̀ɛ̌chɛ̀. Ɛ̍ kɔn à po̍ bu̍hᵻ wlù i̍. Ɛ̍ se̍ nyɔ̍-a flɔ̍nwlùh à se̍ ɛ̍ nui, jɛ dǒ Nyɔsoa-a blɛ we̍ bo.

2 Kɔwlɛntiɔn 8:20

À nu̍ nɛnɛ̌ wɛ̀ nyɔ̍-ɔ je̍e à nynɛ̌ sà ka à nu̍-a nyǐ-dɛ̍ᵻ dɔu la dbo̍ nui-ɛɛ.

Matio 24:25

Gbɛ̀n-e, ǎn si̍e̍ ti̍ nya̍ wɛ̀ ǎn sèàɛ̍ mɔ̀ wlùh duedɛ.

Matio 24:45

“Nyɔ̍we̍ bo ɔ̀ nu̍ wlì tè pòi̍ju wɛ̀ ɔ̀ flɔn di̍i̍ ɛ? Ɔ̍ kɔn kwa̍a̍ bo ɔ̍ dlǔtu si̍e̍ ɔ̍ gbò, wɛ̀ ɔ̍ iě ɔ̍ ba̍ᵻ pòi̍nynuu̍ di̍-dɛ̍ nyǐ pò ti̍ blaɛ i̍-ɛ.

Matio 25:2

U̍h-a m̀m̌ bo we̍i̍, wɛ̀ m̀m̌ flɔn di̍i̍-i.

Matio 25:4

Wɛ̀ juh flɔn-a di̍i̍ i̍-ɛ nɔ̀ɔ̍, u̍h po̍ chlǎn dɛɛ dě su̍e̍ di̍i̍ iě u̍h blě-e ɛ̍ u̍h-a nape̍ᵻ we̍.

Matio 25:9

Iě u̍h la̍a̍, ‘Iěe, chlǎn la ɛ̍ se̍ i̍ tìè dǒ mɔ̀ ke à we̍. Dɛ̍ mɔ̀ iě-a nu̍-ɛ, mɔ̀ mu̍ dě chlǎn ple̍-nyɔ̍ we̍ mɔ̀ iě mɔ̀ naɛ tɛ̀n.’